Lajmet e fundit | Klikoje.al

Tag: Teuta

  • E FUNDIT/ Largim me peshë te Teuta, futbollisti konfirmon mbylljen e bashkëpunimit (FOTO)

    E FUNDIT/ Largim me peshë te Teuta, futbollisti konfirmon mbylljen e bashkëpunimit (FOTO)

    Angelo Tafas, portieri ka njoftuar largimin nga Teuta. Pasi arriti të bëjë një sezon të mirë me durrsakët duke shpëtuar nga rënia, ai vendos të mbyllë bashkëpunimin.

    “Dua të njoftoj për mbylljen e bashkëpunimit me ekipin e Teutës. Faleminderit për këtë vit. I uroj presidentit, stafit dhe lojtarëve suksese në vazhdim”, shkruan Tafas në “InstaStory”. Ky postimi është shpërndarë edhe në profilin zyrtar të durrsakëve.

    LARGIMI I ARSID KRUJËS

    Arsid Kruja është një tjetër lojtar që mund të braktisë Teutën dhe të firmosë për ekipin e Dinamos. Shkodrani ende nuk ka arritur një marrëveshje për rinovim, duke e lënë të hapur të ardhmen e tij, qoftë për një qëndrim të mundshëm, apo edhe për një aventurë të re jashtë Durrësit.

    Mesfushori, që sezonin e fundit ishte pjesë e durrsakëve në kampionatin e fundit, po shqyrton të gjitha opsionet e mundshme për sezonin e ardhshëm dhe ndoshta në fundjavë mund të ketë një takim me presidencën e Teutës për të mbyllur marrëveshjen nëse do të qëndrojë ajo.

    TEUTA 2-1 KF EGNATIA

    Egnatia ruan vendin e parë dhe fiton 100 milionë edhe duke humbur në Niko Dovana në ndeshjen e fundit të sezonit të rregullt. Teuta ka mposhtur kampionët në fuqi me rezultatin 2-1, në një ndeshje që nuk i bëri mirë apo keq askujt. Kapllani shënoi me penallti në minutën e 9′, por Jahaja u përgjigj në të 22′. Vendosi ndeshjen goli i Torrajt në minutën e 75′, që lejon Teutën të mbajë vendin e gjashtë. Kampionët, nga ana tjetër, do të vazhdojnë rrugëtimin e tyre në Final Four.

  • Dinamo i plotëson dëshirën Ilir Dajës, futbollisti i Teutës drejt klubit kryeqytetas

    Dinamo i plotëson dëshirën Ilir Dajës, futbollisti i Teutës drejt klubit kryeqytetas

    Arsid Kruja është një tjetër lojtar që mund të braktisë Teutën dhe të firmosë për ekipin e Dinamos. Shkodrani ende nuk ka arritur një marrëveshje për rinovim, duke e lënë të hapur të ardhmen e tij, qoftë për një qëndrim të mundshëm, apo edhe për një aventurë të re jashtë Durrësit.

    Mesfushori, që sezonin e fundit ishte pjesë e durrsakëve në kampionatin e fundit, po shqyrton të gjitha opsionet e mundshme për sezonin e ardhshëm dhe ndoshta në fundjavë mund të ketë një takim me presidencën e Teutës për të mbyllur marrëveshjen nëse do të qëndrojë ajo.

    Kontrata e tij me Teutën ka përfunduar, për 31-vjeçarin ka pasur interesime edhe nga klube të tjera, teksa një nga ato është edhe ekipi i Dinamos. Skuadra kryeqytetase synon të përforcojë krahun e djathtë të mesfushës dhe mbrojtjes, teksa, me sa duket, Kruja plotëson kërkesat e drejtuesve. Këto të fundit kanë pasur bisedime me lojtarin shkodran, por futbollisti ende nuk u ka kthyer një përgjigje përfundimtare, teksa ai pritet të vendosë gjithçka në ditët në vijim.

    Në sezonin që lamë pas, Arsid Kruja ka qenë një nga pikat konstante të formacionit të Teutës, duke dhënë kontribut të rëndësishëm në fazën mbrojtëse dhe atë sulmuese. Nga ana e saj, Dinamo ka vënë syrin te shkodrani, duke pasur parasysh se në krahun e djathtë të mbrojtjes ka vuajtur, ndonëse në fushë ka qenë Meksi. Kruja më parë ka luajtur me Laçin, Vllazninë dhe Flamurtarin, pa harruar Teutën.

    LEXO ME SHUME:Mirlind Daku protagonist me Rubin Kazan, dopietë, gol i anuluar dhe penallti e humbur (VIDEO)

  • Finale mbijetese përballë Teutës, “Tirona Fanatics” me lajmërim të rëndësishëm dy ditë përpara ndeshjes (POSTIMI)

    Finale mbijetese përballë Teutës, “Tirona Fanatics” me lajmërim të rëndësishëm dy ditë përpara ndeshjes (POSTIMI)

    Të shtunën në orën 15:30 do të zhvillohen të gjitha ndeshjet e javës së 35-të të Kategorisë Superiore. Mes tyre është dhe përballja direkte mes Tiranës dhe Teutës që luftojnë për një qëllim.

    Ekipi bardheblu do të presë durrsakët të shtunën në “Arenën Kombëtare”. Tirona Fanatics kanë bërë njoftimin e tyre në faqen zyrtare dy ditë përpara ndeshjes me “djemtë e detit”.

    “Të shtunen 15:30 Tirona lu të rradhës kundër teutës në “Air Albania”. Mbështetja dhe 3 pikët janë jetike në këtë moment të veshtirë që po kalon ekipi. Të gjithë aty, pa përjashtim…për Tironën, për Kryeqytetin!”, shkruan tifogrupi i kryeqytetasve.

    SITUATA NË KLASIFIKIM

    Një fitore ndaj Teutës, që ndodhet në vendin e 6-të, do të ishte një hap i madh drejt sigurimit të mbijetesës në Kategorinë Superiore.​

    Në përballjet e mëparshme mes këtyre dy ekipeve, rezultati ka qenë i balancuar, me të dyja skuadrat që kanë arritur fitore dhe barazime . Kjo tregon se ndeshja pritet të jetë e luftuar dhe me shumë intensitet

    Tirana, duke qenë aktualisht në vendin e 8-të me 36 pikë, ndodhet në një situatë të vështirë, por jo të pashpresë për të mbijetuar në Kategorinë Superiore. Tirana është një emër i madh në futbollin shqiptar, dhe me përqendrim dhe përkushtim mund t’ia dalë.

  • “Objektivi ndaj Tiranës është i qartë”, mesfushori i Teutës sfidon bardheblutë në finalen e mbijetesës: Të marrim pikë ndaj tyre

    “Objektivi ndaj Tiranës është i qartë”, mesfushori i Teutës sfidon bardheblutë në finalen e mbijetesës: Të marrim pikë ndaj tyre

    Muço Boçi ka folur në prag të takimit. Teuta rikthehet të shtunën në fushë për ndeshjen e radhës në kampionat ndaj Tiranës. Ditën e djeshme, blutë kanë vijuar përgatitjet anti-Tirana, ku Teuta do të kërkojë suksesin. Në një intervistë, mesfushori Muço Boçi shprehet se ndaj bardhebluve do të jetë një ndeshje e vështirë, por ai ka besim tek ekipi i tij që do të arrijë të marrë më të mirën.

    SFIDA NDAJ TIRANËS-Është e vështirë, e dimë. Sa i përket ndeshjes, duam ta vijojmë me rezultatet pozitive ndaj Tiranës, por çdo ndeshje është një histori më vete. E kemi vlerësuar maksimalisht kundërshtarin dhe jemi në gjendje të mirë. Po shohim dhe mendojmë pozitivisht për këtë ndeshje. Dhe, siç e thatë edhe ju, nuk është e lehtë. Ne e dimë që në çdo ndeshje ka presion dhe në çdo ndeshje kërkojmë maksimumin, por jemi të qetë.

    Me presion, shpesh ndodhin gjëra jo të këndshme. Ne kemi motivimin e duhur dhe aspak presion. Jemi një grup i ri, kështu që kemi durim dhe besim, por jo presion. Ne të gjithë jemi optimistë për sfidën e radhës. Ndërsa për Tiranën mund të them që janë një ekip i mirë, nuk kanë dallime me të tjerët pavarësisht gjendjes që po kalojnë.

    1 PIKË NDAJ TIRANËS-E thashë edhe më lart. Ne do të luajmë për tri pikët, pastaj 90 minutat i kanë të trija rezultatet brenda. Është një ndeshje e vështirë dhe, si një pikë apo tri pikë, secila kanë rëndësinë e vet.

  • Teuta si finale me Laçin, klubi durrsak me njoftim të rëndësishëm për tifozët (POSTIMI)

    Teuta si finale me Laçin, klubi durrsak me njoftim të rëndësishëm për tifozët (POSTIMI)

    Teuta dhe Laçi do të përballen këtë të shtunë për të luajtur ndeshjen e vlefshme për javën e 34-t të Superiores. Sfida që do të zhvillohet në stadiumin “Niko Dovana”, nis në orën 15:30.

    Një duel direkt për mbijetesën, pas kurbinasit me 33 pikë mbajnë vendin e fundit në tabelë. Në krahun tjetër me 35 pikë, skuadra e Teutës renditet e 9-ta në tabelën e klasifikimit.

    Ndërkohë që klubi durrsak ka bërë një njoftim të rëndësishëm për tifozët. Me anë të një postimi në faqen zyrtare, Teuta lajmëron tifozët se hyrja në stadium do të jetë falas për këtë sfidë.

    Një qasje kjo për të afruar sa më shumë tifozë teksa prej kohësh durrsakët kanë braktisur skuadrën e tyre pasi “Niko Dovana” është thuajse e boshatisur në çdo takim. Java e 34-t është programuar të shtunën, më 12 prill, në orën 15:30. Ndeshjet e javës së 35-të do të luhen po të shtunën, më 19 prill, në orën 15:30. Java e 36-të dhe e fundit e kampionatit të rregullt do të luhet të dielën, më 27 prill, në orën 15:30.

    POSTIMI I TEUTËS

    MOS MUNGO, MBËSHTET TEUTËN!
    KF Teuta dëshiron të njoftojë se për ndeshjen e rradhës në kampionati kundër Laçit (të shtunën ora 15:30), hyrja për tifozët do të jetë falas në të gjitha tribunat. Të gjitha rrugët të çojnë drejt stadiumit të qytetit. Ekipi ka nevojë për mbështetje masive! Merr një shokë dhe hajde në stadium.Forca Teuta! 🔵🔵

    LEXO ME SHUME:Tirana, titullari humbet ndeshjen me Skënderbeun; pesë mungesa për bardheblutë (EMRAT)

  • “E kishim përgatitur ndeshjen për fitore”, Bledar Hodo nuk njeh limite: Kam besim të plotë te këto djem

    “E kishim përgatitur ndeshjen për fitore”, Bledar Hodo nuk njeh limite: Kam besim të plotë te këto djem

    Bledar Hodo, trajneri i Teutës foli pas ndeshjes që ekipi e tij zhvilloi ndaj Dinamos, përballje që përfundoi me rezultatin 1-1.

    “Të jem i sinqertë e kishim përgatitur për fitore, i bëmë yzmetin në maksimum, rrezikuam edhe humbjen. Bëmë pjesë të parë të mirë, për fat doli dhe goli, pastaj duhet ta menaxhonim. Më vjen keq për golin e pësuar se ishim 8 lojtarë në zonë dhe 3-4 të Dinamos.
    Unë kam besim të plotë te këto çuna, e kam thënë që në fillim. Kemi pasur shumë oshilacione, ndeshje të tilla duhen marrë me patjetër dhe unë kam besim që do ia dalim.

    Dinamo është skuadër që e ndërton lojën nga poshtë, kur i lejon bëjnë rrugët e daljes që i kanë të rrezikshme. 30 minutat e para nuk lejuam, doli edhe goli, por duhet ta menaxhonim më mirë. Sidomos kur kishim topin në zotërim. Ne duhet ta fillonim lojën si në pjesën e parë. Ato ishin direktivat, Dinamo doli 2-3 herë dhe skuadra ra pak. Nuk ishim të ashpër. Në fundin e pjesës së dytë duhet të shënonim gol, rrezikuam edhe të humbisnim, por luajtëm gjithçka për gjithçka.

    Vata? Nuk kemi pasur kohë për falenderime, jemi shumë të shqetësuar.

    Mendoj që ndikon në anën psikologjike, nga ana personale isha i qetë, kisha besim që do dilnim pozitiv sot. Kemi ndeshje që në letër janë të vështirë, por nëse jep maksimumin, çdo gjë mund t’ja dalësh me sukses. Si Zogos dhe Jazxhi nuk janë 100% se vuajnë akoma ato probleme që kanë në gju.” Përfundoi Bledar Hodo.

  • Dinamo dhe Teuta “lagen” për 1 pikë, në Elbasan fiton… mërzia (video)

    Dinamo dhe Teuta “lagen” për 1 pikë, në Elbasan fiton… mërzia (video)

    Në një ndeshje intensive por me pak raste, e zhvilluar në stadiumin “Elbasan Arena”, Dinamo dhe Teuta përfunduan me rezultatin 1-1. Megjithëse pritshmëritë për një spektakël ofensive ishin të mëdha, të dy skuadrat u treguan jashtë formës në aspektin e sulmit dhe u fokusuan kryesisht në mbrojtje për të shmangur pasojat e një gabimi që mund të kushtonte gol për kundërshtarin.

    Ndeshja u karakterizua nga mungesa e intensitetit dhe emocioneve të theksuara. Ekipet, të vetëdijshme për rrezikun e hapjes së portës, zgjodhën një qasje të rezervuar dhe të kujdesshme në sulm. Ndërsa Teuta demonstroi një linjë mbrojtëse të fortë, megjithatw nw minutwn e 17-tw, Pas zhvillimit të një goditje nga këndi, topi shkon te Gjinollari i cili gjuan nga jashtë zonës dhe befason Teqjen. Teuta kalon nw avantazh dhe e mbrojti me fanatizwm kwtw realizim. Megjithatw, Teuta vazhdon të përballet me një problem të rëndësishëm: vështirësinë në shënimin e golave. Ky çështje, e përmendur vazhdimisht, e ka bërë që skuadra të ketë performancë të kufizuar në sektorin ofensiv.

    PJESA E DYTË

    Pjesa e dytw do tw niste me gol. Nw minutwn e 53′ Pas një aksioni të shpejtë në qendër, Zabërgja gjen goditjen e duhur për të mposhtur Vatën dhe Barazuar shifrat. Nga ana tjetër, sfida në fushë nuk ofroi momente emocionuese ose rrezik të vërtetë për të dyja palët. Raste të pakta me “pikatore” shfaqën vetëm një aktivitet të sporadik dhe jo të qëndrueshëm, duke bërë që ndeshja të përfundojë në barazim. Si rezultat, secila skuadër mori vetëm një pikë, duke mos ndryshuar ndjeshëm situatën aktuale në renditjen e kampionatit. Teuta në vendin e 8-të në zonën e Play-Outit me shpresën që Partizani ti japë goditjen e madhe Tiranës. Ndërkohë Dinamo, vijon të jetë i qetë në vendin e dytë me 55 pikë.

    LEXO ME SHUME:EKSKLUZIVE/ Fitorja ndaj Flamurtarit, mësohet premio e majme për lotjarët e Besës (SHUMA)

  • Vllaznia kapet me arbitrimin, Teuta merr pikë jetësore për mbijetesën (video)

    Vllaznia kapet me arbitrimin, Teuta merr pikë jetësore për mbijetesën (video)

    Vllaznia-Teuta, takimi që mbylli javën e 31-të përfundoi me rezultatin 0-0. Asnjë fitues, duke e bërë akoma dhe më interesante situatën në klasifikim, me shkodranët që kërkojnë të blindojnë 2 vendet e para, dhe ekipi durrsak për të larguar sa më shpejt makthet e mbijetesës. Një ndeshje e dominuar nga ekipi shkodran që menjëherë shfaqi supermaci në fushë. Dodaj në minutën e 24′ tentoi portën e mbrojtur nga Vata. Në minutën e 33′ ekipi shkodran pretendoi për 11-metërsh me Mensah, por loja vijoi sipas kryesorit Ferataj.

    PJESA E DYTË

    Vllaznia pasi shpenzoi shumë energji, në këtë fraksion nuk arriti dot të dilte në sipërfaqe, falë një mbrotje solide nga ana e Teutës. Ajo që është për t’u përmendur është i minutës së 80-të. Fillimisht akordohet faull në favor të Delajt dhe karton i kuq për portierin Vata, si lojtar i fundit te Teuta. Më pas është VAR që thërret kryesorin Ferataj, ndërsa ky i fundit ndryshon vendimin duke e konsideruar simulim. Delaj ndëshkohet me karton të verdhë. Pas këtij barazimi, Teuta shkon në kuotën e 34 pikëve dhe ngjitet në vendin e 6-të, duke u larguar disi nga “zona e ftohtë”. Në krahun tjetër, me 52 pikë shkodranët mbajnë vendin e tretë.

    LEXO ME SHUME:“Ndaj Teutës duhet të kemi dëshirë dhe energji”/ Thomas Brdaric në konferencën për shtyp: Gjendja e Bekim Balajt? Jam në diskutim…

    BALAJ DHE MENSAH-Ishte situatë e vështirë të menaxhonim, e dimë që Balaj është lideri ynë dhe pikë kryesore e ekipit. Në përgjithësi Mensah nuk e ka zëvendësuar keq. Do mundohemi nesër. Jemi në diskutime për mënyrën si do rikuperohet, që ta kthejmë sa më shpejt në fushën e blertë. Është një problem për t’u zgjidhur.

  • Nuk ka fitues në Durrës! Teuta proteston për penallti, Elbasani i largohet Final-Four (video)

    Nuk ka fitues në Durrës! Teuta proteston për penallti, Elbasani i largohet Final-Four (video)

    Teuta dhe Elbasani kanë barazuar pa gola në ndeshjen e javës së 29-të të Superiores. Një rezultat që nuk ofroi shumë spektakël, por që la mundësi për të dyja skuadrat të ruajnë pozitat e tyre në renditje. Pas 90 minutash, asnjëra prej skuadrave nuk arriti të shënonte, megjithëse të dyja kishin disa mundësi që mund të kishin ndryshuar fatin e ndeshjes. Teuta qendron ngjitur me zonën e shpëtimit, ndërsa Elbasani humb nga sytë Partizanin, duke hequr dorë përfundimisht nga Final 4.

    Abalora ndal sulmet durrsake

    Teuta ishte më kërkuese në pjesën e parë dhe krijoi disa raste, duke përfshirë një goditje dënimi nga Karabeci në minutat e hershme. Megjithatë, portieri i Elbasanit, Abalora, e devijoi topin në këndore, duke mbajtur portën e tij të paprekur. Pas kësaj, Elbasani u përgjigj me një mundësi të mirë nga Lajthia, që tentoi një goditje të menjëhershme, por sfera përfundoi jashtë kuadratit të portës. Në një tjetër rast, Elbasani kishte mundësinë të kalonte në avantazh, kur Qose gjuajti fort, por Tafas, portieri i Teutës, ishte në vendin e duhur dhe ndali goditjen me një reagim të shpejtë. Gjatë pjesës së parë, Teuta pati një mundësi të madhe për të shënuar, kur Arifi mori një pasim të mirë nga Boçi, por gjuajtja e tij përfundoi jashtë kuadratit të portës.

    Teuta proteston për një penallti

    Në pjesën e dytë, ritmi i lojës ra dhe nuk pati shumë aksione emocionuese. Teuta kishte mundësi të tjera për të shënuar, përfshirë një gjuajtje të Jazxhi pas një krosimi të Karabecit, por topi përfundoi jashtë. Edhe Elbasani provoi me një gjuajtje të Lajthisë, por Tafas ishte i gatshëm për ta ndaluar atë. Në minutat e fundit të ndeshjes, Teuta kërkoi një penallti për një ndërhyrje, por gjyqtari nuk e vlerësoi si të tillë dhe ndeshja përfundoi pa gol.

    LEXO ME SHUME:Klasike pa ngjyra! Tiranës i anulohen dy gola, Vllaznia blindon pozitat për në Final-Four (video)

  • Elbasani pa 5 lojtarë kundër Teutës, Gvozdenovic do të duhet të improvizojë në rreshtim

    Elbasani pa 5 lojtarë kundër Teutës, Gvozdenovic do të duhet të improvizojë në rreshtim

    Elbasani i hoqi mundësinë vetes që t’i afrohej edhe më shumë Partizanit për vendin e katërt, teksa barazimi me Skënderbeun erdhi pikërisht në momentin kur nuk duhej.

    Edhe pse i patën të gjitha episodet në favor, i kuqi i kundërshtarit dhe penalltia në favor që nuk u shfrytëzua, sërish Elbasani nuk shkoi më shumë se një pikë. Kështu, verdheblutë treguan edhe njëherë tjetër se e kanë shumë të vështirë që të krijojnë një vazhdimësi në rezultate gjatë këtij sezoni, duke i privuar për të qenë mes ekipeve pretendente. Megjithatë, me ende 24 pikë në lojë, shanset dhe besimi për “Final 4” mbetet ende i mundur.

    DËMTIMET E SKUADRËS

    Përpos faktit që Elbasani doli me vetëm një pikë nga ndeshja me Skënderbeun, lajmi i keq është dëmtimi i kapitenit Bruno Lulaj. 29- vjeçari luajti vetëm pjesën e parë dhe në të dytën u zëvendësua, sepse nuk donte të rrezikonte më shumë. Prej disa ndeshjesh mbrojtësi ka luajtur me “shpirt nëpër dhëmbë” për shkak të një shqetësimi në këmbë.

    Duke parë rëndësinë e përballjeve, Lulajt i është kërkuar që të bëjë një sforco sa të mundet për ta pasur në fushë. Tani mbetet për t’u parë sesa e lartë do të jetë shkalla e dëmtimit apo mbrojtësi ka nevojë vetëm për një çlodhje dhe të rikthehet menjëherë në fushë.

    Gjithsesi, gjasat janë që ndaj Teutës ai të mos jetë në fushë. Deri më tani, ai ka qenë një titullar i padiskutueshëm në prapavijën elbasanase, përveç rasteve kur ka munguar për arsye kartonësh dhe dëmtimesh. Në këtë ndeshje, verdheblutë nuk vijnë të plotë, me mungesat që po u bëhen makth dhe që mund të kenë një ndikim jo të vogël në këtë moment të kampionatit, ku çdo pikë është e rëndësishme dhe nuk ka më kohë për të rikuperuar nga hapat fals. Lleshi me Hasanin janë të sigurt që mungojnë, ndërsa ka dyshime të Lukilin dhe Ibrahimin, po për arsye dëmtimi. Pa llogaritur këtu kapitenin Lulaj, duke bërë që ndaj durrsakëve të jenë pa plot pesë titullarë.

    LEXO ME SHUME:Elbasani humbet shansin për Final-Four, Alia mban me shpresa për mbijetesë Skënderbeun (VIDEO)