Lajmet e fundit | Klikoje.al

Tag: Teuta

  • Kukësi nis shpërbërjen, pas Franci Lalës, një tjetër lojtar drejt largimit për në Superiore (EMRI)

    Kukësi nis shpërbërjen, pas Franci Lalës, një tjetër lojtar drejt largimit për në Superiore (EMRI)

    Kukësi ka nisur të shpërbëhet, pas largimit të trajnerit Emiliano Çela, mësohet se sulmuesi Mario Beshiraj mund të ndryshojë ambient dhe kampionat gjatë merkatos së janarit. Kapiteni i Kukësit me shumë gjasa do të largohet nga verilindorët dhe tashmë po bën gati rikthimin në Superiore.

    Sipas lajmeve te fundit, sulmuesi është shumë afër kalimit te Teuta, ku pritet të kontribuojë te durrsakët për pjesën e dytë të sezonit. Një përforcim shumë i rëndësishëm për Edi Martinin, i cili do të ketë një nga futbollistët që e njeh mirë Superioren.

    Kujtojmë se në këtë sezon, Beshiraj me fanellën e Kukësi ka arritur të shënojë 6 gola. Ndërkohë pjesë e verilindorëve është që prej verës së 2023. Përveç Kukësit, lojtari kryeqytetas ka luajtur edhe me Tiranën, Korabin, dhe Vorën.

    LEXO ME SHUME:Egnatia nuk e diskuton Kukësin, fiton Superkupën dhe bën tris titujsh në një sezon (video)

    Egnatia është shpallur fituese e Superkupës së Shqipërisë për herë të parë në historinë e saj, teksa ka mundur ekipin e Kukësit në finale. Rrogozhinasit, ashtu siç pritej kanë dominuar përballe verlindorëve që vinin nga Kategoria e Parë, duke krijuar më shumë lojë e raste.

    Goli i shpejtë i Ujkës në pjesën e parë ua bëri më të thjeshtë ndeshjen, por u desh të priteshin minutat e fundit të sfidës që të mbyllej diskutimi me golin e Bakajokos që vulosi suksesin 2-0.

  • “Pas golit të dytë nuk ishim më në lojë”, Martini me kritika ndaj lojtarëve të tij: Kërkoja më tepër nga disa individë

    “Pas golit të dytë nuk ishim më në lojë”, Martini me kritika ndaj lojtarëve të tij: Kërkoja më tepër nga disa individë

    Teuta u mposht me rezultatin 2-0 nga Dinamo në “Elbasan Arena”. Kjo është ndeshja e shtatë radhazi pa fitore për durrsakët në kampionat, ndërsa janë luajtur 15 javë. Trajneri i Teutës, Edi Martini, deklaroi pas ndeshjes:

    “Nga disa lojtarë kërkoja më tepër, dhe shënimi i golit të parë të ecë një lojtar 50 metra dhe të mos dalë një lojtar për faull taktik. Dhe se jemi 5 lojtarë në zonë, 2 të atyre arrijnë. Tentuam në pjesën e dytë, bëmë gjithçka për të ndryshuar ritmin. Kishim mundësi të shënonim 20 minutat e para, pastaj lamë hapësira. Duhet të them që ndeshje e keqe, janë gabime që nuk duhet t’i bëjmë. Nuk kishim dy qendrat e mbrojtjes, dhe Emiljano Vila që ka kohë që nuk luan. S’dua të justifikohem se dhe lojtarët që hyjnë nga stoli duhet ta shfrytëzojnë, për të marrë vendin e titullarit.

    Presingu, si Kruja dhe Peposhi ishin në kohë vonesë. E lejuan Dinamon të luante topin. Mund të fusja Peposhin e vogël, e kemi provuar në dy aspektet. Të adoptosh një stoper nuk është e lehtë. Lamë hapësira shumë, Dinamo na mori mesin e fushës. Pas golit të dytë nuk ishim fare në lojë. Dhe në ndeshjen tjetër dhe këtë, mendoj se lojtarët e stolit duhet t’i japin tjetër ritëm lojës”, u shpreh Martini për RTSH.

  • Dinamo rigjen ritmin e pretendentëve, fiton bindshëm ndaj Teutës (video)

    Dinamo rigjen ritmin e pretendentëve, fiton bindshëm ndaj Teutës (video)

    Ndeshja mes Dinamos dhe Teutës e vlefshme për javën e 15-të të Superiores ka përfunduar me fitoren e dinamovitëve. Sfida e zhvilluar në “Elbasan Arena”, përfundoi 2-0 në favor të “Nëndetëses”.

    Golat për Dinamon në këtë sfidë u shënuan nga Baton Zabërgja në minutën e 25-të dhe Tiago Nani në të 71-tën. Një fitore mjaft e rëndësishme për ekipin e Ilir Dajës, që rikthehen kështu te 3 pikët.

    Me këtë fitore, Dinamo mbetet në vendin e katërt, në kuotën e 24 pikëve, 3 më pak se Partizani kryesues. Në krahun tjetër, Teuta me 17 pikë mbetet e 6-ta në klasifikim.

  • Skënderbeu ngec në Durrës, Teutën e shpëton nga humbja lojtari i stolit (video)

    Skënderbeu ngec në Durrës, Teutën e shpëton nga humbja lojtari i stolit (video)

    Teuta ka marrë një barazim në Durrës me Skënderbeun. Ndeshja u mbyll në “paqe” 1-1 në “Niko Dovana”. Golat u shënuan nga 2 qendërsulmuesit kryesor të ekipeve, që vodhën festën në stadium. Bismark kaloi korçarët në avantazh në pjesën e parë, ndërsa ish-i i Lushnjes barazoi shifrat, Preknicaj.

    Ky i fundit u hodh si “xhol” nga Martini, pasi direkt sa u fut u bë protagonist me golin e realizuar. Kështu, çdo gjë rrodhi drejt një pike për të dy skuadrat, një rezultat që disi më shumë knaq Gvozdenovic sesa Martinin. Tekniku i durrsakëve i druhej rrezikshmërisë se Skënderbeut dhe kjo ndodhi, pasi Teuta donte suksesin dhe nuk ia arriti dot mbanë t’a përmbushë detyrën.

  • Teuta shtang Partizanin në fund, penalltia prish festën e kryeqytetasve (video)

    Teuta shtang Partizanin në fund, penalltia prish festën e kryeqytetasve (video)

    Partizani ka barazuar në shtëpi përballë Teutës në ndeshjen e vlefshme për javën e 12-të të Superiores. Sfida e zhvilluar në “Arena e Demave”, përfundoi 1-1.

    Golin për “demat” e shënoi Tedi Cara. Kapiteni i të kuqve gjeti rrugën e rrjetës në minutën e 9-të të sfidës, duke dërguar topin poshtë këmbëve të portierit Tafas. Kujtojmë që ky është goli i parë për Carën në këtë sezon të Superiores.

    Ndërsa golin e barazimit e realizoi Lloci në të 94-tën me një penallti.

    Me këtë barazim Partizani i fal Vllaznisë vendin e parë, teksa barazohen me nga 21 pikë secila. Në krahun tjetër, Teuta shkon në kuotën e 16 pikëve dhe mbetet në vendin e 6-të.

  • Tirana “mbytet” në Durrës, Teuta i jep humbjen e parë sezonale bardhebluve (video)

    Tirana “mbytet” në Durrës, Teuta i jep humbjen e parë sezonale bardhebluve (video)

    Teuta dhe Tirana kanë luajtur ditën e sotme sfidën e  vlefshme për javën e 8-të të Superiores. Ndeshja e zhvilluar në stadiumin “Niko Dovana”, përfundoi 3-1 në favor të vendasve.

    Golat për Teutën u shënuan nga Kruja në minutën e 8’, Torraj në të 74-tën dhe Nasr në minutën e 90-të. Ndërsa golin e vetëm për bardheblutë e shënoi Ismajli në minutën e 12-të. Në këtë mënyrë, Tirana merr humbjen e parë sezonale pas 6 barazimesh dhe 1 triumfi.

    Me këtë fitore Teuta shkon në vendin e 6-të me 13 pikë. Ndërsa bardheblutë e Bledi Shkëmbit mbetet me 9 pikë në vendin e 7-të në tabelën e renditjes.

  • KATEGORIA SUPERIORE/ Fitore në frymën e fundit, Bekim Balaj nderon Vllazninë; Teuta bie në minutën e 95′

    KATEGORIA SUPERIORE/ Fitore në frymën e fundit, Bekim Balaj nderon Vllazninë; Teuta bie në minutën e 95′

    Vllaznia ka fituar në transfertë përballë Teutës në ndeshjen e vlefshme për javën e 5-të të Superiores. Sfida e zhvilluar në stadiumin “Niko Dovana”, përfundoi 1-2.

    Të parët që kaluan në avantazh ishin shkodranët. Ishte pikërisht Esat Mala ai që shënoi për të tijët në minutën e 19-të. Goli i Malës ishte i vetmi për pjesën e parë, me Vllazninë që mbylli në avantazh 45 minutat.

    Me nisjen e pjesës së dytë, Teuta u bë më kërkuese. Në minutën e 57-të të takimit, ishte egjiptiani Nasr ai që riktheu baraspeshën në këtë sfidë. Durrsakët rrezikuan dhe disa herë të tjera, por pa mundur të përmbysin.

    Atëherë kur u mendua se gjithçka përfundoi, ishte Bekim Balaj që me një goditje me kokë shënoi golin e fitores për të tijët, në minutën e 95-të.

    Me këtë fitore, Vllaznia shkon në vendin e parë me 10 pikë, ndërsa Teuta me 6 pikë të grumbulluara renditet në vendin e pestë në tabelën e klasifikimit.

  • Teutës i ikin golat, sulmuesi largohet nga Superliga; firmos në Uzbekistan (FOTO)

    Teutës i ikin golat, sulmuesi largohet nga Superliga; firmos në Uzbekistan (FOTO)

    Klejdi Daci është prezantuar ditën e sotme tek OKMK Olmaliq.22-vjeçari bëhet lojtari i dytë nga Superliga që firmos në Uzbekistan pas Luis Kaçorrit.

    Edicionin e shkuar, Daci ishte shënuesi më i mirë i “Djemve të detit”, duke shënuar 9 gola, e duke e ndihmuar skuadrën bregdetare të siguronte qëndrimin në elitën e futbollit shqiptar.

    Kjo do të jetë eksperienca e parë për Dacin jashtë Shqipërie, teksa në të shkuarën ka qenë dhe pjesë e Kukësit dhe Kastrioti.
    Përvoja e parë ndërkombëtare,në këtë mënyrë konfirmohet edhe lajmi i faqes sonë i publikuar me 14 korrik.

  • Teuta e nis sezonin me rinovime, dy titullarët pjesë e skuadrës edhe për një sezon

    Teuta e nis sezonin me rinovime, dy titullarët pjesë e skuadrës edhe për një sezon

    Ditë rinovimesh te Teuta. Ekipi durrsak do të jetë konkurrues këtë sezon në Superiore. Ndërkohë, që do të kërkojë me patjetër rikthimin në Kupat e Europës, aty ku e kanë vendin blutë. Stërvitja e djeshme nisi me të tjera konfirmime. Rinovojnë kontratën kapiteni Kotobelli dhe mbrojtësi polivalent Arsid Kruja.

    Blerim Kotobelli do të mbajë zyrtarisht shiritin e kapitenit te Teuta edhe një sezon. Te blutë, pasi kanë konfirmuar tri largimet e para, tanimë ka nisur puna për ruajtjen e grupit. Teuta ka arritur marrëveshjen për të vazhduar bashkëpunimin edhe me një nga elementët më të rëndësishëm të skuadrës siç është kapiteni Blerim Kotobelli. Mesfushori që është një lider te blutë gjatë tri sezoneve të fundit, falë grintës dhe kualitetit të shfaqur në fushë, ka rinovuar kontratën me Teutën edhe për një vit.

    Një lëvizje tejet e rëndësishme për skuadrën dhe trajnerin Edi Martini, duke njohur cilësitë dhe eksperiencën e Kotobellit, i cili edhe në sezonin e ri do të ketë “çelësat” e mbrojtjes së durrsakëve. Rinovimi i radhës te Teuta, është një nga lojtarët më të dalluar, i cili firmos deri në verën e 2025. Drejtuesit kanë arritur të bindin Arsid Krujën.

  • Teuta, vjen largimi i parë nga skaudra bregdetare; titullari i ekipit nuk ra dakort me rinovimin

    Teuta, vjen largimi i parë nga skaudra bregdetare; titullari i ekipit nuk ra dakort me rinovimin

    Harallamb Qaqi është i larguari i parë nga Teuta. Mbrojtësit i ka përfunduar kontrarta dhe palët nuk kanë mundur të gjejnë marrëveshjen për rinovimin e saj.

    Në këto kushte lotjari dhe klubi kanë vendosur të ndajnë rrugët mes tyre, ndonëse mungon zyrtarizimi nga palët. Sipas shtypit të shkruar bëhet me dije se 30-vjeçari ka tërhequr letrat nga durrsakët dhe tashmë kthehet në një opsion për ekipet e tjera të Superiores.

    Në këtë sezon lojtari kryeqytetas ka luajtur me Teutën në 29 ndeshje. Në total 1843 minuta. Kujtojmë se ky është viti i 4-të radhazi për “Djemtë e Detit” që nuk marrin pjesë në kompeticionet europiane, teks mundën të siguronin mbijetesën dhe të shmangnin “Play-Out” vetëm disa javë para fundit të kamopionatit.