Lajmet e fundit | Klikoje.al

Author: KLIKOJE.AL

  • “Do të doja ta godisja unë penalltinë”, Asllani për rastin e humbur të Manajt: Këtë e vendos trajnerit, kemi kualitet

    “Do të doja ta godisja unë penalltinë”, Asllani për rastin e humbur të Manajt: Këtë e vendos trajnerit, kemi kualitet

    Kristjan Asllani u shpreh se Kombëtares i mungojnë golat pasi kualitetin e ka. Ndër të tjera foli edhe për penalltinë e humbur të Manaj.

    “Na mungoi gola, treguam kualitet sonte, luajtëm shumë mirë, sidomos me tifozët tonë, jemi të lumtur, por na mungoi goli, e donim të gjithë fitoren, por tani mendojmë për ndeshjen tjetër. Ne e prisnim të gjithë këtë ndeshjen, kjo skuadër ka shumë kualitet, na mungojnë vetëm golat, shpresojmë që ndeshjet e ardhshme të vijnë golat.

    Besoj se Manaj ska nevojë për suport, ka eksperiencë ka luajtur me Kombëtaren dhe skuadrën e tij, penalltia mund të ndodh që të humbet, vëmendja dhe koka është te ndeshja tjetër. Nuk e kam ndjesinë për ta gjuajtur unë penalltinë, por do doja ta shënoja unë. Sot e kishte Manaj, nuk shkoi goli por nuk ka problem”, tha Kristjan Asllani për “Super Sport”.

    NDESHJA SHQIPERI-SERBI 0-0

    Shqipëria nuk shkon më shumë se një barazim 0-0 ndaj Serbisë, përballje e vlefshme në Grupin K të kualifikueseve të Botërorit 2026. Një përballje që ishte e rëndësishme në aspektin sportiv, por padyshim edhe në aspektin emocional të asaj që përmbledh sfida në fjalë duke kujtuar historinë por edhe atë që ndodhi në Beograd 11 vite më parë. Një ndeshje e mirë e kuqezinjëve ndaj një kundërshtari që vinte si favorit. Për momentin, Shqipëria në vendin e dytë në kuotën e 4 pikëve, ndërsa për Serbinë kjo ishte përballja e parë në kualifikueset e Kupës së Botës dhe është me 1 pikë.

    LEXO ME SHUME:MËKAT! Shqipëria e përjeton barazimin si humbje, serbët dalin nga Tirana të kënaqur

  • “Kjo pikë më e ëmbël për ne se për ata”, Stojkovic i sinqertë për rezultatin: Në pjesën e dytë i kërkova t’i lodhnim me…

    “Kjo pikë më e ëmbël për ne se për ata”, Stojkovic i sinqertë për rezultatin: Në pjesën e dytë i kërkova t’i lodhnim me…

    Trajneri i Serbisë Dragan Stojkoviç ka shprehur përshtypjet e tij pas ndeshjes ndaj Shqipërisë.

    A je i kënaqur me rezultatin?

    – Nuk di cfare te te them. Erdhëm për të fituar. Rreshtimi që bëmë tregon se donim të arrinim objektivin. Djemtë ishin profesionistë, nuk iu nënshtruan atmosferës. Nuk është e lehtë të luash në këtë stadium, Shqipëria është një ekip i mirë dhe cilësor. Barazimi është rezultati më real. Kjo pikë është më e ëmbël për ne sesa për ata.

    Qarkullimi i topit?

    – Kur ke qarkullim të mirë të topit, kundërshtari vrapon më shumë. Sa më shumë vrapon, aq më shumë lodhet. Në dhomat e zhveshjes pas pjesës së parë kam insistuar që topi të ecë më shpejt. Mendoj se ne e kontrolluam lojën. Ishim të qetë. Ne dimë si të luajmë dhe çfarë të bëjmë në fund. Për të fituar ndeshjen, duhet të shënohet një gol. Nuk mund të krijosh 10-15 raste. Nëse keni një, dy, tre mundësi, duhet t’i shfrytëzoni ato. Atë që donim, bëmë. Mungoi një gol që ndjesia të ishte e plotë. Ky barazim është më i pëlqyeshëm për ne sesa për Shqipërinë.

    Do të luajmë kundër Andorrës të martën në Leskovc.

    – Programi është i kondensuar. Të gjithë jemi nën të njëjtin trajtim. Duhet të shohim si është situata, të kthehemi në shtëpi. Duhet ta fitojmë atë ndeshje. Nuk më intereson nëse dikush është i lodhur apo jo. Një fitore kundër Andorrës është e domosdoshme. Për të mos gënjyer do të jetë e vështirë etj. Sigurisht që do ta bëjnë, nuk do të jetë e lehtë, por ne kemi cilësi dhe do ta tregojmë kundër Andorrës – përfundoi trajneri serb.

    LEXO ME SHUME:MËKAT! Shqipëria e përjeton barazimin si humbje, serbët dalin nga Tirana të kënaqur

  • MËKAT! Shqipëria e përjeton barazimin si humbje, serbët dalin nga Tirana të kënaqur

    MËKAT! Shqipëria e përjeton barazimin si humbje, serbët dalin nga Tirana të kënaqur

    Shqipëria nuk shkon më shumë se një barazim 0-0 ndaj Serbisë, përballje e vlefshme në Grupin K të kualifikueseve të Botërorit 2026. Një përballje që ishte e rëndësishme në aspektin sportiv, por padyshim edhe në aspektin emocional të asaj që përmbledh sfida në fjalë duke kujtuar historinë por edhe atë që ndodhi në Beograd 11 vite më parë.

    Një ndeshje e mirë e kuqezinjëve ndaj një kundërshtari që vinte si favorit, në pjesën e parë, Shqipëria menjëherë tregoi autoritet, kur në minutën e 11′ Mario Mitaj testoi reflekset e portierit serb, me këtë të fundit që grushtoi topin.

    Një ndeshje shumë e mirë e Armando Brojës i cili në minutën e 17’, detyroi mbrojtësin e Milanit, Pavlovic të ndëshkohej me karton të verdhë pas ndërhyrjes së tij. Pika më kulminante do të vinte në minutën e 45’ .Penallti për kuqezinjtë! Hysaj futet dhe i vjedh kohën Samarxhiç i cili e godet dhe shkakton 11- metërsh. Rey Manaj shpërdoron mundësinë e artë të shënonte duke gabuar përballë portierit.

    PJESA E DYTË

    Pjesa e dytë nisi me një ritëm më të ulët, me të dyja përfaqësueset që e ulën disi intensitetin e lojës dhe mund të përmendet rasti i minutëns së 72’ Daku shpërthen në qendër të mbrojtjes, pason për Bajramin, gjuajtja e të cilit është shumë e lehtë dhe shkon në duart e portierit. Përfundon 0-0 kjo përballje, nuk ka fitues në një “derbi” që pati tensione në tribuna. Për momentin, Shqipëria në vendin e dytë në kuotën e 4 pikëve, ndërsa për Serbinë kjo ishte përballja e parë në kualifikueset e Kupës së Botës dhe është me 1 pikë.

    LEXO ME SHUME:“Kosova është e jona, tani luani futboll”, mesazhi i qartë i Mërgim Mavrajt përpara ndeshjes Shqipëri-Serbi (FOTO)

  • E PABESUSHME! Manaj nuk shënon nga penalltia, pjesa e parë mbyllet me iniciativë dhe grintë

    E PABESUSHME! Manaj nuk shënon nga penalltia, pjesa e parë mbyllet me iniciativë dhe grintë

    Shqipëria përballet sot me Serbinë në një ndeshje shumë të rëndësishme në Grupin K të kualifikuesve të Botërorit 2026. Kjo është një ndeshje rëndësishme në aspektin sportiv, por padyshim edhe në aspektin emocional të asaj që përmbledh sfida në fjalë duke kujtuar historinë por edhe atë që ndodhi në Beograd 11 vite më parë.

    Shqipëria kë regjistruar një humbje ndaj Anglisë dhe një fitore përballë Andorrës në dy sfidat e para të luajtura, ndaj një rezultat pozitiv e sidomos fitorja ndaj Serbisë, do ta mbante në shinat e duhura për të luftuar për vendin e dytë që çon në play-off të Botërorit. Ndërsa na anën e saj, për Serbinë kjo është ndeshja e parë e kualifikuesve, pasi në dritaren e marsit ajo mori pjesë në ndeshjet e play-off të Ligës së Kombeve.

    RASTET PËR T’U PËRMENDUR

    11’ Goditje potente e Mitaj, por reagon Petrovic

    30’ Broja kalon këdo që i del përpara në të djathtën, merr fundoren dhe rrëzohet pas shtyrjes së Pavloviç. Gjyqtari nuk i jep faull në favor sulmuesit shqiptar që shpërthen në protesta.

    34’ Laçi gjen hapësirën për të gjuajtur nga e majta, sfera shkon direkt në duart e Pavloviç.

    45′ Manaj humbet penallti

    Trajneri Silvinjo ka bërë ndryshime drastike në rreshtimin e kuqezinjve. Në mbrojtje shfaqet përsëri nga minuta e parë Hysaj, ndërsa Ajeti fiton balotazhin me Ismajlin përkrah Gjimshitit, me Mitajn që rifiton vendin në të majtë. Në mesfushë, Shehu i merr vendin Ramadanit, ndërsa përkrah do të ketë Asllanin e Laccin.

    Ndërkohë, Bajrami e Asani ulen në stol, me Hoxhën nga minuta e parë në të majtën, ndërsa Manaj e Broja do jenë më në qendër të sulmit.

    LEXO ME SHUME:“Kosova është e jona, tani luani futboll”, mesazhi i qartë i Mërgim Mavrajt përpara ndeshjes Shqipëri-Serbi (FOTO)

     

  • Tifozët fillojnë të futen në stadium nën masa të rrepta sigurie; Ja çfarë nuk duhet të kesh me vete

    Tifozët fillojnë të futen në stadium nën masa të rrepta sigurie; Ja çfarë nuk duhet të kesh me vete

    Nën masa të rrepta sigurie, ka filluar futja e tifozëve në stadium për sfidën e shumëpritur mes Shqipërisë dhe Serbisë, e cila luhet sonte në “Arenën Kombëtare”, duke filluar nga ora 20:45. Në pamjet e publikuara nga Top Channel, duket se ka një perimetër sigurie nga Forcat e Rendit shumë më të madh se herët e tjera dhe një kontroll fizik shumë më të detajuar.

    Ndërkohë, prej ditësh Policia e shtetit ka bërë të ditur masat e marra për sfidën e sotme.

    Policia e Shtetit, plan masash të posaçëm për garantimin e rendit dhe sigurisë para, gjatë dhe pas përfundimit të ndeshjes së futbollit “Shqipëri – Serbi”, që do të zhvillohet më datë 7 qershor 2025, në orën 20:45, në stadiumin “Arena Kombëtare”, Tiranë.

    Duke u mbështetur në përvojën pozitive për planifikimin, organizimin dhe menaxhimin e situatës së rendit dhe sigurisë publike gjatë aktiviteteve me përmasa ndërkombëtare, Policia e Shtetit ka hartuar një plan masash të posaçëm me detyra konkrete për të gjitha strukturat e Policisë të përfshira në këtë plan masash. Në planin e masave parashikohen: -Eskortimi dhe sigurimi i futbollistëve të ekipit të Serbisë, nga aeroporti i Rinasit, në hotel, në stadium dhe në kthim për në Rinas.

    -Eskortimi dhe sigurimi i futbollistëve të ekipit të Serbisë, nga aeroporti i Rinasit, në hotel, në stadium dhe në kthim për në Rinas
    -Eskortimi dhe sigurimi i futbollistëve të ekipit të Shqipërisë, në stadium;
    -Kryerja e kontrolleve sistematike në mjediset brenda dhe jashtë stadiumit, për shtetas të paautorizuar, sende dhe lëndë piroteknike, para se të futen tifozët
    -Organizimi i shërbimeve për garantimin e rendit publik para, gjatë dhe pas përfundimit të ndeshjes së futbollit, jo vetëm pranë stadiumit, por edhe kontrolli i territorit në të gjithë qytetin e Tiranës;
    -Sigurimi i rrugëkalimeve të shërbimeve të emergjencës; -Menaxhimi i trafikut rrugor në qytetin e Tiranës, para, gjatë dhe pas ndeshjes së futbollit

    LEXO ME SHUME:Bëri bujë me Egnatian në titullin e parë, Partizani pranë akordit me futbollistin e njohur (FOTO)

  • Bëri bujë me Egnatian në titullin e parë, Partizani pranë akordit me futbollistin e njohur (FOTO)

    Bëri bujë me Egnatian në titullin e parë, Partizani pranë akordit me futbollistin e njohur (FOTO)

    Pas zyrtarizimit të Xhuliano Skukës, Partizani kërkon sërish të përforcojë repartin e sulmit, pasi vetëm ardhja e dibranit nuk mjafton për të plotësuar boshllëqet në prapavijë. Siç mësohet, Vusal Isgandarli me shumë gjasa do të jetë lojtar i Partizanit në sezonin e ardhshëm. Ish-sulmuesi i Egnatias është pranë akordit me klubin e kuq, që po kërkon të përforcohet në sulm. Nga burimet e shumta, konfirmohet se mbetet dëshira mes palëve për të konkretizuar lëvizjen. Sulmuesi i përfaqësueses së Azerbajxhanit spikati pikërisht tek Egnatia.


    Rrogozhinasit e shitën kartonin e tij në janarin e vitit të kaluar te Boluspor. Vusal Isgandarli është përfolur edhe më parë për rikthimin në Superiore, por mbetet nën kontratë. Të kuqtë vijojnë përgatitjet për Europën ku do të përfaqësojnë Shqipërinë në Ligën e Konferencës. Trajneri Gega aktualisht ka të konfirmuar afrimin e Xhuliano Skukës në skuadër.

    PARTIZANI PA STADIUM NË CONFERENCE LEAGUE

    Partizani pati dëshirë të madhe që të licenconte stadiumin e tij për ndeshjet e Conference League, por çdo shpresë binte poshtë së pari për shkak të cilësisë së rrugës. Në kompleksin e të kuqve vazhdojnë punimet, pra është e parakohëshme që të mendosh për asfaltimin përfundimtar të pak qindra metrave, veçse kjo gjë ndikon për keq.

    LEXO ME SHUME:Elbasani “sparkatë” Tiranës, gati ti rrëmbejë objektivin e merkatos bardhebluve (FOTO)

  • “Nuk je normal kur e bën këtë pyetje”, Stojkovic nxehet në konferencë, tregon dy lojtarët e rrezikshëm të Kombëtares

    “Nuk je normal kur e bën këtë pyetje”, Stojkovic nxehet në konferencë, tregon dy lojtarët e rrezikshëm të Kombëtares

    Dragan Stojkovic ka folur në konferencë për shtyp, para ndeshjes që Serbia do të luajë në tokën shqiptare. Trajneri serb vlerësoi disa lojtarë të Kombëtares shqiptare, ndërsa tregoi fokusin te fitorja. Tekniku serb bëri të ditur se nuk ka dilema aktualisht, nëse gjendja e lojtarëe do të jetë e njëjta. Stojkovic deklaroi në konferencë për shtyp.

    Pyetja e një gazetari serb ishte nëse tekniku po mendon të japë dorëheqjen në rast të disfatës ndaj Shqipërisë.

    “Ne nuk e mendojmë kurrë, të paktën unë nuk e bëj. Do të fitojmë aq pikë sa meritojmë dhe kemi ardhur në Tiranë për të fituar, jo për të barazuar dhe do të bëjmë gjithçka për të arritur. Nuk je normal kur bën këtë pyetje… Unë nuk e mendoj fare atë temë, kështu që nuk e di nga e ke marrë atë ide.
    “Me të vërtetë mendoj që për atë që është luajtur në Europian, e kanë merituar. Kanë agresivitetin në fushë, për atë arsye të gjejmë ne një zgjidhje. Kam thënë për lojtarë që janë me kualitet, Strakosha i shkëlqyer, Gjimshiti.

    Ata që duhet të dinë lojtarët tonë, e kemi përcjellë. Në video i kanë parë informatat e sakta. Besoj edhe ato të njëjtat përgatitje si natyra jonë. Nuk po mendoj në temën e marrëdhënies mes Shqipërisë dhe Serbisë. I kënaqur me lojtarët si janë sjellë në fushë. Do të presim edhe stërvitjen sot. Nëse do jetë gjithçka në rregull, formacioni do jetë ai që kam në kokë”, përfundoi Dragan Stojkovic

    LEXO ME SHUME:Le të jetë edhe Brazili, ne luajmë vetëm për fitore, sulmuesi Mitrovic sfidon Shqipërinë: E di se çfarë na pret në stadium…

  • “Le të jetë edhe Brazili, ne luajmë vetëm për fitore”, sulmuesi Mitrovic sfidon Shqipërinë: E di se çfarë na pret në stadium…

    “Le të jetë edhe Brazili, ne luajmë vetëm për fitore”, sulmuesi Mitrovic sfidon Shqipërinë: E di se çfarë na pret në stadium…

    Në konferencën për shtyp të Serbisë përkrahë trajnerit Dragan Stojkovic, u shfaq edhe sulmuesi Aleksandër Mitrovic. Lojtari së bashku me Gudelj janë dy futbollistët e mbetur nga ndeshja e vitit 2014. Sulmuesi e konsideron një ndeshje të vështirë, por e di se Serbia luan vetëm për fitore

    ALEKSANDËR MITROVIC, DEKLARATA

    “Kanë kaluar dhjetë vjet. Një kujtim i mirë nga ndeshja e dytë, më pak e mirë nga e para, por vetëm unë dhe Gudelj jemi aty nga ekipi i atëhershëm, ndërsa në Shqipëri nuk ka njeri. Ndeshje e re, kualifikuese të reja. Pra, ekipe të reja nga të dyja palët, lojtarë më të rinj. Mendoj se, si herën e kaluar, pres një lojë shumë të vështirë ndaj një ekipi të mirë dhe të organizuar. Nesër na pret një atmosferë shumë e mirë, një stadium plot. Kushdo që të jetë kundërshtari ynë, ne hyjmë me qëndrimin për të marrë tre pikë, qoftë Brazili, Andorra apo Shqipëria. Kemi ardhur për të marrë tre pikët dhe pas ndeshjes do të shohim nëse do të jemi të kënaqur.

    MASAT E NDESHJES

    Në kuadër të planit të masave të hartuar nga Drejtoria e Përgjithshme e Policisë së Shtetit, me qëllim garantimin e rendit dhe sigurisë për ndeshjen e futbollit Shqipëri–Serbi, janë parashikuar kufizime të përkohshme në qarkullimin rrugor në disa akse kryesore të kryeqytetit.

  • Ardian Ismajli drejt largimit nga Empoli, për lojtarin ka interes nga Turqia

    Ardian Ismajli drejt largimit nga Empoli, për lojtarin ka interes nga Turqia

    Ardian Ismajli mund të përfundojë në Turqi. Mbrojtësi shqiptar, një pikë kyçe e vërtetë e mbrojtjes së Empolit në këtë vit të trazuar, është aktualisht pa kontratë dhe është i destinuar të largohet nga skuadra toskane si lojtar i lirë. Ka pasur interes rreth tij, si nga klubet italiane ashtu edhe nga ato të huaja, duke pasur parasysh performancat e shkëlqyera që ka dhënë në kampionat. I lindur në vitin 1996, Ismajli është në kulmin e pjekurisë së tij futbollistike dhe synon të sigurojë një kontratë të nivelit të lartë, ndoshta në një ekip që do të luajë në kupat e ardhshme evropiane.

    Për një ofertë të duhur, Ardian Ismajli do largohej nga Serie A dhe do i bashkohej klubit turk, aty du do gjente Muçin dhe Rashicën, si edhe një emër si Solskjaer në stol.

    Te Empoli nuk duan ta lënë lojtarin në huazim, por kërkojnë të përfitojnë sa më shumë nga shitja e tij, andaj vera për Ismajlin do jetë e nxehtë. 26 paraqitje dhe një gol për mbrojtësin sezonin e shkuar, që edhe pse ishte pjesë e Kombëtares në Euro 2024 nuk iu besua asnjë minutë nga Sylvinho. Më parë ishte Juventusi, Interi dhe Napoli që kanë shfaqur interesim për të. Mbrojtësi i Kombëtares debutoi në elitën e futbollit italian më 1 nëntor të vitit 2020 në ndeshjen Spezia – Juventus me fanellën e skuadrës nga Liguria.

    LEXO ME SHUME:Gentian Mezani i shkel syrin Flamurtarit: Nuk i thuhet jo klubit vlonjat, marrëveshja me Bylisin ishte deri në përfundim të kampionatit

  • Gentian Mezani i “shkel syrin” Flamurtarit: Nuk i thuhet jo klubit vlonjat, marrëveshja me Bylisin ishte deri në përfundim të kampionatit

    Gentian Mezani i “shkel syrin” Flamurtarit: Nuk i thuhet jo klubit vlonjat, marrëveshja me Bylisin ishte deri në përfundim të kampionatit

    Gentian Mezani ia doli të mbante në Kategorinë Superiore Bylisin dhe tashmë, emri i tij po qarkullon mes shumë emrave të tjerë, si një kandidat i mundshëm për të marrë drejtimin e Flamurtarit. Trajneri vlonjat e mirëpret me kënaqësi dhe thotë se nuk do ta refuzonte rikthimin në shtëpi. Në një intervistë për Panorama Sport, Gentian Mezani shprehet se kontrata me Bylisin i ka përfunduar, por janë të hapura bisedimet.

    “Marrëveshja ime me presidentin e Bylisit ka qenë deri në përfundim të kampionatit, por më pas do të flasim përsëri. Flamurtari është familja ime dhe pa diskutim që nuk do ta refuzoja. Sinqerisht, më erdhi mjaft mirë që Flamurtari u rikthye, sepse aty e ka vendin, e meriton. Sikundër, edhe Superiorja meriton Flamurtarin. Nuk mund të flas për merkaton dhe nuk mund të japë këshilla, pasi nuk më takon në momentin që unë nuk jam pjesë e klubit. Flamurtari i ka njerëzit dhe besoj që pa diskutim po mendojnë për të bërë një merkato sa më të mirë që ky Flamurtar të jetë konkurrent për titull.” Ishte deklarata e Mezanit.

    EDHE SHPËTIM DURO KANDIDAT

    Flamurtari do ta ketë trajnerin i ri brenda 15 qershorit. Ky është afati që është vendosur nga bordi i klubi vlonjat, i cili po shqyrton kandidaturat. Së fundmi, një tjetër emër si kandidat i mundshëm po qarkullon në Vlorë. Pikërisht, bëhet fjalë për Shpëtim Duron, i cili mund të rikthehet te kuqezinjtë. Por edhe vetë Duro duket se e mirëpret një rikthim të mundshëm në Vlorë. Burime pranë ish-trajnerit zbulojnë se Duro ka nostalgji për Vlorën dhe nuk do të refuzonte një ofertë për t’u rikthyer në qytetin bregdetar.

    LEXO ME SHUME:Egnatia synon futbollistin e Skënderbeut, klubi korçar shqyrton ofertën e rrogozhinasve (EMRI)