Lajmet e fundit | Klikoje.al

Tag: Teuta

  • Nuk mbarojnë “hallet” e Tiranës, pas rezultateve negative sërish duhet të ndryshojë stadium

    Nuk mbarojnë “hallet” e Tiranës, pas rezultateve negative sërish duhet të ndryshojë stadium

    Pas humbjes me Teutën në Durrës, Tirana po përgatitet për të luajtur ndeshjen e radhës, ku kalendari do ta vendosë përballë Dinamos. Të besuarit e Ilir Dajës vijnë nga një paraqitje pozitive duke fituar 2-0 dhe me një Dejvi Bregu në formë. Sa i përket derbit, ai do të luhet në “Elbasan Arena”, duke nisur nga ora 17:00, me bardheblutë që do të jetë pritës në këtë përballje.

    TEUTA-TIRANA 2-1

    Teuta arriti një fitore të rëndësishme ndaj Tiranës me rezultatin 2-1 në një ndeshje plot polemika. Ndeshja filloi me një moment tensioni, kur Beshiraj shënoi në minutën e 4′, por goli u anulua për pozicion jashtë loje. Më pas bardheblutë shënuan të parët, por pësuan rikthimin e durrësakëve dy minuta nga fundi.  Për sa i përket ndeshjes, Teuta pasi pa ti anulohet një gol e gjeti veten madje në disavantazh.

    Tirana arriti të kalojë përpara në minutën e 13′ me një gol të Jarmouni, i cili zhbllokoi shifrat. U duk një tjetër rezultat pozitiv pas rikthimit të teknikut Shkëmbi, por Teuta reagoi shpejt. Katër minuta më vonë, Simeu shënoi golin e tij të parë në Superiore, duke barazuar rezultatin dhe duke frikësuar bardheblutë. Në minutat e fundit të ndeshjes, dukej se sfida në Durrës do të përfundonte në barazim. Por Kotobelli fitoi një penallti në minutën e 88′, e cila u shndërrua në gol nga Lloci, duke i dhënë Teutës një triumf dramatik dhe parakalimin e Tiranës.

  • Teuta fiton mes polemikave, penalltia e diskutueshme e Kreshnik Cjapit “tërbon” Tiranën (video)

    Teuta fiton mes polemikave, penalltia e diskutueshme e Kreshnik Cjapit “tërbon” Tiranën (video)

    Teuta dhe Tirana i dhanë jetë një ndeshje të luftuar në stadiumin “Niko Dovana”, që përfundoi 2-1 në favor të durrsakëve, përballje që pati polemika sidomos nga kryeqytetasit me dy penallti të munguara dhe një të akorduar për Teutën.

    Shkëmbi pëson kështu humbjen e pare me rikthimin e tij në stol. Sidoqoftë, Tirana nuk e shfrytëzoi mundësinë, edhe pse kaloi e para në avantazh me Jarmouni dhe renditja vazhdon të jetë shumë e vështirë. Sulmuesi francez realizoi pas asistimit të Ernest.  Pas këtij momenti, Elbasani kishte një pjesë të parë të vështirë, por nuk hoqi dorë nga synimi i barazimit. Dhe pas dy minutash Simeu përfitoi nga rrëmuja në zonë dhe gjen golin e parë në Superiore dhe të barazimit.

    PJESA E DYTË

    Pjesa e dytë nis me ndryshime. Toma merr vendin e Simeo ndërsa te Tirana largohen Ernest dhe Prengaj. Ka minuta për Ndreca dhe Soler. Në minutat 67 dhe 71’ Tirana pretendoi dy herë për penatlli, por kryesori Kreshnik Cjapi vendosi të vijonte lojën. Por në momentin që takimi po shkonte drejt barazimit, Marku ndërhyn ndaj Kotobellit, në një zonë të diskutueshme, por Cjapi vendosi të akordojë 11-metërsh për Teutën. Lloci përballë Selmanit tregohet i saktë dhe i jep fitoren Teutës. Me këtë sukses Teuta ngjitet në vendin e 8-të në zonën e Play-Out me 27 pikë, ndërsa Tirana në vendin e parafundit në kuotën e 26 pikëve.

    LEXO ME SHUME:“NON GRATA”/ Laçi shpërthen ndaj arbitrave pas ndeshjes me Dinamon: Ku e gjejnë guximin të tallen me ne (REAGIMI)

  • Teuta në “hall” kundër Laçit, dy mungesa të rëndësishme në transfertën e së dielës

    Teuta në “hall” kundër Laçit, dy mungesa të rëndësishme në transfertën e së dielës

    Teuta do të udhëtojë në transfertë për të sfiduar Laçin në kuadër të javës së 25-të të Superiores. Duel shumë i luftuar mes 2 ekipeve që synojnë t’i largohen sa më shumë zonës së ftohtë të klasifikimit.

    Por Teuta dhe trajneri Bledar Devolli janë në “hall” para këtij dueli. Timonieri i durrsakëve ka mungesa të rnëdësishme ndaj kurbinasve. Blerim Kotobelli dhe Vasil Zogos nuk do të udhëtojnë me ekipin për në Laç. I pari ka plotësuar numrin 4 të kartonëve të verdhë, ndërsa i dyti la fushën e lojës ndaj Skënderbeu vetëm pas 6 minutash. Dhe në këtë mënyrë do të mungojë për arsye dëmtimi.Gjithashtu në dyshim mbetet edhe Mingos.

    Ky i fundit ka munguar në ndeshjet e fundit për shkak dëmtimi dhe mbetet të shihet nëse do të mund të rikuperohet në kohë për duelin e së dielës të orës 13:30.

    TEUTA-DINAMO 0-0

    Në një ndeshje intensive por me pak raste, e zhvilluar në stadiumin “Niko Dovana” në Durrës, Teuta dhe Dinamo përfunduan me rezultatin 0-0. Megjithëse pritshmëritë për një spektakël ofensive ishin të mëdha, të dy skuadrat u treguan jashtë formës në aspektin e sulmit dhe u fokusuan kryesisht në mbrojtje për të shmangur pasojat e një gabimi që mund të kushtonte gol për kundërshtarin. Ky rezultat nënvizon rëndësinë e balancës midis mbrojtjes dhe sulmit dhe sjell në pah nevojën që të dy skuadrat të gjejnë më shumë iniciativë ofensive në ndeshjet e ardhshme për të siguruar fitore që mund të ndikojnë pozitivisht në renditjen e kampionatit.

    LEXO ME SHUME:Kategoria e Parë/ Nuk arritën objektivat, presidenca përjashton dy titullarë dhe gjobit lojtarët e tjerë

  • Vllaznia “mbyt” në Durrës Teutën, Balaj lë shenjën e tij (video)

    Vllaznia “mbyt” në Durrës Teutën, Balaj lë shenjën e tij (video)

    Vllaznia ka siguruar një fitore të rëndësishme në Abissnet Superiore, duke triumfuar ndaj Teutës me rezultatin 1-3 në ndeshjen e javës së 23-të në stadiumin “Niko Dovana”. Skuadra shkodrane e drejtuar nga trajneri Brdariç e zgjidhi shpejt ndeshjen, fillimisht duke shënuar me Esat Malën në minutën e dytë, me sulmuesin i cili shfrytëzoi atë dhuratë nga mbrojtësi Mingo. Teuta u përpoq të reagonte dhe në minutën e 12’ Beshiraj nuk arriti dot t’i bënte keq kundërshtarit në atë moment.

    Vllaznia në krahun tjetër nuk hoqi dorë nga sulmet dhe goli i dytë erdhi në minutën e 23’, Kundërsulm i shpejtë i kuqebluive, Çoba kalon topin te Dodaj i cili ndalet në mënyrë të parregullt nga Tafas. Hamiti nuk ka dyshime dhe tregon nga pika e bardhë e penalltisë.Pranë topit shkon Bekim Balaj i cili tregohet i saktë, realizimi i 14 në kampionat shkodranin.

    Këto gola i dhanë Vllaznisë një avantazh të qetë dhe i lejuan ekipit që të menaxhojë mirë lojën gjatë pjesës së parë. Pjesa e dytë nisi me marsh të lartë për Vllazninë, pasi në minutën e 47’, Dodaj me një goditje të kalibruar kaloi Tafas dhe coi rezultatin në 0-3. Në një moment të tillë, Vllaznia lëshoi terren dhe në të 60-tën, me një top në thellësi, Beshiraj shënoi për Tuetën pork y gol vlejti thjesht për statistikë. Me këtë sukses, Vllaznia shkon në kuotën e 40 pikëve, ndërsa Tueta në vendin e 8 me 23 pikë.

    LEXO ME SHUME:Pak minuta këtë sezon dhe forma jo e mirë, futbollisti drejt largimit nga Vllaznia (FOTO)

  • “Nesër është një ndeshje serioze”, Thomas Brdariç kërkon të harrojë humbjen ndaj Egnatias: Ndaj Teutës pres vetëm…

    “Nesër është një ndeshje serioze”, Thomas Brdariç kërkon të harrojë humbjen ndaj Egnatias: Ndaj Teutës pres vetëm…

    Vllaznia do të udhëtojë nesër drejt “Niko Dovanës” ku do të përballet me Teutën. Në prag të kësaj sfide, trajneri i shkodranëve, Tomas Brdariç foli në konferencën e zakonshme për shtyp.

    “Është një ndeshje speciale nesër dhe duam të kthejmë ritmin siç ishim para ndeshjes me Egnatian, ishte në balancë, por vetëm rezultati zhgënjeu, kemi analizuar ndeshjen por nesër do të bëjmë më mirë. I mirëpresim impaktet në ekip, është një falenderim i madh të jem trajner i Bekim Balajt, dhe të arrijmë të fitojmë prej meritave të tij. Po ashtu kam punuar edhe me Krujën që është pjesë e 11-shes më të mirë. Nesër është një ndeshje serioze.

    Çdo ndeshje është e fortë dhe jemi të vetëdijshëm për këtë, Teuta ndërroi trajnerin, Devolli është me eksperiencë, kanë lojtarë të shpejtë dhe interesantë, na duhet një strukturë më e mirë. Të gjithë lojtarëve do tju vijë radha për të luajtur, nesër do të kemi ndryshime, jam i lumtur që Krymi është kthyer, Gruda tregoi që është shumë i rrezikshëm, kemi lojtarë me cilësi. Duhet të përmirësojmë disa gjëra, po shkojmë në drejtim të duhur dhe të rrimë me këmbë në tokë, të jemi sa më të kujdesshëm. Duam 3 pikët nesër.

    Është një ndeshje e fortë. Është një rrugë shumë e gjatë, është mirë të kemi ëndrra, e dimë si funksionon futbolli, Bekimi investoi në anë maksimale, dhe duhet të arrijmë te titujt dhe duhet të punojmë. Nuk duam të humbim kohë dhe as pikë, gjithmonë si ndeshjen e kaluar që nuk morëm pikë është një hap pas, kjo është ajo që do bëjmë dhe nesër tregojmë reagim të mirë”, deklaroi Tomas Brdariç.

  • “Lojtarët janë të rënduar psikologjikisht”, Devolli gjen alibinë e humbjes: Do punojmë për të dalë nga kjo situatë

    “Lojtarët janë të rënduar psikologjikisht”, Devolli gjen alibinë e humbjes: Do punojmë për të dalë nga kjo situatë

    Bledar Devolli, trajneri i Teutës,  ka theksuar se përmbysja e pësuar sot përballë Skënderbeut, ishte pasojë e goditjes psikologjike që ka marrë skuadra së fundmi dhe gabimeve individuale.

    NDESHJA- Në 5 apo 10 minuta e humbëm ndeshjen, pastaj morëm përsëri ndeshjen në kontroll. Kam dyshim për penalltinë çfarë na thonë miq e shokë, duhet ta shikoj. Në pjesën e dytë na doli ndeshja përsëri siç e dëshironim përveç kartonit që u barazuam shumë shpejt në numra. Futëm Torrajn ngaqë krijuam epërsi, që të luanim me dy sulmues e atë pas tyre. Por gjëra nga hiçi, kartoni i dytë i verdhë që barazuam numrat, pastaj goli i dytë, gabime individuale që mbajnë topin në zona të rrezikshme. Por jam i kënaqur nga reagimi, patëm rastet tona, nuk është e thënë ose është moment i keq që duhet ta kalojmë shpejt.

    GJENDJA E SKUADRËS- Kisha informacione, shumë lojtarë i kam stërvitur edhe vetë, e njoh ekipin. Thjesht janë të rënduar nga ana psikologjike dhe më ngelet mua në dorë të punoj nga ana psikologjike apo taktikisht. Më shumë janë gabime individuale që duhet t’i eliminojmë patjetër, duke filluar që nga kjo javë. Nuk mund të bësh presing 90 minuta se nuk e bën askush në botë. Kishim raste që bënim ultraofensiv, raste që zbritnim poshtë. Ne kishim gjerësi se kishim Tomën e Krujën apo edhe kur futëm Boçin e ndërrova krahët me Gjinollarin. Patëm rastet, por ndoshta edhe fati i keq, se të paktën një pikë edhe kundërshtarin e linim aty ku ishte, do ishte një pikë morali. Por do të vazhdojmë punën, të përulur për të dalë më shpejt nga kjo situatë”, tha Bledar Devolli për RTSH pas ndeshjes.

    LEXO ME SHUME:Bismark e Rashica i heqin buzëqeshjen Bledar Devollit, Skënderbeu mposht me përmbysje Teutën e shpreson te mbijetesa (video)

  • Bismark e Rashica i heqin buzëqeshjen Bledar Devollit, Skënderbeu mposht me përmbysje Teutën e shpreson te mbijetesa (video)

    Bismark e Rashica i heqin buzëqeshjen Bledar Devollit, Skënderbeu mposht me përmbysje Teutën e shpreson te mbijetesa (video)

    Skënderbeu ka mposhtur Teutën me rezultatin 2-1. Kjo ishte dhe fitorja e parë për Ernest Gjokën me bardhekuqtë në kampionat, teksa nga ana tjetër Devolli debutoi me humbje në stolin e durrsakëve.
    Një sfidë plot emocione u luajt në Korçë. Fillimisht ishte Teuta që gjeti avantazhin me Llocin. Ky i fundit shkaktoi më pas penallti, që u vendos pas rishikimit me VAR.

    Bismark nuk gaboi nga pika e bardhë duke barazuar takimin. Pjesa e dytë pa korçarët të mbeteshin me 10 lojtarë, pas Bismark u largua me karton të kuq në minutën e 65-të. Dhe ky një episod që u pa me VAR.

    Një tjetër karton i kuq ishte rezervuar, ndërsa Karabeci mori të verdhin e dytë. Më pas për të bërë heroin te Skënderbeu mendoi Rashica. I ardhur nga stoli, sulmuesi që do largohet , shënoi golin e përmbysjes. Tashmë bardhekuqtë kanë 19 pikë në vendin e fundit. Në anën tjetër Teuta numëron 23 pikë dhe mban vendin e shtatë.

    LEXO ME SHUME:“Ndeshje e interpretuar gabim”, Ernest Gjoka i jep lajmin e keq tifozëve të Skënderbeut; Nuk është më lojtari jonë

    LARGIMI I RASHICËS

    Ermir Rashica është largimi i radhës te Skënderbeu. Sulmuesi nga Kosova, luajti ndeshjen e fundit me korçarët ndaj Vllaznisë, takim ku shkodranët fituan 4-0. Rashica do të vazhdojë karrierën në Ukrainë, te skuadra e Metalist Kharkiv, e cila bindi korçarët me një ofertë të madhe. Konfirmimi për largimin e Rashicës erdhi nga vetë trajneri Ernest Gjoka, pas ndeshjes. Humbje e madhe për Skënderbeun, pasi 20-vjeçari ishte një nga lojtarët më të spikatur në dy sezonet e fundit.

  • “Do flas me presidentin, do të shoh vendin tim”, Edi Martini jep shenja largimi nga Teuta: Pikët ikin, gjendja rendohet

    “Do flas me presidentin, do të shoh vendin tim”, Edi Martini jep shenja largimi nga Teuta: Pikët ikin, gjendja rendohet

    Edi Martini, trajneri i Teutës u shfaq tepër i zhgënjyer, pas disfatës 0-2 që skuadra e tij regjistroi në shtëpi ndaj Partizanit. Në prononcimin e dhënë menjëherë pas ndeshjes, tekniku shkodran deklaroi se do të rishikojë pozicionin e tij, për sa i përket të ardhmes.

    DEKLARATA E EDI MARTINIT

    “Të vjen keq që humbet kjo ndeshje, pa justifikuar mungesat. Luajtëm patëm rastet tona për të shënuar. U dënuam sa filloi pjesa e dytë. Tentuam të sulmonim, Partizani ishte më i freskët, më konkret. Jazexhi dhe Lloci na mungonin sot. Djemtë u munduan të luanin, dhanë maksimumin. Humbja dhemb, pikët ikin dhe gjendja rëndohet.

    Kthimi i Krujës në pozicionin e Jazxhiut, kishim shumë probleme në atë krah, edhe largimi i Beqjas la një boshllëk. Partizani ishte më i freskët edhe nga ana mentale. Eliminimi në Kupë ishte i dhimbshëm. Si pasojë e të gjitha këtyre vjen edhe kjo lojë kështu.

    Nuk merrem me punët e Partizanit, merrem me punët e mija. Pikët ikin, i pari që merr përgjegjësitë është trajneri, unë marr përgjegjësitë e mija për këtë ndeshje. Duhet reflektuar, do ulem të diskutoj me presidentin. Në qoftë se gjërat nuk shkojnë i pari që duhet të reflektojë është trajneri. Do ulem do të reflektoj dhe do të shikoj vendin tim”, u shpreh Edi Martini.

  • Partizani me hap kampioni, Padstrelau dhe Janjeva likujdojnë Teutën (video)

    Partizani me hap kampioni, Padstrelau dhe Janjeva likujdojnë Teutën (video)

    Partizani ka mposhtur Teutën me rezultatin 0-2 në Durrës. Sfida ishte e vlefshme për javën e 21-të të Superiores. Të dy golat u shënuan në pjesën e dytë. Fillimisht mbrojtësi Janjeva, u ndihmua nga devijimi i Simeut.

    Më pas ishte Padstrelau, që vulosi rezultatin. Sulmuesi bjellorus u aktivizua në pjesën e dytë dhe shënoi golin e tij të parë me fanellën e Partizanit në kampionat.

    Të kuqtë mbeten në krye të Superiores me 37 pikë, ndërsa Teuta ka zbritur në vendin e shtatë pasi Bylisi fitoi sfidën me Laçin.

    Superiore: Java 21
    Stadiumi: “Niko Dovana”
    Arbitër: Olsid Ferataj

    FORMACIONET ZYRTARE:
    Teuta: Tafas, Peposhi, Karabeci, Kruja, Kotobelli, Toma, Gjinollari, Mingo, Simeu, Beshiraj, Arifi. Trajner: Edi Martini.
    Partizani: Hoxha, Janjeva, Ismaili, Keko, Zeka, Preka, Bintsuka, Shanaj, Buxhelaj, Taipi, Sembene. Trajner: Aleksandar Veselinoviç.

    LEXO ME SHUME:Pano Qirko u dëmtua në ndeshjen e Kupës, zbulohet sa do të mungojë portieri i Partizanit

    DEMTIMI I PANO QIRKOS

    Pano Qirko u dëmtua në ndeshjen e Kupës së Shqipërisë, ku Partizani u përball me Apoloninë dhe fitoi 2-0. Gardiani i të kuqve u transportua menjëherë drejt spitalit në momentin që u dëmtua. Kjo bëri të mendohej se Qirko ka pësuar një dëmtim tepër serioz, por pas ekzaminimeve të bëra, situata nuk është aq e rëndë. 25 vjeçari ka shembje në zonën e legenit. Ky dëmtim e lë Qirkon jashtë fushave të lojës përreth 2-3 javë. Në këto javë, Partizani duhet të bëjë pa portierin e tyre titullar, por “Demat” kanë një opsion si Alban Hoxha, duke mos i bërë aspak më të dobët.

  • Elbasani, fitore karakteri ndaj Teutës, ekipi i Gvozdenovic sheh në horizont “Final 4” (video)

    Elbasani, fitore karakteri ndaj Teutës, ekipi i Gvozdenovic sheh në horizont “Final 4” (video)

    Elbasani ka mposhtur Teutën me rezultatin 3-1 në “Elbasan Arena”. Sfida e javës së 20-të u fitua me përmbysje nga verdheblutë. Ishte Arsen Lleshi që realizoi 3 gola, për të afruar skuadrën e Gvozdenoviç me zonën e “Final 4”.

    NDESHJA ZHVILLUAR NË ELBASAN

    Teuta e mbylli pjesën e parë në avantazh me golin e debutuesit Beshiraj. Pjesa e dytë foli më pas për vendasit, që kishin kontrollin e lojës.

    Elbasani i afrohet zonës së “Final Four” duke qenë 5 pikë larg si vend i pestë. Në anën tjetër Teuta mban vendin e gjashtë me 23 pikë.

     

    LEXO ME SHUME:Elbasani nis vrullshëm merkaton, akord me dy lojtarë (FOTO)

    Elbasani ka bërë lëvizjet e para në merkaton e dimrit.Një qendërmbrojtës nga Lituania dhe një mesfushor nga Nigeria, me të cilët verdheblutë kanë rënë paraprakisht dakord dhe priten vetëm detajet e fundit që ata të veshin fanellën. Sigitas Olberkis do të vijë nga kampionati lituanez në Elbasan. Dy sezonet e fundit ai ka qenë pjesë e skuadrës së FA Siauliai. Vlen të theksohet se është pjesë e kombëtares së Lituanisë, ku shihet si një ndër futbollistët më cilësorë në vendin e tij.

    Abas Ibrahim është një mesfushor nga Nigeria, por që karrierën e tij e ka ndarë mes Portugalisë dhe Azerbajxhanit, nga vjen së fundmi. Te Elbasani pritet qe ai të mbulojë qendrën e mesfushës, ku rolin e tij natyral ka atë para mbrojtjes, pra është një shkatërrues i mirëfilltë. Tre sezonet e fundit ka qenë pjesë e skuadrës së Ziras në elitën azere, ku një sezon më parë është shpallur nënkampion.