Elbasani ka fituar në fund ndaj Teutës me rezultatin 1-2 në një sfidë të mbushur me episode të diskutueshme dhe ndërhyrje të sistemit VAR, në ndeshjen e vlefshme për javën e 32-të të kampionatit. Një duel i luftuar deri në fund, me verdheblutë që morën tre pikë.
Takimi nisi me ritëm dhe tension, ndërsa momenti kyç i pjesës së parë erdhi mes minutave 18’ dhe 22’. Arifi depërtoi bukur nga krahu i djathtë dhe pasimi i tij në qendër u devijua me dorë nga Olberkis. Fillimisht, gjyqtari Çelaj lejoi lojën të vazhdonte, por më pas u njoftua nga VAR-i. Pas verifikimit të pamjeve në monitor, arbitri ndryshoi vendimin dhe akordoi penallti për Teutën. Nga pika e bardhë, në minutën e 23’, Arifi u tregua i saktë, duke kaluar durrsakët në avantazh 1-0.
Në pjesën e dytë, ishte radha e Elbasanit të përfitonte nga një situatë e ngjashme. Mes minutave 48’ dhe 52’, Boje u rrëzua në zonë pas një kontakti me Maçollin, por sërish gjyqtari fillimisht vijoi lojën. Pas sinjalizimit nga VAR-i dhe rishikimit të aksionit, Çelaj akordoi një tjetër penallti, këtë herë për miqtë. Në minutën e 53’, Diallo nuk gaboi nga pika e bardhë, duke barazuar shifrat në 1-1.
Pavarësisht përpjekjeve të të dyja skuadrave në minutat e mbetura, Gomes shënoi golin e fitores
Pas fitores, Teuta mbetet në vendin e gjashtë me 38 pikë, ndërsa Elbasani fiton dhe shkon 1 pikë larg nga Vllaznia kryesuese me 59 pikë.