Lajmet e fundit | Klikoje.al

Tag: Elbasani

  • Elbasani “sparkatë” Tiranës, gati ti rrëmbejë objektivin e merkatos bardhebluve (FOTO)

    Elbasani “sparkatë” Tiranës, gati ti rrëmbejë objektivin e merkatos bardhebluve (FOTO)

    Ledio Tresa prej kohësh është një objektiv konkret i Tiranës, por orët e fundit në skenë ka dalë Elbasani për të transferuar lojtarin që aktualisht është pjesë e Laçit. Klubi bardheblu po vonohet për shkak se fillimisht duhet zgjidhur drejtori sportiv, por edhe sepse Tirana dhe Bledi Shkëmbi kanë marrë pushimet. Secila palë po relaksohet pas një sezoni që i mbajti deri në fundi në ankth, por qetësia është në dukje.

    Tej të gjithave, çështja e lojtarëve dhe e trajnerit, nëse do të konfirmohet apo jo Bledi Shkëmbi, ka një datë. Megjithatë, Elbasani ka nisur kontaktet me futbollistin dhe klubin kurbinas. Sulmuesi është në kontratë me kurbinasit dhe nuk është e lehtë për ta afruar.

    Për këtë arsye, mundësia më e mirë për të shkuar te sulmuesi Ledio Tresa është formula e huazimit. Te Laçi përvec Morieros, ka filluar edhe largimi i disa futbollistëve, duke lënë të kuptohet se projekti i ri i klubit kurbinas do të jetë me emra krejtësisht të ndryshëm . Samuel Opeh, William Cordeiro, Christian da Lima, Paulo Zhunior, Ilir Dobjani, Leo Ballhysa dhe Indrit Prodani janë futbollistët që janë larguar zyrtarish. Por lista e të larguarve pritet të jetë edhe më e zgjeruar, ku nuk përjashtohet edhe mundësia e ndonjë lojtari që është nën kontratë me Laçin.

    LEXO ME SHUME:“Kosova është e jona, tani luani futboll”, mesazhi i qartë i Mërgim Mavrajt përpara ndeshjes Shqipëri-Serbi (FOTO)

  • “Çdo ditë kam luftuar me ndershmëri”, mesfushori i Elbasanit konfirmon largimin nga klubi (FOTO)

    “Çdo ditë kam luftuar me ndershmëri”, mesfushori i Elbasanit konfirmon largimin nga klubi (FOTO)

    Elbasani do të pësojë disa ndryshime në sezonin e ardhshëm në radhët e saj, teksa kërkohen emra të rinj dhe alternativa që verdheblutë shpresojnë t’i shtyjnë drejt kualifikimit në Europë që është objektivi i ri. Në këto ditë kanë filluar largimet e disa futbollistëve që nuk do jenë pjesë e projektit dhe sot ka qenë një tjetër i cili u ka dhënë lamtumirën verdhebluve.

    Edon Hasani, mesfushori i cili ka qenë pjesë e grupit që u ngjit në Superiore nga e Para dhe ishte pjesë e tij edhe në edicionin aktual në elitë te Elbasani, i ka dhënë lamtumirën skuadrës ku disa herë ka mbajtur edhe shiritin e kapitenit.

    Hasani i ka dhënë lamtumirën klubit verdheblu me një postim në rrjetet sociale duke konfirmuar mbylljen e bashkëpunimit.
    “Kjo fanellë ka qenë pjesë e përpjekjes time për të dhënë më të mirën. Nuk ka qenë gjithmonë e lehtë, por çdo ditë kam qenë aty për të luftuar me ndershmëri, përulësi dhe pa bërë zhurmë. Faleminderit nga i pari deri te i fundit që ishin pjesë e kësaj periudhe. Një falënderim i veçantë për tifozët e Elbasanit për mbështetjen”, shkruante mesfushori 33-vjeçar në postimin e tij.

    LARGIMI I ESIN HAKAJT

    Vllaznia po punon për afrimin e futbollistëve dhe riformatimin e skuadrës për edicionin e ri. Momentalisht, drejtuesit e ekipit janë të përqendruar te futbollistët shkodranë dhe emri i radhës që ka dalë në skenë është ai i Esin Hakajt. Mbrojtësi ka pasur një takim me drejtuesit e klubit, ku i është propozuar edhe një ofertë, që momentalisht nuk ka qenë bindëse për mëngjarashin. Megjithatë, pavarësisht se bisedimet janë vetëm në fillim, si Hakaj, ashtu edhe Vllaznia ia kanë lënë “derën hapur” njëri-tjetrit.

    LEXO ME SHUME:Mbylli aventurën me Elbasanin, mbrojtësi gati të rikthehet te Vllaznia (EMRI)

  • Elbasani drejt firmës me Armando Sadikun? Sulmuesi përshëndet klubin nga stadiumi (FOTO)

    Elbasani drejt firmës me Armando Sadikun? Sulmuesi përshëndet klubin nga stadiumi (FOTO)

    Sulmuesi shqiptar Armando Sadiku dje ka qenë në “Elbasan Arena” për të ndjekur nga afër duelin Shqipëri U17 dhe Gjermani. Këtë e ka bërë të ditur vetë mesfushori i Elbasanit, Orgest Gava. Ky i fundit ka shpërndarë një foto në rrjetet sociale ku shihet nën shoqërinë e Sadikut dhe ish-futbollistit Endri Duka.

    Rikujtojmë që sulmuesi u largua nga FC Goa dhe tashmë është gati për një aventurë të re. Prej kohësh ai është në dëshirën e klubit të Elbasanit po pritet të shohim se çfarë do të ndodhë në vijim.

    Sadiku mbajti formën e tij të jashtëzakonshme në ISL, duke shënuar tetë gola në shtatë paraqitjet e tij të para. Megjithatë, vrulli i tij filloi të zbehej në mes të sezonit, duke çuar në një rënie në formë. Si rezultat, ai humbi vendin e tij të titullarit ndaj sulmuesit spanjoll Iker Guarrotxena, i cili u bë zgjedhja e preferuar në repartin e sulmit. Pavarësisht pengesës, Sadiku dëshmoi vlerën e tij në “play off”, duke shënuar një gol vendimtar kundër Bengaluru FC. Statistikat e Sadikut këtë sezon mbeten mbresëlënëse. 10 gola dhe 2 asiste në ISL.

    Kjo e bën largimin e tij edhe më befasues, veçanërisht duke marrë parasysh ndikimin që pati gjatë qëndrimit të tij të shkurtër. Para transferimit te Goa, Sadiku ishte një figurë kyçe për Mohun Bagan SG, duke shënuar 11 gola dhe duke dhënë 1 asist. Megjithatë, ardhja e nënshkrimeve si Greg Steëart dhe Jamie Maclaren e shtyu atë nga skuadra në fund të dritares së transferimit, duke e detyruar të transferohej në Goa.

    LEXO ME SHUME:Granit Xhaka në verë drejt Arabisë Saudite, zbulohet paga e majme që do të përfitojë mesfushori

  • Elbasani nis revolucionin, zbulohen pesë largimet e para (EMRAT)

    Elbasani nis revolucionin, zbulohen pesë largimet e para (EMRAT)

    Elbasani nis revolucionin. Këto ditë janë shumë të rëndësishme për ekipin verdheblu sa i përket ndërtimit të skuadrës së edicionit të ardhshëm. Janë duke u menduar për ata që do të afrojnë në merkato, por njëkohësisht për lojtarët që do të largojnë.

    Ndonëse për momentin duket se asgjë nuk po lëviz, nëpër tryeza është duke u diskutuar rreth kësaj çështjeje, për më tepër që verdheblutë duan të pretendojnë sërish sezonin e ardhshëm. Deri më tani, te Elbasani kanë larguar vetëm një lojtar, portierin Razak Abalora, por kuptohet që ai do të pasohet nga të tjerë.

    Mësohet se rrezikojnë më shumë ata që janë në skadencë kontrate, që duket shumë e vështirë për t’iu ofruar një rinovim edhe për sezonin e ardhshëm. Bëhet fjalë pikërisht për pesë futbollistë që në qershor kthehen në lojtarë të lirë, si: Amarildo Gjoni, Edon Hasani, Orgest Gava, Esin Hakaj dhe Harallamb Qaqi, të cilët në fakt te Elbasani nuk kanë pasur edhe shumë minuta në dispozicion.

    GJONI – Amarildo Gjoni u afrua në merkaton e verës si një futbollist që do t’i jepte një ndihmë ekipit në fazën e sulmit. Pati minutat e tij në dispozicion, por arriti të shënojë vetëm një gol, pikërisht në javën e parafundit, ku barazuan me Vllazninë 1 me 1. U aktivizua në 30 takime me 833 minuta në këmbët e tij, ku në disa ndeshje mungoi edhe për shkak të një dëmtimi.

    HASANI – Edon Hasani iu bashkua verdhebluve vitin e kaluar në Kategorinë e Parë, duke i dhënë një ndihmë për ngjitjen në Superiore. E ndoqi fati i keq në elitë, sepse dëmtimet e lanë shumë javë jashtë fushës së blertë. Ka luajtur në 14 ndeshje me 848 minuta në këmbët e tij, pa e gjetur asnjëherë rrugën e rrjetës.

    GAVA – Orgest Gava është i vetmi i “mbijetuar” nga ekipi që nisi rrugëtimin katër vite më parë në Kategorinë e Tretë dhe ishte kapiten i saj. Në Superiore i munguan minutat, ku madje me trajner Roberto Bordin nuk u aktivizua asnjë minutë. Gvozdenoviç i besoi në 11 ndeshje si zëvendësues me 131 minuta në fushë. E mbylli sezonin pa shënuar asnjë gol në kampionat.

    HAKAJ – Esin Hakaj u afrua si një futbollist me eksperiencë të madhe mbi supe, por u privua jo pak nga dëmtimet, duke mos arritur dot formën maksimale dhe qëndruar shumë ndeshje jashtë fushe. Ai numëron 19 takime me verdheblutë dhe 1461 minuta. Edhe ai nuk arriti dot të shënojë asnjë gol për elbasanasit.

    QAQI – Harallamb Qaqi gjithashtu ishte ndër ata lojtarë që nuk pati shumë minuta në dispozicion, duke qëndruar më shumë si alternativë në qendër të mbrojtjes. Me verdheblutë ai luajti në 19 ndeshje dhe 1190 minuta. 28- vjeçari arriti të shënojë një gol këtë sezon, pikërisht në humbjen 1-2 me Vllazninë.

    LEXO ME SHUME:Do ta provojmë sërish, Brdaric pas humbjes në finalen ndaj Egnatias: Fitoi eksperienca, nuk mundëm ta interpretonim lojën tonë

  • E FUNDIT/ Largimi i Ivan Gvozdenovic, Elbasani vendos për të ardhmen e trajnerit

    E FUNDIT/ Largimi i Ivan Gvozdenovic, Elbasani vendos për të ardhmen e trajnerit

    Ivan Gvozdenovic do të vazhdojë të qëndrojë te Elbasani. Klubi vetëm pak minuta më parë ka bërë të ditur se trajneri serb do të vazhdojë projektin e tij në krye të verdhebluve.

    Palët mes tyre duken mjaft të kënaqura dhe në këtë mënyrë bashkëpunimi mes tyre do të zgjasë minimalisht edhe 1 sezon tjetër. Vlen të theksohet se timonieri serb e mori drejtimin e Elbasanit nga mesi i kampionatit, ndërsa luftoi deri në ndeshjen e fundit për të siguruar një vend në “Final – Four”.

    Pas mbylljes së kampionatit, Elbasani u rendit në vendin e 5-të me 50 pikë, 3 më pak se Partizani ndaj të cilit humbi në ndeshjen e fundit të Superiores. Pavarëisht kësaj, drejtuesit janë bindur nga Gvozdenovic dhe i kanë besuar sërish skuadrën për sezonin e ri.

     

     

    View this post on Instagram

     

    A post shared by AF Elbasani (@afelbasani)

    POSTIMI I ELBASANIT

    “PROJEKTI VAHZDON… ????

    Ivan Gvozdenovic, “timonier” i verdhebluve në sezonin e ardhshëm. ????????

    #IvanGvozdenovic

    #FORCAELBASAN”, shkruhet në postimin e Elbasanit.

    LEXO ME SHUME:Kam dhe 1 vit kontratë me Tiranën, Bledi Shkëmbi për situatën me klubin bardheblu: Kjo skuadër duhet të forcohet, në disa momente…

    PARTIZANI 0-2 AF ELBASANI

    Partizani rrëmben prezencën në Final 4 pikërisht në javën e fundit të kampionatit, duke mposhtur në përballjen direkte Elbasanin. Skuadra e Gegës duhet vetëm të fitonte për të parakaluar verdheblutë, që kishin avantazhin e ndeshjeve direkte. Gvozdenovic nuk arriti të përmbushte misionin në Arenën e Demave, i goditur nga goli i kapitenit Preka në fundin e pjesës së parë dhe nga Eleke, që mbylli llogaritë në fund të së dytës. Një ndeshje e dominuar nga kryeqytetasit, që nuk i lanë asnjë shans kundërshtarit, edhe pse treguan akoma limite të mëdha në fazën ndërtuese dhe të finalizimit.

  • Luhet për Superioren, FSHF konfirmon stadiumin e ndeshjes Tirana-Pogradeci

    Luhet për Superioren, FSHF konfirmon stadiumin e ndeshjes Tirana-Pogradeci

    Tirana do të presë Pogradecin në “Elbasan Arena”. FSHF ka konfirmuar stadiumin ku do të luhet finalje e “play-out” për Superioren. Ndeshja do të zhvillohet më 4 maj, ndërsa ora mbetet për t’u përcaktuar. Për shkak të ndeshjeve të Final Four në “Arena Kombëtare”, Tirana nuk pati mundësinë të shfrytëzojë stadiumin e kryeqytetit.

    Në këtë ndeshje, nuk ka avantazh për asnjë nga skuadrat. Për fituesin do të nevojiten edhe penalltitë, në rast se nuk ka një të tillë brenda 90 minutave apo shtesës.

    Tirana shkon në këtë ndeshje si vend i tetë i Superiores. Në anën tjetër, Pogradeci fitoi në “play-off” ndeshjet me Burrelin dhe Besën, pasi e kishte mbyllur si vend i pestë në Kategorinë e Parë.

    DEKLARATA E ARDIAN MEMËS

    Ardian Mema mori drejtimin e Pogradecit në mes të kampionatit dhe e dërgoi në një finale me ekipin e zemrës, Tiranën, për t’u ngjitur në Superiore. Ardian Mema i gëzohet fitores ndaj Besës, edhe pse e pranon se nuk ishte aspak e lehtë. Sa i përket përballjes me bardheblutë, pohoi se ngarkesa emocionale personalisht është shumë e madhe.

    Pogradeci mposhti Besën në shifrat 1-0 në “Elbasan Arena” dhe do të luajë finalen e madhe me Tiranën më 4 maj. Të dyja skuadrat do të kërkojnë fitoren, për të qenë pjesë e Superiores në edicionin e ardhshëm. Trajneri Ardian Mema ka bërë mjaft mirë me Pogradecin dhe prova e fundit do të jetë ndaj Tiranës

    “Unë e di se çfarë pyetje do më bësh. Unë kam një ngarkesë shumë të madhe te kjo ndeshje. Të them të drejtën është ekipi që unë kam dalë nga ai ekip, kam jetën time te ai ekip, të shofim nuk do flas më tepër sepse më krijon emocion dhe nuk dua të flas më tepër, kaq…

    LEXO ME SHUME:Të lutem, e di çfarë pyetje do më bësh;, Ardian Mema thuajse në lot për sfidën ndaj Tiranës; Kam jetën te ai ekip, kam një ngarkesë…

     

  • Elbasani konfirmon largimin e futbollistit, reagimi i ashpër i tij: Gjithmonë ruaj integritetin tënd (FOTO)

    Elbasani konfirmon largimin e futbollistit, reagimi i ashpër i tij: Gjithmonë ruaj integritetin tënd (FOTO)

    Razak Abalora zyrtarisht nuk është lojtar i Elbasanit. Klubi verdheblu ka konfirmuar për portierin ganez.

    “Ekipi verdheblu njofton mbylljen e bashkëpunimit me portierin Razak Abalora. Ganezi nuk arriti ta mbyllte kampionatin për shkak të një dëmtimi të rëndë në këmbë kështu duke e përfunduar eksperiencën në Shqipëri para kohe. Elbasani e falenderon për kontributin e dhënë gjatë këtij sezoni. I urojmë Razak fat dhe suksese në karrierën e tij”, shkruhet në njoftimin e Elbasanit.

    Abalora u afrua tek Elbasani në shtator, pasi sezoni kishte filluar. 28-vjeçari fitoi menjëherë vendin e titullarit, që e mbajti deri në mars kur dhe u dëmtuar.

    Ky është largimi i parë nga verdheblutë. I gjithë fokusi është te sezoni i ardhshëm, pasi edicioni i parë në Superiore u mbyll me vendin e pestë.

    Për Abalorën është njoftuar një dëmtim nga marsi, kur edhe nuk luan. Elbasani e përcolli si një largim normal, ndërsa Abalora ka çuditur me reagimin.

    “Gjithmonë ruaj integritetin tënd”, shkruan portieri ganez në rrjetet sociale. Kujtojmë se Abalora u afrua tek Elbasani në shtatorin e kaluar duke fituar menjëherë vendin e titullarit.

    Ndërkohë në fjalët e shpërndara nga klubi, Abalora ishte shprehur: “Falenderoj presidentin, stafin drejtues dhe lojtarët e ekipit për eksperiencën e bukur këtu. Dua të falenderoj profesor Kotorrin dhe tifozët verdheblu për mbështetjen. Elbasan, ju uroj suksese”.

  • “Jemi me tifozët dhe në fushën tonë”, Skënder Gega i kërkon lojtarëve sforcon e fundit: Respekt për Elbasanin, por kam besim se do ia dalim…

    “Jemi me tifozët dhe në fushën tonë”, Skënder Gega i kërkon lojtarëve sforcon e fundit: Respekt për Elbasanin, por kam besim se do ia dalim…

    Partizani do të përballet nesër në orën 15:30 me Elbasanin. Ndeshja është e vlefshme për javën e 36-të të Superiores dhe “demave” u bën punë vetëm fitorja, për të qenë pjesë e Final Four. Para këtij takimi, ka folur trajneri Skënder Gega. Tekniku i Partizani foli për situatën aktuale në kampin e të kuqve.

    Përballja ndaj Elbasanit –
    Gega: Eshtë ndeshja e fundit , ndeshje e rëndësishme. Eshtë një ndeshje që ka peshë të madhe sepse piksynimet kanë qenë për të qenë lart edhe për “Final 4” për trofe. Duke u nisur nga ndeshja me Egnatian mënyra se si shkoj loja ishte një ekstra lodhje për ne sepse luajtëm 120 minuta. Në këtë aspekt jemi pak të rënduar fizikisht, koha ka qenë e shkurtër. Jemi munduar të rikuperojmë , jemi besim plotë që do ja dalim.

    Sa ka ndikuar humbja në kupë përsa i përket anës psikologjike –
    Gega: Unë besoj se kupa është e ndarë nga objektivi kampionatit. Në aspektin e përgjithshëm besoj se bëmë të pamundurën. I kishim mundësitë për ta mbyllur lojën. Mendoj se jemi të fokusuar tek ndeshja e nesërme. Edhe në takimin ndaj Egnatias kemi menduar edhe te zëvendësimet ti japim disa lojtarëve pushim. Kemi pasur ndonjë dëmtim të vogël, por këto ditë kemi menduar mos tju japim lojtarëve presion. Jemi optimist, nëse nuk je optimist në futboll është e pamundur. E respektojmë kundërshtarin kanë patur një ecuri të mirë, por jemi në fushën tonë , jemi me tifozët tanë. Shpresoj dhe kam besim të plotë që do ja dalim.

    Situata me dëmtimet, keni mungesa-
    Gega: Kemi patur mungesa, asnjëherë mungesat nuk janë justifikim. Patjetër kur në një grup me format të caktuar një po të mungojë fillojnë dhe krijohen dilemat. Koha ka qenë shumë e shkurtër, deri nesër do mundohemi të rekuperojmë sa më tepër. Sapo kemi përfunduar edhe seancën e fundit stërvitore. Mendoj se të gjithë janë të preokupuar, në mënyrë absolute nuk dua të vë në dyshim preokupimin ose dëshirën e lojtarëve. Janë disa gjëra në futboll që jo çdo gjë shkon paralel. Eshtë një grup lojtarësh që po mundohen dhe e ndjejnë përgjegjësinë por unë nuk dua ti rëndoj në aspektin psikologjik. Duhet të distancohemi nga mediat dhe rrjetet sociale, nga komentet. Jam munduar të flas me secilin. Ata e kanë sjell deri këtu jo unë. Janë në vend të 4 me një golavarazh jo më të mirë se Elbasani, por i kanë të gjitha mundësitë.

    Si e shihni Elbasanin si rival –
    Gega: Në kampionatin shqiptar duhen vlerësuar dhe respektuar të gjithë. Unë nuk jam ai naturë që i nënvlerësoj, por edhe nuk flas për mënyrën e lojës apo diçka tjetër. Elbasani është me meritë. Ka bërë një fazë të tretë ose të katërt të mirë, por ne jemi Partizani dhe do mundohemi që këtu të luajmë si në shpi. Kjo është e vërteta por 90 minutëshit nuk i dihet.

    LEXO ME SHUME:“Të kemi fatin me vete”, Bledi Shkëmbi kërkon ndihmë nga lart për mbijetesën e Tiranës: Kemi presion, por e di se çfarë duhet bërë…

  • Tifozët e Elbasanit “pushtojnë” kryeqytetin, kërkojnë më tepër se 200 bileta për sfidën me Partizanin

    Tifozët e Elbasanit “pushtojnë” kryeqytetin, kërkojnë më tepër se 200 bileta për sfidën me Partizanin

    Java e 35 e Abissnet Superiore ka dhuruar rezultate të befasishme dhe që komplikojnë shumë situatën përpara javës së fundit të kampionatit. Bylis ka mposhtur 1-0 Partizanin dhe e ka nxjerrë jashtë zonës Final 4, të marrë tani nga Elbasani pas 1-1 me Vllazninë. Në Elbasan janë me një këmbë në “Final 4” dhe interesimi nga ana e tifozëve për të ndjekur nga afër ndeshjen finale me Partizanin është i madh. Mirëpo, për fat të keq, verdheblutë nuk mund të jenë më shumë se 5% e të pranishmëve në “Arenën e Demave”, çka nënkupton diku te rreth 200 bileta për sektorin e tyre, që do të shiten në Elbasan. Mësohet se të shumtë do të jenë ata që do të udhëtojnë drejt kryeqytetit dhe ta sigurojnë biletën në sektorët e tjerë të stadiumit, ku qëndrojnë edhe tifozët vendës.

    ELBASANI-VLLAZNIA 1-1

    Java e 35-të, në “Elbasan Arena”, Elbasani dhe Vllaznia ndanë nga një pikë në një ndeshje që përfundoi me rezultatin 1-1, por që në fund u konsiderua pozitive për të dyja palët. Edhe pse ishin vendasit që dominuan më shumë në aspektin territorial, ishte skuadra shkodrane që kaloi e para në avantazh me golin e Armando Balajt në fillim të pjesës së dytë. Elbasani reagoi shpejt dhe barazoi shifrat me Gjonin, duke siguruar një pikë të rëndësishme. Në minutat e fundit, të dy skuadrat preferuan të administronin rezultatin, në pritje edhe të rezultateve nga ndeshjet e tjera. Ky barazim i ngjit verdheblutë në vendin e katërt dhe i çon shkodranët në vendin e dytë, duke i afruar më shumë me arritjen e objektivave sezonalë.

  • Elbasani me forcë shtesë ndaj Partizanit, rikthehet “makthi” i ekipit kryeqytetas

    Elbasani me forcë shtesë ndaj Partizanit, rikthehet “makthi” i ekipit kryeqytetas

    Emiljano Musta rikthehet në sfidën e fundit që Elbasani do të zhvillojë ndaj Partizanit.  Verdheblutë e drejtuar nga Ivan Gvozdenoviç, vijnë në këtë duel pasi kanë bërë një rikuperim të frikshëm ndaj tyre dhe tani kanë arritur t’i parakalojnë sa i përket vendit të katërt. Me një moral të lartë, sepse kanë plot 11 ndeshje që nuk munden, duket se elbasanasit janë drejt një rruge pa kthim, pasi i mjafton edhe një barazim për të qenë zyrtarisht në “Final 4”. Gjithsesi, për aq kohë sa ekipi nuk ka arritur ende asgjë, tekniku serb ka kërkuar nga skuadra të mos kalojë në eufori, por të vijojë të bëjë po këto paraqitje.

    Kthesa e Elbasanit për të bërë përmbysjen e madhe ndaj Partizanit, erdhi pikërisht në duelin direkt në “Elbasan Arena”. Verdheblutë fituan pastër në shifrat 2 me 0, duke i hapur rrugën shpresës për të shkuar në katërshe. Ai që shënoi ishte pikërisht një ish si Emiljano Musta, që ktheu në gol dy 11-metërshat. Mbrojtësi nuk ka qenë në fushë për shkak të një dëmtimi në dorë në pesë ndeshjet e fundit, por gjasat janë që të jetë gati në fundjavë.

    33-vjeçari kryen stërvitje rregullisht me skuadrën dhe në aspektin fizik nuk ka asgjë mangët me pjesën tjetër të lojtarëve që ka luajtur rregullisht. Siç dihet, mbrojtësi elbasanas pësoi një thyerje në dorë gjatë javës së stërvitjeve kundër Laçit dhe e ka mbajtur atë në allçi, duke e privuar që të jetë në fushë në këto ndeshjet e fundit. Shanset janë që të zbresë në fushë këtë fundjavë, por gjithsesi do të pritet deri të dielën për të parë se në çfarë gjendjeje do të jetë.

    Lojtari ka qenë në njëfarë mënyre një makth për ish-skuadrën e tij, ku vetëm këtë sezon i ka shënuar tre gola. Një prej të cilëve në barazimin 2 me 2 në “Arenën e Demave” në fazën e dytë dhe dy të tjerat në fitoren e fazës së kaluar në “Elbasan Arena”. Gjatë karrierës së tij, ai ka shënuar shtatë herë në portën e të kuqve, ku përveç tre golave me Elbasanin këtë sezon, ka shënuar dy herë si futbollist i Kukësit dhe nga një herë si pjesë e Laçit dhe Flamurtarit.