Lajmet e fundit | Klikoje.al

Tag: FSHF

  • Kukësi sqaron largimin e brazilianit Leiria: Kërkoi letrat, sepse…

    Kukësi sqaron largimin e brazilianit Leiria: Kërkoi letrat, sepse…

    Pas lajmit që u publikua në media për largimin e tij, klubi i Kukësit ka reaguar me anë të një komunikate zyrtare në profilin e saj në rrjetin social “Facebook” ku ka deklaruar largimin nga skuadra verilindore të lojtarit Mateus Leira. Klubi i Kukësit sqaron opinionin publik duke shkruar se vetë futbollisti brazilian ka kërkuar të largohet për arsye se e ëma e tij është në gjendje të rëndë shëndetësore.

    KOMUNIKATA ZYRTARE E KLUBIT TË KUKËSIT –

    “Njoftim i klubit!

    Futboll Klub Kukësi njofton se futbollisti brazilian Matheus Leiria Dos Santos nuk është më pjesë e skuadrës sonë! Mesfushori i ardhur në merkaton e verës, ka kërkuar nga klubi dokumentacionin për t’u larguar në drejtim të Brazilit duke qenë se nëna e tij është në gjendje të rëndë shëndetësore. I detyurar për të qenë pranë familjes në këtë moment të vështirë, futbollisti ka kërkuar nga klubi të largohet.

    Nga ana tjetër, klubi e ka mirëkuptuar futbollistin dhe e ka lejuar që të largohet nga ekipi për të qenë pranë familjes. Futboll Klub Kukësi i uron nënës së tij shërim sa më të shpejtë dhë futbollistit i uron suksese në karrierë! Faleminderit Leiria.”

  • Shqipëri-Angli në rrezik, zbardhet letra e FSHF-së dhe çfarë kërkohet

    Shqipëri-Angli në rrezik, zbardhet letra e FSHF-së dhe çfarë kërkohet

    Shqipëri-Angli mund të vihet në rrezik për luajtjen nga arsye sigurie.

    FSHF i ka dërguar së fundmi Inspektoratit Kombëtar të Mbrojtjes së Territorit, si dhe duke vënë në dijeni Inspektoratin Urbanistik Vendor në Bashkinë e Tiranës, kryebashkiakun Erion Veliaj si dhe kryeministrin Edi Rama.

    LETRA

    Nisur nga direktivat që ka dhënë UEFA për ndeshjen kualifikuese tëKupës së Botës, FSHF është vënë në lëvizje duke njoftuar dhe kërkuar nga IKMTzbrazjen e hapësirës rreth stadiumit “Air Albania”.

    “Në ambientet komerciale të këtij impianti sportiv janë instaluar biznese dhe subjekte të ndryshme, të cilat operojnë në fusha të ndryshme, kryesisht shërbime bari-kafeterie.Paraprakisht, për ne si federatë është shumë e rëndësishme të theksojmë se prania e këtyre operatorëve i jep jetë dhe kontribuon jo vetëm në mirëqenien e bizneseve, por edhe në larmishmërinë e shërbimeve që ofron ky impiant gjigant.

    Gjithsesi, me shqetësim kemi konstatuar se zgjerimi i pazakontë i bizneseve në perimetrin e stadiumit ‘Air Albania’, çdo ditë e më shumë po shndërrohet në një problematikë që del përtej zhvillimit të një biznesi, e duke u kthyer në një element penalizues dhe bllokues për funksionin bazë të këtij impianti, organizimin e ndeshjeve të futbollit.Operatorë të ndryshëm bar-kafe kanë avancuar me ngritjen e strukturavepermanente prej hekuri dhe betoni në trotuaret e stadiumit, duke cenuar seriozisht standardet e sigurisë për organizimin e ndeshjeve ndërkombëtare, por në fakt,elemente themelore sigurie për çdo organizim ndeshjeje të çdo natyre.

  • EKSKLUZIVE/ Tirana nuk dëshiron ta festojë titullin në stadium bosh, zbulohet kërkesa e bërë në FSHF…

    EKSKLUZIVE/ Tirana nuk dëshiron ta festojë titullin në stadium bosh, zbulohet kërkesa e bërë në FSHF…

    Tirana do të luajë të mërkurën ndeshjen e fundit të këtij sezoni, ku edhe do të ketë mundësinë që të ngrejë titullin e 25-të zyrtar kampion. Për këtë ndeshje ka ndryshuar edhe axhenda dhe do të luhet në stadiumin “Air Albania” me start nga ora 19:00.

    Gazeta “Panorama” ka mësuar se Tirana ka bërë një kërkesë në Federatën Shqiptare të Futbollit për të pasur një prani më të lartë tifozësh. Së pari, një tentativë për të festuar këtë titull me një numër të konsideruar tifozësh, mbase duke përdorur edhe praktikën që po ndodh në shumë vende që aplikohet hapja e pjesshme e stadiumeve me një përqindje të caktuar të vendeve që lejohen të mbushen me tifozë.

    Jo vetëm kaq, por kërkesa është bërë edhe për faktin që të paktën të pranishëm të jenë familjarët e protagonistëve, lojtarëve dhe drejtuesve ekipit që bëri të mundur arritjen e një suksesi të tillë.

    Sot pritet që të ketë një përgjigje nga institucioni zyrtar në vend nëse në protokollin e lejuar të personave për ndeshjen e fundit, Tirana-Bylis, krahas zyrtarëve dhe numrit standard të lejuar ku një pjesë e madhe do të jenë edhe zyrtarë të FSHF-së për ceremoninë festive, do të lejohen edhe familjarët e lojtarëve dhe stafit të skuadrës bardheblu.