Lajmet e fundit | Klikoje.al

Tag: FSHF

  • MËKAT! Shqipëria e përjeton barazimin si humbje, serbët dalin nga Tirana të kënaqur

    MËKAT! Shqipëria e përjeton barazimin si humbje, serbët dalin nga Tirana të kënaqur

    Shqipëria nuk shkon më shumë se një barazim 0-0 ndaj Serbisë, përballje e vlefshme në Grupin K të kualifikueseve të Botërorit 2026. Një përballje që ishte e rëndësishme në aspektin sportiv, por padyshim edhe në aspektin emocional të asaj që përmbledh sfida në fjalë duke kujtuar historinë por edhe atë që ndodhi në Beograd 11 vite më parë.

    Një ndeshje e mirë e kuqezinjëve ndaj një kundërshtari që vinte si favorit, në pjesën e parë, Shqipëria menjëherë tregoi autoritet, kur në minutën e 11′ Mario Mitaj testoi reflekset e portierit serb, me këtë të fundit që grushtoi topin.

    Një ndeshje shumë e mirë e Armando Brojës i cili në minutën e 17’, detyroi mbrojtësin e Milanit, Pavlovic të ndëshkohej me karton të verdhë pas ndërhyrjes së tij. Pika më kulminante do të vinte në minutën e 45’ .Penallti për kuqezinjtë! Hysaj futet dhe i vjedh kohën Samarxhiç i cili e godet dhe shkakton 11- metërsh. Rey Manaj shpërdoron mundësinë e artë të shënonte duke gabuar përballë portierit.

    PJESA E DYTË

    Pjesa e dytë nisi me një ritëm më të ulët, me të dyja përfaqësueset që e ulën disi intensitetin e lojës dhe mund të përmendet rasti i minutëns së 72’ Daku shpërthen në qendër të mbrojtjes, pason për Bajramin, gjuajtja e të cilit është shumë e lehtë dhe shkon në duart e portierit. Përfundon 0-0 kjo përballje, nuk ka fitues në një “derbi” që pati tensione në tribuna. Për momentin, Shqipëria në vendin e dytë në kuotën e 4 pikëve, ndërsa për Serbinë kjo ishte përballja e parë në kualifikueset e Kupës së Botës dhe është me 1 pikë.

    LEXO ME SHUME:“Kosova është e jona, tani luani futboll”, mesazhi i qartë i Mërgim Mavrajt përpara ndeshjes Shqipëri-Serbi (FOTO)

  • “Kosova është e jona, tani luani futboll”, mesazhi i qartë i Mërgim Mavrajt përpara ndeshjes Shqipëri-Serbi (FOTO)

    “Kosova është e jona, tani luani futboll”, mesazhi i qartë i Mërgim Mavrajt përpara ndeshjes Shqipëri-Serbi (FOTO)

    Mërgim Mavraj ka postuar një mesazh, ndërsa sot do të luhet ndeshja Shqipëri-Serbi. Ky takim është programuar për në orën 20:45 dhe vlen për kualifikueset e Botërorit 2026.

    “Çuna, lufta ka mbaruar. Kosova është e jona, përgjithmonë. Tani luani futboll”, shkruan ish-kapiteni i Kombëtares shqiptare.

    Kujtojmë se Mavraj e mbajti për 50 ndeshje veshur fanellën e Kombëtares. Ish-mbrojtësi shënoi edhe tre gola ku më i rëndësishmi ishte ndaj Armenisë. Mavraj tundte rrjetën në fitoren 2 me 1 ndaj Armenisë, për të siguruar 3 pikë të arta në rrugëtimin drejt Europianit.

    FORMACIONI I MUNDSHËM

    Shqipëria luan përballë Serbisë duelin më të rëndësishëm të Grupit K, në Kualifikueset e Botërorit 2026. Trajneri Sylvinho i ka idetë e qarta sesi do të prezantohet në këtë përballje. Rreshtimi 4-3-3, por mund të ndryshojë në varësi të ndeshjes dhe qasjes ndaj kundërshtarit.

    Nuk duhet të ketë dyshime për portën me Thomas Strakoshën që vazhdon të jetë titullari mes shtyllave. Dilema e vetme sa i takon aspektit të mbrojtjes është në qendërtë mbrojtjes Ajeti gjithnjë garanci kur futet në fushë. Pjesa tjetër e repartit është e zgjidhur me Mitajn, që rimerr krahun e majtë, kapitenin Gjimshiti në qendër dhe Balliun në të djathtë. Edhe pse anësori i Rayos ndjen konkurrencën e Hysaj. Në mesfushë, Asllani nuk është fare në dyshim, Ramdani në avantazh krahasuar me Shehun, dhe Qazim Laci që pritet ti japë më tepër forcë e shpejtësi këtij reparti.

    Për të bërë një lidhje më organike me sulmin, Nedim Bajrami është alternativë seriozë në krahun e majtë, Sylvinho po e mendon nga minuta e parë me Brojën në qendër të sulmit. Zgjedhja e fundit duhet bërë, sepse me Manaj e Dakun që në qendër të sulmit ndihen, ndoshta talenti shkodran i Chelsea mund të luajë edhe në të djathtë, ku do të ketë hapësirën e dëshëruar për shpërthimet e tij.

  • “Nuk je normal kur e bën këtë pyetje”, Stojkovic nxehet në konferencë, tregon dy lojtarët e rrezikshëm të Kombëtares

    “Nuk je normal kur e bën këtë pyetje”, Stojkovic nxehet në konferencë, tregon dy lojtarët e rrezikshëm të Kombëtares

    Dragan Stojkovic ka folur në konferencë për shtyp, para ndeshjes që Serbia do të luajë në tokën shqiptare. Trajneri serb vlerësoi disa lojtarë të Kombëtares shqiptare, ndërsa tregoi fokusin te fitorja. Tekniku serb bëri të ditur se nuk ka dilema aktualisht, nëse gjendja e lojtarëe do të jetë e njëjta. Stojkovic deklaroi në konferencë për shtyp.

    Pyetja e një gazetari serb ishte nëse tekniku po mendon të japë dorëheqjen në rast të disfatës ndaj Shqipërisë.

    “Ne nuk e mendojmë kurrë, të paktën unë nuk e bëj. Do të fitojmë aq pikë sa meritojmë dhe kemi ardhur në Tiranë për të fituar, jo për të barazuar dhe do të bëjmë gjithçka për të arritur. Nuk je normal kur bën këtë pyetje… Unë nuk e mendoj fare atë temë, kështu që nuk e di nga e ke marrë atë ide.
    “Me të vërtetë mendoj që për atë që është luajtur në Europian, e kanë merituar. Kanë agresivitetin në fushë, për atë arsye të gjejmë ne një zgjidhje. Kam thënë për lojtarë që janë me kualitet, Strakosha i shkëlqyer, Gjimshiti.

    Ata që duhet të dinë lojtarët tonë, e kemi përcjellë. Në video i kanë parë informatat e sakta. Besoj edhe ato të njëjtat përgatitje si natyra jonë. Nuk po mendoj në temën e marrëdhënies mes Shqipërisë dhe Serbisë. I kënaqur me lojtarët si janë sjellë në fushë. Do të presim edhe stërvitjen sot. Nëse do jetë gjithçka në rregull, formacioni do jetë ai që kam në kokë”, përfundoi Dragan Stojkovic

    LEXO ME SHUME:Le të jetë edhe Brazili, ne luajmë vetëm për fitore, sulmuesi Mitrovic sfidon Shqipërinë: E di se çfarë na pret në stadium…

  • “E pranoj humbjen me Letoninë nëse fitojmë me Serbinë”, Arbër Hoxha nuk fshihet për sfidën e rëndësishme

    “E pranoj humbjen me Letoninë nëse fitojmë me Serbinë”, Arbër Hoxha nuk fshihet për sfidën e rëndësishme

    Arbër Hoxha u shfaq në konferencën për shtyp në krah të portierit Thomas Strakosha.Ai u shpreh se kjo ndeshje është vendimtare për rrugën drejt Botërorit dhe se nëse duhet të zgjidhte fitoren me Serbinë dhe humbjen me Letoninë, do ta pranonte. Ndër të tjera, Hoxha u pyet për unazën që mban në gishtin e martesës, teksa zbuloi që është vetëm i fejuar, dhe së shpejti do të martohet.

    DEKLARATA E ARBËR HOXHËS

    NDESHJA-Do të jetë një ndeshje e vështirë, e dimë që kundërshtari ka shumë cilësi, por po punojmë shumë mirë, po përgatitemi dhe shpresojmë e besojmë që do ta fitojmë ndeshjen. Ne jemi profesionistë, do bëjmë tonën në fushë, bëjmë më të mirën. Kjo ndeshje është e vështirë dhe vendos për një vend “play off” për në Botëror, shpresojmë të fitojmë dhe të kemi shpresë në Botëror.

    KONKURRENCA-Konkurrenca të bën më të fortë, jemi në Kombëtare, sado minuta që të kemi të japim më të mirën. Jam vetëm i fejuar, por edhe shumë shpejt i martuar. Kam qenë i vogël në atë kohë, po ka qenë shumë emocionale jo vetëm për mua, po për të gjithë shqiptarët, Hysaj na tregon edhe tani për historinë atje. Ne duhet të bëjmë më të mirën. Do e pranoja të fitonim me Serbinë dhe të humbnim me Letoninë-përfundoi Arbër Hoxha.

    LEXO ME SHUME:“Duhet të punojmë si grup”, Strakosha në konferencën për shtyp: Serbia? Janë të fortë në…

  • E FUNDIT/ Tirana mbyll bashkëpunimin me Ibraimin, Tefik Osmani kandidat për rolin e drejtorit

    E FUNDIT/ Tirana mbyll bashkëpunimin me Ibraimin, Tefik Osmani kandidat për rolin e drejtorit

    Agim Ibraimi nuk është më drejtor sportiv i Tiranës. Një lajm që përflitej prej kohësh, por ditën e mërkurë është vendosur që të mbyllej ky bashkëpunim. Ishte një vit i lodhshëm e sfidues, me Tiranën që kërkoi të rikompozohej, duke nisur pikërisht me Ibraimin, njeriu i cili drejtoi linjat e klubit, mbi të gjitha merkaton, por që në fund të sezonit la presidencën të pakënaqur si në aspektin e rezultateve ashtu edhe për mënyrën sesi u menaxhua situata e lojtarëve.

    Edhe pse nuk ka patur përplasje mes palëve, duket se filozofia e klubit me atë të drejtorit Agim Ibraimi ishte e ndryshme dhe në drejtime të kundërta. 18 lojtarë të marrë nga Ibraimi këtë sezon, një shifër në të cilën vetëm pak lojtarë spikatën, si Jarmouni, Dembele dhe Kola, lojtarë që në verë mund të sakrifikohen nëse paraqiten oferta të kënaqshme, megjithatë gjithçka do të varet nga politikat që do të sjellë drejtori i ri sportiv. Tirana e sezonit të ri do të marrë jetë nga 1 qershori e në vazhdim. Për pasuesin e Ibrahimit, emri i parë që përflitet është  një rikthim i Tefik Osmanit.

    NDRYSHIME EDHE NË PANKINË

    Tirana mund të ndryshojë fytyrë gjatë merkatos së verës, jo vetëm te lojtarët por edhe sa i përket stafit teknik. Një kandidaturë e fortë për të marrë Tiranën, gjithmonë nëse largohet Bledi Shkëmbi, është Shpëtim Duro. Tiranasi mund të jetë pjesë e bardhebluve në sezonin e ri. Në fakt, emri i Shpëtimit nuk del për herë të parë te Tirana. Edhe pas largimit të Maganit u fol për Duron në stolin e bardheblu.

    LEXO ME SHUME:Te Tirana nuk besojnë më te Bledi Shkëmbi, ish-trajneri i Partizanit kandidat për postin e trajnerit

  • Everton e konsideron të panevojshëm Brojën, trajneri Moyes: Duhet ta falenderoj për kontributin e dhënë

    Everton e konsideron të panevojshëm Brojën, trajneri Moyes: Duhet ta falenderoj për kontributin e dhënë

    Everton ka konfirmuar se Jack Harrison, Jesper Lindstrøm, Orel Mangala dhe Armando Broja do të kthehen në klubet e tyre mëmë kur marrëveshjet e tyre të huazimit të skadojnë në fund të muajit të ardhshëm. Harrison ka qenë i huazuar te Everton për dy sezonet e fundit nga Leeds United, duke bërë 73 paraqitje dhe duke shënuar pesë gola, duke përfshirë golin e parë në barazimin 1-1 ndaj Wolverhampton Wanderers në mars.

    Sulmuesi Lindstrøm vulosi një kalim të përkohshëm nga kampioni aktual i Serie A, Napoli verën e kaluar, duke u paraqitur në 29 ndeshje për Toffees.
    Mesfushori belg, Mangala kthehet në klubin francez Lyon pasi ka luajtur 21 herë përpara se të pësonte një dëmtim të ligamentit të kryqëzuar të përparmë në fitoren 1-0 në Brighton në janar.

    Broja erdhi nga Chelsea në ditën e fundit të afatit kalimtar të verës së kaluar dhe luajti 11 ndeshje për Everton. Trajneri David Moyes tha: “Dëshirojmë të falënderojmë të gjithë lojtarët tanë të huazuar, të cilët kanë kontribuar në hapat pozitivë që kemi bërë në fushë. Ata të gjithë përqafuan atë që do të thotë të luash për këtë klub, dhe qëndrimi dhe angazhimi i tyre gjatë gjithë kohës së tyre te Everton ishte i klasit të parë”.

    LEXO ME SHUME:Serbia, Asllani dhe atmosfera në skuadër, Sylvinho hedh kartat në fushë: Ndaj tyre nuk do të jetë ndeshje normale

  • Serbia, Asllani dhe atmosfera në skuadër, Sylvinho “hedh kartat” në fushë: Ndaj tyre nuk do të jetë ndeshje normale

    Serbia, Asllani dhe atmosfera në skuadër, Sylvinho “hedh kartat” në fushë: Ndaj tyre nuk do të jetë ndeshje normale

    Sylvinho ka publikuar listën me 27 lojtarët e grumbulluar për ndeshjet e qershorit, më datë 7 kundër Serbisë dhe më 10 kundër Letonisë. Sylvinho doli para mediave ku iu përgjigj të gjitha pyetjeve të gazetarëve, në lidhje me lojtarët e rinj, të rikthyerit dhe mungesat. Trajneri foli për duelin me Serbinë dhe emocionet, si dhe për Kristjan Asllanin.

    Ndeshja me Serbinë dhe emocionet – “Janë dy ndeshje shumë të rëndësishme, dy skuadra, kundërshtarë shumë fizikë. Ne shpenzojmë shumë energji, duhet të punojmë shumë mirë. Do të jenë të rëndësishëm të 27 lojtarët, mesazhi i parë është që kemi nevojë për të gjithë. Janë dy ndeshje shumë të vështira për të harxhuar shumë energji. Të përqendrohemi te e para, Serbia, nuk është ndeshje normale, e di, e njoh historinë. Por ne duhet të përqendrohemi te loja, duhet të bëjmë mirë., të jemi skuadër lufte, zemre e shpirti, të mos humbim identitetin, të shkojmë në fushë e bëjmë futboll. Ata jemi ne, jam dakord që është ndeshje që duhet përgatitur mirë, e vështirë, por ne kemi shanset tona”.

    Kontrolli i emocioneve ndaj Serbisë – “Jam i sigurt që duhet të punojmë mbi të, është ndeshje speciale. Por të mos harrojmë që shkojmë në fushë dhe aty është sport, 90 minuta, duhet të përgatitemi shumë mirë për të përballuar të dy ndeshjet. Qartësisht këto 7 ditë, që në ditën e parë do punojmë për të. Kam nevojë për 27 lojtarë me shumë dëshirë për të shkuar në fushë e lënë zemrën e shpirtin, nuk kemi rrugë tjetër. Teorikisht në letër është vendi i dytë, në futboll mund të ndodhë gjithçka. Ne duhet të punojmë mbi gjithçka që mund të marrim, udhëtimi është i shpejtë dhe nuk ka kohë të humbim, ky është mesazhi, kam nevojë çdo minutë të lojtarëve që në stërvitje. Fusha flet, unë dua të shoh lojtarë që vrapojnë, çdo gjë kemi bërë, edhe më shumë zemër e shpirt. Kjo është karakteristika e skuadrës tonë, nuk duhet ta humbim, dua edhe më shumë”.

    A do luajë Asllani me Interin në finale? – “Edhe si Federatë jemi krenarë me lojtarin dhe shumë të tjerë që bëjnë një rrugëtim shumë të bukur. Mua më kujtohet që si lojtar është pjesa më e bukur si karrierë, si trajner është e mirë. E kam zgjedhur si karrierë, por si lojtar kjo është një ndeshje e jashtëzakonshme, sipas meje më e mira në botë. Kam pasur fatin ta luaj një finale, ndoshta mund të luajë, fitojë, por unë flas për Asllanin shqiptar që përfaqëson Shqipërinë. Jam shumë i lumtur për lojtarin, më pëlqen shumë, përtej cilësive teknike. Ai lufton për të bërë më mirë, ka ardhur këtu, ka bërë Ligën e Kampioneve më të mirë të mundshme, nuk ka humbur një stërvitje. Jemi krenarë për të, ndoshta uroj të shohim një ndeshje shumë të bukur që sipas meje është ndër më të bukurat në botë”. Përfundoi Sylvinho

    LEXO ME SHUME:Partizani nis seancat stërvitore për Europën, dy të larguar dhe tre titullarë ende nuk kanë rinovuar

     

  • Te Tirana nuk besojnë më te Bledi Shkëmbi, ish-trajneri i Partizanit kandidat për postin e trajnerit

    Te Tirana nuk besojnë më te Bledi Shkëmbi, ish-trajneri i Partizanit kandidat për postin e trajnerit

    Tirana mund të ndryshojë fytyrë gjatë merkatos së verës, jo vetëm te lojtarët por edhe sa i përket stafit teknik. Një kandidaturë e fortë për të marrë Tiranën, gjithmonë nëse largohet Bledi Shkëmbi, është Shpëtim Duro. Tiranasi mund të jetë pjesë e bardhebluve në sezonin e ri.

    Në fakt, emri i Shpëtimit nuk del për herë të parë te Tirana. Edhe pas largimit të Maganit u fol për Duron në stolin e bardheblu. Ai ishte kontaktuar indirekt për të marrë drejtimin e Tiranës. Nëpërmjet palëve të treta, drejtuesit testuan nëse Shpëtim Duro ishte i gatshëm për një aventurë bardheblu.

    Trajneri i njohur i Kategorisë Superiore, i kombëtareve dhe i shumë skuadrave në Kosovë e Maqedoni, u mësua se në atë moment nuk ka pranuar që të drejtojë bardheblutë. Shkaku ka qenë gjendja e skuadrës, që sipas tij nuk ishte e mirë.

    Duro ka pranuar se në një moment tjetër do të kishte pasur kënaqësinë të merrte drejtimin e Tiranës dhe duket se ai moment ka ardhur. Shpëtim Duro mund të jetë më shumë se një opsion, por trajneri i Tiranës.

    MERKATO E TIRANËS

    Tirana nis merkaton në “hije” dhe kontakton lojtarë të mirë pa kontratë. Këto ditë, drejtuesit bardheblu kanë hyrë në bisedime me dy nga lojtarët më të rëndësishëm të Egnatias, Albano Aleksin dhe Arbin Zejnullain.

    Një emisar i bardhebluve ka folur me dy futbollistët mbi mundësinë që ata të vishen bardheblu për sezonin e ri. Kontakti ka ardhur, pasi lojtarët janë pa kontratë dhe nëse dëshirojnë, mund të transferohen në çdo skuadër tjetër. Gjithsesi, burime në klubin bardheblu bëjnë me dije se lojtarët për momentin kanë thënë “jo”, pasi presin të mbyllin bisedimet me Egnatian, me të cilën u shpallën kampionë të vendit.

    LEXO ME SHUME:Tirana nis merkaton në hije, kontakton dy lojtarë të Egnatias pa kontrata

  • E FUNDIT/ Vllaznia gjen drejtorin sportive brenda shtëpisë, zbulohet kush do jetë pasardhësi i Tefik Osmanit

    E FUNDIT/ Vllaznia gjen drejtorin sportive brenda shtëpisë, zbulohet kush do jetë pasardhësi i Tefik Osmanit

    Drejtori i ri sportiv është një temë e “nxehtë” tek Vllaznia. Me pozicionin që ka ngelur vakant që pas largimit të Tefik Osmanit. Për këtë detyrë emrat më të përfolur kanë qenë ata të Armir Grimes dhe Uliks Kotrrit. Por orët e fundit ngjarjet kanë marrë një rrjedhë tjetër. Kjo pasi në skenë ka dalë emri i Vioresin Sinanit.

    Sipas asaj që filtrohet pranë klubit shkodran, zëvendës trajneri kuqeblu është tashmë në “pole position” për të marrë këtë post. Me sa duket tek Vllaznia duan t’i besojnë golashënuesit më të mirë të historisë merkaton. Dhe së bashku në bashkëpunim me Edi Martinin të formojnë skuadrën për sezonin e ri.

    Zyrtarizimi i Sinanit në këtë post pritet të vijë në orët e ardhshme. Teksa roli i zëvendës trajnerit do vijojë t’i besohet Ergi Borshit në radhët e 9 herë kampionëve të vendit.

    MERKATO E VLLAZNISË

    Vllaznia ka nisur të mendojë që tani për merkaton e verës që po vjen. Klubi shkodran nuk dëshiron një tjetër dështim në Superiore, teksa organika po përgatitet për titullin kampion.

    Së fundmi bëhet me dije, se Vllaznia po kërkon transferimin e Sherif Kallakut. Sipas mediave lokale në Shkodër, ish-mesfushori i Teutës, Partizanit dhe Tiranës është kontaktuar nga vetë trajneri, Edi Martini. Megjithatë, ende nuk ka një përgjigje përfundimtare. Kujtojmë se mesfushori 27-vjeçar aktualisht aktivizohet ne Sepsi në Rumani. Këtë sezon, Kallaku ka shënuar një gol dhe dhuruar një asist në 30 ndeshje që ka marrë pjesë.

    LEXO ME SHUME:Shkëlqeu me Partizanin dhe Tiranën, Edi Martini piketon te Vllaznia mesfushon 27-vjeçar (FOTO)

  • Tirana nis merkaton në “hije”, kontakton dy lojtarë të Egnatias pa kontrata

    Tirana nis merkaton në “hije”, kontakton dy lojtarë të Egnatias pa kontrata

    KF Tirana nis merkaton në “hije” dhe kontakton lojtarë të mirë pa kontratë. Këto ditë, drejtuesit bardheblu kanë hyrë në bisedime me dy nga lojtarët më të rëndësishëm të Egnatias, Albano Aleksin dhe Arbin Zejnullain.

    Një emisar i bardhebluve ka folur me dy futbollistët mbi mundësinë që ata të vishen bardheblu për sezonin e ri. Kontakti ka ardhur, pasi lojtarët janë pa kontratë dhe nëse dëshirojnë, mund të transferohen në çdo skuadër tjetër. Gjithsesi, burime në klubin bardheblu bëjnë me dije se lojtarët për momentin kanë thënë “jo”, pasi presin të mbyllin bisedimet me Egnatian, me të cilën u shpallën kampionë të vendit. Veç kësaj, një problem tjetër ka qenë rroga që kërkojnë lojtarët, e cila është shumë e lartë në krahasim me atë që është standardi i këtij sezoni te KF Tirana, ndonëse te bardheblutë çmenduritë gjithmonë kanë ndodhur.

    Për të mos folur se dyshja është e joshur për të luajtur në Champions League ose kërkon aventura të reja jashtë Shqipërisë. Zejnullai nuk ka luajtur më parë me Tiranën, ndërsa ndryshe është puna me Aleksin, i cili ka qenë pjesë e bardhebluve dy sezone më parë, por nuk mundi të fitonte trofe. Gjithsesi, për momentin është herët për të folur, por bardheblutë kanë nisur të lëvizin për të plotësuar ekipin, i cili ka pafund boshllëqe dhe këta dy lojtarë janë perfektë për 26 herë kampionët.

    Pa harruar se pesë titullarë të KF Tiranës mund të largohen që në fillim të qershorit. Klubi duhet të mendojë për t’i zëvendësuar, sepse në të kundërt i mbeten vetëm lojtarët e akademisë. Tirana mbylli një sezon me oshilacione, por nga ana tjetër ende nuk po “vrapon” që të mbajë të bashkuar skuadrën edhe për kampionatin e ri. Në këtë moment që flasim, janë pesë titullarë apo potencialisht të tillë, që duhet të rinovojnë me skuadrën bardheblu dhe janë në prag të largimit. Bëhet fjalë për dy portierët Gentian Selmani, Leon Kozi, mbrojtësit Gledi Mici, Florjan Përgjoni, si dhe anësorin Rimal Haxhiu. Të pestë janë ose pa kontratë ose do të zhvillojnë bisedime për edhe një vit tjetër bardheblu.