Lajmet e fundit | Klikoje.al

Tag: FSHF

  • Katër ndryshime nga ndeshja me Anglinë, Sylvinho “përzien kartat” në takimin ndaj Andorrës (FORMACIONI I MUNDSHËM)

    Katër ndryshime nga ndeshja me Anglinë, Sylvinho “përzien kartat” në takimin ndaj Andorrës (FORMACIONI I MUNDSHËM)

    Shqipëria luan sot në mbrëmje ndeshjen e dytë të kualifikuesve të Botërorit 2026, atë ndaj Andorrës, të cilën e pret në “Arenën Kombëtare”. Në stërvitjen e fundit, të zhvilluar dje në stadiumin ku do të luhet takimi, të gjithë lojtarët ishin të gatshëm në pjesën e parë të seancës, përfshi këtu edhe Kumbullën me Ismajlin, ndërsa e dyshimtë është prezenca e tyre në fushë sot, ku mund të kursehen nga trajneri për shkak se nuk kanë kaluar ende problemet fizike, por edhe nga niveli i kundërshtarit. Pas rreth 1 ore përgatitje, seanca stërvitore u mbyll pa asnjë problem.

    FORMACIONI

    Te Shqipëria, trajneri Sylvinho tha në konferencën e fundit për mediat se mund të ketë ndryshime në ekip, por la të kuptohet se këto nuk do të jenë të varura nga situata fizike e lojtarëve që luajtën titullarë ndaj Anglisë. Më tej ai shtoi se nuk pritet të ketë shumë ndryshime, ndoshta 2-3 për takimin me Andorrën.

    Edhe pse me vetëm një seancë përpara këtij takimi, sepse ajo e zhvilluar në Londër ishte më shumë rikuperuese, Sylvinho është treguar “hermetik” në lidhje me formacionin të cilin pritet ta ndajë vetëm ditën e sotme me lojtarët. Megjithatë, gazeta po jep një projeksion sesi mund të jetë formacioni i Silvinjos për ndeshjen me Andorrën. Strakosha ka kaluar problemet e ndeshjes së fundit dhe do të jetë nga minuta e parë.

    Alternativat në mbrojtje nuk janë të shumta, dhe trajneri pritet t’iu besojë sërish dyshes Gjimshiti-Ajeti, ndërsa në krahë Balliu dhe Aliji. Në mesfushë, Asllani mbetet i konfirmuar, ndërsa Ramadani është në balotazh me Medon Berishën. Laçi pritet të ulet në stol, ndërsa Bajrami mund të spostohet në qendër. Përpara ka një balotazh mes Brojës dhe Jasir Asanit, ndërsa krahu i majtë mund të luhet mes Muçit dhe Hoxhës. Kjo ndeshje mund të shohë titullar Rei Manajn, i cili nuk luajti asnjë minutë kundër Anglisë në “Wembley”.

    LEXO ME SHUME:Ndarja nga jeta e gazetarit Saimir Demi, mesazhi ngushëllues i kreut të FSHF-së, Armand Duka (FOTO)

  • Tifogrupi TKZ “sfidon” Armand Dukën, do të jenë ndaj Andorrës pa bileta të parezervuara

    Tifogrupi TKZ “sfidon” Armand Dukën, do të jenë ndaj Andorrës pa bileta të parezervuara

    Shqipëria do të presë nesër në mbrëmje në orën 20:45 Andorrën për të luajtur ndeshjen e dytë në kuadër të kualifikueseve për Botërorin 2026-të. Deri më tani janë shitur 15 mijë bileta për të ndjekur nga afër Kombëtaren.

    Edhe pse kuqezinjtë i nisën me humbje këto kualifikuese (0-2 kundër Anglisë), tifozët tanë janë shumë besnikë dhe do ta mbështesin nga tribunat e “Arena Kombëtare”.

    Tifogrupi TKZ do të jetë sërish aty edhe pse pa bileta të parezervuara, por ende nuk ka akord me Federatën. Sonte pritet një takim mes kapitenit Gjimshiti dhe presidentit të FSHF, Armand Duka për të diskutuar mbi këtë çështje. Mbrojtësi po bën “negociatorin”.

    Rikujtojmë që sot te Shqipëria trajneri Silvinjo së bashku me një lojtar do të dalin në konferencën për mediat në orën 16:45 dhe më pas do të kryejnë një seancë stërvitore.

    HUMBJA NDAJ ANGLISË

    Humbja me Anglinë ishte e parashikueshme deri diku, por tani me Andorrën nuk lejohen gabimet. Sylvinho e ka të qartë, ndaj e ktheu Kombëtaren shqiptare në fushë menjëherë pas ndeshjes me Anglinë, të luajtur dy netë më parë në stadiumin Wembley. Kuqezinjtë kanë zhvilluar një seancë stërvitore në stadiumin “The Hive” të Londrës, që ka zgjatur pak më shumë se 60 minuta. Lojtarët të cilët nuk u aktivizuan dhe ata që luajtën si zëvendësues kanë zhvilluar stërvitje me ngarkesë të plotë, ndërsa titullarët kanë punuar vetëm në palestër. Departamenti i Komunikimit në FSHF bën me dije se portieri Thomas Strakosha, i cili u zëvendësua gjatë ndeshjes me Anglinë për shkak të një goditjeje që mori gjatë lojës, është duke u mbajtur nën monitorimin e vazhdueshëm nga stafi mjekësor kuqezi.

    LEXO ME SHUME:Ndarja nga jeta e gazetarit Saimir Demi, mesazhi ngushëllues i kreut të FSHF-së, Armand Duka (FOTO)

  • Serbi-Shqipëri nuk do të luhet në Beograd, përballja pritet të luhet në qytetin tjetër serb

    Serbi-Shqipëri nuk do të luhet në Beograd, përballja pritet të luhet në qytetin tjetër serb

    Serbi-Shqipëri, përballja e vlefshme për kualifikueset e Kupës së Botës është më pak se 7 muaj larg. Kombëtarja serbe do të presë kuqezinjtë në vendin e tyre më datë 11 tetor të këtij viti, por jo në qytetin e Beogradit.

    Siç raporton gazetari Arlind Sadiku, përballja Serbi-Shqipëri nuk do të zhvillohet në kryeqytetin e Beogradit. Opsioni aktual i qytetit që do të presë këtë sfidë është Novi Sad.

    Tifozët e Shqipërisë thuhet se nuk do të lejohen në stadium në këtë përballje për shkaqe sigurie. Ndërsa në Tiranë në muajin qershor nuk do të ketë tifozë serb ngaqë janë të dënuar.

    EUROPIANI SHQIPËRI DHE SERBI

    Presidenti i Federatës Shqiptare të Futbollit, Armand Duka, tha se Federatë Serbe e Futbollit ka një sfidë për të organizuar sa më mirë takimin kundër Shqipërisë, që do të luhet 11 vite pas ndeshjes famëkeqe në Beograd, ku ndeshja u ndërpre pas dhunës së tifozëve serbë.

    “Kjo është sfida e Federatës Serbe për ta organizuar sa më mirë atë ndeshje dhe detyra jonë ta fitojmë”, tha Duka pas shortit, raporton A2 CNN. “Në mars është e sigurt që nuk kemi ndeshje me Serbinë, pasi ka playoff, kështu që do të luajmë në shtator, tetor apo nëntor”.

    Për sfidën me Anglinë, Duka tha: “E kam takuar para shortit, presidenten e Federatës Angleze dhe i kam thënë që nuk dua të luajmë kundër jush. Megjithëse nuk deshëm, goglat na kanë detyruar të luajmë kundër Anglisë”.

  • Ndarja nga jeta e gazetarit Saimir Demi, mesazhi ngushëllues i kreut të FSHF-së, Armand Duka (FOTO)

    Ndarja nga jeta e gazetarit Saimir Demi, mesazhi ngushëllues i kreut të FSHF-së, Armand Duka (FOTO)

    Gazetari i njohur sportiv, Saimir Demi ka ndërruar jetë në moshën 57-vjeçare. Prej kohësh ai vuante nga një sëmundje e rëndë dhe sot humbi betejën. Prej kohësh pjesë e RTSH-së, Demi ka punuar edhe në gazeta të ndryshme sportive dhe ka qenë drejtues për disa vite. Gazetari prej kohësh vuante nga një sëmundje, gjë që solli dhe ndarjen nga jeta. Shumë kolegë të tij, por edhe artistë kanë reaguar me ndarjen nga jeta të Saimir Demit. Kreu i FSHF-së, Armand Duka në një postim në rrjetin social Facebook, shprehu ngushëllimet e tij.

    POSTIMI I ARMAND DUKËS

    Me dhimbje të thellë mora lajmin tragjik për ndarjen e parakohshme nga jeta të Saimir Demit, një gazetar i përkushtuar dhe një njeri i jashtëzakonshëm. Me të kemi ndarë biseda, analiza dhe opinione për sportin, veçanërisht për futbollin, një pasion që e udhëhoqi gjithë jetën e tij profesionale.
    Një njeri i dashur dhe një profesionist i palodhur, Saimiri do t’i mungojë jo vetëm familjes së tij, por edhe komunitetit të gazetarëve dhe sportdashësve, ku kontribuoi me përkushtim për tre dekada.
    Në emrin tim personal dhe në emër të Federatës Shqiptare të Futbollit, i shpreh ngushëllimet më të sinqerta familjes, bashkëshortes dhe djalit të tij, si dhe të gjithë miqve që i qëndruan pranë.
    U prehsh në paqe, Saimir! Do të të kujtojmë gjithmonë me respekt dhe dashuri.

    LEXO ME SHUME:Tifozat Kuq e Zi mbetën pa bileta, FSHF reagon pas ngjarjeve të fundit

  • “I kam merituar vërshëllimat e tifozëve”/ Kristjan Asllani pas ndeshjes me Anglinë flet për Sportmediaset: Largimi nga Inter? Në futboll kurrë nuk i dihe…

    “I kam merituar vërshëllimat e tifozëve”/ Kristjan Asllani pas ndeshjes me Anglinë flet për Sportmediaset: Largimi nga Inter? Në futboll kurrë nuk i dihe…

    Kristjan Asllani ka folur dje gjatë për mediat italiane pas ndeshjes që Shqipëria humbi ndaj Anglisë. Më saktësisht, ai ka folur për “SportMediaset” pas duelit, duke u ndalur më shumë te situata e tij te Interi.

    Futbollisti i Kombëtares shqiptare ka pranuar se nuk ka dhënë ende maksimumi e tij me fanellën zikaltër dhe ndoshta meritonte vërshëllimat e tifozëve, por jo agresivitetin që ata kishin shfaqur kundër tij. Në fund, kishte edhe një koment për Kombëtaren, duke kujtuar se nuk po luan në rolin e preferuar të tij, pasi Silvinjo kërkon një lojtar para mbrojtjes që nuk sheh aq shumë në fazën ofensive.

    “Gjithmonë e kam thënë që jam tifoz i Interit, por nuk dua të rri këtu dhe të bëj premtime sepse tani është e kotë. Mendoj që të përfundoj sezonin një herë. E ardhmja? Kur erdha këtu e bëra sepse e shihja veten për shumë vite me ngjyrat zikaltër dhe shpresoj ende të qëndroj për shumë vite si zikaltër. Por në futboll nuk i dihet kurrë. Të shohim se çfarë do të ndodhë, tani kemi edhe këta dy muaj, do të mundohemi të japim maksimumin.

    Tifozët më kanë vërshëllyer, nuk jam këtu për të thënë gënjeshtra. Sigurisht, nëse e kanë bërë, kanë pasur arsyet e tyre, nuk kisha luajtur mirë, i kam merituar vërshëllimat, i marr përsipër të gjitha gjërat negative. Por është edhe çështja që pas Superkupës ata ishin shumë agresivë me mua, nuk mendoja se e meritoja atë trajtim. Vazhdoj të punoj me qetësi, skuadra më qëndron pranë, kam një familje që më do, jam 23 vjeç, e di që mund të rritem. E di gjithashtu që në këto tre vite nuk i kam shfaqur shumë dhe shpesh cilësitë e mia.

    E di edhe që të luash pak dhe të hysh nga pankina është pak e vështirë. Por nuk ka problem, kam pranuar ta bëj këtë, jam i lumtur që kam lojtarë të fortë përpara meje, si Hakan që është një mësues dhe vëlla, është e drejtë të mësosh prej tij. Siç ishte e drejtë të mësoja nga Brozoviç, i cili ishte një nga lojtarët më të mirë në botë në rolin e tij. Por mendoj se jam gati sepse kam pasur një rrugë të mirë rritjeje.

    Këtu në kombëtare, me Silvinjon, unë kam luajtur gjithmonë si mesfushor më i avancuar, pasi kërkon një organizator pak më mbrojtës. Më ka thënë gjithmonë që kam edhe karakteristika ofensive, pasi e njoh golin dhe asistin, ndaj për mua është në rregull. Kam folur me të, edhe pse e ndjej veten më shumë si regjisor. Jam i lumtur që marr edhe këto minuta, pasi bëjnë pjesë në rrugëtimin tim”, tha Kristjan Asllani.

    LEXO ME SHUME:Për në Shqipëri apo në transferta?/ Tifozët iu ankuan për biletat, Gjimshiti u premton: Do flas tani (video)

  • Furi “Kuq e Zi” në mitikun “Wembley”, zbulohet sa bileta janë shitur në sektorin mik

    Furi “Kuq e Zi” në mitikun “Wembley”, zbulohet sa bileta janë shitur në sektorin mik

    Shqipëria do të sfidojë Anglinë në stadiumin Wembley të premten më 21 mars, nën shikimin dhe mbështetjen e mijëra tifozëve kuqezi. Të gjitha biletat në stadiumin madhështor të kombëtares angleze janë shitur për ndeshjen e parë të kualifikueseve të botërorit 2026, nga të cilat 5600 iu përkasin tifozëve shqiptarë. Kjo është vetëm kuota zyrtare e caktuar për skuadrën mike nga UEFA, por në tribuna pritet të jenë të paktën katër herë më tepër tifozë kuqezi.

    Mbretëria e Bashkuar ka një komunitet të madh shqiptar, duke qenë një nga destinacionet e preferuara të emigrantëve shqiptarë gjatë dy dekadave të fundit. Sipas censusit të vitit 2021, vetëm në Angli ka pasur rreth 68 mijë shtetas të regjistruar të lindur në Shqipëri e Kosovë, si dhe disa mijëra të tjerë rezidentë në Skoci, Uells dhe Irlandën e Veriut.

    Sigurisht që numri i shqiptarëve është shumë më i madh, duke llogaritur të lindurit atje nga prindër shqiptarë, e sidomos emigrantët e paregjistruar që nuk kanë reshtur së hyri në ishull nëpërmjet të gjitha rrugëve e mënyrave. Shtoni këtu edhe tifozët që do të udhëtojnë drejt ishullit nga vendet evropiane ku banojnë dhe në Londër do të formohet një masë e madhe kuqezi në përkrahje të skuadrës së Silvinjos, në misionin e saj kundër njërës prej skuadrave më të forta në botë.

    Te Shqipëria, pavarësisht rezultatit në fushë, festa në shkallët e stadiumit nuk do të mungojë, me entuziazmin dhe nxehtësinë karakterstike shqiptare që padyshim do të jenë fitues, siç e kanë treguar edhe herë të tjerë, gjithmonë në mbështetje të kuqezinjve.

    LEXO ME SHUME:Nga Anglia me mision drejt tokës së premtuar, Sylvinho në konferencë: Duhet të punojmë shumë, ka vetëm një rrugë…

  • Nga Anglia me mision drejt “tokës së premtuar”, Sylvinho në konferencë: Duhet të punojmë shumë, ka vetëm një rrugë…

    Nga Anglia me mision drejt “tokës së premtuar”, Sylvinho në konferencë: Duhet të punojmë shumë, ka vetëm një rrugë…

    Sylvinho, trajneri i Kombëtares ka folur sot konferencë për shtyp. Shqipëria do të përballet nesër me Anglinë në “Wembley”(ora 20:45), për këtë braziliani tregoi situatën aktuale. Dueli në Londër do të nisë fushatën e kualifikueseve të Botërorit për të dyja skuadrat. Në këtë ndeshje, kuqezinjtë shkojnë për të thyer tabu pasi numërojnë vetëm humbje përballë “Tre Luanëve”.

    DËMTIMET-Kemi pasur disa probleme me Ismajlin dhe Kumbullën gjatë javës. Pasditen e sotme do të kemi stërvitjen e fundit që do të vlerësojmë lojtarët. Kemi edhe opsione të tjera si Ajeti dhe Mihaj dhe do marrim një vendim.

    SKEMA-Nuk ka rëndësi si do luajmë. Ata janë ekip i fortë, me shumë cilësi fizike dhe teknike. Luajnë mirë 1 kundër 1. Do tentojmë për diçka të veçantë. Kemi punuar në aspektin difensiv dhe ofensiv. Ndeshja e parë është sfiduese dhe e vështirë.

    PËRGATITJET-Do të jetë e vështirë, por dhe e këndshme. E vërtetë që nuk kemi shumë kohë për t’u përgatitur. E kemi diskutuar dhe mes trajnerësh në FIFA, sa e vështirë është. Mos harrojmë që kemi ndeshje dhe ndaj Andorrës. Do jetë e vështirë sepse nuk ka mjaftueshëm kohë. Kemi përdorur video, diskutime me lojtarët, ato vijnë të lodhur duke qenë se kanë sezone të gjata. Nesër do vendosim për titullarët.

    SYLVINHO SI KRISTOFOR KOLOMBI-Mendoj se nuk ka më kohë për konferencën(qesh). Duhet të punojmë shumë. Ka vetëm një rrugë, duhet të luftojmë për çdo pikë. Kemi lojtarë të mirë. Të luftojmë që të ecim përpara.

    LEXO ME SHUME:Duhet të tregojmë respekt për Shqipërinë/ Thomas Tuchel për debutimin në stolin e Anglisë: Jam nervoz, Wembley do të jetë plot!

  • Berat Gjimshiti flet para duelit me Anglinë: Forca e tyre dihet, trajneri na ka udhëzuar të japim gjithçka në fushë

    Berat Gjimshiti flet para duelit me Anglinë: Forca e tyre dihet, trajneri na ka udhëzuar të japim gjithçka në fushë

    Berat Gjimshiti,  kapiteni i Shqipërisë, është shfaqur krah trajnerit Sylvinho në konferencën për shtyp në prag të sfidës së nesërme me Anglinë në Wembley.

    DEKLARATA E BERAT GJIMSHITIT

    ATMOSFERA– Besoj që një atmosferë shumë të mirë, frymë e re, se ka disa lojtarë që janë talente dhe e përmirësojnë ekipin, kanë dhënë gjithçka në stërvitje për të arritur diçka që se kanë bërë kurrë. Unë të them të drejtën, ëndrrat thonë që nuk janë të mundura, por disa dhe realizohen. Nuk jam nga ai tipi që fshihet që të thotë që jemi kombëtare më e vogël se Anglia, dhe do provojmë mundësitë dhe pse jo të japësh gjithçka në fushë dhe pse jo ta arrijmë atë. Forca e tyre dihet, nuk do të flasim për lojtarë individualisht i shikojmë çdo fundjavë në tv, jemi përgatitur mirë, trajneri na ka mësuar të japim gjithçka në fushë.

    PËRGATITJET-Kanë qenë pak ditë për tu përgatitur por e kemi bërë mjaft mirë. Nuk duhet të flasim individualisht, ekipi ka punë të vështirë, jo vetëm Gjimshiti por çdokush që do të luajë, do të jenë duele skuadrash, nëse përballohemi sa më mirë do ta kenë të vështirë. Ne jemi të përgatitur për këtë, pavarësisht se Anglia është një skuadër e fortë.

    BELLINGHAM-Bellingham është fantastik, shumë rrallë ka lojtarë si ai apo dhe të tjerë, është nga më të mirët në botë, mund të arrijë dhe kulmin që të bëhet më i mirë për aq sa unë kam parë në ato dy ndeshje. Unë besoj që Anglia jo vetëm kundër nesh por edhe të tjerash është favorite, kështu nuk duhet të flasim për këtë. Nuk do të na nënvlerësojnë pasi kemi bërë gjëra të mira në Kombëtare, në futboll nuk i dihet kurrë se çfarë mund të ndodhë.

    SHANSET-Unë besoj që është herët të flasim për shanse, por me kalimin e kohësh dhe pas 4 ndeshjesh mund ta vlerësojmë më mirë, për ne është e rëndësishme të japim gjithçka në fushë dhe mund të jetë diçka e rëndësishme, do të shihet qëllimi ynë”, deklaroi Berat Gjimshiti.

    LEXO ME SHUME:Duhet të tregojmë respekt për Shqipërinë/ Thomas Tuchel për debutimin në stolin e Anglisë: Jam nervoz, Wembley do të jetë plot!

  • “Duhet të tregojmë respekt për Shqipërinë”/ Thomas Tuchel për debutimin në stolin e Anglisë: Jam nervoz, Wembley do të jetë plot!

    “Duhet të tregojmë respekt për Shqipërinë”/ Thomas Tuchel për debutimin në stolin e Anglisë: Jam nervoz, Wembley do të jetë plot!

    Thomas Tuchel ka folur në konferencën për shtyp sa i përket ndeshjes mes Anglisë dhe Shqipërisë. Trajneri i ri i anglezëve është ndalur shumë në projektin e tij të ri dhe mënyrën sesi e shikon futbollin. Gjithashtu Tuchel u shpreh se ndihet pak nervoz para ndeshjes me Shqipërinë, por nga ana tjetër garantoi tifozët se do të krijojë gjithmonë një plan për çdo të papritur që do t’i vijë Anglisë në një ndeshje, përfshirë kjo edhe me Shqipërinë.

    “E kam ndjerë emocionin deri tani në kampin stërvitor. Mendoj se krijuam një energji pozitive si fillim dhe jemi gati për ndeshjen nesër. Duhet të vërtetojmë se jemi gati, duhet t’i bëj njerëzit të besojnë tek unë dhe projekti im. Kjo është puna jonë dhe nuk do të ndalet. Është e mahnitshme, do të luajmë kundër Shqipërisë dhe kemi një Wembley plotë, është shumë emocionuese. Jam pak nervoz, por është pjesë e emocionit.

    Unë në fakt jam gjithmonë pak nervoz para ndeshjeve, nuk mund të ishte ndryshe as tani. Tani është momenti të bëjmë hapin e parë, duhet të tregojmë respekt për Shqipërinë, për cilësinë dhe futbollin e këtij kundërshtari, duhet të jemi gati për t’u përshtatur me lojën. Nuk jemi injorantë të themi se ne do të diktojmë lojën dhe të tjerët duhet të na përshtaten ne, jo, të gjithë do të përpiqen të gjejnë një zgjidhje kundër nesh dhe kjo është arsyeja se përse edhe ne duhet t’i përshtatemi të tjerëve”, tha Tuchel.

    LEXO ME SHUME:Armand Duka intervistë për faqen e UEFA-s: Ëndërrojmë Kupën e Botës, bashkëpunimi me Serbinë erdhi për…

  • Armand Duka intervistë për faqen e UEFA-s: Ëndërrojmë Kupën e Botës, bashkëpunimi me Serbinë erdhi për…

    Armand Duka intervistë për faqen e UEFA-s: Ëndërrojmë Kupën e Botës, bashkëpunimi me Serbinë erdhi për…

    Armand Duka, Presidenti i Federatës së Futbollit ka dhënë një intervistë për UEFA-n, duke folur mbi rritjen e jashtëzakonshme të futbollit shqiptar nën udhëheqjen e tij, nga rindërtimi i infrastrukturës sportive të vendit deri te “utopia” e kualifikimit për dy faza finale të EURO-së.

    Shqipëria dhe Serbia do të bashkorganizojnë turneun final të Europianit Under-21 në vitin 2027. Si i keni hedhur themelet për aplikimin si vendorganizues? Çfarë ndikimi do të ketë ky turne në sport dhe shoqëri?

    Fillimi i aplikimit ka qenë individual, por me një lloj pragmatizmi rrugës vendosëm të bashkonim kandidaturat me Federatën e Serbisë për të pasur më shumë shanse që ta fitonim organizimin e këtij turneu. Shqipëria nuk ka organizuar kurrë më parë një turne sporti të një niveli kaq të lartë. Ne do të presim finalet e Kampionatit Europian U-17 në maj këtë vit, që gjithashtu është një kompeticion i rëndësishëm, por pritja e finaleve të Kampionatit Europian U-21 është një nivel shumë më i lartë. Benefitet e Shqipërisë janë të shumta, që nga pjesëmarrja e Kombëtares tonë U-21 për herë të parë në finalet e një Europiani e për të vijuar me përmirësimet në infrastrukturë që do të sjellë ky turne.

    Do të ketë përfitime ekonomike veçanërisht në drejtim të turizmit. Në fund, por jo për nga rëndësia, mendoj se mesazhet që ne i japim botës me këtë organizim janë shumë të mëdha. Kampionati Europian U-21 2027 do të jetë më shumë sesa një turne futbolli. Do të shërbejë si nxitje për të thyer barriera, për të forcuar mirëkuptimin e ndërsjellë dhe për të krijuar një të ardhme më pozitive për popujt e Ballkanit dhe do të tregojë se çfarë mund të arrihet kur njerëzit bashkohen rreth një objektivi të përbashkët, të frymëzuar nga fuqia e futbollit.

    Për të arritur në stadiumin e ri kombëtar, tifozët ende kalojnë përmes hyrjes qendrore origjinale të ndërtuar në vitin 1930. Çfarë nuk duhet të harrojë futbolli shqiptar për të kaluarën e tij dhe cili është sfida më e madhe për të ardhmen?

    Ne jemi krenarë që kemi ruajtur një pjesë të historisë sonë përmes hyrjes monumentale të stadiumit kombëtar, e cila qëndron si një simbol i trashëgimisë sonë futbollistike. Por historia jonë nuk ndalet aty. Brenda stadiumit, çdo vizitor mund të gjejë të gdhendur emrat e të gjithë futbollistëve që kanë veshur fanellën e Kombëtares ndër vite. Ky është një homazh për ata që kanë dhënë kontributin e tyre dhe një burim frymëzimi për brezat e ardhshëm.

    Sa i përket sfidës më të madhe për të ardhmen, për ne si Federatë është e qartë: synimi ynë është të dyfishojmë numrin e fëmijëve dhe të rinjve që luajnë futboll në Shqipëri, sepse e ardhmja e futbollit ndërtohet nga baza. Ndërkohë, për tifozët tanë, ëndrra më e madhe mbetet pjesëmarrja e Shqipërisë në finalet e një Kampionati Botëror – një objektiv që na motivon çdo ditë për të punuar më fort dhe për të ndërtuar një të ardhme edhe më të ndritur për futbollin shqiptar.” Përfundoi Armand Duka.

    LEXO ME SHUME:Atmosferë festive para ndeshjes me Anglinë, FSHF surprizon dy lojtarët e Kombëtares (ARSYEJA)