Lajmet e fundit | Klikoje.al

Tag: FSHF

  • Doni një biletë kundër Serbisë? FSHF hap procesin e aplikimit

    Doni një biletë kundër Serbisë? FSHF hap procesin e aplikimit

    Federata e Futbollit njofton të gjithë tifozët se është hapur procesi i aplikimit për rezervimin e biletave për ndeshjen e Shqipërisë kundër Serbisë, e vlefshme për kualifikueset e Kampionatit Botëror 2026. Do të ketë një fazë të shprehjes së interesimit, ndërsa përzgjedhja automatike do të nxjerrë përfituesit, duke qenë se parashikohet të ketë kërkesa për bileta përtej kapacitetit të stadiumit Arena Kombëtare.

    Të gjithë të interesuarit mund të aplikojnë përmes platformës ebileta.al, e menaxhuar nga kompania t-ticket, duke ndjekur të njëjtën procedurë si për blerjet e mëparshme online.

    Si të aplikoni?

    Regjistrohuni në platformën ebileta.al duke përdorur adresën tuaj të e-mailit.

    Zgjidhni tribunën e stadiumit.

    Plotësoni të dhënat personale (emër, mbiemër, e-mail) në formularin përkatës.

    Përfundoni me sukses aplikimin, për t’u bërë pjesë e procesit të përzgjedhjes përmes shortit.

    Pas aplikimit, do të merrni një e-mail konfirmimi automatik që vërteton përfundimin me sukses të procesit.

    Afatet dhe procesi i përzgjedhjes

    Afati i aplikimeve do të zgjasë deri më 30 maj.

    Pas mbylljes së aplikimeve, do të zhvillohet një përzgjedhje e rastësishme dhe automatike, përmes shortit elektronik.

    Blerja dhe marrja e biletave

    Të përzgjedhurit do të marrin një link unik për të kryer pagesën online, gjatë periudhës 30 maj – 2 qershor 2025.

    Pas konfirmimit të pagesës, biletat elektronike do të dërgohen automatikisht në adresën e regjistruar të e-mailit.

    Federata e Futbollit thekson se bileta kundër Serbisë mund të transferohet vetëm një herë. Çdo transferim i mëtejshëm do ta bëjë biletën të pavlefshme.

    LEXO ME SHUME:E FUNDIT/ Vllaznia drejt shpërbërjes, pas Osmanit klubi mbyll bashkëpunimin me Brdaric

  • “Së bashku e nxorrëm nga lufta për mbijetesë”, Tefik Osmani zbulon arsyet e largimit nga Vllaznia: Në kontratë kisha…

    “Së bashku e nxorrëm nga lufta për mbijetesë”, Tefik Osmani zbulon arsyet e largimit nga Vllaznia: Në kontratë kisha…

    Tefik Osmani largohet nga Vllaznia. Klubi kuqeblu dhe drejtori sportiv kanë ndarë rrugët sot, pas finales së humbur me Egnatian. Kontrata e tij përfundonte me mbarimin e sezonit, dhe palët nuk vazhduan bashkëpunimin.

    Osmani u afrua te kuqeblutë në nëntorin e vitit 2023. Kuqeblutë mbyllën dy sezone në Final Four, një si vend i katërt dhe i dyti në statusin e nënkampionit.
    39-vjeçari ka postuar në rrjetet sociale pas largimit nga kuqeblutë:

    “Sot kam një falenderim të veçantë për tifozët e mrekullueshëm shkodranë, për lojtarët e ekipit, në veçanti Bekim Balajn, kapitenin që së bashku i shkuam aq pranë titullit. Stafin teknik që kam punuar, në veçanti Vioresin Sinani.

    Falenderoj presidentin që më besoi këtë detyrë në një kohë të vështirë për Vllazninë që me përkushtim të gjithë së bashku e nxorëm nga lufta për mbijetesë në luftën për titull në Final Four. Kontratës sonë i erdhi fundi dhe falenderoj qytetin e Shkodrës për mikpritjen. Falenderim të veçantë edhe për Ardit Krajën që çdo çast i ka qëndruar pranë ekipit”, shkruan Tefik Osmani.

     

    Osmani u bashkua me klubin shkodran në vitin 2023, pas një eksperience me Tiranën, ndërsa largohet pas humbjes së finales së Kampionatit, 0-4 përballë Egnatias. Ndërkohë që kuqeblutë kanë njoftuar largimin e tij, klube të tjera si Tirana, Flamurtari e Egnatia kanë shfaqur interes, gjithçka mund të ndodhë në ditët në vazhdim.

    LEXO ME SHUME:Dinamo në vazon e dobët të Conference League, Ilir Daja kërkon përforcime

  • “E tashmja mbaroi, të mendojmë për të ardhmen”, Skënder Gega pranon rotacionin ndaj Dinamos: Do na shërbejë të fitojmë lojtarë, do ti japim shans…

    “E tashmja mbaroi, të mendojmë për të ardhmen”, Skënder Gega pranon rotacionin ndaj Dinamos: Do na shërbejë të fitojmë lojtarë, do ti japim shans…

    Skënder Gega, trajneri i Partizanit,  ka folur për mediat në prag të ndeshjes kundër Dinamos, që do të luhet nesër në orën 19:00 në “Elbasan Arena”. Luhet për vendin e tretë, por për trajnerin e të kuqve nuk është i rëndësishëm rezultati në këtë derbi, prandaj do të zbresin në fushë lojtarë të rinj dhe ata që janë aktivizuar më pak gjatë sezonit të rregullt.

    Gjendja ekipit në prag të takimit ndaj Dinamos?

    Është ndeshja e fundit, gjendja e ekipit në përgjithësi është e mirë, thotë fillimisht Skënder Gega. Nesër luajmë ndaj Dinamo City nuk besoj se pikësynimi është rezultati , apo do na ndihmonte në klasifikim. Tashmë çdo gjë është e njohur. Do na shërbej të ftojmë edhe lojtarë nga ekipet e moshave dhe Partizani B. Kjo do jetë nesër edhe qasja jonë me shumë lojtarë të rinj dhe me një pjesë të madhe që nuk kanë marrë minutazhin. E kemi për detyrë ti japim shans tjetër për të luajtur dhe bërë më të mirën.

    Çdo gjë që e bëjmë e bëjmë për të ardhmen. E tashmja mbaroj javën e kaluar, kështu që me qetësi do shikojmë çdo gjë me emra por edhe me pozicione. Nesër do kenë hapësirën e tyre, presioni nuk është te rezultati të shijojmë ndeshjen dhe të bëjnë atë që dinë të bëjnë më mirë. Edhe ne të kemi një ide të qartë për secilin , qoftë edhe lojtarët e rinj për herë të parë duhet ti promovojmë. Ti japim mundësinë të shohim edhe sa mund të na ndihmojnë edhe pjesa tjetër që s’ka patur minutazhin e duhur e kanë shansin e tyre.

    Ecuria e Partizanit gjatë kësaj periudhe?

    Ecuria është e lidhur me rezultatin, analiza është shumë e thjeshtë. Personalisht kam ardhur me dëshirën për të mbështetur dhe për të dhënë kontributin tim, kam bërë më të mirën që unë di dhe analiza bëhet më vonë. Skam dyshim që ekipi ka dashur për të dhënë më të mirën , dëshira nuk i ka munguar. Gabimet teknikisht bëhen nga të gjithë faktorët qoftë nga lojtarët, qoftë nga trajnerët. Sot që flasim kam eksperiencën kam një pasqyrë shumë më të qartë për secilin individ , por edhe si ekip. Do mundohemi që para kupave të Evropës të jemi shumë më të qartë për grupin që do të shkojë në fazë përgatitore dhe të jemi gati për kupat e Evropës. Është një proces që do vazhdoj sa më shpejt. Me klubin do gjejmë gjuhën e përbashkët të ndërhyjmë aty ku kemi nevojë. Çdo gjë bëhet me klubin.

    Merkato?

    Të mbarojmë edhe ndeshjen e fundit. Patjetër do ulem me klubin do bisedojmë edhe me stafin teknik. Kam një staf që punon gjithë vitin , kanë punuar edhe përpara se të vij unë. Do nxjerrim konkluzione se ku mund të ndërhyjmë çdo gjë do bëhet nëpërmjet aprovimit. Unë e di që dëshira e madhe e tifozëve është që të sjellim lojtarë cilësorë dhe të jemi konkurrent. Edhe tek ne është kjo dëshirë të shikojmë edhe mundësitë. Një pjesë e madhe e lojtarëve është nën kontratë , një pjesë përfundojnë kontratën pas ditës së nesërme. Do bëjmë çdo gjë me qetësi do të bëjmë më të mirën e mundshme që në vendimet që do të marrim të jemi shumë të qartë dhe të mos gabojmë në mënyrë që të dalim me një ekip solid dhe më konkurrues. Përfundoi Skënder Gega

    LEXO ME SHUMEl:Lë në “baltë” Partizanin, futbollisti refuzon të rinovojë kontratën

  • Grushti ndaj Osmanit dhe sherri me tifozët e Vllaznisë, Ilir Daja dhe Ardian Bardhi e pësojnë keq nga Komisioni i Disiplinës

    Grushti ndaj Osmanit dhe sherri me tifozët e Vllaznisë, Ilir Daja dhe Ardian Bardhi e pësojnë keq nga Komisioni i Disiplinës

    Komisioni i Etikës dhe Disiplinës pranë FSHF ka bërë publike vendimet për javën e fundit në futbollin shqiptar. Këto vendime lidhen me Superioren, e deri te futbolli i moshave.

    Përsa i përket elitës, grushti që presidenti i Dinamos, Adrian Bardhi i dha drejtorit sportiv të Vllaznisë, Tefik Osmanit është dënuar me 6 ndeshje pezullim. Po me kaq ndeshje është pezulluar edhe trajneri i Dinamos, Ilir Daja.

    KOMISIONI I DISIPLINËS, VENDIMET

    Zyrtari i AF Elbasani, Armand Mehmeti, për sjellje josportive ndaj të zyrtarit të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.

    Zyrtari i FC Dinamo City, Ilir Daja, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 6 (gjashtë) ndeshje pezullim nga veprimtaritë.

    Zyrtari i FC Dinamo City, Adrian Bardhi, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 6 (gjashtë) ndeshje pezullim nga veprimtaritë. Në zbatim të nenit 6/2/b të KDE, zyrtarit i ndalohet hyrja në dhomat e zhveshjes dhe ambientet e brendshme të stadiumit, deri në përfundim të dënimit.

    Lojtari i KF Tirana, Akileu Ndreca, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.

    Lojtari i KF Pogradeci, Redon Raza, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.

    Lojtari i KS Burreli, Lorenxho Murra, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 5 (pesë) ndeshje pezullim nga veprimtaritë.

    LEXO ME SHUME:“Arenën do ta bëjmë Shkodër”, Alban Xhaferi karikon tifozët e Vllaznisë përpara finales me Egnatian

  • Gaz Demi bën bilancin e sezonit, presidenti i Partizanit jep “frerët” e merkatos Sokol Haxhisë

    Gaz Demi bën bilancin e sezonit, presidenti i Partizanit jep “frerët” e merkatos Sokol Haxhisë

    Partizani ka edhe një ndeshje për të luajtur, por sezoni i kuq mund të quhet që tani i mbyllur. Fryti i vetëm në aspektin sportiv për të kuqtë është kualifikimi në Europë, teksa skuadra nuk arriti të marrë asnjë nga trofetë në këtë edicion, duke u eliminuar në të dyja kompeticionet nga Egnatia në gjysmëfinale.

    Në klubin e kuq, nga dita e djeshme, ka ardhur koha për një analizë dhe reflektim të një sezoni të gjatë, që me kalimin e kohës pa që të kishte rokada në stol dhe drejtorë të rinj, që marrin frerët e klubit. Në ditët në vijim në klub pritet të zhvillohet një mbledhje mes drejtuesve, me presidentin Demi, që siç e ka zakon në punën e tij, do të ballafaqojë protagonistët me objektivat e vendosura në fillim të sezonit dhe atë që është arritur.

    Me mbylljen e këtij sezoni me kualifikimin në Europë, pritet të nisë projekti i ri i tyre. Pjesë e klubit është edhe drejtori sportiv, Arbër Abilaliaj, por ajo që “nuhatet” në korridoret e kuqe është se Haxhia do të jetë udhëheqësi i ndryshimeve që duhet të ndodhin me të patjetër në klubin e kuq. Gjithçka pritet të nisë nga largimet.

    Klubi dhe drejtuesit kanë nisur që tani lëvizjet për lojtarët që do të vijnë, me synimin për ta kthyer Partizanin pretendent të Kategorisë Superiore. Nisur edhe nga njohjet që Haxhia ka në Itali, tregu përtej Adriatikut pritet që të ketë edhe vëmendjen më të madhe. Vëmendja do të jetë në sjelljen e lojtarëve cilësorë të një moshe relativisht të re, që mund të shiten në të ardhmen. Mbetet të shihet sesa do të materializohet ky projekt te Partizani.

    LEXO ME SHUME:Vllaznia, ndaj Egnatias me disavantazh statistikash; rrogozhinasit dominojnë edhe në gola

  • “Do të kemi një fund të gëzueshëm”, Bledi Shkëmbi i bindur në suksesin e Tiranës: Jemi në gjendje të mirë, të ardhmen e shoh këtu…

    “Do të kemi një fund të gëzueshëm”, Bledi Shkëmbi i bindur në suksesin e Tiranës: Jemi në gjendje të mirë, të ardhmen e shoh këtu…

    Tirana do të përballet me Pogradecin në finalen që vendos fatet e gjithë sezonit për të dyja skuadrat. Ndeshja do të luhet në “Elbasan Arena”, më 4 maj prej orës 18:00. Para këtij takimi ka folur trajneri Bledi Shkëmbi. Tekniku i bardhebluve deklaroi:

    DEKLARATA E BLEDI SHKËMBIT

    “Vendimtare, ndeshja e fundit, e sezonit. Më gëzon në stërvitje se janë rikthyer 2-3 futbollistë, që ndeshjen e fundit kishin probleme. Jemi stërvitur mirë, kemi folur nga ana psikologjike, për pjesën që duhet të luajmë të qetë, të luajmë futbollin më të mirë të mundshëm që kemi luajtur në këtë kampionat, shpresojmë të kemi dhe fat.

    Nuk i druhem faktit të presionit, ndeshje vendimtare që futbollistët duhet të bëjnë më të mirën e tyre. Janë të rritur, kuptojnë rëndësinë e këtij momenti, ndeshje dhe klubi. Kemi kaluar vit goxha të vështirë, jam i bindur që fundit do të jetë i gëzueshëm.

    Njeriu gjithmonë ka shpresë për më mirë. Rikthimi im ishte duke menduar dhe duke patur besim për të bërë më mirë. Ndoshta nuk është momenti për të bërë analizë, e rëndësishme të shpëtojmë sezonin dhe pastaj të shikojmë çfarë do bëjmë. E ardhmja te Tirana? E rëndësishme është kjo ndeshje, patjetër që shikoj, çdo trajner kërkon të rrijë sa më gjatë te një skuadër. Ka kohë pastaj për të vendosur dhe për të bërë më të mirën për skuadrën dhe klubin. E rëndësishme të fitojmë këtë ndeshje dhe të qëndrojmë në Superligë”, u shpreh trajneri Shkëmbi.

    LEXO ME SHUME:Sfida ndaj Pogradecit vlen gjithë sezonin, Tirona Fanatics me postim të rëndësishëm (FOTO)

  • “Le të shijojmë finalet e Final-Four”, Armand Duka përpara shortit: Dikë e lë të mërzitur, por kjo lojë e bukur kështu është…

    “Le të shijojmë finalet e Final-Four”, Armand Duka përpara shortit: Dikë e lë të mërzitur, por kjo lojë e bukur kështu është…

    Presidenti i FSHF-së, Armand Duka, tha fjalën e tij para shortit të Final-Four.

    “Jemi në fillimin e fundit të këtij kompeticioni vërtetë të suksesshëm, me 36 javë që ka dhuruar emocione sidomos në fund. Si rrallë është luajtur deri në ndeshjen e fundit, kjo e bën akoma më të bukur garën deri ku jemi sot.

    Klasifikimi mbase e keqja sepse dikë e lë të mërzitur dhe dikë të gëzuar për atë që rezulton në fund, por kjo lojë e bukur bëhet ashtu kur të gjithë bashkë kontribuojnë. E përsëris, le të shijojmë emocionet e Final Four dhe të kemi garë kompetitive dhe sa më shumë spektaktorë në shkallët e stadiumit. Iu uroj suksese”, u shpreh presidenti Duka ndër të tjera.

    DATAT E NDESHJEVE

    Departamenti i Garave në FSHF ka përcaktuar datat e zhvillimit të ndeshjeve të fazës “Final 4”, ku do të përcaktohet kampioni i edicionit 2024/2025 të “Abissnet Superiore”, si edhe skuadrat që do të marrin pjesë në kualifikueset e UEFA Conference League.

    Të gjitha ndeshjet do të zhvillohen në stadiumin “Arena Kombëtare”, në periudhën 4–12 maj 2025. Gjysmëfinalja e parë do të luhet më 4 maj, ndërsa gjysmëfinalja e dytë më 5 maj. Finalja për vendin e tretë/katërt është planifikuar për datën 9 maj, ndërsa finalja për titullin kampion do të luhet më 12 maj. Pas përfundimit të kampionatit të rregullt, u përcaktuan edhe vazot e ekipeve për Final Four, ku Egnatia dhe Vllaznia janë pjesë e vazos së parë, ndërsa Dinamo City dhe Partizani janë pjesë e vazos së dytë.

    LEXO ME SHUME: HIDHET SHORTI/ Ja kush janë dy gjysmëfinalet e “Final Four” që u caktuan nga goglat

     

  • VIDEO/ “Duhet të mbaj të karikuar ekipin”, Ardian Mema flet për ndeshjen me Besën: Përballje e fortë, por kemi disa probleme…

    VIDEO/ “Duhet të mbaj të karikuar ekipin”, Ardian Mema flet për ndeshjen me Besën: Përballje e fortë, por kemi disa probleme…

    Pogradeci është skuadra që do të vazhdojë më tej rrugëtimin e saj në “play off” për ngjitjen në Superiore, pasi ka mundur Burrelin në “Liri Ballabani”, duke i eliminuar matjanët nga gara. Liqenorët e drejtuar nga trajneri Ardian Mema u treguan më konkretë në pjesën e parë të ndeshjes, duke sulmuar e gjetur avantazhin me Krasniqin. Goli i shënuar në pjesën e parë nga Jeton Krasniqi vulos fitoren me aromë finaleje, pasi me këtë fitore Pogradeci do të luajë ndeshjen finale përballë Besës, pas ndeshjes, trajneri i Pogradecit, Ardian Mema deklaroi se ekipi i Burrelit është një nga ekipet më të forta, dhe se ndaj Besës, kërkon që ekipi të mbajë lart nivelin.

    “Duhet thënë se Burreli është një nga ekipet më të forta në kampionat, edhe e kishim përgatitur mirë ndeshjen, por e dija që do hasnim vështirësi. Ishte një ndeshje me specifikë të vecantë, për faktin sepse nuk do të duhej vetëm të fitosh, ne shfrytëzuam atë momentin që na u dha dhe shënuam gol, por jo çdo gjë na shkoi ashtu si e menduam. Është një përballje e fortë ndaj Besës, 6 ekipet e para kanë qenë shumë të forta, ndonjëherë më është dukur si Superiore e vogël, kjo është ajo pjesa që duhet ta përgatisim shumë mirë, ekipin duhet ta mbash të karikuar gjithë kohës, nuk ka më vend për gabime, dhe kjo është ajo pjesa, sidomos kur ke ecuri pozitive, duhet ta mbash atë, kjo ka qenë biseda që kam bërë me lojtarët.

    Nëse nuk e mbajmë ritmin, dmth jemi ekip i vogël. Megjithatë, kemi treguar se kemi fituar në Vlorë, kemi fituar me Vorën, kemi fituar ndeshje rresht dhe kjo më kënaq. Kemi disa probleme me ndeshjet në transfertë, por që deri më tani jam i gëzuar me ekipin.Gjithmonë trajneri kërkon dicka më tepër te ekipi, qoftë si lojë qoftë si rezultat, megjithatë do të shohim në vazhdimësi sesi do të shkojnë gjërat,” ishte deklarata e Ardian Memës.

    LEXO ME SHUME:VIDEO/ Më thojnë mos të flas, por unë… Emiljano Çela hakërrehet pas ndeshjes me Apoloninë: Na është vjedhur djersa, ndaj Pogradecit për formalitet

  • E FUNDIT/ Ja sa tifozë janë të pranishëm në përballjen Shqipëri-Andorra (SHIFRAT ZYRTARE)

    E FUNDIT/ Ja sa tifozë janë të pranishëm në përballjen Shqipëri-Andorra (SHIFRAT ZYRTARE)

    Në ekranin e madh të “Arenës Kombëtare” është bërë publike edhe numri zyrtar i tifozëve të pranishëm në duelin Shqipëri-Andorra. Bëhet fjalë për 17.183 tifozë. Një numër relativisht i kënaqshëm duke pasur parasysh edhe kundërshtarin modest që kombëtarja e Silvinjos ka përballë. Dopieta e Manajt në minutat 9 dhe 19 i dhuruan avantazhin e dyfishtë kuqezinjve.

    9-‘ Shqiperia kalon ne avantazh, Manaj gjen rrugen e rrjetes pas asistit te Asllanit.

    20′- Shqiperia ne avantazh te dyfishte, Manaj shenon golin e dyte personal pas asistit te Armando Brojes.

    Në Wembley treguam pak apo aspak në aspektin ofensiv, por krijuam bindjen se dimë të mbrohemi dhe mirë, kundër një skuadre që mbërrin finalet në dy turnetë e fundit madhorë europianë. Bellingham, Kane e Foden do tja kishin bërë jetën të ëvshtirë kujtdo, por me një Gjimshiti në nivele brilante, kanë treguar karakter edhe Aliji apo Ajeti. Për sulmin nuk është se u krijuan shumë mundësi, e megjithatë ato 30 minutat e Brojës janë optimiste, për impulse e talentit shqiptar që fati e ka mbajtur larg fushave, për keqardhjen e Sylvinhos të parit.

    Tani, shumë gjëra duhet të ndryshojnë, ndoshta duke filluar nga formacioni, me ndonjë të rikthyer e ndonjë të dëmtuar, por mbi të gjithë në mentalitet. Kjo është puna më e vështirë për teknikun brazilian, që është thirrur në cështje të bëjë kundër Andorrës, atë që bëri Anglia kundër nesh. Andorranët e shitën me vështrësi lëkurën kundër Letonisë e do të mbyllen edhe më shumë në Arena Kombëtare. Precedentët natyrisht janë në favor të kuqzinjve, por mes tyre janë dy që duhet të shqetësojnë jo pak. Kombëtarja është gati për ndeshjen e dytë në Grupin K ndaj Andorrës, e vlefshme për kualifikueset e Kupës së Botës 2026.

  • Asllani asist e Manaj “fluturon”/ Shqipëria me gazin në maksimum ndaj Andorrës (GOLI)

    Asllani asist e Manaj “fluturon”/ Shqipëria me gazin në maksimum ndaj Andorrës (GOLI)

    Kombëtarja shqiptare do të përballet me Andorrën në kuadër të raundit të dytë të kualifikueseve “Botërori 2026”. Sfida që do të zhvillohet në “Arena Kombëtare”, nis në orën 20:45.

    Një ndeshje ku Shqipëria është favorite në letër, megjithatë kujdesi duhet të jetë maksimum. Në krahun tjetër, Sylvinho e ka “projektuar” formacionin me të cilin do të zbresë në fushë.

    9-‘ Shqiperia kalon ne avantazh, Manaj gjen rrugen e rrjetes pas asistit te Asllanit.

    Në Wembley treguam pak apo aspak në aspektin ofensiv, por krijuam bindjen se dimë të mbrohemi dhe mirë, kundër një skuadre që mbërrin finalet në dy turnetë e fundit madhorë europianë. Bellingham, Kane e Foden do tja kishin bërë jetën të ëvshtirë kujtdo, por me një Gjimshiti në nivele brilante, kanë treguar karakter edhe Aliji apo Ajeti. Për sulmin nuk është se u krijuan shumë mundësi, e megjithatë ato 30 minutat e Brojës janë optimiste, për impulse e talentit shqiptar që fati e ka mbajtur larg fushave, për keqardhjen e Sylvinhos të parit.

    Tani, shumë gjëra duhet të ndryshojnë, ndoshta duke filluar nga formacioni, me ndonjë të rikthyer e ndonjë të dëmtuar, por mbi të gjithë në mentalitet. Kjo është puna më e vështirë për teknikun brazilian, që është thirrur në cështje të bëjë kundër Andorrës, atë që bëri Anglia kundër nesh. Andorranët e shitën me vështrësi lëkurën kundër Letonisë e do të mbyllen edhe më shumë në Arena Kombëtare. Precedentët natyrisht janë në favor të kuqzinjve, por mes tyre janë dy që duhet të shqetësojnë jo pak.  Kombëtarja është gati për ndeshjen e dytë në Grupin K ndaj Andorrës, e vlefshme për kualifikueset e Kupës së Botës 2026.

    LEXO ME SHUME:E FUNDIT/ Sylvinho ndryshon formë dhe lojtarë ndaj Andorrës (FORMACIONI)