Lajmet e fundit | Klikoje.al

Tag: Pogradeci

  • Lot, faj dhe premtimi i Vangjel Zguro për tifozët e Pogradecit: Do luftojmë deri në fund për ëndrrën! (FOTO)

    Lot, faj dhe premtimi i Vangjel Zguro për tifozët e Pogradecit: Do luftojmë deri në fund për ëndrrën! (FOTO)

    Pogradeci nuk arriti të siguronte ngjitjen direkte në Superiore pasi u mposht nga Laçi me rezultatin 2-0. Pas humbjes reagoi edhe kapiteni i liqenorëve, Vangjel Zguro.  Ai humbi një penallti që mund të rezultonte vendimtare dhe i kërkoi falje të gjithëve nga presidenti, trajneri, shokëve të skuadrës dhe tifozve. 33-vjeccari premtoi se në play off do të japin maksimumin dhe nuk do të dorëzohen deri në fund.

    Reagimi i Zguros

    Si djal i qytetit dhe si kapiten i ekipit e ndjej detyrim te kerkoj nje falje nga shpirti Presidentit te ekipit, qe ka investu kaq shum per qytetin tone, ti kerkoj falje gjith cunave te ekipit sepse me shenimin e penalltise ndoshta ndryshonte rjedha e lojes, ti kerkoj nje falje trajnerit tim Cela qe ka ber maksimumin , ti kerkoj nje falje tifozve tane qe e presin kaq shum Superligen,dhe pse futbolli kshu eshte te ul dhe te ngre ne momente te vecanta , me vjen shum keq qe shkoj kshu dhe ju kerkoj falje me shpirt , por nuk duhet te dorzohemi sepse ka dhe nje shprese te fundit dhe ne futboll mund te ndodhe cdo gje do perpiqemi dhe ne play off te bejme dicka dhe ishalla me Zotin perpara te bejme ate qe e duan te gjithe deri sa ka shprese akoma skemi pse dorzohemi , ju kerkoj falje me shpirt…

  • “Do rikthejmë Pogradecin në Superiore”, Zguro sfidon Laçin dhe bën premtimin për tifozët: Të gjithë të bashkuar ditën e dielë

    “Do rikthejmë Pogradecin në Superiore”, Zguro sfidon Laçin dhe bën premtimin për tifozët: Të gjithë të bashkuar ditën e dielë

    Pogradeci është vetëm një hap larg realizimit të ëndrrës së madhe: rikthimit në Superiore pas 15 vitesh mungesë. Liqenorët po bëjnë përgatitjet e fundit për sfidën më të rëndësishme të sezonit, atë të së dielës në Laç, një duel që mund të vendosë fatin e gjithë kampionatit. Kur kanë mbetur edhe tri javë nga fundi, skuadra pogradecare përballet me rivalin që e ka ndjekur hap pas hapi gjatë gjithë sezonit.

    Kapiteni Vangjel Zguro, një nga liderët e kësaj skuadre, e konsideron këtë përballje si provën vendimtare për të treguar se kush e meriton Superioren. “Skuadra vjen në këtë ndeshje me moral shumë të lartë, pasi vijmë nga 9 fitore radhazi dhe sigurisht që kërkojmë edhe të dhjetën. Ndeshje të tilla tregojnë realisht se cila skuadër e meriton të jetë sezonin e ardhshëm në Superiore. Ne do ta tregojmë në fushë dhe me rezultat se e meritojmë këtë ngjitje”, deklaroi kapiteni pogradecar. 33-vjeçari ka qenë një nga shtyllat e skuadrës këtë sezon, duke luajtur 27 ndeshje dhe duke dhënë kontribut të rëndësishëm edhe në fazën sulmuese me 4 gola vendimtarë, pavarësisht rolit si mbrojtës i majtë.

    Mesazhi i tij për tifozët ishte i drejtpërdrejtë dhe plot besim: “Si kapiten i ekipit, u premtoj tifozëve tanë se do të bëjmë maksimumin dhe do të dalim me tri pikë nga Laçi. Pas 15 vitesh mungesë, duam ta rikthejmë Pogradecin aty ku e meriton, mes skuadrave elitare. 19 prilli është dita për t’u bashkuar të gjithë drejt stadiumit ‘Laçi’, për të qenë së bashku dëshmitarë të suksesit të kësaj skuadre”. E diela pritet të jetë dita e së vërtetës për Pogradecin. Një fitore në Laç do të ishte shumë më tepër se tri pikë: do të ishte porta drejt Superiores dhe shpërblimi i një sezoni të tërë sakrificash. Tani mbetet vetëm fusha të flasë.

  • FSHF “përkulet” para Preknicajt, supergoli i lojtarit të Pogradecit merr vlerësimin maksimal (video)

    FSHF “përkulet” para Preknicajt, supergoli i lojtarit të Pogradecit merr vlerësimin maksimal (video)

    Pogradeci mund t’i gëzohet momentit të mirë që po kalon, pas fitores së pastër 3-0 përballë Ilirisë, të vlefshme për javën e 27-të të Kategorisë së Parë.

    Krahas pikëve të fituara, te Pogradeci mund të ndihen edhe me fat, për shkak se njëri prej golave të shënuar në këtë përballje, ai i shënuar nga sulmuesi i qendrës, Kristian Preknicajt u shpall dhe goli më i bukur i mesjavës nga Federata Shqiptare e Futbollit.

    Preknicaj shënoi në minutën e 39-të falë një goditje akrobatike, duke lënë të shtangur portierin e miqve.

    Në këtë ndeshje, golat te skuadra e drejtuar nga Emiljano Çela mbajtën “firmën” e Preknicaj (roveshatë), Ogunleye (devijimi i topit, duke i prishur trajektoren portierin rival) dhe Indio Oliveira (në vendin e duhur për të “tundur” rrjetën).

     

     

    View this post on Instagram

     

    A post shared by FSHF (@fshforg)

    LEXO ME SHUME:Egnatia respektohet, por nuk falet”/ Mesazh i fortë i Gvozdenovic, trajneri i Elbasanit: Do luftojmë për tifozët, nuk më intereson dënimi…

  • Luftë dhe nerva në Kategorinë e parë, penalltia që tronditi ndeshjen (video)

    Luftë dhe nerva në Kategorinë e parë, penalltia që tronditi ndeshjen (video)

    Apolonia-Pogradeci, sfida e vlefshme për Kategorinë e Parë, u mbyll në mënyrë dramatike me rezultatin 2-2, në një ndeshje që prodhoi emocione, gola dhe polemika të forta deri në sekondat e fundit.

    Takimi ishte i luftuar nga të dyja skuadrat, me Apoloninë që tregoi më shumë kërkueshmëri gjatë lojës, ndërsa Pogradeci u mbështet te kundërsulmet. Goli i barazimit erdhi në minutën e 97-të, kur Zguro u tregua i saktë nga pika e bardhë, duke i mohuar fitoren ekipit fierak.

    Momentet më të tensionuara të ndeshjes u regjistruan në minutën e 88-të, kur gjyqtari Dorjan Maletaj akordoi një penallti për Pogradecin, pas një pretendimi për prekje topi me dorë në zonë. Vendimi shkaktoi reagime të ashpra nga lojtarët dhe stafi i Apolonisë, të cilët e konsideruan të padrejtë gjykimin.

    Si shenjë proteste, Apolonia vendosi të tërhiqte ekipin nga fusha për disa minuta, duke ndërprerë përkohësisht lojën dhe duke krijuar tension të madh në stadium. Pas rifillimit, penalltia u ekzekutua me sukses nga Zguro, i cili vulosi rezultatin përfundimtar 2-2.

    Ndeshja pritet të pasohet nga reagime dhe ndoshta masa disiplinore, ndërsa vendimi i arbitrit do të jetë në qendër të debatit në ditët në vijim.

  • E FUNDIT/ Nuk ishin në planet e trajnerit, Partizani largon dy lojtarë në fundin e merkatos (EMRAT)

    E FUNDIT/ Nuk ishin në planet e trajnerit, Partizani largon dy lojtarë në fundin e merkatos (EMRAT)

    Pogradeci ka arritur të bëjë një merkato shumë cilësore, ku ka transferuar futbollistë nga Superiorja. Kështu pas Mateo Shanajt që huazoi nga Partizani dhe Marin Abazajt që mori nga Bylisi, tashmë liqenorët kanë marrë një tjetër mesfushor.

    Bëhe fjalë për Kazeem Ogunleye, i cili jepet në huazim nga skuadra e Partizanit. Kështu Pogradeci përforcohet akoma më shumë për të arritur obejktivin që është ngjitja në elitë. Ndërkohë liqenorët nga krahu tjetër “boshatisin” ekipin kryeqytetas, pasi në këtë mënyrë i marrin një tjetër futbollist.

    Siç dihet, Pogradeci është në vendin e 3-të në tabelën e klasifikimit me 39 pikë. 1 më pak se Laçi i vendit të dytë, pozicion që të ngjit direkt në Superiore. Padiskutim që të besuarit e Emiliano Çelës do të luftojnë deri në fund për të arritur qëllimin e tyre, teksa drejtuesit janë treguar pa “frena” në merkato.

    LEXO ME SHUME:“Menduam se kishte arrest kardiak!” Mjeku i Partizanit rrëfen momentet e frikës për Sembene

  • VIDEO/ Pogradeci ndihet i vjedhur, momenti kur liqenorët pretendojnë për penallti në takimin ndaj Besës

    VIDEO/ Pogradeci ndihet i vjedhur, momenti kur liqenorët pretendojnë për penallti në takimin ndaj Besës

    Takimi mes Pogradecit dhe Besës, i zhvilluar në Pogradec, u mbyll pa gola 0-0, por jo pa polemika. Një ndeshje e luftuar dhe me ritëm, ku vendasit kërkuan me ngulm fitoren, por u ndalën nga mbrojtja e organizuar e Besës dhe vendimet e diskutueshme të arbitrit.

    Momentin më të debatueshëm të sfidës e prodhoi pjesa e dytë, kur futbollisti maqedonas i Pogradecit, Toshevksi, u rrëzua në zonë pas një kontakti me mbrojtësin kundërshtar. Në kampin liqenor u pretendua për një penallti të pastër, por gjyqtari vijoi lojën, duke shkaktuar reagime të forta nga stafi teknik dhe tifozët vendas.

    Ky barazim penalizon Pogradecin në garën për kreun, pasi skuadra mbetet në vendin e tretë të renditjes dhe sheh vendin e dytë të largohet tashmë në 6 pikë diferencë. Një hap fals që mund të rezultojë i kushtueshëm në objektivat sezonale të liqenorëve. Nga ana tjetër, Besa largohet nga Pogradec-i me një pikë të vlefshme, duke treguar maturi taktike dhe disiplinë mbrojtëse në një transfertë të vështirë.

  • Pogradeci bën “bingo” në merkato, firmos me ish-kapitenin e…. (FOTO)

    Pogradeci bën “bingo” në merkato, firmos me ish-kapitenin e…. (FOTO)

    Pogradeci vijon me përforcimet në merkato. Së fundmi liqenorëve u është bashkuar në stërvitje, ish-kapiteni i Kukësit, Redon Dragoshi.

    25-vjeçari u aktivizua 14 ndeshje në këtë edicion me kukësianet, teksa shënoi 2 gola, ndërkohë tashmë do të kërkojë një aventurë të re, me skuadrën e Emiljano Çelës, aty ku Pogradeci ka si objektiv ngjitjen në Superiore.

    Dragoshi ka një CV tepër të pasur, ku në total numëron 98 ndeshje në elitën e futbollit shqiptar, 30 në Kategorisë e Parë dhe 15 në Kupën e Shqipërisë. Gjithashtu mbrojtësi është aktivizuar edhe 1 ndeshje më Kombëtaren U21 si dhe 5 me U19.

    LEXO ME SHUME:Dinamo e ka seriozisht, dy lojtarë të Bylisit dhe ish-lojtari i Partizanit drejt firmës

  • VIDEO/ Penalltia që nuk u akordua tërboi Emiliano Çelën, momenti i dyshimtë, deklarata trajnerit të Pogradecit: Habitem pse gjyqtari…

    VIDEO/ Penalltia që nuk u akordua tërboi Emiliano Çelën, momenti i dyshimtë, deklarata trajnerit të Pogradecit: Habitem pse gjyqtari…

    Sfida mes Besës dhe Pogradecit u mbyll me barazim 1-1. Në  të ndeshjes, trajneri i Pogradecit, Emiljano Çela kishte pretendime për penallti.

    Ishte minuta e 94-t, kur lojtari i Pogradecit u rrëzua në zonën e Besës. Gjyqtari Gerard Çokaj e konsideroi çdo gjë të rregullt, ndërsa liqenorët protestuan.Ndeshja në stadiumin “Luz i Vogël” nuk kishte VAR. Skuadrat ndanë kështu nga 1 pikë në sfidën e vlefshme për javën e shtatë të Kategorisë së Parë.

    DEKLARATA E ÇELËS

    “Jam i kënaqur me paraqitjen e skuadrës, të gjithë lojtarët arritën limitet e tyre. Mënyra e lojës që kishim zgjedhur ishte duke pranuar limitet e lojtarëve sepse kishim shumë mungesa. Në pankinë kisha djem të rinj. Po patjetër që edhe ato janë lojtarë cilësor dhe të talentuar, por nuk ishte ndeshja e tyre sot sepse ishte ndeshje me dozë shumë të lartë emocionale. U munduam këtë javë që pata mundësi të punoja, të ribëja ekipin nga e para. Sinqerisht nga të gjithë lojtarët jam shumë i kënaqur, për faktin që kapëm limitet tona. Do doja më shumë qarkullim, posedim topi. Kundërshtari kur shkuam 1 me 0 u çekuilibrua. Po të kishim pak durim, mund të kishim kapur shumë situata loje, 4 kundër 3 ose 3 kundër 2. Jam i kënaqur.

    Është penallti e pastër. Do na kishte dhënë fitore. Habitem pse gjyqtari nuk e dha atë penallti. Luan dy ekipet më të mira të kësaj kategorie, pavarësisht pozicionit ku janë, nuk ka VAR. Patjetër që duhet të kishte, ishte penallti që na hoqi fitoren. Duhet të jesh shumë i mërzitur, loja e futbollit është emocionale. Është vendim i gabuar i gjyqtarit, që ne nuk marrim 3 pikë sot.

  • KATEGORIA E PARË/ Pogradeci me hap pretendenti, mposht Kukësin; Korabi vijon problemet (REZULTATET)

    KATEGORIA E PARË/ Pogradeci me hap pretendenti, mposht Kukësin; Korabi vijon problemet (REZULTATET)

    Kategoria e Parë zhvilloi ditën e sotme takimet e tjera të vlefshme për javën e 5-të të saj. Skënderbeu-Laçi 1-0 dhe Besa-Lushnja 1-1 ishin takimet e ditës së djeshme, ndërsa ditën e sotme, Pogradeci i Ardian Memës nuk ka pasur probleme në “Kukës Arena” ndaj verilindorëve. “Liqenorët” e kanë gjetur 3 herë rrugën e rrjetës me Ezequeil 3′, 30′ dhe Kazeem, ndërsa te Kukësi shënoi me Wilson Junior.

    Kategoria e Parë, nuk ka pasur fitues në “Redi Maloku” ndërmjet Kastriotit vendas dhe Burrelit. Goli i Burrelit me Xhabrahimi në pjesën e parë nuk mjaftoi. Moses Ajine “vulosi” barazimin 1 – 1. Dueli në Gjirokastër mes Luftëtarit dhe Ilirisë është mbyllur 2 – 1. Pa gola është mbyllur përballja Korabi – Apolonia, 0 – 0 me dibranët të cilët vijojnë të kenë probleme të arrijnë te fitorja.

    LEXO ME SHUME:“Të ngrejmë kokën e të punojmë”, Bordin mesazh lojtarëve të Tiranës: Kjo ndeshje duhet të jetë shembull për ne

  • “Skënderbeu ka kualitet, por në Pogradec nuk fiton dot”, Zguro ndez derbin juglindor: Synimet tona dihen…

    “Skënderbeu ka kualitet, por në Pogradec nuk fiton dot”, Zguro ndez derbin juglindor: Synimet tona dihen…

    Vangjel Zguro, ka folur me tone optimiste para supersfidës me Skënderbeun, derbi që rikthehet pas 15 vitesh në futbollin shqiptar. Në një prononcim për emisionin “Sport” në RTSH Korça, ai theksoi se objektivi i qartë i liqenorëve është ngjitja në Superiore, ndërsa beson se brenda në Pogradec çdo kundërshtar e ka të pamundur të marrë pikë.

    “Synimet e Pogradecit dihen, që jemi për t’u ngjitur një kategori më lartë. Me Laçi, nuk mund të them që ishte një nga ndeshjet tona më të mira. Duheshin pikët, në momentin që kemi shënuar golin, kemi menduar vetëm të marrim pikët jo lojën. Laçin e komplimentoj, ishte një ekip shumë  i fortë, do të jetë garë shumë e fortë këtë sezon. Pogradeci, Laçi, Skënderbeu, gjithashtu edhe Besa.  

    Me Lushnjën bëmë lojë të mirë, por nuk hyri golin. Ishim në presion sepse edhe në Fushë-Krujë dolëm barazim. Na duheshin pikët, duhet pranuar se kishim fatin, por në fund fituam ne.  

    Disa lojtarë kanë ardhur më shpejt, disa më vonë, nuk është se janë përshtatur 100 % të gjithë. Kanë luajtur në liga jashtë, nuk e njohin kampionatin. Kategoria e Parë është më e ashpër. Nuk ka lojë aktive, po iku ekipi 1 me 0 nuk ka lojë. Të ngjitet më i miri, kush ta meritojë.

    Unë fola shumë qartë, Skënderbeu ka kualitete para, unë në Pogradec, edhe ndaj ekipit më të mirë në Shqipëri, vetëm për 3 pikë firmos. Jo në eufori, po me tipin dhe karakterin tim, të vijë ekipi më i mirë në Shqipëri nuk fiton dot në Pogradec. Për mua edhe për atë që është Pogradeci brenda. Shumë ekip fushë, jashtë është pak më ndryshe, por brenda është ekip i ashpër”, deklaroi Zguro për emisionin “Sport” në RTSH Korça.