Pogradeci dhe Besa kanë dhuruar një ndeshje interesante në testin miqësor të zhvilluar në stadiumin “Gjorgji Kyçyku”, ku gjithçka u mbyll në barazim 1-1.
Momenti më spektakolar i takimit erdhi në minutën e 35-të, kur Kristian Preknicaj realizoi një gol fantastik me rroveshatë, duke lënë pa asnjë mundësi portierin kundërshtar dhe duke kaluar Pogradecin në avantazh. Në pjesën e dytë, Besa reagoi dhe arriti të rikthente ekuilibrin falë golit të Bianor Netos, i cili vulosi rezultatin përfundimtar 1-1.
Përtej rezultatit, të dyja skuadrat treguan se po përgatiten seriozisht për sezonin e ri. Si Pogradeci ashtu edhe Besa synojnë ngjitjen në Superiore, pasi edhe sezonin e kaluar ishin pranë objektivit, duke qenë pjesë e fazës “play-off”. Miqësorja konfirmoi se të dy ekipet kanë potencial për të qenë mes protagonistëve në garën për elitën e futbollit shqiptar.