Lajmet e fundit | Klikoje.al

Tag: Lushnja

  • Shpërbehet Lushnja! Pesë lojtarë të larguar, zv.kapiteni njofton: Mbyllet ky kapitull për mua

    Shpërbehet Lushnja! Pesë lojtarë të larguar, zv.kapiteni njofton: Mbyllet ky kapitull për mua

    Rënia në Kategorinë e Dytë pritet të sjellë ndryshime të shumta te Lushnja. Pas largimeve të dy futbollistëve nga Bregu i Fildishtë, Romeo Olola dhe Wilfred, mësohet se kanë mbyllur bashkëpunimin me klubin edhe portieri Saugli Alimuçaj dhe sulmuesi Salvatore Ribaudo.Italiani ishte një nga lojtarët më të spikatur të lagunarëve sezonin e fundit, duke regjistruar 5 gola dhe 6 asistime në 29 ndeshje. Ndërkohë, Alimuçaj u aktivizua në 11 takime, duke mbajtur portën të paprekur në 3 prej tyre.

    Për Ribaudon, aventura te Lushnja pritet të mbetet e vetmja në futbollin shqiptar, pasi sulmuesi nuk dëshiron të vazhdojë karrierën në vendin tonë. Ndryshe paraqitet situata e Alimuçajt, i cili ka tërhequr interesin e disa klubeve të Kategorisë së Parë dhe Superligës. Një tjetër lojtar që ka konfirmuar largimin është edhe Marjus Korreshi. Zëvendës kapiteni në një status në rrjetet e tij sociale ka konfirmuar largimin nga klubi.

    POSTIMI I MARJUS KORRESHIT

    Ndonjëherë fjalët janë të vështira kur duhet të largohesh nga vendi që e ndjen si shtëpi.
    Të largohesh nga ekipi i qytetit tënd pas një sezoni të tillë nuk është aspak e lehtë. Dhimbja për mënyrën si përfundoi sezoni do të mbetet gjatë, sepse askush nuk e donte këtë fund.
    KF Lushnja për mua nuk ka qenë thjesht një ekip.
    Ka qenë qyteti im, njerëzit e mi, fanella që kam ëndërruar ta vesh që fëmijë dhe përgjegjësia për të përfaqësuar vendin ku jam rritur.
    Dua të falënderoj klubin, presidenten, trajnerët, stafin, bashkëlojtarët dhe tifozët për çdo moment të kaluar bashkë.
    Sot mbyllet një kapitull për mua, por respekti për KF Lushnjen do të jetë gjithmonë i njëjtë.
    Shpresoj ta shoh këtë klub shumë shpejt aty ku e meriton.
  • EKSKLUZIVE/ “Je 40 vjeç, mos bëj skena!” Përplasje e fortë mes Banos dhe kapitenit Canka, çfarë ndodhi pas ndeshjes Lushnja-Luftëtari

    EKSKLUZIVE/ “Je 40 vjeç, mos bëj skena!” Përplasje e fortë mes Banos dhe kapitenit Canka, çfarë ndodhi pas ndeshjes Lushnja-Luftëtari

    Një incident i tensionuar është regjistruar në fundjavë në sfidën mes Lushnjes dhe Luftëtarit, mbyllur në barazim 0-0, ku në qendër të vëmendjes përfunduan trajneri Artan Bano dhe kapiteni Mikel Canka.

    Situata shpërtheu në minutën e 63-të të takimit, kur Artan Bano vendosi të zëvendësonte kapitenin e skuadrës. Vendimi nuk u prit aspak mirë nga Canka, i cili reagoi ashpër ndaj trajnerit. Futbollisti shpërtheu me ofendime në drejtim të pankinës dhe, i irrituar, u largua menjëherë drejt dhomave të zhveshjes pa u ulur me pjesën tjetër të ekipit.

    Nga ana tjetër, trajneri Bano tentoi të qetësonte situatën duke iu drejtuar kapitenit me fjalët: “Je 40-vjeç, mos i bëj këto skena.” Episodi krijoi tension në stol dhe nuk kaloi pa u vënë re nga tifozët dhe stafi i skuadrës.

    Takimi mes Lushnjës dhe Luftëtarit përfundoi pa gola 0-0, një rezultat që nuk i shërben aspak verdhejeshilëve. Skuadra lushnjare vijon serinë negative pa fitore prej disa javësh dhe tashmë rrezikon seriozisht rënien një kategori më poshtë.

    Pas përfundimit të ndeshjes, trajneri Bano nuk u paraqit në intervistën e zakonshme për mediat, ndërsa mbetet për t’u parë nëse klubi do të reagojë zyrtarisht për incidentin mes teknikut dhe kapitenit të ekipit.

  • VIDEO/ Kur rivalët flasin si kolegë, çfarë sinjalizon takimi Bano–Shensoi pas ndeshjes Lushnja-Laçi

    VIDEO/ Kur rivalët flasin si kolegë, çfarë sinjalizon takimi Bano–Shensoi pas ndeshjes Lushnja-Laçi

    Laçi ka marrë një fitore shumë të rëndësishme në transfertë, duke mposhtur Lushnjën me rezultatin minimal 0-1, në një sfidë vendimtare për objektivat e të dyja skuadrave.

    Ndeshja u vendos nga një supergol i Myrtës, i cili i dhuroi ekipit kurbinas tri pikë të arta, që e mbajnë Laçin plotësisht në garë për kreun e renditjes. Me këtë sukses, skuadra e drejtuar nga Naxhi Shensoi afrohet në vetëm tre pikë nga vendi i parë, që aktualisht mbahet nga Skënderbeu.

    Nga ana tjetër, situata për Lushnjën bëhet gjithnjë e më e vështirë. Ekipi i drejtuar nga Artan Bano regjistroi humbjen e dytë radhazi dhe vijon të mbetet në zonën e ftohtë të renditjes, duke rrezikuar seriozisht mbijetesën në kategori.

    Në fund të takimit, një moment sportiviteti u regjistrua mes dy trajnerëve. Artan Bano dhe Naxhi Shensoi u takuan pas vërshëllimës përfundimtare, teksa tekniku i Laçit i përcolli një mesazh inkurajues homologut të tij: “Ke një skuadër të mirë, 100% ke për të shpëtuar, më beso mua”, dëgjohet t’i ketë thënë Shensoi trajnerit të Lushnjës.

    Një gjest respekti dhe fair-play, në një kampionat ku presioni i rezultateve shpesh lë pak hapësirë për fjalë mbështetëse.

    LEXO ME SHUME:Luftë dhe nerva në Kategorinë e parë, penalltia që tronditi ndeshjen (video)

  • VIDEO/ “Rikthimi im erdhi prej tifozëve”, fjalët e para të Artan Banos si trajner i Lushnjës: Ky qytet e do futbollin, objektivi është…

    VIDEO/ “Rikthimi im erdhi prej tifozëve”, fjalët e para të Artan Banos si trajner i Lushnjës: Ky qytet e do futbollin, objektivi është…

    Artan Bano rikthehet në krye të Lushnjës, tani me misionin për ta nxjerrë nga kriza e rezultateve. Zyrtarizimin e ka bërë kryebashkiakja e Lushnjës, Eriselda Sefa, me një postim në faqen e saj në rrejetet solciale. Pas takimit, Artan Bano ka thënë fjalët e para, duke u shprehur se objektivi është qendrimi i skuadrës në Kategorinë e Parë dhe se rikthimi erdhi prej tifozëve

    “Sot fillojmë një punë të re për 2026-tën, do të jetë e vështirë, do të mundohemi të bëjmë një punë të mirë dhe të kemi rezulate pozitive. Djemtë kanë kualitet, mendoj se do të bëjmë mirë edhe pse nuk kemi pikët që na duhen, këtij ekipi i mungojnë pikët dhe jo performanca. Do të mundohem të bëjë një ekip profesionist dhe të luajmë futboll për të fituar. Lushnja ka djem të mirë, të talentuar, por ka pasur probleme, që ndoshta futbolli të ndëshkon. Na del një punë e vështirë përpara për të arritur qëllimin.

    Objektivi është të qendrojmë në Kategorinë e Parë dhe të rrisim ekipin nga ana cilësore.Absolutisht ekipit i duhet 2-3 afrime cilësore, edhe ekipet kanë domosdoshmëri prurjet e reja. Ne do të jemi të kujdesshëm, duam futbollistë mbi nivele mesatare dhe të shpresojmë në fund të muajit këto prurjet ti kemi në ekip. Ky është një qytet që jeton me futbollin, ndoshta rikthimi im ka qenë ndoshta i detyruar nga publiku, më kanë kërkuar të rikthehem, dhe ti kthejë po atë ndjenjë dashurie për futbollin, por duhet të jemi ne ata që duhet të punojmë për ti rikthyer entuziazmin publikut.”

  • “Rrufe në qiell të hapur”, klubit të Kategorisë së Parë i largohet trajneri

    “Rrufe në qiell të hapur”, klubit të Kategorisë së Parë i largohet trajneri

    Nuk ka zgjatur shumë eksperienca e Ditmar Bicaj-t në drejtimin e skuadrës së Lushnjes në Kategorinë e Parë. Trajneri i afruar pas startit të sezonit, për të zëvendësuar Erion Xhafën, tashmë ka ndërprerë bashkëpunimin me klubin në fjalë, i cili në fundjavë pësoi humbjen e radhës në ndeshjen kundër Kastriotit.

    Humbja në fjalë la Lushnjen në vendin e 10 në renditje me 16 pikë pas 17 javësh kampionat, duke afruar makthin e rënies për klubin me histori jo vetëm në këtë kategori, por edhe në Superiore.

    Vendimi është marrë nga drejtuesit e klubit, me kryebashkiaken Eriselda Sefa e cila ka konfirmuar zyrtarisht  se Lushnja ka mbyllur kapitullin Bicaj dhe do të nisë kërkimin e një trajneri të ri.

  • Klubi i Kategorisë së Parë në krizë të rëndë financiare, lojtarët nuk paguhen prej muajsh; ndërpriten edhe vaktet e ushqimit për të huajt

    Klubi i Kategorisë së Parë në krizë të rëndë financiare, lojtarët nuk paguhen prej muajsh; ndërpriten edhe vaktet e ushqimit për të huajt

    Lushnja ndodhet në një krizë të thellë financiare. Futbollistët nuk kanë marrë pagat e tyre, ndërsa lojtarëve të huaj u janë ndërprerë edhe pagesat e qirave të banesave ku jetojnë. Situata është përkeqësuar më tej pasi klubi ka ndërprerë edhe vaktet ushqimore për ekipin.

    Lojtarët shprehen se ndihen të braktisur dhe kërkojnë reagim urgjent nga drejtuesit, duke paralajmëruar se mund të ndërmarrin hapa drastikë nëse situata nuk zgjidhet sa më shpejt. Ndërkohë, drejtuesit e klubit nuk kanë dhënë ende një sqarim zyrtar mbi këtë krizë.

    Në transfertën në Gjirokastër, Lushnja s’do të grumbullohet një ditë përpara, por duhet të udhëtojë brenda ditës së ndeshjes 3 orë për të zbritur më pas në fushë ndaj Luftëtarit.

    LEXO ME SHUME:E BUJSHME! Hera e katërt në stol, Gugash Magani rikthehet në futbollin shqiptar

  • Ndodhi në Kategorinë e Parë, përleshje mes tifozëve pas përfundimit të ndeshjes (video)

    Ndodhi në Kategorinë e Parë, përleshje mes tifozëve pas përfundimit të ndeshjes (video)

    Atmosfera e ndezur në “Roza Haxhiu” nuk u shua me vërshëllimën e fundit të arbitrit. Pas përfundimit të takimit Lushnja – Iliria 1-0, ku vendasit siguruan një fitore të rëndësishme në javën e 11-të të Kategorisë së Parë, tensioni u zhvendos jashtë fushës së blertë.


    Sipas raportimeve paraprake, pas ndeshjes ka pasur përplasje mes grupeve të tifozëve të dy skuadrave, që degjeneruan në konfrontime të shkurtra në zonën pranë tribunës. Ndërhyrja e forcave të rendit parandaloi përshkallëzimin e situatës, duke shpërndarë turmën dhe rikthyer qetësinë pas disa minutash tensioni.
    Mësohet se nuk ka pasur dëmtime serioze, por disa tifozë janë shoqëruar për sqarime në komisariat. Incidenti vjen pas një ndeshjeje me ngarkesë të lartë emocionale, ku rezultati minimal 1-0 për Lushnja-n në frymën e fundit ka ndezur rivalitetin mes dy kampeve të tifozëve.

    LEXO ME SHUME: Nuk e prisja një fillim të tillë, Nuhiu i çoroditur nga situata e Tiranës: Jemi të goditur nga ana psikologjike

  • KATEGORIA E PARË/ 3 gola në katër ndeshje, thatësirë në Lushnjë dhe Luz (REZULTATET)

    KATEGORIA E PARË/ 3 gola në katër ndeshje, thatësirë në Lushnjë dhe Luz (REZULTATET)

    Në Kategorinë e Parë po luhen edhe 4 ndeshje të javës së 11-të. Një javë po mbyll fazën e parë të garës, me përballje që kanë nxjerrë në pah rivalitetin.

    KORABI 1–0 KUKËSI
    16′ Marku

    LUSHNJA 0-0 ILIRIA

    BESA 0–0 LAÇI

    KASTRIOTI 2–0 LUFTËTARI

    27′ Idris, 41′ Hoxha

  • “Të shqyrtohet nga organet kompetente”/ Lushnja në vendin e parafundit, Bicaj kapet me gjykimin: Na u mohua një penallti e pastër

    “Të shqyrtohet nga organet kompetente”/ Lushnja në vendin e parafundit, Bicaj kapet me gjykimin: Na u mohua një penallti e pastër

    Laçi arriti një fitore shumë të rëndësishme ndaj Lushnjës, në një përballje me ritëm të mirë dhe ngarkesë emocionale deri në sekondat e fundit. Ndeshja nisi menjëherë me intensitet të lartë. Vetëm pas pak minutash, Olsi Myrta i Laçit shënoi golin e parë, duke e kaluar skuadrën vendase në avantazh që në minutën e parë, një nisje perfekte për “bardhezinjtë”.

    Megjithatë, reagimi i Lushnjës ishte i menjëhershëm: në minutën e 10-të, Salvatore Ribaudo barazoi shifrat pas një aksioni të shpejtë nga e djathta, duke mposhtur portierin vendas. Pas golit të barazimit, loja u bë më e balancuar, me raste për të dyja skuadrat, por pa efikasitet para portës.

    Laçi kërkoi më shumë iniciativë, duke rritur presionin dhe kontrollin e lojës, ndërsa Lushnja u përqendrua në kundërsulme.  Në minutat e fundit, loja u hap plotësisht. Kur dukej se barazimi ishte i pashmangshëm, Orgi Cena shënoi golin vendimtar në minutën e 88-të pas një goditjeje të fortë nga brenda zonës. Lushnja pëson një tjetër humbje të dhimbshme, vendi i parafundit, dhe tashmë ndodhet në një situatë alarmante për mbijetesë.

    DEKLARATA E DITMAR BICAJT

    “Jam i kënaqur me grintën dhe shpirtin e garës. Mënyra se si rrodhi takimi më bën të mendoj se zhvilluam një pjesë të parë jashtëzakonisht të mirë. Pastaj, në pjesën e dytë, patëm disa probleme fizike dhe zëvendësimet ishin të detyruara. Megjithatë, jam i pakënaqur me djemtë që futen në 45-minutëshin e dytë. Nuk e ndihmojnë ekipin, nuk ndihmojnë shokët. Pres ende më shumë nga lojtarët që hyjnë si zëvendësim, për të rritur nivelin e lojës. Më vjen keq, mbi të gjitha, për mënyrën e gjykimit. Unë nuk merrem zakonisht me gjyqtarët, por më vjen shumë keq kur shikoj veprime tendencioze ndaj ekipit të Lushnjës.

    Rasti i minutës së 83-të, dhe mbi të gjitha ai i minutës së 96-të, kur nuk u akordua një penallti e pastër, madje edhe vetë kundërshtarët e pranuan se ishte penallti. Pastaj nuk kemi më të bëjmë me futboll. Uroj që ky rast i takimit të sotëm (djeshëm) të shqyrtohet nga organet kompetente, sepse gjyqtarë të tillë nuk i bëjnë mirë futbollit. Dashje pa dashje, ata përshkallëzojnë situatën mes dy klubeve dhe dy qyteteve. Ne jemi për futboll “fair play”, për futboll ku të fitojë më i miri. Barazimi do të ishte rezultati më i drejtë. Por kur shikoj që ndërhyn gjyqtari me veprimet e tij, atëherë kjo është dashakeqësi”.

  • “Mos dil nga shpia se ra…”, Jurgen Goxha nuk përmbahet pas barazimit me Besën, “kunjë” ish-skuadrës (video)

    “Mos dil nga shpia se ra…”, Jurgen Goxha nuk përmbahet pas barazimit me Besën, “kunjë” ish-skuadrës (video)

    Jurgen Goxha nuk është kursyer aspak, pasi Lushnja barazoi 1 me 1 në transfertën e Besës. Ish-lojtari i kavajasve ka thumbuar pikërisht përmes rrjeteve sociale.

    “Mbyllu brenda mos dil nga shpia se ra…”, shkruan Jurgen Goxha. Ky i fundit ishte pjesë e Besës në sezonin e kaluar ku u kthye edhe në lider, ndërsa është shprehur i habitur për mënyrën si klubi vendosi të ndante rrugët.

    Në postimin e tij po ashtu ka bashkuar moshën e vet dhe atë të Cankës, duke dhënë shifrën 70. Canka ishte pikërisht autori i golit të barazimit(1-1) ndaj Besës së Shpëtim Duros.  Lushnja merr barazimin e 5-të radhazi në kampionat, ndërsa Besa merr një pikë pas 2 humbjeve radhazi. Edhe kavajasit nuk e kanë provuar shijen e fitores këtë sezon, pasi kanë koleksionuar 3 barazime dhe 2 disfata në 5 javë kampionat.

    LEXO ME SHUME:Dinamo fiton derbin kryeqytetas, Tirana prek fundin (video)