Lajmet e fundit | Klikoje.al

Tag: Flamurtari

  • E FUNDIT/ U largua nga Flamurtari, Lorenc Trashi mbetet në Superiore, firmos me…

    E FUNDIT/ U largua nga Flamurtari, Lorenc Trashi mbetet në Superiore, firmos me…

    Lorenc Trashi nuk është më futbollist i Flamurtarit. Vetëm një sezon zgjati aventura e mbrojtësit në klubin vlonjat, çka arriti elitën e futbollit shqiptar, me paraqitje shumë të mira. Klikoje Sport ka mësuar të ardhmen e 33-vjeçarit. Futbollisti me eksperiencë do të jetë pjesë e Vorës, lojtari ka zhvilluar një takim me drejtuesit dhe parimisht ka rënë dakort mbi kushtet e kontratës dhe pagës.

    Lorenc Trashi është një futbollist me eksperiencë të madhe dhe pritet që t’i bëjë shumë punë Vorës për arritjen e objektivit madhor, qendrimin në Superiore. Pëprara transferimit te Flamurtari, mbrojtësi e mbylli sezonin e fundit me Ballkanin e Kosovës. Për disa javë ai shqyrtoi disa oferta të rëndësishme, por Flamurtari e ka bindur. Lorenc Trashi e ka nisur te Gramshi, për të vijuar te Lushnja. Në sezonin 2014-2015 iu bashku Partizanit, ku mbajti edhe shiritin e kapitenit. Një aventurë provoi edhe në Kuvajt. Trashi ka luajtur edhe 14 ndeshje me Kombëtaren ku ka shënuar 1 gol.

    FLAMURTARI NË KËRKIM TË TRAJNERIT

    Flamurtari do ta ketë trajnerin i ri brenda 15 qershorit. Ky është afati që është vendosur nga bordi i klubi vlonjat, i cili po shqyrton kandidaturat. Së fundmi, një tjetër emër si kandidat i mundshëm po qarkullon në Vlorë. Pikërisht, bëhet fjalë për Shpëtim Duron, i cili mund të rikthehet te kuqezinjtë.

  • Trajner për të zëvendësuar Pollozhanin, Flamurtari mendon për ish-teknikun e Partizanit

    Trajner për të zëvendësuar Pollozhanin, Flamurtari mendon për ish-teknikun e Partizanit

    Flamurtari do ta ketë trajnerin i ri brenda 15 qershorit. Ky është afati që është vendosur nga bordi i klubi vlonjat, i cili po shqyrton kandidaturat. Së fundmi, një tjetër emër si kandidat i mundshëm po qarkullon në Vlorë. Pikërisht, bëhet fjalë për Shpëtim Duron, i cili mund të rikthehet te kuqezinjtë.

    Zbulohet se trajneri 65-vjeçar me një karrierë të pasur në trajnim, si brenda, ashtu edhe jashtë vendit, ka qarkulluar orët e fundit në klubin vlonjat si një nga kandidatët më potencialë për të marrë drejtimin e Flamurtarit në Superiore. Suhareka ka qenë skuadra e fundit që Duro ka drejtuar në sezonin 2024-2025, ndërsa më parë ka pasur eksperiencë edhe te Struga. Por CV-ja e Duros është nga më të pasurat dhe bordi drejtues i klubit po e shikon me seriozitet një rikthim të tij te kuqezinjtë.

    Ai ka drejtuar më parë Partizanin, Besën, Skënderbeun, Vllazninë, Kukësin, Laçin dhe Egnatian. Jashtë Shqipërisë, Shpëtim Duro ka pasur eksperienca të suksesshme edhe te Shkëndija e Tetovës, si dhe Drita e Gjilanit. Duro e ka drejtuar Flamurtarin në sezonin 2016-2017, teksa la gjurmë pozitive te kuqezinjtë. Pikërisht për shkak të kësaj pune pozitive që ka bërë me vlonjatët, drejtuesit e klubit janë duke parë edhe mundësinë e Shpëtim Duros në krye të pankinës vlonjate.

    Por edhe vetë Duro duket se e mirëpret një rikthim të mundshëm te Flamurtari në Vlorë. Burime pranë ish-trajnerit zbulojnë se Duro ka nostalgji për Vlorën dhe nuk do të refuzonte një ofertë për t’u rikthyer në qytetin bregdetar.

    LEXO ME SHUME:Lushnja “ndez” merkaton, zyrtarizon lojtarin e Vorës dhe rinovon me dy titullarë (EMRAT)

  • Flamurtari i Superiores nis me kontratat, zbulohen emrat që ende nuk kanë rinovuar me klubin

    Flamurtari i Superiores nis me kontratat, zbulohen emrat që ende nuk kanë rinovuar me klubin

    Flamurtari i Superiores do të jetë tërësisht ndryshe në përbërje nga edicioni i fundit në Kategorinë e Parë. Për pjesën më të madhe të futbollistëve, kontratat kanë përfunduar dhe nga sot ata janë të lirë në treg. Futbollistët që kanë ende kontrata, janë në minorancë. zbulon disa futbollistë, të cilët kanë kontratë me klubin edhe për një sezon tjetër.

    Denis Pjeshka, Bruno Telushi, Ilir Allmuça, Lorenc Trashi, Idriz Batha, Herald Marku, Ardit Hoxhaj dhe Valentino Murataj janë disa nga futbollistët që janë ende në kontratë me kuqezinjtë. Kontrata ka përfunduar tashmë për Stivi Frashërin, Ariol Kaloshin, Vasil Shkurtaj, Christ Evo Ememe, Aldrit Oshafin, Alesandro Ahmetajn, Trimor Selimin, Albi Allën, Hose Kobian, Bangaly Diavara, Fernando Armando dhe Huan Andres Bolanos. Por dy të fundit, braziliani Fernando dhe kolumbiani Bolanos duket se janë tashmë të larguarit e parë nga Vlora, pasi drejtuesit nuk kanë në plane që të rinovojnë kontratën me ta.

    Drejtuesit e Flamurtari-t kanë disa lojtarë si të preferuar, me të cilët duan që të vijojnë bashkëpunimin edhe në Superiore. Burime pranë klubit konfirmojnë se deri më tani zyrtarisht i është propozuar rinovimi i kontratës për të qenë pjesë e skuadrës në Superiores, Krist Ememes. 24-vjeçari nigerian mësohet se në parim ka rënë dakord, por gjithsesi mbetet për t’u parë se çfarë do të ndodhë në vijim dhe kushtet që do të kenë palët.

    Lorenc Trashi dhe Ilir Allmuça duket se janë dy futbollistë të tjerë, të cilët mund të jenë pjesë e projektit të Superiores, ashtu sikundër edhe Idriz Batha dhe Herald Marku. Gjithashtu, në optikën e drejtuesve është edhe rinovimi me Vasil Shkurtajn, por mbetet të mësohen edhe planet e sulmuesit vlonjat.

    LEXO ME SHUME:Nuk shfaqet në seancën stërvitore, futbollisti konfirmon largimin nga Partizani me një postim (FOTO)

  • Flamurtari mbetet pa trajner, Sinan Idrizi nuk i beson projektin e Superiores Artim Pollozhanit

    Flamurtari mbetet pa trajner, Sinan Idrizi nuk i beson projektin e Superiores Artim Pollozhanit

    Artim Pollozhani nuk do të jetë trajneri i Flamurtarit në Superiore. Sipas medias së shkruara “Panorama Sport”, klubi ka vendosur mos ti besojë teknikut ekipin për në Superiore. Edhe pse e kishin konfirmuar në krye të pankinës shqiptarin nga Maqedonia e Veriut, e thënë kjo edhe nga goja e administratorit Sinan Idrizi, në Vlorë duket se kanë ndërruar mendje dhe e gjitha ka ardhur orët e fundit.

    Kuqezinjtë kanë hequr dorë nga Pollozhani, që ishte edhe alternativa e vetme për detyrën e trajnerit, të paktën deri në fund të javës që sapo u mbyll, duke qenë se e ngjiti edhe skuadrën në Superiore. Por, duke qenë se Flamurtari u rikthye në elitë dhe drejtuesit janë të gatshëm që të bëjnë çdo sakrificë financiare me buxhetin e çmendur prej 5 milionë euro, tani janë në kërkim të një trajneri me eksperiencë. Kjo jo se nuk besojnë te Pollozhani, i cili në nisje të sezonit të kaluar ndërtoi skuadrën dhe më pas e drejtoi atë në katër ndeshjet e fundit pas largimit të Andrea Agostinelit, duke e ngjitur edhe në elitë pas pesë vitesh, por kërkojnë një model tjetër.

    Në fakt, nuk duan që të nxitohen dhe kandidatët do t’i shqyrtojnë me shumë kujdes, pasi ka ende kohë në dispozicion, megjithatë puna ka nisur. Për momentin nuk ka emra konkret të kandidatëve, edhe pse ata janë në “kokën” e Sinan Idrizit. Kusht kryesor është që trajneri i ri të ketë eksperiencë dhe të ketë drejtuar nivele të larta, brenda apo jashtë vendit. Pra, çka do të thotë se për momentin janë të hapura të gjitha pistat. Trajneri i ri mund të jetë vendës, por nuk përjashtohet që të vijë as nga jashtë Shqipërisë. Nga sot, në Vlorë hapet ankandi për trajnerin e ri, por gjërat do të bëhen të studiuara, pa shumë nxitim.

    LEXO ME SHUME:Partizani nis seancat stërvitore për Europën, dy të larguar dhe tre titullarë ende nuk kanë rinovuar

  • Flamurtari, nisin firot e para; klubi ndan rrugët me dy futbollistët (EMRAT)

    Flamurtari, nisin firot e para; klubi ndan rrugët me dy futbollistët (EMRAT)

    Flamurtari nis të ndajë rrugët me lojtarët e parë. Dy futbollistë të huaj, me sa duket, nuk do të jenë në projektin e ri të kuqezinjve, tashmë të rikthyer në Superiore pas pesë sezonesh. Një prej tyre është Fernando Armando, i njohur edhe si Fenardinjo. 30-vjeçari u rikthye në Vlorë në gushtin e vitit të shkuar.

    Me vlonjatët, braziliani luajti në sezonin 2022-2023, kur skuadra drejtohej nga Dritan Resuli. Sezonin e shkuar, ai u transferua në Greqi tek AO Neas Ionias. Braziliani ka luajtur në vendlindje dhe në Portugali, por edhe në Greqi dhe u rikthye në Vlorë për të ngjitur ekipin në Superiore. Pasi e arriti këtë, duket se nuk është në planet e klubit për elitën. Fernandinjo u promovua në Vlorë nga ish-trajneri brazilian, Marcelo Troisi, i cili kishte edhe rolin e menaxherit teksa në atë kohë bashkëpunonte si i tillë edhe me klubin. Fernando Armando është larguar tashmë nga Vlora bashkë me familjen drejt Brazilit.

    Një tjetër lojtar, që, me shumë mundësi nuk do të jetë pjesë e projektit të ri të Flamurtarit, është Juan Andres Bolanos. Kolumbiani 33-vjeçar vetëm pak kohë më parë, në muajin shkurt, u shpreh se kishte ardhur te Flamurtari me misionin për ta ngjitur në Superiore. Balanos ishte një zgjedhje e vetë trajnerit Andrea Agostinelli. Përpara se të vinte te kuqezinjtë, ai kishte luajtur më parë në Maltë, Honduras, Peru, Kinë, Argjentinë dhe Kolumbi. Gjasat janë që mbrojtësi i qendrës ta vijojë karrierën në një tjetër skuadër.

    DEKLARATAT – Klubi ende nuk ka dalë me një reagim zyrtar rreth lojtarëve që do të qëndrojnë në Vlorë për sezonin e ri. Por nga ato çfarë deklarojnë vetë protagonistët, Fernandinjo dhe Bolanos, të lë të kuptosh se ato janë fjalë “lamtumire”.

    LEXO ME SHUME:Vuçiç ndez përballjen me Shqipërinë, kërkesa që ka për trajnerin serb: Shko në Tiranë dhe mposhti ata (video)

  • VIDEO/ Flamurtari i Superiores nis nga… terreni! Fusha e stadiumit vlonjat i nënshtrohet rinovimit

    VIDEO/ Flamurtari i Superiores nis nga… terreni! Fusha e stadiumit vlonjat i nënshtrohet rinovimit

    Flamurtari i Superiores nis nga terreni. Fusha e stadiumit të ekipit vlonjat i është nënshtruar rinovimit, teksa prej pak ditësh ka nisur tashmë procesi i heqjes së barit natyral për të vijuar me mbjelljen dhe brenda dy muajsh tapeti pritet të jetë në gjendje të shkëlqyer për të pritur ndeshjet e Flamurtarit në elitën e futbollit shqiptar. Klubi kuqezi prej disa vitesh nuk i ishte nënshtruar procesit të rehablitimit dhe me patjetër, duhej një ndërhyrje. Tribuna VIP do të bëhet me kolltukë dhe abonim njëvjeçar.

    MERKATO

    Sinan Idrizi konfirmon negociatat me Tefik Osmanin, që do të marrë së shpejti postin e drejtorit sportiv të Flamurtarit. Ndërsa Alfred Ferko do të jetë sekretar i përgjithshëm i klubit. Hyrja në merkato mund të nisë që nga porta. Janë të mëdha shanset që Stivi Frashëri dhe Ariol Kaloshi të mos jenë në planet e klubit për sezonin e ri në Superiore. Frashëri u penalizua jo pak nga dëmtimi gjatë sezonit që sapo u mbyll. Ndërsa portieri Ariol Kaloshi ka bërë mirë gjatë kësaj periudhe që ka qenë te Flamurtari. Burime thonë se disa pasiguri që ai ka pasur në ndeshjet e fundit vendimtare, e kanë vendosur në pikëpyetje qëndrimin e tij si titullar në elitë.

    Gjasat janë që ta ketë mbyllur tashmë edhe Valentino Murataj, i cili sezonin e mbylli para kohë nga dënimi. E njëjta situatë mund të jetë edhe për Albi Allën dhe Ilir Allmuçën. Gjithsesi, lista e largimeve pritet të jetë më e zgjeruar dhe emrat do të bëhen publik para se të nisë puna për sezonin e ri.

    LEXO ME SHUME:Tirana nis merkaton në hije, kontakton dy lojtarë të Egnatias pa kontrata

  • Te Flamurtari e “djegin” pas rikthimit në Superiore, Sinan Idrizi ia merr këngës, 100 të ftuar në drekën festive (video)

    Te Flamurtari e “djegin” pas rikthimit në Superiore, Sinan Idrizi ia merr këngës, 100 të ftuar në drekën festive (video)

    Historia flet për Flamurtarin. Ekipi kuqezi u rikthye në Abissnet Superiore pas pesë vitesh mungesë. Flamurtari arriti të rrëmbejë një fitore minimale 1-0 përballë Vorës për të festuar rikthimin në elitë. Në një ndeshje ku vlonjatët dominuan përballë një Vore me objektiva të arritura, gjithçka u zhbllokua në minutën e 33-të nga Ememe, i cili përfitoi nga një mosmarrëveshje e mbrojtjes vorake duke mposhtur portierin Ruçi.

    Rastet nuk munguan në minutat në vazhdim, por rezultati mbeti i pandryshuar deri në fund, aty ku të dyja skuadrat kishin të gjithë të drejtën që të festonin.
    Pas 33 javësh kampionat, Flamurtari e mbylli sezonin në vendin e dytë me 75 pikë, një më pak se Vora e vendit të parë dhe një më shumë se Besa e vendit të tretë. Në lidhje me këtë arritje, klubi organizoi sot një drekë festive me rreth 100 të ftuar. Vetë Flamurtari ka publikuar pamje nga festa ku në sfond dëgjohet himni i skuadrës. Të gjithë këndojnë. Pjesë e tyre është edhe Sinan Idrizi, i cili gëzon pas arritjes së objektivit kryesor. Dhe pse iu afruan Superiores për sezone me radhë, vetëm në aktualin ia dolën me sukses. Historia te Flamurtari tani mund të marrë tjetër rrjedhë. Për këtë arritje pritet edhe premio.

    LEXO ME SHUME:Nga Levani i Fierit deri në Vlorë, tifozët e Flamurtarit shoqërojnë ekipin pas rikthimit në Superiore (video)

  • Nga Levani i Fierit deri në Vlorë, tifozët e Flamurtarit shoqërojnë ekipin pas rikthimit në Superiore (video)

    Nga Levani i Fierit deri në Vlorë, tifozët e Flamurtarit shoqërojnë ekipin pas rikthimit në Superiore (video)

    Superliga është arritur.Flamurtari ka mposhtur Vorën me shifrat 1-0 dhe është zyrtarisht ekipi i dytë që ngjitet në Kategorinë Superiore. Besa ka triumfuar në transfertë ndaj Valbonës me shifrat 3-1, por do të luajë në Play Off.

    Burreli ka mposhtur Kukësin me shifrat 3-1, duke çuar në Play Out ekipin verilindor. Korabi ka siguruar qëndrimin në Kategorinë e Parë pasi mposhti Pogradecin me shifrat 3-0.

    Kastriotit nuk i mjafton fitorja ndaj Erzenit me shifrat 3-2, pasi do të shkojë në Play Out. Apolonia është renditur në vendin e gjashtë të Play Off-it pasi doli barazim me Lushnjen e një vendi më poshtë.

    Një festë legjitime shpërtheu në kampion vlonjat, pas realizimit të objektivit.  Fillimisht tifozët kanë pritur skuadrën në Levan të Fierit, duke e përgëzuar për këtë sukses. Futbollistët dhe stafi teknik zbritën nga autobusi për të festuar me tifozët vlonjatë, teksa nuk mungoi as presidenti Sinan Idrizi. 

    Më pas festa vazhdoi edhe në rrugët e qytetit të Vlorës, ku rrugët duken të bllokuara nga festa e tifozëve vlonjatë me flamuj dhe makina. Superliga është një realitet i prekshëm në qytetin e Vlorës me Flamurtarin që rikthehet në elitë pas 5 vitesh.

    LEXO ME SHUME:Dëshira ime ishte Dejvi Bregu, Pollozhani pas rikthimit të Flamurtarit në Superiore: Do të forcojmë ekipin me lojtarët e akademisë

  • “Dëshira ime ishte Dejvi Bregu”, Pollozhani pas rikthimit të Flamurtarit në Superiore: Do të forcojmë ekipin me lojtarët e akademisë

    “Dëshira ime ishte Dejvi Bregu”, Pollozhani pas rikthimit të Flamurtarit në Superiore: Do të forcojmë ekipin me lojtarët e akademisë

    Artim Pollozhani, trajneri i Flamurtarit foli pas ndeshjes që ekipi kuqezi fitoi ndaj Vorës në transfertë me rezultatin 0-1. Një triumf që ngjit vlonjatët në Superiore pas 5 vitesh.

    “Ky ekip është ndërtuar për Superiore, jam i lumtur që ia arritëm qëllimit. Në fund ka rëndësi që Flamurtari rikthehet në Superiore, asgjë nuk ka rëndësi.

    Unë nuk kam kontratë, kemi marrëveshje me presidentin, nuk kemi folur për të ardhmen, veç të ngjitet Flamurtari pastaj do flasim. Prioriteti ka qenë që Flamurtari të ngjitet në Superiores.

    E para, sigurisht që e kishim të rëndësishme dhe me Besën se mbyllnim kampionatin dhe nuk kishte nevojë për të dërguar në ndeshjen e fundit. Bëhet fjalë për një ekip që ka qenë në krye, me Besën dhe Vorën. Mendoj si Vora dhe ne e kemi merituar Superioren. Do analizohet ecuria e kampionatit. Kam qenë një ndër ato që është ndërtuar ky ekip, futbolli është proces. Flamurtari ka bërë kampionat të mirë, duhen parë kontratat dhe ofertat për ndonjë lojtar që mund të lëvizë. Do mendojmë që nesër për Superioren.

    Unë isha në fillim, por futbolli është proces. Kur informacionet që duhet të marrësh i ke çfarë ke parë në televizor ose drejtpërdrejt është problem. Kemi bërë ndeshje të mirë me Besën, goli i parë nuk duhet t’i ndodhi askujt jo më portierit tonë. Mendoj se gjatë kësaj kohe kemi punuar nga ana psikologjike dhe fizike, këto nuk ndahen, janë bashkë. Duke pasur lojtarë me eksperiencë dhe duke ditur rëndësinë e ndeshjes, kjo ishte e fundit. E luajtëm jashtëzakonisht mirë, kishim ne dhe Vora raste.

    Periudha e shkurtë që jam këtu, por kam parë 2-3 ndeshje të moshave, nëse do vazhdojmë, do afroj dy lojtarë që mendoj kanë cilësi brenda, për t’i afruar që të rriten me ekipin e parë, të ndjejnë presionin. Do i ndjekim në të ardhmen, është bërë punë e mirë me shtrimin e tapetit të ri. Është jashtëzakonisht e rëndësishme të punojmë me akademinë.

    Kemi një vlonjat në ekip, por i lënduar. Me shumë mundësi e dini që dëshira ime kush ishte në verë, Dejvi Bregu ishte dëshira ime. E kam takuar, por edhe atë e kuptoj”, u shpreh Artim Pollozhani për RTSH.

  • “Nuk ka premio për ndeshjen me Vorën”, Sinan Idrizi ia bën të qartë lojtarëve të Flamurtarit: Duhet të bëjnë ato ndeshje që kanë bërë në të kaluarën…

    “Nuk ka premio për ndeshjen me Vorën”, Sinan Idrizi ia bën të qartë lojtarëve të Flamurtarit: Duhet të bëjnë ato ndeshje që kanë bërë në të kaluarën…

    Sinan Idrizi beson fort se Flamurtari do të fitojë në Vorë dhe do të ngjitet në Superiore. Në prag të ndeshjes së vitit, gjatë një interviste , presidenti tha se lojtarët janë të përgjegjshëm për atë që pret qyteti, klubi dhe tifozët. Ai kërkon nga skuadra të luajë, jo si në katër ndeshjet e fundit, dhe ta fitojë takimin.

    Idrizi nuk pranon të kryqëzojë ekipin për hapat fals, pasi e vlerëson që e kanë çuar Flamurtarin deri këtu. Pjesën, nëse Vora do të luajë me skuadrën e plotë siç tha trajneri Bellai, kreu i klubit vlonjat nuk e komenton. Premio do të ketë vetëm në fund, duke respektuar kontratën, por jo të dedikuar për ndeshjen me Vorën.

    NDESHJA NDAJ VORËS– Është një ndeshje finale, që duhet ta luajmë me dinjitetin e një ekipi që është gati për të shkuar në Superiore. Jo, nuk kam pse i druhem fare. Unë nuk paragjykoj asnjë. Nuk di çfarë bëjnë të tjerët, di çfarë bëj vetë. Lojtarët duhet të bëjnë ato takime që kanë bërë në të kaluarën, përjashto këto 3-4 ndeshjet e fundit.

    KËRKESA E TIFOZËVE-Ju të gjithë harroni një gjë, që ky ekip është në vend të dytë dhe është një pikë larg ekipit të tretë. Janë këta djem që na kanë çuar deri këtu. T’i masakrojmë në këtë farë feje këta…? Duhet të kemi respekt për punën që kanë bërë, për djersën që kanë derdhur. Këta janë serioz. Jam i sigurt që do ta çojmë deri në fund. Nuk duhet të masakrojmë një portier, mesfushor apo sulmues për një gabim të humbjes së një ndeshje. Mos ta harrojmë, që këta na kanë çuar deri këtu. Unë kam bindjen se respektin që ne kemi për ata, këta djem do na e kthejnë në ndeshje e ditës së diel.

    PREMIO PËR LOJTARËT-Nuk kam premio fare. Premion e kanë në fund të kontratës. Çfarë janë këto histori?! Historia është që ata të bëjnë detyrën te Flamurtari dhe ndaj tifozërisë vlonjate. Të gjithë kanë në kontratë premio, por premio duan tifozët vlonjatë, që kanë pesë vjet që presin në këtë kategori. Nuk ka premio fare, çfarë premio…?!