Lajmet e fundit | Klikoje.al

Tag: Vora

  • Goditje në merkato, klubi ukrainas “rrëmben” protagonistin e Superiores (FOTO)

    Goditje në merkato, klubi ukrainas “rrëmben” protagonistin e Superiores (FOTO)

    Irgi Kasalla do të vazhdojë karrierën në Ukrainë pas një sezoni fantastik me Vorën në Kategorinë Superiore. Sulmuesi 23-vjeçar ishte një nga protagonistët absolutë të kampionatit, duke e mbyllur sezonin në krye të listës së golashënuesve së bashku me Bekim Balajn e Vllaznisë, me nga 13 gola secili. Përveç realizimeve, Kasalla dha edhe 5 asistime, duke qenë një nga lojtarët kyç në sezonin historik të Vorës dhe në sigurimin e qëndrimit në elitën e futbollit shqiptar.

    Paraqitjet e tij nuk kanë kaluar pa u vënë re dhe tashmë është arritur marrëveshja për transferimin e sulmuesit te Kolos Kovalivka në Ukrainë. Sipas informacioneve, të premten lojtari do t’i nënshtrohet vizitave mjekësore, ndërsa më pas do të firmosë një kontratë 3-vjeçare me klubin ukrainas. Shifrat e operacionit mbeten ende të pazbuluara. Ndërsa ek ky ekip aktivizohet edhe ish-mesfushori i Partizanit, Arinaldo Rrapaj.

    LEXO ME SHUME:Sensacion në Final-Four, Dinamo sheh titullin, ja skenari që e shpall kampione

  • “Kemi gjashtë mungesa”/ Gvozdenovic “qahet” përpara ndeshjes ndaj Vorës: Do provojmë të japim maksimumin

    “Kemi gjashtë mungesa”/ Gvozdenovic “qahet” përpara ndeshjes ndaj Vorës: Do provojmë të japim maksimumin

    Ivan Gvozdenoviç foli para ndeshjes që Elbasani do luajë në transfertën e Vorës. Ky takim është porgramuar për nesër (2 maj), ora 16:00.

    “Nesër e kemi kundër Vorës jashtë. Pas Shkodrës, kemi problem të vogël me kartonët. Jashtë janë Totoshi, Olberkis dhe Azemoviç. Plus Lulaj dhe Janaçek, por kjo është situata. Kemi lojtarë të tjerë. Patjetër një ndeshje e vështirë, si çdo javë. Por kam shumë besim si gjithmonë me çunat e tjerë, dhe deri nesër do rrijmë gati.

    Kemi gjashtë mungesa. Kjo është minus për ne, por nuk është hera e parë. Çdo javë në 4-5 të fundit, kemi probleme me mungesat. Në javë të fundit të kampionatit dhe kemi lojtarë me kartonë, të lodhur apo dëmtuar. Kjo është situata, minus i vogël për ne. Dhe nga fillimi dhe gjithmonë, ne do provojmë të bëjmë maksimumin me lojtarët që kemi. Lojtarët e tjerë janë gati, është shans i mirë për lojtarët. Do provojmë të bëjmë maksimumin.

    Ndeshje me vendet e fundit? Nuk mund të them avantazh, apo disavantazh. Është një luftë në tri javët e fundit. Por jo vetëm ne, nëse kam të drejtë dhe Shkodra, Egnatia, ndoshta Dinamo dhe Partizani kanë kalendar të fortë. Është luftë çdo javë. Patjetër që vështirë sepse Vora, Ballshi dhe Tirana do luftojnë fort si çdo skuadër. Dhe ne do luftojmë fort, kemi nevojë për pikët. Është vështirësi për ne, por si gjithmonë. Ne do luftojmë javë për javë, në fund të kampionatit mund të flasim pak për llogari. Jemi në vend të parë apo jo.

    Kryesimi? I vështirë, por edhe realitet. Ne do luftojmë, kemi në mendje të rrijmë sipër si nga faza e parë. Do luftojmë fort, pastaj pas tri javësh do shikojmë të gjithë bashkë si jemi”, u shpreh Gvozdenoviç.

  • “E pazakontë në Vorë: Melos Bajrami shpallet më i miri, më pas ‘zhduket’ çmimi” (ARSYEJA)

    “E pazakontë në Vorë: Melos Bajrami shpallet më i miri, më pas ‘zhduket’ çmimi” (ARSYEJA)

    Melos Bajrami doli në prononcim për mediat pas përfundimit të ndeshjes mes Vorës dhe Vllaznisë, një sfidë që u mbyll pa gola (0-0) dhe që la një shije të përzier për të dyja skuadrat. Përveç analizës së performancës në fushë, vëmendje të veçantë mori edhe një episod i pazakontë pas ndeshjes: fillimisht Bajrami u shpall lojtari më i mirë i takimit, por më pas çmimi iu hoq dhe iu dha Mario Barjamajt të Vorës. Sipas justifikimit zyrtar, bëhej fjalë për një lapsus nga ana e delegatit, një situatë që krijoi konfuzion dhe diskutime. Në këtë kontekst, Bajrami ndau mendimet e tij si për ndeshjen, ashtu edhe për momentin e çuditshëm jashtë fushe.

    “Natyrisht, çdo ndeshje e shikojmë si finale. Na duhet çdo fitore, e kishim planifikuar për fitore dhe 3 pikë, por futbolli është i paparashikueshëm. Duhet të pajtohemi edhe me barazimin, edhe pse nuk jemi të kënaqur. I drejtë barazimi? Nuk e di, fusha u pa. Ishte edhe terren pak i vështirë për ne. Fusha me bar sintetik nuk na përshtatet për lojën që bëjmë. Kishim rastet tona, duhet të tregoheshim më cinikë para portës. Por çfarë të bëjmë tani, mbaroi ndeshja… Vendi i parë? Ai na intereson. Në fund me dal me + pikë për Final Four.

    Shpresojmë të vazhdojmë me këtë ritëm, dhe ndeshje të tjera të shkojmë për fitore. Dëmtimi? Po, kalova një dëmtim fizik. Besoj tani gjithçka është mirë. Sot nuk ndjeva dhimbje, dhe pse pata frikë në fillim por gjithçka shkoi mirë. Trofeu? Shkon për shokët e skuadrës dhe familjes. Ndeshjet e radhës? Vllaznia po mundon vetëm për ndeshjen e radhës, te Dinamo. Pastaj kur të mbarojmë atë do mendojmë për Elbasanin. Finale? Kemi bindje brenda ekipit dhe besoj gjithçka do shkojmë mirë. Shpresojmë që të ruajmë energjitë, të mos shkojmë me shtesa që të kemi energji edhe në fundjavë ndaj Elbasanit”, u shpreh Bajrami.

  • Flamurtari mban gjallë shpresat për mbijetesë, pikë me vlerë ndaj Vorës (video)

    Flamurtari mban gjallë shpresat për mbijetesë, pikë me vlerë ndaj Vorës (video)

    Flamurtari dhe Vora kanë ndarë emocionet në një përballje të vlefshme për javën e 31-të të Kategorisë Superiore, ku nuk munguan golat dhe momentet spektakolare. Skuadra e Vorës kaloi e para në avantazh në minutën e 6-të, kur Luis Felipe përfitoi nga një hapësirë në zonë dhe finalizoi saktë një aksion të ndërtuar nga Bardhi, duke tundur rrjetën për 0-1.

    Megjithatë, reagimi i Flamurtarit ishte i menjëhershëm. Në minutën e 13-të, Diavara realizoi një aksion individual mbresëlënës, duke dribluar disa kundërshtarë në mesfushë, për të depërtuar më pas në zonë dhe për të goditur saktë në diagonale, duke barazuar shifrat në 1-1.

    Kjo sfidë mbart peshë të veçantë për të dyja skuadrat, teksa Flamurtari vijon të mbetet në vendin e fundit të renditjes me 26 pikë, ndërsa Vora pozicionohet në vendin e 7-të me 31 pikë.

    LEXO ME SHUME:“Problemi te Partizani janë njerëzit rreth presidentit”, Haxhia zbulon prapaskenat te demat: S’na lanë të ndërtonim ekipin’

  • E nis që nga ndeshja ndaj Partizanit, Vora ankesë zyrtare Jarecit dhe FSHF-së për gjykimin (FOTO)

    E nis që nga ndeshja ndaj Partizanit, Vora ankesë zyrtare Jarecit dhe FSHF-së për gjykimin (FOTO)

    Vora ka dërguar sot një notë proteste në Sektorin e Arbitrimit pranë FSHF-së, duke drejtuar gishtin pikërisht te Sokol Jareci. Sipas klubit të Superiores, ekipi është dëmtuar që nga ndeshja me Partizanin në javën e parë.

    Vora ka listuar episodet që pretendon se janë me tendencë, ndërsa nxjerr në pah tre gjyqtarë. Bëhet fjalë për Egli Spahiun, Olsid Feratajn dhe Kreshnik Cjapin.

    Administratori Albert Xhabafti u shpreh së fundmi në një dalje publike se në mes qëndron dëshira për të mbajtur Tiranën në Superiore. Për këtë edhe Vora është dëmtuar nga gjyqtarët. “Ne nuk mund të konkurrojmë me ekipet e mëdha, por me ata që luftojmë, mund të ishim pretendentë për vendin e katërt. Nuk bëhet ‘qameti’ kur del një ekip nga kategoria dhe nuk e meriton, por nuk duhet mbajtur me zor. Unë vetë jam tifoz i Tiranës, dhe kur nuk e meriton, nuk duhet të digjemi të gjithë, sepse e meritojnë të tjerët. Na kanë bërë shumë padrejtësi. Ferataj e ka shpallur vetë veten ‘non-grata’. Nuk ka fytyrë të vijë më këtu. Nëse ndodh një herë, falet, por ka disa raste që kanë ndodhur kundër nesh”, deklaroi ndër të tjera Xhabafti.

    Njoftimi i Vorës:

    “Klubi i Futbollit Vora informon opinionin sportiv se ka dorëzuar zyrtarisht një shkresë pranë Sektorit të Arbitrimit në Federaten Shqiptare të Futbollit, në lidhje me vendime arbitrare të përsëritura, të vazhdueshme dhe të njëanshme, të cilat, jo për herë të parë, kanë ndikuar drejtpërdrejt në ecurinë sportive të ekipit tonë”.
  • “Duan të mbajnë me zor Tiranën në Superiore”, presidenti i klubit rival shpërthen në studio: Nuk bëhet qameti, pse duhet të digjemi ne si ekip…

    “Duan të mbajnë me zor Tiranën në Superiore”, presidenti i klubit rival shpërthen në studio: Nuk bëhet qameti, pse duhet të digjemi ne si ekip…

    Presidenti i Vorës Bert Xhabafti, ka folur në një lidhje telefonike në emisionin “Skaner”, MCN. Ai ka kërkuar “drejtësi” për vendimet e arbitrave në ndeshjet e Vorës, ku sipas tij, rasti më i “freskët” ishte ndaj Teutës. Pas 21 javësh Superiore, ekipi i drejtuar nga Arian Bellai mban pozitën e 7-të me 24 pikë:

    “Tërheqja e skuadrës ndaj Teutës? Këtë veprim e bëra, sepse kjo nuk është hera e parë, sidomos ky arbitër (Olsid Ferataj) ka dy penallti të padhëna me Dinamon. Kur ka qenë në VAR, ka hequr golin e fundit po me Teutën në Durrës.

    Dhe së fundmi, lojtari i Teutës Wotlai, 2 minuta pas ndëshkimit me karton të verdhë, bënë faull taktik, ndërsa arbitri në fjalë e fal. Jemi një ekip që nuk mund të konkurrojmë me ekipet e mëdha. Por me ata që luftojmë, mund të ishim pretendentë për vendin e 4-të.

    Nga kategoria kanë dalë Manchester United, Juventusi, shumë ekipe që kanë rënë. Nuk bëhet qamet kur del një ekip nga kategoria, ndërsa nuk e meriton. Pse duhet mbajtur me zor!

    Jam vetë tifoz i Tiranës, jam rritur me ngjyrat bardheblu. Kur nuk e meriton, nuk duhet të digjemi të gjithë se e meritojnë të tjerët.

    Neve na kanë bërë shumë padrejtësi. Olsid Fertaja e ka shpallur vetë veten ‘non-grata’. Nuk ka fytyrë të vijë më këtu. Nëse do ndodhte një herë, falet, por ka disa raste që kanë ndodhur kundër nesh”.   

  • Tre ndeshje radhazi pa fitore, Edi Martini se bën dramë: Pikët që lamë sot, do vijmë t’i marrim ndaj Elbasanit

    Tre ndeshje radhazi pa fitore, Edi Martini se bën dramë: Pikët që lamë sot, do vijmë t’i marrim ndaj Elbasanit

    Vora dhe Vllaznia kanë barazuar në ndeshjen e vlefshme për javën e 14-të të Superiores. Sfida e zhvilluar në stadiumin “Loro Boriçi”, përfundoi me shifrat 0-0. Pas këtij dueli ka folur edhe trajneri i shkodranëve, Edi Martini.

    “180 minuta pa gol? S’jam i shqetësuar, por nuk dua që të justifikohem. Te pjesa e sulmit janë disa të dëmtuar, disa gjysmë të dëmtuar. Kështu që nuk jam i mërzitur pse nuk shënuam, sepse e di që shumë shpejt do të dalim te goli. Por jam i shqetësuar sepse sot donim 3 pikët.

    Kthimi i Muratajt mbrapa është një lojë që ne e kemi bërë, por sot u dallua. Në të dy krahët kemi Gurishta dhe Kuro, dy mbrojtësa tipik. Të dy mbrojtësa dhe loja ngadalësohet, sot kanë luajtur të sforcuar në ato role. Do ishte ndryshe që të kishim Yago dhe Kastratin nga krahët. Por gjithsesi çdo ekip ka faza që nuk është mirë. Kemi 3 ndeshje që nuk jemi mirë, ndeshja e së hënës vjen shpejt, djemtë kanë nevojë për mbështetje. Këto pikë që lamë këtu, duhet të shkojmë t’i marrim në Elbasan.

    Normalisht që unë pres nga ndeshja në ndeshje që të kthejmë. E gjithë pjesa e sulmit, normalisht për t’u justifikuar, gjë që unë se bëj, pres që lojtarët si Kallaku, Mala, Yago, Bismark, janë gjysmë. Mala dhe Yago s’do i fusja sot, pasi janë akoma të dëmtuar. Por kemi për t’u bërë shumë shpejt ekipi që kemi qenë përpara. Edhe kështu, s’kemi frikë asnjë.

    Kryesimin ta merrni në Elbasan? Ndeshjet në Shkodër dhe jashtë janë të njëjta, për t’i fituar. Kemi fituar shumë ndeshje rresht në Shkodër, kemi edhe ne ndeshje jo të mira. Kemi bërë ndeshje të mira edhe jashtë, edhe pse s’jemi në ditët e mira. Në çdo ndeshje luajmë me presion lart, s’na ndikon Shkodra apo një fushë tjetër. Me tifozët me vete kemi më entuziazëm, por s’do të thotë që s’do të shkojmë në Elbasan për të mos fituar”, tha Martini.

  • Vllazni, kështu rrezikon titullin! Vora e kthen me këmbë në tokë në “Loro Boriçi”

    Vllazni, kështu rrezikon titullin! Vora e kthen me këmbë në tokë në “Loro Boriçi”

    Vora dhe Vllaznia u përballën në stadiumin “Loro Boriçi” në një ndeshje të vlefshme për javën e 14-të të Superligës, duel që përfundoi pa gola, por jo pa emocione. Të dyja skuadrat u futën në fushë me objektiva të qarta: vendasit për të marrë një rezultat prestigjioz ndaj një prej ekipeve më historike në vend, ndërsa shkodranët për të vijuar marshimin drejt kreut të tabelës. Megjithatë, pas 90 minutash luftë, mungesa e qartësisë në finalizim bëri që ndeshja të mbyllej në barazim 0–0.

    Pjesa e parë nisi me ritëm të lartë, ku Vllaznia u përpoq të marrë kontrollin e lojës përmes qarkullimit të shpejtë të topit. Rastin e parë të mirë e patën shkodranët, me një goditje nga distanca që u ndal vetëm nga pritja vendimtare e portierit të Vorës. Nga ana tjetër, Vora u tregua e rrezikshme në kundërsulme, duke shfrytëzuar shpejtësinë e krahëve, por mungesa e saktësisë në pasimin e fundit bëri që rastet të shpërfilleshin.

    Në pjesën e dytë, loja u hap dukshëm. Vllaznia tentoi disa herë pasime në zonë dhe goditje nga jashtë, por mbrojtja vendase ishte e organizuar dhe nuk lejoi hapësira të rrezikshme.

    Minutat e fundit sollën tension dhe shtysë për gol, por vendimet e shpejta dhe lodhja bënë që saktësia të mungonte në të dy krahët. Në fund, gjyqtari sinjalizoi përfundimin e ndeshjes, duke vulosur ndarjen e pikëve.

    Ky barazim pa gola i lë të dyja skuadrat me shije të ndryshme: Vora merr një pikë të vlefshme për moralin dhe vazhdimësinë, ndërsa Vllaznia largohet e zhgënjyer që nuk arriti të shfrytëzonte mundësitë për të marrë fitoren dhe për t’u afruar më shumë me kryesimin e kampionatit.

  • “Nuk e prisja një fillim të tillë”, Nuhiu i çoroditur nga situata e Tiranës: Jemi të goditur nga ana psikologjike

    “Nuk e prisja një fillim të tillë”, Nuhiu i çoroditur nga situata e Tiranës: Jemi të goditur nga ana psikologjike

    Ardian Nuhiu, ka folur pas ndeshjes Tirana-Vora,  në ndeshjen e vlefshme për javën e 11-të të Abissnet Superiores. Sfida e zhvilluar në stadiumin “Selman Stërmasi”, përfundoi me shifrat 0-2.

    “E prisje këtë vështirësi me Tiranën? Nuk e kam pritur që të startoja në këtë formë. E shoh që kam shumë punë realisht. Sot pashë një skuadër që po kërkonte që të jepte në fushë atë që bëjmë në stërvitje. Në dy momentet më të mira, u ndëshkuam. Jemi të goditur në aspektin psikologjik, do kohën e vet. Ky moment pushimi na vjen në ndihmë për t’u qetësuar dhe menduar. Shkojmë mirë deri te zona, por na mungon pasimi final për të finalizuar. Nga dy gabimet tona përsëri, u ndëshkuam.

    Tabekou i kemi kërkuar që kur futet në mesfushë, të ikë Vera lart. Në pjesën e dytë për shkak të rezultatit, u munduam të rrezikonim, kaluam Tabekou në sulmues krahu. Kur kemi qenë lart me skuadrën, jemi munduar ta mbyllim me mesfushorët e fundit. E di personalisht që kjo manovër dhe lëvizje do kohën e vet, por thashë që në pjesën e dytë kishim qarkullim topi, por duhet më tepër forcë për të rrezikuar kundërshtarin.

    Futbollistët i njoh, edhe pse s’kam qenë pjesë e kampionatit i kam ndjekur ndeshjet. Meta më bëri përshtypje në mënyrën si është paraqitur. Gjithashtu Haxhiu, e dimë që është sulmues krahu, por e përdorëm si mbrojtës të djathtë për të avancuar dhe futur topa në zonë. Ky dy javorsh është i mirëseardhur për mua dhe ekipin, kam besim se do të përmirësohemi dhe të mos pësojmë lehtë. Duke përshpejtuar për të dalë para, humbëm topin, ajo penallti duhej menaxhuar më mirë.

    Vogli, pse nuk aktivizohet? Padiskutim edhe për mua është futbollist i rëndësishëm. Kemi ndeshje deri në fund, do t’i vijë mundësia edhe atij. E shoh lojtar me perspektivë dhe ka luajtur mirë ndaj Partizanit, por në momentin që duhet të jetë titullar, duhet ta mbajë dhe të shfrytëzojë mundësinë. E shoh me sy pozitiv.

    Grinta e lojtarëve? Ne kemi vlerësuar që duhet të jemi më afër, të jemi më kompakt. Në momentet që je më kompakt, duhet të vraposh më pak. Këtë javë që vjen duhet të punojmë në aspektin e përgatitjes fizike, të shtojmë intensitetin dhe grintën”, tha Nuhiu.

  • “Jam krenar që punoj me këta djemtë”, Bellai në qiellin e shtatë pas suksesit ndaj Tiranës: Të gjithë ishin të mrekullueshëm

    “Jam krenar që punoj me këta djemtë”, Bellai në qiellin e shtatë pas suksesit ndaj Tiranës: Të gjithë ishin të mrekullueshëm

    Tirana është mposhtur në shtëpi nga Vora, në ndeshjen e vlefshme për javën e 11-të të Superiores. Sfida e zhvilluar në stadiumin “Selman Stërmasi”, përfundoi me shifrat 0-2. Pas këtij dueli ka folur trajneri fitues, Arjan Bellai.

    “Dua të përgëzoj çunat. Jam i lumtur pasi kam shumicën e lojtarëve që kisha vjet. Jam krenar që punoj me këta çuna, dua t’u uroj të kenë gjithçka, por duke bërë punën çdo të diel, që të kenë këto gëzime dhe fitore. Në pjesën e parë bëmë mirë, i bëmë të gjitha si në mbrojtje ashtu dhe ofensivë. Pjesa e parë foli për ne. Në pjesën e dytë kërkuam të mbanim topin, por s’ja dolëm. Kundërshtari ishte në humbje dhe rrinte lart, rëndësi ka që nuk pësuam gol.

    Unë nuk kam flokë dhe kur shoh në pasqyrë, shoh lojtarët nga mbrapa, s’shoh veten. Donim që kundërshtari të bënte topa të gjatë dhe ia dolëm. Kemi marrë shumë “rebound”, të cilat në futboll të mbajnë në lojë. Kishim përgatitur të bënim këtë presing. Kemi shumë mungesa, jemi të ngarkuar. Janë ndeshje të vazhdueshme dhe janë po të njëjtët futbollistë. Kasalla është shtylla e ekipit, por të gjithë ishin të mrekullueshëm”, tha Bellai pas sfidës Tirana-Vora.