Lajmet e fundit | Klikoje.al

Tag: Vora

  • E FUNDIT/ U largua nga Flamurtari, Lorenc Trashi mbetet në Superiore, firmos me…

    E FUNDIT/ U largua nga Flamurtari, Lorenc Trashi mbetet në Superiore, firmos me…

    Lorenc Trashi nuk është më futbollist i Flamurtarit. Vetëm një sezon zgjati aventura e mbrojtësit në klubin vlonjat, çka arriti elitën e futbollit shqiptar, me paraqitje shumë të mira. Klikoje Sport ka mësuar të ardhmen e 33-vjeçarit. Futbollisti me eksperiencë do të jetë pjesë e Vorës, lojtari ka zhvilluar një takim me drejtuesit dhe parimisht ka rënë dakort mbi kushtet e kontratës dhe pagës.

    Lorenc Trashi është një futbollist me eksperiencë të madhe dhe pritet që t’i bëjë shumë punë Vorës për arritjen e objektivit madhor, qendrimin në Superiore. Pëprara transferimit te Flamurtari, mbrojtësi e mbylli sezonin e fundit me Ballkanin e Kosovës. Për disa javë ai shqyrtoi disa oferta të rëndësishme, por Flamurtari e ka bindur. Lorenc Trashi e ka nisur te Gramshi, për të vijuar te Lushnja. Në sezonin 2014-2015 iu bashku Partizanit, ku mbajti edhe shiritin e kapitenit. Një aventurë provoi edhe në Kuvajt. Trashi ka luajtur edhe 14 ndeshje me Kombëtaren ku ka shënuar 1 gol.

    FLAMURTARI NË KËRKIM TË TRAJNERIT

    Flamurtari do ta ketë trajnerin i ri brenda 15 qershorit. Ky është afati që është vendosur nga bordi i klubi vlonjat, i cili po shqyrton kandidaturat. Së fundmi, një tjetër emër si kandidat i mundshëm po qarkullon në Vlorë. Pikërisht, bëhet fjalë për Shpëtim Duron, i cili mund të rikthehet te kuqezinjtë.

  • E FUNDIT/ Qarabag nis bisedimet me Vorën, klubi azer synon lojtarin që spikati këtë sezon

    E FUNDIT/ Qarabag nis bisedimet me Vorën, klubi azer synon lojtarin që spikati këtë sezon

    Manfredas Ruzgis konsiderohet me të drejtë “arkitekti” i Vorës. Sulmuesi nga Lituania erdhi me parametrao zero në merkton e verës dhe ka lënë gjurmë menjëherë. Me 24 gola në 28 ndeshje, futbollisti ishte një nga më të mirët dhe fitoi “Këpucën e Artë”. Interesante është se ekipi i Vorës ka shënuar në totalë 55 gola, çka do të thotë se më shumë se 40% kanë ardhur nga Manfredas.

    Nisur nga forma e mirë e sulmuesit, Klikoje Sport ka mësuar se për lojtarin ka interesim nga Qarabag. Klubi nga Azerbajxhani ka zhvilluar bisedimet e para. Drejtuesit e vorakëve kërkojnë të përfitojnë sa më tepër financiarisht dhe mësohet se ditët në vijim do të vi një ofertë për klubin. Ruzgis e ka mirëpritur një transferim në Azerbajxhan, por lojtari ka edhe një vit kontratë me Vorën, andaj do të jetë e vështirë që të largohet pa kënaqur financiarisht klubin e Vorës.

    DEKLARATA PAS TITULLIT KAMPION

    Në Superiore pjesë e Vorës apo ekip tjetër? Nuk është një pyetje për t’u bërë tani. Ne luajtëm një sezon mjaft të mirë dhe shumë njerëz ma kanë bërë këtë pyetje. Por ne kemi edhe dy ndeshje të tjera, duam t’i fitojmë. Tani le të festojmë. Jam shumë i lumtur këtu, s’kam pse largohem. Të shohim çfarë do të ndodhë.

    LEXO ME SHUME:“Shihemi sezonin tjetër”, futbollisti i Dinamos konfirmon qendrimin te kryeqytetasit: Gati për më shumë

  • Vora bën “bingo” për 15 mijë euro siguron sulmuesin që shënoi 15 gola (FOTO)

    Vora bën “bingo” për 15 mijë euro siguron sulmuesin që shënoi 15 gola (FOTO)

    Florenc Farruku është futbollisti më i ri i Vorës. Sulmuesi i Burrelit do t’i bashkohet ekipit që këtë sezon do të jetë pjesë e Kategorisë Superiore. Klubi i Vorës që në muajin janar kishte siguruar shërbimet e tij, madje Klikoje Sport mëson se Vora ka paguar 15 mijë euro për të marrë kartonin e lojtarit nga ekipi matjan.

    Sulmuesi, Florenc Farruku ia doli të shënonte gola vendimtarë për matjanët, saktësisht 15 të tillë në Kategorinë e Parë. Paraqitjet e tij kanë tërhequr vëmendjen e kampionëve dhe në ditët në vazhdim pritet që të nisin bisedimet për transferimin e tij.

    Nëse 23-vjeçari do të kalonte te Vora, atëherë kapiteni i Burrelit do të luante për herë të parë në elitë. Siç dihet Farruku është një lojtar i akademisë së Burrelit, ku ka luajtur me ekipet U-17, U-19 e deri tek ekipi i parë.

    Pas suksesit me Bylisin, arritja me Vorën ishte më e madhe për Bellain, pasi skuadra u ngjit si kampione në elitën e futbollit shqiptar. Pas miqësores me Kukësin, trajneri Bellai foli për testin e fundit, pushimet e ekipit, si dhe për të ardhmen e tij dhe të Vorës, që lidhen me pjesëmarrjen historike në Kategorinë Superiore.

    LEXO ME SHUME:Elbasani nis revolucionin, zbulohen pesë largimet e para (EMRAT)

  • “Prisni spektakël ndaj Flamurtarit”, mesfushori i Vorës sfidon vlonjatët: Të fitojmë e ta kthejmë në festë

    “Prisni spektakël ndaj Flamurtarit”, mesfushori i Vorës sfidon vlonjatët: Të fitojmë e ta kthejmë në festë

    Patrik Bardhi, futbollisti i Vorës paralajmëron se në ndeshjen e fundit kundër Flamurtarit do të shihni spektakël. Ai thotë se vorakët, jo vetëm që do të fitojnë takimin, por edhe do të festojnë ngritjen e trofeut.

    Në përfundim të këtij sezoni fantastik, Vora kërkon t’i bëjë një mbyllje të bukur e festive kampionatit në ndeshjen që do ta zhvillojë të dielën në stadiumin “Vora”. Në dy përballjet e këtij sezoni me vlonjatët, të dyja skuadrat kanë shijuar nga një fitore 3-0, duke ndarë pikët në mënyrën më të barabartë në fushat e tyre. Në takimin e tretë, që do të luhet të dielën në Vorë, ora 15:00, të besuarit e trajnerit Arian Bellai do të kërkojnë trepikëshin e fundit për këtë sezon. Edhe pse ka arritur dy objektivat madhorë, Vora nuk ka asnjë pengesë për të mos marrë maksimumin ndaj Flamurtarit. Mesfushori Patrik Bardhi e cilëson si një ndeshje të fundit që duhet dhënë spektakël.

    “Vora jo vetëm që është një klub serioz, me drejtues këmbëngulës në realizimin e objektivave të saj, por edhe ka ndërtuar një skuadër elitare. Ekipi ka dhuruar ndeshje të bukura për t’i dhënë një mësim skuadrave të mëdha me të cilat ka garuar. Edhe pse është konsideruar si skuadër periferike, Vora tregoi se nëse ke seriozitet dhe këmbëngulje, çdo gjë bëhet realitet. Për ndeshjen e radhës kundër Flamurtarit, ne gëzojmë respekt për këtë skuadër, por duke qenë një ndeshje e fundit e sezonit ne do të kërkojmë maksimumin. Duhet jo vetëm të fitojmë, por edhe t’i dhurojmë një ndeshje spektakli tifozërisë sonë. Ndeshjen kundër Flamurtarit do ta kthejmë si në një ditë feste dhe me një futboll të bukur, duke treguar cilësitë e ekipit tonë”. Përfundoi Patrik Bardhi

  • VIDEO/ “Çunat po e paguajnë shtrenjtë kokën”, Arjan Bellai TRONDIT me deklaratën: Ishte një rast për…

    VIDEO/ “Çunat po e paguajnë shtrenjtë kokën”, Arjan Bellai TRONDIT me deklaratën: Ishte një rast për…

    Arjan Bellai, trajneri i Vorës shprehu të gjithë zhgënjimin e tij pas ndeshjes Vora- Apolonia. Sot u luajtën të gjitha ndeshjet e vlefshme për javën e 27-të të Kategorisë së Parë. Vetëm rezultati i Vorë mund të konsiderohet surprizë, pasi barazoi kundër me rezultatin 1-1 kundër Apolonisë. Ruzgis shënoi për vbendasit, ndërsa Trifoni në minutën e 89’ tronditi ekipin vorak, çka solli shumë pakënaqësi te drejtuesit e Vorës, që rrethuan arbitrin e takimit.

    Kështu vendi i parë është në diskutim tashmë, pasi Flamurtari ndjek me vetëm 2 pikë më pak. Besa bëri detyrën duke fituar përballë Lushnjës dhe mban gjallë shpresat për elitën dhe pse ka 7 pikë më pak se Flamurtari.

    “Të gjithë janë kundër nesh. Nuk është herë e parë, më pëlqen që çunat e shesin shumë shtrenjtë kokën. Paguhet shumë shtrenjtë koka e këtyre çunave. Ja bëj hallall. Janë disa ndeshje rresht, që nuk e kuptoj se çfarë po ndodh. Kam thënë që nuk duhet të flasë për arbitrat, po sot do të flas. Ishte një rast për karton i kuq, nuk ishte bërë ndërrimi akoma dhe bëhet goli. 1 herë gabim 2 herë gabim, mund të quhet, po e pesta e gjashta nuk quhet. Apolonia me vetëm një goditje bëri gol.” Përfundoi trajneri i Vorës Arjan Bellai.

  • Feste te Vora, lojtari zbulon gjininë e bebit në mënyrën më të bukur (video)

    Feste te Vora, lojtari zbulon gjininë e bebit në mënyrën më të bukur (video)

    Manfredas Ruzgis është kryefjalë te Vora në këtë sezon. Me 16 gola po udhëheq skuadrën e tij drejt Superiores.Vora ka postuar një video në rrjetet sociale ku zbulon se Ruzgis do të bëhet baba me djalë. Gjinia e bebit që do lindë është zbuluar pikërish në stadium.

    Atmosfera ishte e ngrohtë dhe sigurisht që emocionet të mëdha. “E vlerësoj dhe faleminderit për çdo gjë”, u shpreh Ruzgis.

    Kujtojmë se Vora kryeson e vetme në Kategorinë e Parë. Objektiv i këtij sezoni është vetëm ngjitja në elitën e futbollit shqiptar.

     

     

    View this post on Instagram

     

    A post shared by FK VORA (@fk_vora)

    LEXO ME SHUME:VIDEO/ “Cjapi stemë e FIFA-s, por duhet të bëjë progres”, Ditmar Bicaj kapet me arbitrin pas humbjes: Duhet të rritet më shumë…

    Ditmar Bicaj foli pas humbjes se Burrelit. Vora hipotekoi një tjetyër sukses karakteri duke mposhtur minimalisht  burrelin në “Liri Ballabani”. Kryeqytetasit ruajnë kryesimin në Kategorinë e Parë falë finalizimit të Francesko Hasajt në pjesën e dytë.

    Supersfida e javës së 21-të të Kategorisë së Parë nisi e kujdesshme më të dyja ekipet që u munduan të ruajnë ekuilibrat duke e spostuar lojën në gjysëm-fushë. Pavarsisht se rastet për shënim ishin me piklatore agresiviteti për të fituar duele nuk munguan. Skuadra e Ditmar Bicajt provoi të zbresë me anë të kundërsulmeve duke shfrytëzuar shpejtësinë e kapitenit Florenc Farruku, ndërkohë nga ana tjetër vorakët provuan të ishin kërcënues me daljet nga krahët. Përtej intensitetit të lojës pjesa e parë u mbyll me rezulatin e bradhë 0-0.

  • Manfredas Ruzgis tani ka një rival në skuadër, Vora firmos me sulmuesin 24-vjeçar (FOTO)

    Manfredas Ruzgis tani ka një rival në skuadër, Vora firmos me sulmuesin 24-vjeçar (FOTO)

    Manfredas Ruzgis tashmë ka një rival potencial në fazën e sulmit. Vora e mbylli vitin 2024 si kampione dimri,megjithatë po bëjnë mjaft mirë edhe në merkaton e dimrit.Si fillim,transferuan nga Kukësi mesfushorin e talentuar,Françesko Hasaj ndërsa tani kanë siguruar firmën me një qendërsulmues.

    Mësohet se Emir Skenderi është lojtari më i ri i Vorës.24-vjeçari së fundmi ishte pjesë e Besës së Doberdollit në eliten maqedonase ku nuk kishte minutazhin e nevojshëm duke qenë shpeshherë një “ndihmë” nga stoli dhe duke gjetur vetëm një herë golin.

    Skenderi gjatë ditës së sotme ka pasur takim me drejtuesit ku gjithçka është mbyllur me dakordësi dhe shtatlarti ka zbritur menjëherë në stërvitje.Lojtari me origjinë nga Shkupi,më herët ka provuar të luajë edhe me Tikves,Strugen dhe Makedonija Gp tashmë do të përbëjë sulmin tek Vora me goleadorin,Manfredas Ruzgis.

    LEXO ME SHUME: Ruzgis shënjestron Pogradecin: Do t’i shënoj sërish, Vora e mbyll vitin 2024 me fitore

    Ruzgis është lojtari i momentit te skuadra e Vorës. Ekipi vorak vijon me përgatitjet për ndeshjen e radhës, që do ta luajë në Pogradec. Vorakët do të kërkojnë të vijojnë serinë e rezultateve pozitive dhe kjo nuk do t’i lihet rastësisë. Megjithatë kjo ndeshje parashikohet të jetë e fortë, pasi edhe në shtëpi skuadra vorake e ka pasur mjaft të vështirë fitoren 1-0 ndaj Pogradecit në fazën e parë.

  • Ruzgis shënjestron Pogradecin: Do t’i shënoj sërish, Vora e mbyll vitin 2024 me fitore

    Ruzgis shënjestron Pogradecin: Do t’i shënoj sërish, Vora e mbyll vitin 2024 me fitore

    Ruzgis është lojtari i momentit te skuadra e Vorës. Ekipi vorak vijon me përgatitjet për ndeshjen e radhës, që do ta luajë në Pogradec. Vorakët do të kërkojnë të vijojnë serinë e rezultateve pozitive dhe kjo nuk do t’i lihet rastësisë. Megjithatë kjo ndeshje parashikohet të jetë e fortë, pasi edhe në shtëpi skuadra vorake e ka pasur mjaft të vështirë fitoren 1-0 ndaj Pogradecit në fazën e parë. Ka qenë një penallti dhe këmbët e arta të Manfredas Ruzgis, që Vora mori atë trepikësh në fundin e takimit. Tashmë sulmuesi kryesor do të jetë prezent kundër Pogradecit, pasi ka shlyer detyrimin e 4 kartonëve, duke munguar kundër Korabit.

    Ruzgis kërkon t’i shënojë përsëri pogradecarëve: ”Rikthehem më i fortë se më parë dhe shënoj sërish kundër Pogradecit. E kam ende të freskët këtë ndeshje ku kemi humbur shumë raste, por fati ishte me ne sepse fituam me të drejtë një penallti që unë e ktheva në gol duke shërbyer me tri pikë të arta.

    Këtë radhë, mendoj se do ta kemi më të lehtë, pasi e njohim kundërshtarin dhe nuk kemi mungesa. Duke qenë ekipi i plotë, jam plotësisht i bindur se Vora do ta mbyllë këtë vit me fitore. Ne nuk do të ndalemi në rrugën tonë të nisur drejt elitës. Do ta shihni në fund të sezonit se Vora do të konkurrojë me ekipet elitare, në Superiore”, thotë sulmuesi.

    LEXO ME SHUME: Vora i tregon forcën rivalëve, firmos me ish-sulmuesin e Bate Borisov (EMRI)

  • KATEGORIA E PARË/ Lushnjes nuk ia ka fajin Magani, Marku nderon Korabin, Erzeni bllokadë Besës

    KATEGORIA E PARË/ Lushnjes nuk ia ka fajin Magani, Marku nderon Korabin, Erzeni bllokadë Besës

    Janë mbyllur 4 ndeshjet e sotme të Kategorisë së Parë të vlefshme për javën e 8-të të kampionatit. Në këto 4 sfida të zhvilluara sot, janë shënuar vetëm 3 gola.

    Erzeni mori 1 pikë në mënyrë surprizuese përballë Erzenit, me ndeshjen që përfundoi në barazim pa gola, pra 0-0. Në krahun tjetër, Kukësi u mposht në shtëpiu nga Kastrioti, minimalisht 0-1.

    Në ndeshjet e tjera Korabi ia doli të merrte 3 pikë në transfertën e Valbonës. Dibranët fituan me rezultatin 1-0. Ndërsa, Vora fitoi po 1-0 kundër Lushnjës.

    REZULTATET:

    Vora 1 – 0 Lushnja (Ruzgis 63′)

    Kukësi 0 – 1 Kastrioti (Ajine 28′)

    Valbona 0 – 1 Korabi (T.Marku 34′)

    Erzeni 0 – 0 Besa

  • Vora i tregon forcën rivalëve, firmos me ish-sulmuesin e Bate Borisov (EMRI)

    Vora i tregon forcën rivalëve, firmos me ish-sulmuesin e Bate Borisov (EMRI)

    Vora është në kulmin e përgatitjeve për fillimin e sezonit të ri, ku padyshim objektivi është madhor për këtë edicion, ku kërkohet ngjitja historike në Superiore. Investimi i kryer deri tani nga klubi shkon në funksion të qëllimit dhe përgatitjet aktuale tregojnë se skaudra nën drejtimin e trajnerit Arian Bellai është në rrugën e duhur.

    Pas humbjes në testin e parë veror me Elbasanin, vorakët kanë fituar tri miqësoret e radhës. Fillimisht triumfuan 1-0 kundër Dinamos dhe pas fitores 2-1 me Skënderbeun, të shtunën Vora ka mundur rivalin direkt në të Parën, Flamurtarin në shifrat 1-0. Edhe pse kanë afruar pesë futbollistë, merkatoja e vorakëve mbetet e hapur dhe sot pritet që të vijë “goditja” e radhës, ku bëhet fjalë për një sulmues të ri që ka luajtur në Bjellorusi edhe për BATE Borisov.

    Vora ka arritur akordin me ish-futbollistin e Bate Borisov, Idris Nuradeen. Nuradeen i cili luan si sulmues i djathtë është me nënshtetësi nigeriane por deri më tani ka luajtur vetëm në Bjellorusi,ku përveç Bate Borisov numëron paraqitje dhe me fanellat e Fk Smorgon dhe Dzerzhinsk.

    22-vjeçari pritet të udhëtojë drejt Shqipërisë ditën e nesërme për të hedhur firmën dhe për tu vendosur menjëherë nën urdhërat e trajnerit,Arian Bellai.