Lajmet e fundit | Klikoje.al

Tag: Lushnja

  • E FUNDIT/ Lushnja bën goditjen e madhe në merkato, firmos me “Drogba-n” e ri

    E FUNDIT/ Lushnja bën goditjen e madhe në merkato, firmos me “Drogba-n” e ri

    Lushnja kërkon të përforcohet në merkaton e janarit për të arritur objektivat. Pas zyrtarizimit të Sulovarit, ekipi lagunar ditën e sotme ka bërë një goditje të bujshme. Romeo Olola, sulmuesi nga Bregu i Fildishtë ka firmosur me Lushnjen.

    Sulmuesi 19-vjeçar këtë sezon ka luajtur me ekipin e dytë te Hamkam ku në 15 ndeshje ka shënuar 5 gola. Olala erdhi në provë para pak ditësh por arriti të bind stafin teknik duke i ofruar kontratë. Për Gugash Maganin është një transferim me peshë në fazën e sulmit, duke parë moshën e madhe të Cankës me 4 ndeshje duke shënuar 3 gola, apo nigeriani Aiynde me 6 realizime.

  • KATEGORIA E PARË/ Lushnja nis merkaton e janarit, transferon mesfushorin e Besës (FOTO)

    KATEGORIA E PARË/ Lushnja nis merkaton e janarit, transferon mesfushorin e Besës (FOTO)

    Lushnja ka bërë goditjen e parë në merkaton e dimrit, duke transferuar mesfushorin e Besës, Henri Sulovari. Lajmin e ka bërë me dije vetë klubi i Kategorisë së Parë, duke e prezantuar futbollistin.

    Ai është bërë menjëherë pjesë e skuadrës, duke u bashkuar me të në seancën e radhës stërvitore.

  • Dy mungesa të sigurta ndaj Korabit, te Lushnja kënaq rikthimi i Mikel Cankës

    Dy mungesa të sigurta ndaj Korabit, te Lushnja kënaq rikthimi i Mikel Cankës

    Lushnja ka vijuar stërvitjen për Korabin, ndeshje që mbyll fazën e parë të kampionatit. Seanca është zhvilluar në Plug, ku nuk kanë munguar herë pas here edhe reshjet e shiut. Pas 6 javësh mungesë, është kthyer në fushë “bomberi” Mikel Canka. Pas operacionit, ai ka punuar për herë të parë në mënyrë individuale.

    Një problem të vogël muskulor ka shfaqur 19-vjeçari Damiano Arapi, ndërsa pjesa tjetër është në formë. Grupi sidoqoftë nuk do të jetë i plotë për javën e 11-të, pasi qendërmbrojtësi Roland Disha ka plotësuar numrin e kartonave. Skuadra po kalon një moment të mirë dhe shpresohet që kjo ecuri të vijojë edhe me dibranët. Është një ndeshje direkte, pasi që të dyja kanë nga 10 pikë dhe është shansi për ta lënë pas.

  • Gugash Magani “shtrydh” lojtarët e Lushnjes në ndërprerjen e kampionatit, Ruço premton: Tani që fituam, Lushnja nuk ndalet më

    Gugash Magani “shtrydh” lojtarët e Lushnjes në ndërprerjen e kampionatit, Ruço premton: Tani që fituam, Lushnja nuk ndalet më

    Kampionati u ndërpre, por për Lushnjën nuk ka pushim. Skuadra ka vijuar stërvitjet dhe me ritëm të lartë madje. Mund të themi që Gugash Magani i ka “shtrydhur” lojtarët, pasi i ka zbritur dy herë në fushë. Është punuar më së shumti taktikisht, për të perfeksionuar disa manovra. Verdhejeshilët sikur e kanë mbledhur veten pas asaj fitoreje me Luzin, por vend për rehati nuk ka. Vendi i nëntë i rrezikon dhe kërkohet vazhdimësi.

    Këtë e thotë edhe Ledion Ruço. “Morëm një fitore që na duhej kundër Luzit. Kishim shumë nevojë jo vetëm për të fituar terren në renditje, por edhe për moral. Mund ta them që na ndihmoi edhe psikologjikisht. Kampionati është ndalur, por për ne ka qenë një javë e ngarkuar. Kemi pasur edhe ditë me dy seanca stërvitore. Po punojmë me kokën ulur për të ndrequr gabimet e bëra deri më tani.

    Ka ardhur koha që të lëmë pas të shkuarën dhe të marrim vetëm rezultate të mira në vazhdim, që do të na ngjisin në klasifikim. Por kjo arrihet me përgatitje serioze dhe paraqitje të mira. E rëndësishme është që skuadra të mbajë ritmin. Kemi katër pikë në dy javët e fundit dhe e rëndësishme është që të mos ndalemi”, përfundoi 32- vjeçari.

  • “Rezultatet nuk më japin të drejtë të flas”, Magani kërkon përqëndrim për sfidën me Burrelin: Do jetë një ndeshje e luftuar

    “Rezultatet nuk më japin të drejtë të flas”, Magani kërkon përqëndrim për sfidën me Burrelin: Do jetë një ndeshje e luftuar

    Tre humbje radhazi dhe vendi i fundit në renditje rëndon mbi trajnerin e Lushnjes. Gugash Magani  po e vuan më shumë se kushdo këtë situate: “Rezultatet nuk më japim të drejtë të flas.”  Si për të shkundur skuadrën, jep edhe një mesazh të qartë: “Ka ardhur koha që të bëjmë kthesën”.

    Autokritikën e pret në Burrel, ndonëse do të jetë një transfertë e vështirë. Përballen dy skuadra që kanë mangësi pikësh dhe “malorja” do të jetë e lartë. “Do të jetë një ndeshje shumë e luftuar. Ne shpresojmë të japim më të mirën. Atë që bëjmë në stërvitje, ta transmetojmë në fushë.”

  • KATEGORIA E PARË/ Lushnja e pretendimeve të mëdha mbetet me 0 pikë, Vora fiton ndaj Burrelit

    KATEGORIA E PARË/ Lushnja e pretendimeve të mëdha mbetet me 0 pikë, Vora fiton ndaj Burrelit

    Elbasani dhe Vora u janë bashkuar sot grupit të skuadrave pretendente përngjitjen në Superiore falë fitoreve që kanë siguruar në ndeshjet përkatëse në kampionat. Elbasanit i ka mjaftuar një gol i Abaz Karakaçit në fundin e pjesës së parë për të fituar në transfertë përballë Lushnjës dhe duke u ngjitur në kuotën e 7 pikëve, i bashkohet Apolonisë dhe Besës.

    Vetëm një pikë më pas i ndjek Vora, e cila ka mundur me shifrat 3-1 në shtëpi Burrelin, duke lënë pas zhgënjimin e javës së kaluar pikërisht përballë Elbasanit.

    LUSHNJA 0–1 AF ELBASANI

    Karakaçi 45′

    VORA 3–1 BURRELI

    Qardaku 5′, Avdiu 14′, Raboshta 77′ / Fetaj 69′

  • “Ditë e keqe për ne”/ Lushnja u mund nga Apolonia, Magani justifikon: Kemi një disavantazh që i luajmë ndeshjet jashtë fushe

    “Ditë e keqe për ne”/ Lushnja u mund nga Apolonia, Magani justifikon: Kemi një disavantazh që i luajmë ndeshjet jashtë fushe

    As që e kishte menduar të mbyllej në këtë formë, por Gugash Magani nuk dëshiron që ta dramatizojë. Trajneri e konsideron thjesht një ditë të keqe humbjen në start.

    “Ishin në një ditë të keqe, në futboll ndodhin edhe çudira. Janë ndëshkuar ekipe që janë shumë më lart sesa ne edhe në Europë. Përpos asaj që Apolonia e meritoi fitoren, ishim ne që gabuam individualisht në momente të veçanta. Megjithatë, ishte vetëm ndeshja e parë, skuadra është e re dhe do kohë të përshtatet. Nuk më pëlqeu grinta e disa lojtarëve, ndërkohë që nga krahu tjetër pashë më shumë grintë sesa te ne.

    Kemi një disavantazh që i luajmë ndeshjet jashtë, por kjo nuk do të thotë që fusha nuk ishte e barabartë për të dyja skuadrat. Kemi kohë të mjaftueshme që të analizojmë dhe rikuperojmë gjithë ato mangësi që pamë në këtë ndeshje”, përfundoi peqinasi i pankinës së Lushnjës.

  • Ishte vendosur të luhej në Peqin, derbi Lushnja-Apolonia do të zhvillohet në një tjetër stadium  

    Ishte vendosur të luhej në Peqin, derbi Lushnja-Apolonia do të zhvillohet në një tjetër stadium  

    Lushnja nuk gjen rehat me stadiumin. Nëse të martën e ndanë mendjen për të luajtur në Peqin, dje kanë ndryshuar mendje. Në kërkim të një fushe më të mirë për të nisur sezonin, kanë negociuar me “Elbasan Arenën”. Dhe akordi nuk ka vonuar në fakt, teksa dje është zyrtarizuar se do ta luajnë aty derbin me Apoloninë.

    Është caktuar e diela e 3 shtatorit si dita për ta zhvilluar këtë përballje, që verdhejeshilët me zor po e presin. Lajmi u konfirmua për gazetën nga administratori Marius Liçka. Ndërkohë, që skuadra vijon përgatitjet për javën e parë të Kategorisë së Parë. Në fushën sportive të Plugut, Gugash Magani po merret me detajet e fundit të këtij 90-minutëshi.

  • Sezoni i ri i Kategorisë së Parë nis ters për Lushnjen, derbi ndaj Apolonisë është në rrezik (POSTIMI)

    Sezoni i ri i Kategorisë së Parë nis ters për Lushnjen, derbi ndaj Apolonisë është në rrezik (POSTIMI)

    Kategoria e Parë bëhet gati të ndezë motorrët teksa më 2 shtator do të ngre zyrtarisht siparin për sezonin e ri. Ndeshja më interesante mund të quhet ajo mes Lushnjes dhe Apolonisë, ndryshe ‘Derbi i Myzeqesë’ siç ka marrë nofkën tradicionale. Lushnja duhet të presë në shtëpi fierakët por stadiumi ‘Roza Haxhiu’ është jashtë funksionit.

    Tapeti i fushës është jashtë standartit dhe klubi ka nisur punën për mbjelljen e barit të ri që do kohën e vetë për të qenë gati. Në rrjete sociale klubi lagunar njofton se ky derbi nuk do të luhet në këtë stadium dhe janë në kërkim të një fushe sportive ku ajo e Plugut duket si më e përshtatshmja deri tani. Ende nuk ka një konfirmim ndaj mbetet të shihet se ku do të luhet kjo supersfidë.

  • Lushnja nuk mendon vetëm për rinovimet, afron mesfushorin që shkëlqeu me Tomorin (FOTO)

    Lushnja nuk mendon vetëm për rinovimet, afron mesfushorin që shkëlqeu me Tomorin (FOTO)

    Ish-futbollisti i Partizanit, Lauren Ismailaj, do të vijojë karrierën te skuadra e Lushnjës. 27- vjeçari nga kryeqyteti, shkëlqeu sezonin e shkuar me skuadrën e Tomorit, teksa ishte golashënuesi më i mirë i skuadrës beratase, duke gjetur 7 herë rrugën e rrjetës.

     Ismailaj ka nënshkruar një kontratë 1-vjeçare me lagunarët dhe do të jetë nën urdhrat e trajnerit Gugash Magani për sezonin e ri në Kategorinë e Parë, e cila do të nisë më 2 shtator.

    Me transferimin e 27-vjeçarit cilësia e mesfushës verdhejeshile rritet ndjeshëm, teksa objektiv do të jetë “top 5”-shja në tabelën e renditjes, nga ku do të tentohet, pse jo, edhe një promovim në Superiore. Sa i përket rinovimeve, lojtari i fundit ishte Endrit Magani.