Auda po kalon një moment të jashtëzakonshëm dhe Dinamo duhet të bëjë llogaritë me një kundërshtar që duket se nuk njeh frenim. Skuadra letoneze regjistroi sot fitoren e gjashtë radhazi në të gjitha kompeticionet, duke mposhtur Jelgavën me rezultatin 0-1.
Goli i vetëm i takimit u shënua nga Minins në minutën e 45-të, me një realizim spektakolar që i dha Audës një tjetër sukses të rëndësishëm. Letonezët kanë fituar tri ndeshjet e fundit në Ligën e Konferencës, ku përfshihet edhe triumfi ndaj Dinamos në duelin e parë. Krahas Europës, Auda ka regjistruar gjithashtu një fitore në kampionat dhe një tjetër në Kupë, duke kompletuar serinë prej gjashtë suksesesh radhazi.
💥 @FKAuda vārtu guvums uzvarā pār @fsjelgava !
⚽️ 45′ Miņins (FK Auda) pic.twitter.com/EKmOOt4XaB
— Tonybet Virslīga (@FutbolaVirsliga) August 9, 2026
Forma që po kalon kundërshtari i Dinamos është padyshim një sinjal për skuadrën e Ilir Dajës. Auda do të zbresë në “Elbasan Arena” me moralin në maksimum dhe me avantazhin e fitores së parë, ndërsa Dinamos i duhet përmbysja për të siguruar kualifikimin.
Sfida e kthimit do të luhet të enjten dhe pritet një përballje krejtësisht ndryshe, me “blutë” që do të kërkojnë të përmbysin gjithçka përballë një Aude që vjen në Shqipëri në superformë.