Situata e Sherif Kallakut te Vllaznia vazhdon të mbetet e paqartë, pavarësisht rinovimit të kontratës vetëm pak ditë më parë. Mesfushori nuk është bashkuar me skuadrën në fazën përgatitore që po zhvillohet në Slloveni, duke shtuar dyshimet për të ardhmen e tij te kuqeblutë.
Zyrtarisht, mungesa e Kallakut është justifikuar me skadimin e pasaportës, por burime pranë klubit bëjnë me dije se situata mund të jetë më e ndërlikuar sesa një çështje dokumentacioni. Nuk përjashtohet mundësia që futbollisti nga Fushë-Kruja të mos jetë pjesë e planeve të Vllaznisë për sezonin e ri.
Për momentin nuk ka një reagim zyrtar nga Vllaznia apo vetë lojtari, por ditët në vijim pritet të jenë vendimtare për të sqaruar të ardhmen e Kallakut. Nëse palët ndajnë rrugët, do të ishte një largim i papritur, sidomos pas sinjaleve pozitive të dhëna me rinovimin e kontratës.
1 comment
[…] LEXO ME SHUME:Kthesë e papritur te Vllaznia, e ardhmja e mesfushorit në pikëpyetje […]
Comments are closed