Lajmet e fundit | Klikoje.al

Tag: embelsire

  • Ëmbëlsirë dhe shëndet/ Biskota me pure kungulli

    Ëmbëlsirë dhe shëndet/ Biskota me pure kungulli

    Kungulli është një perim me super veti ushqyese, i pasur me vitamina dhe minerale, por me pak kalori dhe ka pafund mënyra për tu përfshirë në dietë, sa do të habiteshit.

    Që nga ëmbëlsira, sallata, byrek me kungull madje-madje mund të jetë një zëvendësues shumë i mirë dhe i gjalpit.

    Në këtë artikull të AgroWeb.org, do të mësoni një recetë intersante të biskotave me pure kungulli.

    Përbërësit:

    • 170 gramë miell bajamesh
    • 25 gramë miell ananasi
    • Çerek luge çaji sodë buke
    • Çerek luge çaji kripë të hollë
    • Një lugë e gjysmë çaji kanellë pluhur
    • Gjysmë luge çaji xhenxhefil të grirë
    • Çerek luge çaji arrëmyshk pluhur
    • Një majë luge çaji karafil pluhur
    • 4 lugë gjelle gjalpë pa kripë, të shkrirë e të ftohur,
    • Treçerek filxhan çaji pure kungulli
    • 50 gramë ëmbëlsues artificial
    • 1 lugë gjelle pekmez
    • 1 vezë të madhe
    • 1 lugë çaji vanilje

    Për kremin:

    • 120 gramë krem djathi
    • 4 lugë gjelle gjalpë pa kripë
    • 3 lugë gjelle ëmbëlsues artificial
    • Çerek luge çaji vanilje pluhur
    • Një majë luge çaji kripë

    Përgatitja:

    Në një enë mesatare përzieni miellin e bajames me atë të kokosit dhe shtoni sodën e bukës, kripën, kanellën, xhenxhefilin, arrëmyshkun dhe karafilin.

    Në një enë tjetër më të madhe rrihni gjalpin me purenë e kungullit, ëmbëlsuesin artificial, pekmezin, vezën dhe vaniljen.

    Më pas bashkoni të dyja masat deri sa të formoni një brum të butë dhe të lëmuar pa kokrriza.

    Futeni atë në frigorifer dhe mbajeni për 30 minuta e sakaq ndizni furrën.

    Në tavën e pjekjes shtroni letrat përkatëse të pjekjes dhe nxirrni brumin nga frigoriferi.

    Përdorni lugën për të marrë nga pak nga brumi dhe formoni toptha të vegjël të cilët duhet t’i sheshoni me pëllëmbën e dorës dhe tu jepni formën e preferuar.

    Secilën prej topthave vendoseni në tavë duke lënë hapësirë nga njëri tjetri. Ato duhen pjekur për 10-12 minuta ose deri sa të marrin një ngjyrë të artë.




    Hiqini nga furra dhe lërini të ftohen dhe nisni përgatitjen e kremit.

    Në një enë tjetër rrihni kremin e djathit dhe gjalpin. Ju mund të përdorni edhe një mikser elektrik dhe gjatë përpunimit të shtoni vaniljen, ëmbëlsuesin artificial dhe kripën.

    Përzierja duhet të jetë e vazhdueshme deri sa i gjithë kremi të jetë i lehtë dhe i shkrifët.

    Kur biskotat të jenë ftohur plotësisht lyejini në sipërfaqe me kremin dhe servirini.

    Nëse dëshironi t’i ruani për më vonë, sigurohuni që biskotat të jenë të mbuluara ose në frigorifer.

    Burimi: AgroWeb.org

  • Sultjash me mollë dhe arra/ Ëmbëlsira e shëndetshme që duhet të provoni patjetër

    Sultjash me mollë dhe arra/ Ëmbëlsira e shëndetshme që duhet të provoni patjetër

    Sultjashi në traditën tonë është një nga pjatat që gjyshet dhe nënat përgatisnin për fëmijët e tyre.

    Por nga ana tjetër sultjashi ishte edhe një ëmbëlsirë e shpejtë dhe e plotë.

    Me përgatitje të thjeshtë dhe me pak përbërës, sultjashi ishte zgjidhje kur nepsi kërkonte diçka të ëmbël.

    Një mënyrë tjetër për të përgatitur këtë recetë fantastike duke e pasuruar atë me mollë të freskëta dhe arra e kanellë, sultjashi do të kthehet në një delikatesë unike.

    Ndiqni këshillat e shpjeguara mëposhtë dhe përgatiteni që sot këtë recetë.

    PËRBËRËSIT

    1 filxhan kafeje me oriz

    2 lugë gjelle sheqer

    1 lugë gjelle niseshte

    1 mollë

    50 gr arra

    500 ml qumësht

    PËRGATITJA

    Në një tenxhere vendosni të ziejë me pak ujë orizin.

    Sapo të shihni që kokrrat e orizit të jenë zbutur pak shtoni qumështin dhe përziejeni herë pas here që përbërja të mos ngjitet.

    Pasi qumështi të ketë zierë shtoni niseshtenë dhe sheqerin dhe përsëri përziejeni derisa masa të trashët.

    Kur masa kremoze të jetë mpiksur, qëroni dhe prisni mollën dhe hidheni tek sultjashi bashkë me arrat.

    Përziejeni lehtë sultjashin dhe ndajeni në tasa të vegjël.

    Nëse dëshironi mund ta spërkatni me kanellë për t’i dhënë një shije akoma edhe më të mirë.

    Lëreni që të ftohet pak dhe mund ta shërbeni për të dashurit tuaj.

    Sultjashin mund edhe ta fusni në frigorifer për një apo dy orë dhe ta konsumoni të freskët, ose mund ta konsumoni të ngrohtë.

    Burimi: AgroWeb.org

  • Strudel me reçel kumbulle. Ëmbëlsira që duhet të provoni

    Strudel me reçel kumbulle. Ëmbëlsira që duhet të provoni

    Strudeli është një ëmbëlsirë e shpejtë dhe shumë e shijshme që shuan mjaft mirë nepsin për ëmbëlsira.

    Ai mund të përgatitet me fruta të freskëta ose me reçel.

    Përzgjedhja e frutit apo reçelit është tërësisht në varësi të shijes dhe preferencës.

    Strudel Me Reçel Kumbulle

    Për dashamirësit e reçelit të kumbullës, AgroWeb.org servir një recetë të thjeshtë dhe plot shije të strudelit.

    Përbërësit:

    • 1 lugë çaji maja
    • 2-5 lugë gjelle sheqer të bardhë
    • 1 lugë gjelle gjalpë
    • 300 ml qumësht
    • 500 gramë miell
    • Një majë luge gjelle kripë
    • 1 vezë e plotë dhe e verdha e një veze tjetër.
    • 200 gramë reçel kumbulle

    Përgatitja:

    Në një enë hidhni 3 lugë gjelle ujë të ngrohtë, majanë dhe gjysëm luge gjelle sheqer.

    Lëreni mënjanë për 10 minuta ose derisa lëngu të bulëzojë.

    Në një tenxhere më të vogël bashkoni qumështin dhe gjalpin.

    Kur gjalpi të shkrijë në qumësht hiqeni nga zjarri dhe lërini të ftohen për disa minuta.

    Në një enë tjetër përzieni miellin, kripën, 2 lugë gjelle sheqer dhe një vezë.

    Shtoni masën e majasë dhe të sheqerit dhe më pas më ngadalë qumështin dhe gjalpin duke e punuar brumin fort për 10 minuta.

    Nëse brumi është shumë i trashë shtoni pak ujë të vakët.

    Lëreni brumin në një vend të ngrohtë që të vijë për 30-45 minuta ose derisa të dyfishohet në masë.

    Më pas hidhni një shtresë mielli në vendin tuaj të gatimit dhe punojeni brumin aty duke e ndarë në dy copa të barabarta.

    Shtresën e parë të brumit bëjeni në formë drejtkëndore dhe më pas shtoni 5-6 lugë me reçel kumbulle.

    Mbështilleni brumin në formë roleje, spërkateni me miell dhe vendoseni në tavë.

    Të njëjtën gjë bëni edhe me copën e dytë të brumit.

    Të verdhën e mbetur të vezës rriheni fort dhe me të lyeni sipërfaqen e strudelit.

    Lërini të rrijnë në tavë për 30-45 minuta dhe ndërkohë ndizeni furrën.

    Futeni tavën në furrë dhe piqini për 15 minuta në temperaturë të lartë dhe më pas uleni pak.

    Mbështilleni strudelin me letër alumini dhe lëreni të piqet për 20 minuta të tjera.

    Pak përpara përfundimit, hiqeni letrën e aluminit dhe fikeni furrën.

    Pas pesë minutash hiqeni strudelin nga furra dhe lërini pak kohë të ftohet përpara se ta konsumoni.

    Burimi: AgroWeb.org

  • Kek i shijshëm me kumbulla

    Kek i shijshëm me kumbulla

    Nëse ju kanë mbetur pak kumbulla në frigorifer, mos i hani, ose më saktë hajini por në kekun e mëposhtëm. Dhe duke qenë se e shtuna na bën bashkë në tryezë pas impenjimeve në punë apo shkollë, kjo është receta ideale për drekën e sotme.

    PËRBËRËSIT: 3 vezë, 175 g sheqer, 175 g gjalpë, 175 g miell, 500 g kumbulla, 50 g çokollatë, 50 g lajthi ,1 fryrës keku me vanilje dhe pak kripë.

    PËRGATITJA: Pastrojmë kumbullat dhe i ndajmë në copa. Rrahim vezët me sheqerin derisa të dyfishohet masa, shtojmë gjalpin e tretur, miellin, fryrësin me vanilje dhe i përziejmë mirë. Shtojmë çokollatën, lajthitë dhe kumbullat. Shtrojmë brumin në tavën e lyer me gjalpë dhe e pjekim në furrë të para ngrohur për 50 minuta me 180 gradë.

  • Zupa Shtëpie/ Ëmbëlsi e Freskët, e Lehtë

    Zupa Shtëpie/ Ëmbëlsi e Freskët, e Lehtë

    Zupa shtëpie, një ëmbëlsirë krejt e lehtë, e kombinuar në mënyrë fantastike me arra, reçel dhe biskota për të kënaqur shijen në çdo kohë të ditës.

    E shoqëruar me kafe, çaj apo duke e shijuar edhe vetëm, kjo ëmbëlsirë është ndër më tradicionalet, e përgatitur shpesh nga amvisat në shtëpi dhe një nga më të preferuarat në pastiçeritë shqiptare.

    Fantastike në servirjen e saj si gosti në mikpritjen e miqve ashtu si edhe në servirjen e saj në fund të drekave e darkave familjare.

    Një shije krejt tjetër, kremoze falë qumështit si përbërës kryesor të saj dhe e pasuruar me disa nga përbërësit më të shijshëm të kuzhinës, arrat e biskotat e thërrmuara si dhe reçeli unik shqiptar i qershisë gjithashtu.

    Kjo është një ëmbëlsirë që përgatitet krejt lehtë dhe shpejt për të ëmbëlsuar familjen dhe më të dashurit gjithashtu.

    Përgatitja e Zupave në Shtëpi

    Përbërësit

    1.5 litra qumësht

    2 të verdha veze

    10 lugë sheqer

    7 lugë niseshte

    1 lugë kafeje vanilje

    1 pako biskota të thjeshta të thërrmuara

    Një grusht arra të thërrmuara

    Reçel qershie

    Kanellë

    Përgatitja

    Si fillim në fundin e tasave të zupave hedhim një shtresë me biskota të thërmuara.

    Hedhim qumështin në tenxhere dhe e vendosim në zjarr të ngadaltë, shtojmë dy të vërdheat e rrahura të vezëvem sheqerin dhe niseshten.

    Gjithë masën e përzjejmë pa ndërprerje derisa masa të trashet dhe të bëhet kremoze.

    Kur masa bëhet kremoze shtojmë vaniljen dhe vijojmë të përzjejmë për pak sekonda.

    E heqim tenxheren nga zjarri dhe nisim mbushjen e kupave.

    I mbushim të gjitha me krem deri në gjysmë e më pas hedhim një shtresë me biskota të thërmuara dhe pak reçel qershie.

    Më pas hedhim pjesën tjetër të kremit duke mbushur gjysmën e kupave. Në fund shtojmë sërish një shtresë me biskota të thërmuara, arra dhe nga një lugë të vogël me reçel qershie.

    Zupat, pasi janë ftohur futen në frigorifer dhe konsumohen të ftohta.

    Burimi: AgroWeb.org

  • Ëmbëlsi e mrekullueshme/ Torta më e thjeshtë në kushtet e shtëpisë

    Ëmbëlsi e mrekullueshme/ Torta më e thjeshtë në kushtet e shtëpisë

    Kjo recetë është shumë e thjeshtë në përgatitje, përbërësit e saj janë bazikë, kërkon pak durim dhe kujdes në përgatitje dhe shija e saj do t’ju ëmbëlsojë pa masë, bashkë me më të dashurit tuaj në familje.

    Është një recetë ideale, e cila mund të përgatitet në raste ditëlindjesh, festash e gëzimesh familjare por edhe gjatë fundjavave.

    Përgatitja e Tortës së Shtëpisë

    Përbërësit

    (Përbërësit më poshtë janë për një tortë për 10 persona)

    Për Pandispanjën

    5 kokrra vezë

    1 filxhan çaji miell gruri

    5 lugë gjelle të mbushura me sheqer

    1 lugë kafeje me gjalpë të freskët

    Për Kremin e Pastiçerisë

    2 të bardha veze

    4 lugë gjelle me miell gruri

    1 filxhan çaji e gjysmë me qumësht

    ½ lugë gjelle me gjalpë të freskët

    4 lugë gjelle sheqer

    Për Kremin e Gjalpit

    100 gr gjalpë pako gjalpë

    5 lugë gjelle sheqer

    Për Aromatizimin dhe Kombinimin

    1 filxhan kafeje liker

    1 filxhan kafeje me arra të thërrmuara

    ½ filxhan çaji me reçel qershie

    Përgatitja

    Si fillim, nisni me përgatitjen e pandispanjës.

    Rrihni në një tas të bardhat e vezëve veçmas përreth 20-30 minuta derisa vëllimi i masës të dy apo trefishohet dhe masa të fryhet e të bëhet kompakte.

    Më vete rrihni të verdhat e vezëve, shtoni aty gjysmën e sasisë së miellit, përzjeini mirë me telin e kuzhinës.

    Këtë masë shtojeni tek masa e vezëve të bardha të rrahura, shtoni edhe pjesën tjetër të miellit dhe përzjeini me telin e kuzhinës.

    Duhet patur kujdes që gjatë përzjerjes së vezëve me miellin, vëllimi i vezëve të mos ulet.

    Më pas, lyeni një tavë me gjalpë në të gjithë sipërfaqen e saj, shtoni aty masën e brumit të përgatitur dhe futeni të piqet në furrë në 200 gradë për 30-35 minuta.

    Pandispanja lihet të ftohet për 4-5 orë.

    Më pas pritet në dy apo tri shtresa.

    Ndërkohë që pandispanja ftohet përgatisni kremin e pastiçerisë.

    Në një tas shtoni të bardhat e vezëve, miellin, gjalpin, sheqerin dhe qumështin.

    Përzjeini mirë me telin e kuzhinës dhe vendosini në zjarr duke i përzjerë vazhdimisht derisa masa të marrë valë duke pasur kujdes që të mos ngjitet në tenxhere.

    E heqim nga zjarri dhe e aromatizojmë me vanilje, e lëmë të ftohet.

    Për kremin e gjalpit, kaloni në mikser sheqerin dhe gjalpin derisa të krijohet një masë kremoze e butë.

    Pasi të keni përgatitur pandispanjën, kremin e pastiçerisë dhe kremin e gjalpit nisni përgatitjen e tortën.

    Torta

    Secilën nga shtresat e pandispanjës përkateni me disa pika liker dhe me pak shurup sheqeri (zjeni në një tenxhere një gotë ujë me gjysmë gote sheqer derisa shurupi të lidhet në formën e sherbetit).

    Lyejeni seciluen shtresë me krem pastiçerie dhe vendosini njëra mbi tjetrën. Nëse preferoni mund të shtoni edhe disa arra të thërrmuara në secilën nga shtresat e pandispanjës, copëza çokollate apo përbërës të tjerë sipas preferencës.

    Në fund, lyejeni të gjithë tortën anash me kremin e gjalpit dhe sipër me kremin e pastiçerisë.

    Vendosni arrat e thërrmuara anash tortës si edhe në sipërfaqe dhe dekorojeni me kokrra reçeli sipër.

    Torta është gati për t’u servirur dhe ruhet në frigorifer.

  • Kek me krem djathi/ Ëmbëlsira me shijen më delikate që keni provuar

    Kek me krem djathi/ Ëmbëlsira me shijen më delikate që keni provuar

    Keku është një nga ëmbëlsirat që nuk kërkon mjeshtëri.

    Mjafton të përziesh përbërësit, të formosh brumin dhe më pas piqet në furrë.

    Duke qenë kaq i lehtë për t’u përgatitur versionet e tij janë pothuaj të pafundme.

    Receta e sotme që ju këshillojmë të provoni është keku me krem djathi, ose siç njihet ndryshe Maskarpone (mascarpone).

    Ndryshe nga qumështi apo kosi, kremi i djathit i jep brumit të kekut një tjetër shije dhe butësi.

    Për më tepër keku i përgatitur kështu, e lë brendësinë e kekut super të butë e ndërsa korja është krokante aq sa duhet.

    Vetëm kini kujdes që të mos e hani që të gjithin sapo të ketë dalë nga furra.

    Përbërësit:

    • 300 g gjalpë i zbutur
    • 250 g krem djathi
    • 300 g sheqer
    • 1 lugë e gjysmë me vanilje
    • 6 vezë
    • 400 g miell

    Përgatitja:

    Si fillim merrni një tas të madh dhe aty të hidhni gjalpin e zbutur.

    Shtoni dhe kremin e djathit dhe sheqerin dhe përzjejeni me rrahësin elektrik.

    Masa duhet të jetë voluminoze dhe të mos ketë kokrra sheqeri të pa tretura.

    Më pas shtoni vaniljen dhe vezët një e nga një, kështu masa do të fillojë të bëhet akoma dhe më shumë kremoze.

    Pasi të keni hedhur vezët, radhën e ka mielli.

    Masën e miellit ndajeni në katër pjesë dhe hidheni tek tasi ngadalë.

    Përzjejeni mirë derisa të formoni brumin e kekut.

    Merrni një tavë dhe lyejeni mirë me gjalpë dhe spërkateni me pak miell, kështu ëmbëlsira nuk do të ngjitet.

    Kaloni aty brumin e përgatitur dhe përhapeni me ndihmën e një luge që sipërfaqja të jetë e njëtrajtshme.

    Piqeni në furrë të ngrohur me 200 gradë derisa sipërfaqja të ketë marrë një ngjyrë të artë.

    Pasi të jetë pjekur kekun lëreni të ftohet për 10 minuta dhe pastaj hiqeni nga tava.

    Mund ta spërkatni me pak sheqer pluhur apo me çokollatë të shkrirë sipas dëshirës.

  • Kifle të Ëmbla – Të Buta e Plot Shije

    Kifle të Ëmbla – Të Buta e Plot Shije

    Kiflet janë një gatim tradicional shumë i shijshëm që kanë lindur për herë të parë në shekullin e 13- të.

    Me bazë brumi, mund të themi që kiflet janë brioshët e zakonshëm të përgatitur në shtëpi.

    Të njohura për shijen e tyre të thjeshtë dhe për butësinë e pambuktë të brumit tashmë mund t’i gjeni të përgatitura në shumë mënyra.

    Mund t’i hasni shpesh në varientet  e kripura, por edhe në ato të ëmblat të cilat janë të mrekullueshme.

    AgroWeb.org sot ju tregon recetën e veçantë të kifleve me sherbet, të buta dhe shumë të ëmbla.

    Përbërësit

    1 kg miell

    125 ml qumësht

    100 gr gjalpë

    2 vezë

    3 lugë gjelle sheqer

    100 gr arra

    1 pako vanilje

    një majë luge sodë buke

    Për sherbetin

    500 ml ujë

    500 gr sheqer

    një lugë çaji limon

    Përgatitja

    AgroWeb.org ju këshillon të filloni me përgatitjen  e sherbetit.

    Në një tenxhere të thellë hidhni ujin dhe sheqerin dhe lërini të zihet për 10 minuta.

    Më pas shtoni disa pika limon ose një lugë çaji dhe lëreni në zjarr të ulët edhe për disa minuta të tjera.

    Kur të shikoni që sherbeti është trashur dhe sheqeri është shkrirë plotësisht hiqeni atë nga furra dhe lëreni të ftohet.

    Pasi të keni përgatitur sherbetin filloni me përgatitjen e brumit të kifleve.

    Në një enë të thellë hidhni vezët, sheqerin dhe gjalpin dhe përziejini me anë të një mikseri.

    Shtoni me kujdes edhe qumështin me miellin dhe vaniljen pak nga pak duke vazhduar me përzierjen derisa të formohet brumi.

    Pasi brumi të jetë trashur punojeni pak me dorë dhe me anë të një petësi hapni një petë të madhe si një petë byreku.

    Më pas me thikë prisni brumin në formë trekëndëshe duke filluar mesi i petës përsëgjati dhe mbushini me pak arra apo bajame.

    Rrotullojini trekëndëshat nga pjesa më e hollë tek ajo më e trrashë derisa të krijohen disa brioshë të vegjël.

    Përgatisni një tepsi të lyer me pak vaj dhe piqini në temperaturën 180 gradë për 20-25 minuta.

    Derisa të shikoni që kiflet kanë marrë ngjyrë të kuqërremtë të artë.

    Sapo të jenë bërë nxirrini nga furra dhe hidhni sipër menjëherë sherbetin e ftohtë.

    Prisni të ftohen pak dhe më pas mund t’i shërbeni në çdo kohë duke i shtuar edhe disa copëza arrash sipër sipas dëshirës tuaj./AgroWeb.org

  • Tiramisu e shijshme me pjeshkë…E keni provuar?

    Përbërësit:

    • 300 gram biskota specifike për tiramisu
    • 500 gram maskarpone
    • 200 ml pana te ëmbël
    • 500 gram komposto pjeshke+ lëngu i kompostos
    • 80 gram sheqer pluhur
    • 100 gram biskota amaret

    Përgatitja:

    1. Në një enë kombinoni panën, sheqerin, mascarponen dhe i rrihni mirë me një rrahës elektrik.
    2. Kulloni komposton dhe lëngun ndajeni veç nga pjeshkat.
    3. Lagni biskotat me lëngun e pjeshkës dhe i radhisni në një tavë. Sipër shtoni një shtresë me mascarpone, vendosni pjeshkët të prera në copa të vogla (jo të gjitha) dhe sipër tyre thërrmoni biskotat.
    4. Përsëriteni këtë dy herë. Në fund e mbuloni tiramisunë me një shtresë maskarpone dhe disa feta pjeshke të radhitura njëra pas tjetrës.
    5. E fusni tiramisunë në frigorifer. E mira do ishte ta konsumoni ditën tjetër pasi tiramisuja të jetë forcuar. Në të kundërt mund ta konsumoni pas 4 orësh. Ju bëftë mirë!