Lajmet e fundit | Klikoje.al

Tag: embelsire

  • Receta e kekut të engjëjve/ I butë me shije delikate

    Receta e kekut të engjëjve/ I butë me shije delikate

    Keku me të bardha vezësh ose i quajtur ndryshe Keku i Ëngjejve hyn tek ëmbëlsirat e buta që përgatiten shumë shpejt dhe kanë shije vërtetë shumë delikate.

    E ndryshme në pamje dhe në shije nga çdo kek tjetër që keni provuar, ky kek do t’ju mahnisë me ngjyrën e bardhë të brumit edhe pas pjekjes.

    Për t’a përgatitur do t’ju duhen shumë pak përbërës dhe këtu nuk përfshihen as gjalpi dhe as qumështi.

    Më poshtë gjeni hap pas hapi përgatitjen e saktë të tij sipas këshillave të AgroWeb.org.

    Përbërësit

    160 gr miell

    2 lugë gjelle niseshte

    190 gr sheqer pluhur

    12 të bardha vezësh

    15 gr limontos pluhur

    14 gr sheqer pluhur

    1 lugë çaji ekstrakt vanilje

    Përbërësit

    AgroWeb.org ju këshillon të ngrohni furrën në temperaturën 160 gradë dhe më pas të vazhdoni me përgatitjen e recetës.

    Në një enë të thellë hidhni miellin niseshtenë dhe 190 gr sheqer pluhur duke i përzier me një tel kuzhine.

    Për të realizuar këtë recetë të veçantë do t’ju duhet të sitni këtë masë të krijuar mielli dhe sheqeri të paktën tre herë.

    Merrni afër vetes edhe një enë tjetër të thellë dhe sitni miellin nga njëra enë tek njetra për tre herë rradhazi

    Kur mielli të jetë tërësisht shkrifët lëreni të pushojë në njërën nga enët. Ndërsa tjetrën shpëlajeni me ujë dhe hidhni vezët.

    Bëni kujdes të përdorni vetëm të bardhat e vezëve në këtë recetë dhe miksojini me një rrahës elektrik për ëmbëlsira.

    Kur të bardhat e vezëve të kenë filluar të duken si një një shkumë e bardhë shtoni pluhurin e limontosit.

    Vazhdoni të përzieni derisa vezët të kenë fomuar një re shkume, kremoze dhe të bardhë.

    Më pas shtoni pak nga pak 15 gr sheqer pluhur duke e përzier vazhdimisht në një shpejtësi mesatare.

    Shtoni shpejtësinë e rrahësit deri në maksimum teksa shtoni edhe ekstraktin e vaniljes.

    Për të përfunduar kekun tuaj hidhni masën e miellit të përgatitur më parë tek  të bardhat e vezëve pak nga pak.

    Me ndihmën e një teli kuzhine filloni të përzieni këtë masë të krijuar.

    Bëjeni këtë me shumë kujdes në mënyrë që të mos krjohen kokrra.

    Kur të keni përfituar një brumë kremoz dhe të njëtrajtëshëm hidheni atë në një tavë rrethore me hapësire në mes.

    Përdorni tavat rrethore të zakonshme të kekut me diametër rreth 20-25cm.

    Për pjekjen

    Futeni në furrën që e keni ngrohur që më parë dhe lëreni të piqet në temperaturë 160 gradë për 35-40 minuta.

    Kontrollojeni kekun nëse ka marrë një pamje të artë herë pas here, por pa e hapur furrën.

    Pasi të jetë gati nxirreni nga furra dhe lëreni të ftohet duke e kthyer përmbys mbi një pjatë të gjerë.

    Në këtë mënyrë keku juaj nuk do të shfryhet pas nxjerrjes nga furra.

    Hiqeni nga tava me kujdes dhe është gati për t’u konusmuar.

    Mund të zgjidhni t’a dekoroni sipër me pak sheqer pluhur, krem ëmbëlsirash apo fruta.

    Burimi: AgroWeb.org

  • Sekretet që duhet të dini për përgatitjen e hallvës

    Sekretet që duhet të dini për përgatitjen e hallvës

    Hallva është një nga ëmbëlsirat më tradicionale shqiptare, e cila përgatitet gjatë të premteve të mira.

    Ajo gatuhet për t’i rikujtuar njerëzve sa e rëndësishme është të ndash shije dhe lumturi me të dashurit tuaj.

    Prandaj edhe është e traditës që sa herë bëhet hallvë ta shpërndash atë tek komshinjtë apo të afërmit.

    AgroWeb.org ju sjell recetën autentike të hallvës por me një përbërës sekret që i jep akoma më shumë shije.

    Përbërësit

    1 gotë uji me miell

    Gjysmë gote uji me arra të shtypura lehtë

    4-5 lugë gjelle me sheqer

    Një gotë e gjysmë ujë të ngrohtë

    1 lugë gjelle me gjalpë të freskët

    Lëkurën e një portokalli

    Përgatitja

    Vendosni një tenxhere në zjarr dhe shtoni gjalpin, lëreni aty derisa të shkrihet.

    Më pas hidhni miellin dhe skuqeni në temperaturë të ulët derisa ai të piqen dhe të marrë ngjyrë kafe të lehtë.

    AgroWeb.org ju këshillon që ta përzieni miellin me një lugë druri gjatë gjithë kohës që ai të mos ngjitet.

    Kjo do të parandalojë ngjitjen e miellit dhe shijen e hidhur të hallvës.

    Shtoni sheqerin dhe vazhdoni ta përzieni derisa kokrrizat e tij të jenë shkrirë plotësisht.

    Kur masa të jetë e njëtrajtshme shtoni ujin dhe përzëri përzjejeni masën e formuar.

    Sasia e ujit duhet të përthithet plotësisht nga masa e brumit.

    Hidhni arrat e shtypura dhe lëkurat e portokallit dhe përzjejini mirë sa të bashkohen plotësisht me hallvën.

    E heqim nga zjarri dhe e lëmë me kapak të mbyllur për 15 minuta.

    Më pas, mund të përdorim dy lugë në dhënien e formës karakteristike të hallvës, por edhe forma të tjera.

    Në sipërfaqe e spërkasim me kanellë dhe vendosim nga një thelbi arre apo bajame sipër.

    Kjo ëmbëlsirë fantastike mund të shërbehet në temperaturë ambienti ose e ftohtë.

    Për një shije më të veçantë, uji mund të zëvendësohet me qumësht.

    I gjithë procesi i përgatitjes së kësaj ëmbëlsire kërkon durim dhe përkushtim.

    Burimi: AgroWeb.org

  • Pufka me sherbet nga tradita e ëmbël Shqiptare

    Pufka me sherbet nga tradita e ëmbël Shqiptare

    Pufkat me sherbet janë një ëmbëlsirë tradicionale shqiptare, fantastike për të ëmbëlsuar familjen e më të dashurit, por edhe për t’u servirur si gosti ndaj miqve.

    Receta e përgatitjes së tyre është trashëguar brez pas brezi nga amvisat shqiptare, ndërsa sot gjendet në çdo pastçeri të vendit.

    Receta për Pufka me sherbet është mjaftë e thjeshtë dhe nuk kërkon shumë mundim por shija delikate e tyre pasi janë përgatitur të përfshin tërësisht me ëmbëlsinë e saj.

    AgroWeb.org ju sugjeron më poshtë përgatitjen e pufkave krejt lehtë në shtëpi.

    Përgatitja e Pufkave në Shtëpi

    Përbërësit

    4 filxhan kafeje me niseshte

    4 kokërr vezë

    4 filxhan kafe me qumësht pluhur

    1 lugë e vogël kafeje me sobë buke

    Për Sherbetin

    1/2 -1 kg sheqer

    1 litër ujë

    Disa karafila

    Përgatitja  

    Si fillim rrahim vezët. Më pas, në një tas shtojmë qumështin pluhur, vezën e rrahur dhe niseshtenë.

    I përzjejmë mirë derisa masa e brumit të bëhet e njëtrajtshme. Brumi duhet të jetë i hollë.

    Shtrojmë një letër pjekjeje në një tavë dhe përmes një luge vendosim masën e brumit si toptha të vegjël një e nga një me rradhë në tavë.

    Kujdesemi që sa herë të marrim brumin me lugë, lugën më parë ta fusim në një gotë me ujë në mënyrë që brumi të mos ngjitet pas lugës.

    E fusim tavën me pufkat në furrën e parangrohur me 180 gradë. I lëmë të piqen për 15 minuta. Më pas i nxjerrim nga furra dhe i lëmë të ftohen.

    Ndërkohë përgatisim sherbetin. Hedhim në një tenxhere, ujin, sheqerin dhe karafilat, nëse dëshironi mund të shtoni edhe pak vanilje.

    Pasi sherbeti është gati shtojmë në të pufkat derisa të përthithin sherbetin nga të dyja anët dhe më pas i vendosim në një pjatancë.

    Nëse dëshironi sipër mund t’u shtoni arra ose bajame të thërrmuara imët, ose lëkura portokalli apo limoni të grira shumë hollë.

    Gjithashtu sipas dëshirës, pufkave mund t’u hidhni sipër edhe pak kanellë në momentin kur i servirni.

    Burimi: AgroWeb.org

  • Si të përgatisni në shtëpi krem çokollatë për vetëm 15 minuta

    Si të përgatisni në shtëpi krem çokollatë për vetëm 15 minuta

    Krem çokollata ka një ëmbëlsi unike, të lehtë e njëkohësisht të plotë.

    Është aq e shijshme sa vështirë të velesh lehtë me të.

    AgroWeb.org ju sjell më poshtë një recetë të shpejtë dhe të lehtë të përgatitjes së krem çokollatës në shtëpi.

    Një mënyrë fanatstike për të ëmbëlsuar veten dhe më të dashurit tuaj.

    Përgatitja e Krem Çokollatës në Shtëpi

    Përbërësit

    5 gota qumësht

    1 vezë

    3 lugë gjelle të plota me niseshte

    100 gr çokollatë

    1 filxhan çaji me sheqer

    1 lugë gjelle kakao

    Përgatitja

    Si fillim AgroWeb.org, ju udhëzon që të rrihni vezën në një tas të vogël.

    Më pas, në një tenxhere shtoni qumështin, sheqerin, kakaon dhe niseshtenë.

    Shtoni edhe vezën e rrahur dhe vendosini në zjarr mesatar.

    Trazojini përmes një luge druri pa ndërprerje derisa të krijohet një masë kremoze përreth 10 minuta.

    Në këtë moment shtoni çokollatën të cilën e keni shkrirë më parë dhe përzjeheni mirë për disa minuta derisa masa të njëtrajtësohet dhe të marrë formën e kremit.

    Hidheni kremin më pas në kupat përkatëse dhe lëreni të ftohet në temperaturë ambjenti.

    Në vijim, transferojeni për disa orë në frigorifer dhe më pas mund t’i konsumoni.

    Nëse preferoni mund t’i shoqëroni edhe me produkte të tjera shtesë, siç janë biskotat, arrat e thërrmuara apo lajthitë e bajamet.

    Kremin e çokollatës mund ta kombinoni edhe në përgatitjen e recetave të ndryshme të ëmbëlsirave siç është keku, të cilin pasi e përgatisni me pak sheqer mund ta mbuloni sipër me kremin e çokollatë.

    Por për një shije shumë të veçantë, kombinim perfekt do ishte servirja e kremit të çokollatë me lëkura portokalli të ndara në copëza të vogla.

    Madje nëse ju pëlqen aroma e portokallit, mund t’i shtoni copëzat e lëkurës së portokallit edhe gjatë përgatitjes së kremit gjatë kohës që e përziejmë në tenxhere.

    Burimi: AgroWeb.org

  • Ëmbëlsirë me arra/ Si të përgatisni recetën me shije mahnitëse

    Ëmbëlsirë me arra/ Si të përgatisni recetën me shije mahnitëse

    E njohur si krostatë me arra, kjo ëmbëlsirë pa dyshim do t’ju përfshijë tërësisht me ëmbëlsinë e saj.

    AgroWeb.org ju sjell më poshtë recetën e kësaj ëmbëlsire të mrekullueshme, e cila përgatitet krejt lehtë vetë në shtëpi.

    Përgatitja e Ëmbëlsirës me Arra   

    Përbërësit

    Për shtresën e brumit

    1 kokërr vezë

    150 g sheqer

    100 ml vaj luledielli

    250 g miell gruri

    Gjysmë lugë çaji me fryrës ëmbëlsirash ose sodë buke

    Një lugë çaji vanilje

    Për pjesën e mbushjes

    250 g sheqer

    250 g krem qumështi (pana)

    300 g arra (thelpinjtë e arrave duhet të jenë të ndarë në dy – tre pjesë)

    Preparazione

    Si fillim, AgroWeb.org ju këshilon që përgatitjen e krostatës me arra të pjekura ta nisni duke të parangrohni furrën në 180 gradë.

    Ndërkohë merrni një tepsi shumë të vogël me diametër rreth 24 cm, lyejeni me pak gjalpë të gjithë sipërfaqen e saj dhe më pas pudroseni me pak miell dhe lëreni mënjanë pasi do ta përdorni më vonë.

    Nisni me përgatitjen e brumit.

    Merrni një tas dhe në si fillim rrihni vezën, shtoni më pas sheqerin dhe vajin e lulediellit.

    Përzjeini mirë të gjitha bashkë derisa të krijohet një masë homogjene në formë kremoze.

    Në këtë moment shtoni miellin dhe fryrësin e ëmbëlsirave ose sodën e bukës si dhe vaniljen.

    Përziejini të gjitha bashkë mirë derisa të krijohet një masë e njëtrajtshme dhe kompakte pa kokërriza.

    Merreni më pas brumin dhe shtrojeni në tepsinë e vogël që më parë e keni lyer me gjalpë dhe pudrosur me miell.

    Përmes gishtave përhapeni brumin në gjithë sipërfaqen e tepsisë.

    Ndërkohë, nisni me përgatitjen e mbushjes së ëmbëlsirës.

    Vendosni një tigan në zjarr mesatar.

    Shtoni aty si fillim një lugë gjelle me sheqer dhe prisni derisa të shkrijë, sapo sheqeri të shkrijë shtoni një lugë tjetër gjelle me sheqer dhe prisni sërish derisa sheqeri të shkrijë dhe kështu vijoni derisa sheqeri të mbarojë plotëisht.

    Bëni kujdes, çdo lugë sheqeri duhet ta shtoni në momentin që ai ka shkrirë.

    Më pas, shtoni kremin e qumështit (panën) me ngadalë duke përzjerë vazhdimisht gjithnjë në zjarr mesatar derisa masa të jetë kremoze.

    Dhe më pas shtoni arrat duke vijuar të përzjeni masën.

    Shtojeni masën kremoze mbi brumin që keni në tepsinë e vogël dhe futeni të piqet për 35 minuta. Shërbehet pasi është ftohur.

    Burimi: AgroWeb.org

  • Menyra speciale e përgatitjes së kadaifit me petë/ Receta me ëmbëlsi fantastike!

    Menyra speciale e përgatitjes së kadaifit me petë/ Receta me ëmbëlsi fantastike!

    Kadaifi është një ëmbëlsirë që shqiptarët e konsumojnë shumë për festa dhe jo vetëm.

    Kjo ëmbëlsirë me origjinë turke është përvetësuar në traditën tonë dhe pasuruar me elemëntë të kulturës shqiptare duke u bërë një ëmbëlsirë mjaft e shijshme, nga ato që të ngelet në mend

    Nëse ballkavaja ka nderin të serviret vetëm gjatë Vitit të Ri, kadaifi fijehollë nuk ka nevojë për justifikim.

    Atë amvisat e përgatisin sa herë të kenë dëshirë për vetë faktin se bëhet shumë lehtë.

    Kadaifi përgatitet nga mielli dhe uji, por sipas preferencës pasurohet me gjalpë, arra, fistik e çokollatë.

    Ai piqet duke marrë një ngjyrë të artë dhe më pas përzihet me shërbetin duke u zbutur dhe marrë një shije për të lëpirë gishtat.

    Zakonisht, kadaifi përgatitet në tepsi dhe ndahet në feta të vogla katrore.

    Kjo është metoda tradicionale por AgroWeb.org do t’ju mësojë edhe një mënyrë interesante atë përgatitjes së kadaifit me petë bakllavaje.

    Përgatitja e Kadaifit me Petë

    Përbërësit

    1 pako petë të gatshme ëmbëlsirash

    500 gr kadaif

    250 gr gjalpë të freskët

    250 gr arra të thërrmuara

    100 gr rrush të thatë

    Për sherbetin

    1 kg heqer

    500 ml ujë

    5-6 karafila

    Dy lugë gjelle lëng limoni

    Përgatitja

    Si fillim, AgroWeb.org ju këshillon të shkrini gjalpin e freskët.

    Ndërkohë, arrat pasi t’i keni thërrmuar bashkojini me kadaifin, përzjeini bashkë me rrushin e thatë dhe shtoni edhe katër lugë gjelle nga gjalpi i shkrirë.

    Hapni një petë të gatshme, spërkateni me disa pika gjalpë dhe kështu vijoni deri me 6 peta. Më pas, shtroni kadaif me arra dhe rrush të thatë në të gjithë sipërfaqen e petës dhe mblidheni në formën e rolesë.

    Vijoni kështu derisa të mbarojë mbushja më kadaif.

    Si fillim, roletë e përgatitura vendosini në frigorifer (jo në zonën e ngrirjes) dhe lërini të qendrojnë aty përreth 1 orë.

    Më pas, roletë e përgatitura vendosini me rradhë në formën e dredhanikut në një tepsi ( si në foto) dhe futeni më pas të piqet në furrë të parangrohur në temperaturë 170 gradë celcius për reth 50-60 minuta.

    Pasi të piqet, lëreni të ftohet. Kur të jetë ftohur hidhini sipër në të gjithë sipërfaqen sherbetin e nxehtë.

    Për përgatitjen e sherbetit mjafton të hidhni në një tenxhere ujin dhe sheqerin dhe lëreni derisa shurupi të trashet në formën e sherbetit.

    Burimi: AgroWeb.org

  • Mënyrat e duhura për të ruajtur bakllavanë

    Mënyrat e duhura për të ruajtur bakllavanë

    Bakllavaja është një ëmbëlsirë fantastike, për origjinën e së cilës, Greqia, Turqia dhe shumë vende të Lindjes së Mesme nuk po bien dakord edhe sot.

    Asirianët pretendojnë se ata e kanë bërë bakllavanë të parët që në shekullin e 8 para Krishtit, duke bërë petën e bukës, mbushur me arra dhe mjaltë dhe pjekur në furrë druri.

    Megjithatë, Greqia dhe Turqia akoma vazhdojnë të jenë në konflikt sa i përket bakllavasë.

    Konflikti mes dy vendeve për origjinën e kësaj ëmbëlsire mori nota politike në 2006 kur grekët qipriotë vendosën ta quanin ëmbëlsirën si të tyren.

    Për turqit kjo ishte një sakrilegj.

    Çështja u dërgua në Bruksel. Në vitin 2013, Bashkimi Evropian i dha bakllavasë turke (variantit me peta, krem dhe fistik) statusin e mbrojtjes duke zhgënjyer grekët.

    Ajo që historianët pranojnë gjërësisht është se bakllavaja është perfeksionuar gjatë shekullit të 15-të në Perandorinë Osmane.

    Dokumentat e asaj periudhe thonë se kjo ëmbëlsirë është pjekur në sarajet e Topkapisë në vitin 1473.

    Deri në shekullin e 19-të, bakllavaja konsiderohej një ëmbëlsirë luksi.

    Ky  perceptim gjen vend edhe në një nga shprehjet më popullore në vend.

    Turqit kur duan të tregojnë se nuk kanë shumë mundësi financiare thonë shprehimisht: “nuk jam aq i pasur sa të ha bakllava çdo ditë“.

    Për këtë arsye, në këtë vend, bakllavaja serviret vetëm në raste speciale, dasma apo edhe festa.

    Mënyrat e Duhura Për Të Ruajtur Bakllavanë

    Kjo ëmbëlsirë përgatitet në një ditë por mund të ruhet për mbi dy javë.

    Në AgroWeb.org do të mësoni mënyrat e duhura si të ruani cilësinë dhe shijen e bakllavasë për sa më gjatë.

    Kësisoj do të jeni aq të kamur në shije sa të hani bakllava çdo ditë.

    Këshilla e parë për ruajtjen e cilësisë së bakllavasë është që pas pjekjes të lejoni që të ftohet në temperaturë ambienti për maksimumi një ditë dhe jo më shumë.

    Bakllavaja duhet prerë në forma përpara pjekjes dhe më pas sërish pas saj për të siguruar që copët shkëputen lehtë.

    Shërbeti duhet hedhur në bakllava pas pjekjes dhe më pas ëmbëlsira duhet futur në furrë për disa minuta për një përthithje më të mirë dhe më pas duhet lënë që të ftohet.

    Bakllavaja nuk duhet futur në frigorifer në ditët e para sepse sheqeri do të kristalizohet dhe ëmbëlsira do të bëhet më e fortë.

    Pas një jave, copat e mbetura të bakllavasë mund të mbështillen me letër kuzhine dhe të ruhen në frigorifer në temperaturë jo shumë të ulët.

    Nëse nuk ju josh një mënyrë e tillë, copat e bakllavasë mund t’i fusni në një enë plastike.

    Në sipërfaqe vendosni letër alumini dhe më pas mbylleni enën me kapak dhe ta fusni në frigorifer.

    Ekspertët e AgroWeb.org thonë se nuk duhet të përdorni enë qeramike.

    Ato mundësojnë ajrosjen e ëmbëlsirës dhe ajri përshpejton prishjen e saj.

    Si Të Ruani Bakllavanë Në Ngrirje?

    Bakllavanë e pagatuar mund ta ruani në ngrirje me gjithë tepsi.

    Pasi petët të kenë ngrirë plotësisht, hiqeni ëmbëlsirën nga tepsia.

    Mbështilleni me katër shtresa letër kuzhine dhe më pas futeni sërish në ngrirje ku mund ta ruani për deri në 4 muaj.

    Kur të jeni gati për pjekjen e saj, hiqeni nga ngrirja dhe futeni në frigorifer të shkrijë.

    Pasi të ketë shkrirë, lyejini petët sërish me gjalpë, piqeni për 30-35 minuta dhe më pas hidhni shërbetin.

    Bakllavanë e pjekur mund ta ruani në ngrirje gjithashtu por pa e shërbetosur.

    Bakllavaja duhet ndarë në copa, të cilat mund të ruhen në qese plastike të puthitura mirë.

    Bakllavaja e pjekur mund të qëndrojë në ngrirje për 4 muaj.

    Burimi: AgroWeb.org

  • Faktet që nuk i dinit për bakllavanë e festave

    Faktet që nuk i dinit për bakllavanë e festave

    Dhjetorin mund ta quajmë pa frikë muajin e festave dhe gëzimeve familjare.

    Çdo vit nëpër shtëpitë tona vendosen zbukurimet dhe nis diskutimi i recetave që do të përgatiten gjatë darkës së ndërrimit të viteve.

    Ajo që nuk mungon asnjëherë është pikërisht bakllavaja e shijshme plot sherbet dhe arra.

    Kjo ëmbëlsirë ka me qindra vite që i përket traditës së kulinarisë të vendit tonë, por pavarësisht se jemi bërë ekspert në përgatitjen dhe shijimin e saj, ka disa fakte që nuk i kemi dëgjuar mëparë.

    AgroWeb.org ka vendosur që të ndaj me lexuesit e tij të gjitha këto informacione të shkurtra të cilat janë vërtetë interesante.

    Origjina e Bakllavasë

    A e dinit se bakllavaja është paraardhësja e strudelit të shijshëm me mollë dhe arra.

    Të dyja këto delikatesa janë krijuar nga ëmbëltoret turke duke përdorur petët krokante, shtresat e mbushura me arra të thërrmuara dhe shurupi i plotë.

    Petët e Famshme të Holla

    Ata që e kanë përgatitur këtë ëmbëlsirë e dinë rëndësinë e trashësisë së petës.

    Një këshillë që dëgjon sa herë diskutohen petët është se duhet të jenë aq transparente sat të lexohet gazeta përmes saj.

    Për këtë fakt kanë meritë gjyshet greke pasi i hapnin ‘të holla sa një gjethe’.

    Nga vetë kuptimi i fjalës së petëve në greqishten e vjetër, “gjethe”, vjen dhe kjo traditë që vazhdon të ndiqet në shumë vende.

    Festa e Bakllavasë

    Në shumë vende të Ballkanit Perëndimor dhe Lindjes së Mesme në 17 Nëntor festohet dita e kësaj ëmbëlsire.

    Çdo qytet organizon një panair ku pjesmarrësit konkurojnë për shijen më të mirë të baklalvasë duke përgatitur recetën e trashëguar nga familja.

    Emri i Bakllavasë

    Edhe pse në shumë dokumenta historikë emri i kësaj ëmbëlsire mendohet të jetë nga turqishtja, pork a të dhëna që tregojnë për një origjinë mongole.

    Fjala ‘baklava’ vjen nga fjala mongole ‘të mbështjellësh” e cila lidhet me procesin e vjetër të përgatitjes së kësaj delikatese.

    Forma e Prerjes së Bakllavasë

    Siç e dimë edhe prerja e kësaj ëmbëlsire është një tjetër mjeshtëri.

    Të dhënat e AgroWeb.org tregojnë se forma e saj si një yll apo lule me rombe vjen nga Libani.

    Foto të recetave të vjetra të bakllavasë nga ky shtet tregojnë qartë prerjen me formën e diamntit, të cilat u përdorën edhe nga pastiçeritë turke.

    Varietetet e Bakllavasë Në Qytete

    Në Greqi, bakllavaja supozohet të përgatitet me 33 petë, pasi i referohen viteve të jetës së Krishtit, ndaj dhe përgatitet për Krishtlindje.

    Në Ballkan, ndryshe nga vendet e tjera, bakllavaja përgatitet me arra dhe sherbet me sheqer. Gjithashtu në po këto vende kjo ëmbëlsirë përgatitet edhe për festën e Ramazanit.

    Ndërkohë në Izrael, ëmbëlsira klasike merr një formë tjetër pasi përgatitet me fistikë, lajthi, bajame, gjalpë të sheqerosur, kanellë dhe shurup i kombinuar me lëkurë portokalli apo limoni.

    Burimi: AgroWeb.org

  • Zbuloni sekretin e qumështorit të shpejtë në 30 minuta

    Zbuloni sekretin e qumështorit të shpejtë në 30 minuta

    Qumështori është një nga recetat tradicionale të Shqipërisë.

    Amvisat kanë treguar mjeshtërinë e tyre ndër vite në përgatitjen e llojeve të ndryshme të kësaj recete.

    AgroWeg.org ju tregon një sekret të thjeshtë që ju lejon ta përgatisni këtë ëmbëlsirë në vetëm 30 minuta.

    Lexoni recetën e mëposhtme për të zbuluar një truk që mbase dhe nuk ju ka shkuar ndër mend.

    Përbërësit për 4-5 persona

    (Nëse doni ta përgatisni për më shumë persona mjafton të dyfishoni sasitë e përbëresve për kremin dhe sherbetin)

    10-12 petë të gatshme (një pako)

    Për kremin

    2 kokrra vezë

    5 lugë gjelle sheqer

    2 lugë gjelle miell

    2 filxhan çaji me qumësht

    Pak vanilje

    Për Shurupin

    2 gota ujë me sheqer

    1 gotë e gjysmë me ujë

    Përgatitja

    Si fillim vendosni në një tenxhere ujin dhe sheqerin që të ziejë për të përgatitur sherbetin.

    Në një tenxhere hedhim vezët, sheqerin, pak qumësht dhe rrihen mirë duke shtuar miellin e situr.

    Pastaj shtohet qumështi i nxehtë duke e trazuar vazhdimisht dhe vihet në zjarr që të marrë valë, pa ndërprerë të trazuarit.

    Hiqet nga zjarri, shtohet vanilje e holluar në qumësht dhe hidhet në enë tjetër që të ftohet pak.

    Merrni një tavë dhe pasi ta keni lyer me gjalpë shtroni pesë petë.

    AgroWeb.org ju këshillon që dhe petët t’i spërkatni me gjalpë, kështu rezultati do të jetë akoma dhe më i mirë.

    Kur të keni vendosur pesë petët hidhni mbushjen e kremit.

    Veproni po njësoj dhe për pesë petët e tjera dhe në fund lyejeni qumështorin me gjalpë të shkrirë.

    Futeni për ta pjekur në furrë me 200-220 gradë në varësi të furrës suaj.

    Pjekja do të marri vetëm 15 minuta, pasi furra do të jetë e parangrohur, dhe kremi do të kërkojë më pak kohë që të mpikset.

    Kur të ketë marrë ngjyrën karakteristike të artë, fikeni furrën dhe lëreni të ftohet pak.

    Para se t’i hidhni sherbetin priteni në katrorë,  në mënyrë që qumështori të marri ëmbëlsinë e duhur.

    Tanimë ju mbetet vetëm ta shijoni me të afërmit tuaj.

    Burimi: AgroWeb.org

  • Marmalatë Portokalli/ Si ta përgatisni në shtëpi

    Marmalatë Portokalli/ Si ta përgatisni në shtëpi

    Është koha ideale për përgatitjen e marmalatës së portokalleve, pasi është stina ku tregjet janë të mbushura plot me portokalle.

    AgroWeb.ju sugjeron më poshtë përgatitjen e marmalatës të portokallit në shtëpi.

    Një ëmbëlsirë e thjeshtë, me aromë dhe shije fantastike.

    Ideale për t’u konsumuar mëngjeseve me bukë të thekur, gjalpë e qumësht por edhe për të ëmbëlsuar veten dhe më të dashurit në çdo moment të ditës.

    Përgatitja e Marmalatës të Portokalleve në Shtëpi

    Përbërësit 

    1 kg portokalle

    1.5 kg sheqer (Nëse dëshironi që marmalata të mos jetë shumë i ëmbël sasinë e sheqerit mund ta zvogëloni deri në 1 kg)

    Dy gota ujë

    Përgatitja 

    Portokallet zgjidhen të freskëta.

    Pastrohen nga cipa duke i gërryer me një rende kuzhine.

    Priten në thelëza të vogla dhe vendosen në një tenxhere duke i lënë që të ziejnë për 10 minuta.

    Më pas zhvendosen në një enë me ujë të ftohtë dhe lihen aty përreth 2-3 orë.

    Më pas, vendosen përsëri për t’u zierë derisa të zbuten plotësisht.

    Pas zierjes së dytë, lihen sërish në ujë të ftohtë, gjatë kësaj kohe AgroWeb.org ju sugjeron që ujin ta ndërroni rreth 2 apo 3 herë në mënyrë që t’u dalë hidhërimi.

    Pas këtij procesi portokallet e prera dhe të ziera kullohen nga uji dhe lihen mënjanë ndërkohë që përgatitet shurupi.

    Në një enë hedhim sheqerin dhe ujin dhe e lëmë të ziejë përreth 15 minuta derisa shurupi të jetë gati.

    Më pas hidhen portokallet dhe vendosen që të ziejnë bashkë me shurupin përreth 10-15 minuta.

    Lihet të ftohen dhe vendosen që të ziejnë edhe njëherë për 10 minuta me zjarr shumë të ngadaltë.

    Bëni kujdes gjatë zierjes të përzieni reçelin që të mos ngjitet në fund të tenxheres.

    Në fund lëreni të ftohet dhe vendoseni në kavanoza të sterilizuar.

    Burimi: AgroWeb.org