Lajmet e fundit | Klikoje.al

Tag: embelsire

  • Ëmbëlsira prej çokollate që gatuhet pa pjekje!

    Ëmbëlsira prej çokollate që gatuhet pa pjekje!

    Thonë se ngrënia e çokollatës ofron të njëjtën shije dhe eksperiencë si të rënit në dashuri e nëse është kështu, me recetën e mëposhtme, përgatituni të dorëzoni zemrën tuaj njëherë e mirë.

    Bëhet fjalë për një ëmbëlsirë të dendur me çokollatë, kakao, biskota e shumë gjëra të tjera të mira.

    E veçanta e kësaj ëmbëlsire është se nuk kërkon pjekje.

    Ëmbëlsira Prej Çokollate Që Gatuhet Pa Pjekje
    Përbërësit:

    Shtresa e parë:

    200 gramë biskota
    100 gramë feta vaferi
    150 gramë gjalpë të shkrirë
    1 lugë gjelle krem kakao
    150 ml qumësht me çokollatë
    Shtresa e dytë:

    2 copa pandispanje të gatshme
    10 lugë gjelle qumësht me çokollatë
    Për mbushjen:

    500 ml pana për ëmbëlsira
    300 gramë çokollatë për gatim
    3 lugë gjelle krem çokollate.
    Lajthi të pjekura e të shtypura për sipërfaqen e ëmbëlsirës
    Përgatitja:

    Së pari përgatisni kremin e mbushjes që kërkon kohë jo vetëm për tu ftohur por edhe për tu trashur.

    Ngroheni panën për ëmbëlsira, shtoni kremin e kakaos dhe çokollatën dhe përziejini mirë me lugë druri derisa të shkrihen dhe të njëtrajtësohen me njëra tjetrën.

    Masa nuk duhet të valojë. Para se kjo të ndodhë hiqeni enën nga zjarri dhe futeni në ngrirje.

    Më pas bëni shtresën e parë të ëmbëlsirës .

    Shtypini biskotat dhe grijini vaferët.

    Shtoni qumësht, gjalpin e shkrirë dhe kremin e kakaos. Përziejini mirë dhe masën hidheni në një enë ëmbëlsirash rrumbullake.

    Shtypeni mirë dhe sigurohuni që ajo të përhapet mirë në të gjithë enën.

    Nëse masa për mbushje është ftohur dhe trashur mjaftueshëm, përdorni një pjesë të saj për të lyer shtresën e biskotave.

    Më pas shtoni një pandispanjë të gatshme dhe sipër saj pesë lugë gjelle qumësht çokollate.

    Pas kësaj hidhni sërish një pjesë të mbushjes së ftohur dhe shtresën tjetër të pandispanjës.

    Përsëriteni procedurën e mësipërme dhe lëreni ëmbëlsirën të ftohet në frigorifer.

    Kur ajo të jetë ftohur mirë, spërkateni me pak shurup çokollate dhe lajthitë e pjekura jo vetëm për një paraqitje që të tundon por edhe për një shije fantastike shpërblyese për të gjitha shqisat.

  • Ëmbëlsira më e shëndetshme që keni ngrënë ndonjëherë! Sfera kokosi vetëm me dy përbërës!

    Ëmbëlsira më e shëndetshme që keni ngrënë ndonjëherë! Sfera kokosi vetëm me dy përbërës!

    Me siguri çdokush që i do ëmbëlsirat kujdeset për tepricën e peshës trupore, për shkak të sheqerit në të gjitha ëmbëltoret.

    Ne prandaj po ju sjellim recetën për sferat më të shëndetshme nga kokosi, të cilat mund t’i hani pa kurrfarë brengosjeje.

    Përbërësit:

     50 g kokos
     1 banane

    Përgatitja:

    Bananen shtypeni me pirun dhe shtoni 40 g kokos që të bashkohen mirë.

    Nga përbërja bëni sferat dhe rrotulloni në pjesën e mbetur të kokosit.

    Futni në frigorifer që të forcohen mirë.

  • Ja si të përgatisni një tartë limoni franceze

    Ja si të përgatisni një tartë limoni franceze

    Tarta e limonit është një ndër ëmbëlsirat më të famshme të kuzhinës franceze, të cilën të gjithë e pëlqejnë.
    Brumi anësor është mjaftueshëm i hollë, krokant dhë i ëmbël aq sa duhet. Mbushja e tartës është mrekullisht e shijshme, e pasur, e thjeshtë, kremoze, e shkrifët, e hollë dhe jo shumë e thartë.

    PËRBËRËSIT:Për mbushjen


    Lëkura e një limoni
    Lëngun e 1 limoni (të shtrydhur)
    xhelatinë
    ¾ gotë shëqer (i bardhë)
    170 gr gjalpë (të prerë në kubikë)
    3 vezë të plota
    2 të verdha veze
    Sheqer

    Për brumin
    250g miell
     75g sheqer pluhur
     ½ lç kripë
     113g gjalpë (temperaturë ambienti)
     1 vezë

    Përbërësit për merengën
    125g sheqer
     3 të bardha vezësh
     1 lç ekstrakt vanilje

    Përgatitja e kremit:Në një tigan të thellë bashkoni të verdhat e vezës, sheqerin, lëkurën dhe lëngun e limonit. E vini tiganin në zjarr mesatar dhe më pas shtoni xhelatinën. Përzieni derisa konsistenca e masës të jetë kremoze. Hiqeni tiganin nga nxehtësia dhe e lini mënjanë.

    Përgatitja e brumit:
    Prisni gjalpin në kubikë, shtoni miellin, sheqerin dhe bashkojini bashkë me lëvizjen e duarve. Më pas shtoni vezën dhe bashkoni masën derisa të homogjenizohet.
     Brumin sheshojeni me dorë dhe më pas mbështilleni më qese kuzhine. E lini në frigorifer derisa të forcohet pak.
     Shtrojeni në tavë brumin dhe me anë të një piruni shponi mazën e tij. Mbulojeni me letër alumini dhe sipër saj shtoni oriz, në mënyrë që brumi të ruajë formën gjatë pjekjes.
     Piqeni në furrë për 10 minuta në 180°C. Më pas hiqni orizin dhe letrën e aluminit dhe piqëni edhe për 10 minuta të tjera.

    Përgatitja e Merengës:
    I përzieni sheqerin, të bardhat e vezës dhe ekstraktin e vaniljes me anë të një rrahësi elektrik derisa të formohet shkuma e merengës.Pasi brumi të jetë pjekur, e lini të ftohet pak. Hidhni mbi të kremin e limonit dhe e përhapni me anë të një spatule në mënyrë të njëtrajtshmë.
    Shtoni merengën në sipërfaqe dhe zbukurojeni me pak lëkurë dhe feta limoni.

  • Keni provuar bakllava me çokollatë? Ja si ta përgatisni këtë recetë unike!

    Keni provuar bakllava me çokollatë? Ja si ta përgatisni këtë recetë unike!

    Bakllavaja është një ëmbëlsirë shumë e njohur dhe ka mënyra të ndryshme për ta përgatitur atë.

    Por këtë herë ju njohim me një recetë që sjell një shije të ndryshme nga çfarë jeni mësuar zakonisht. Ajo është receta e bakllavasë me çokollatë!

    Ndiqni hapat e mëposhtëm dhe shijojeni me të dashurit tuaj sa herë që nepsi ju kërkon diçka plot sherbet dhe shije unike.

    Përbërësit

    Për petët:

    3 vezë

    3 lugë kos ose 8 lugë gjelle qumësht

    3 lugë vaj misri ose luledielli

    1 lugë gjelle uthull

    Miell

    3 lugë gjelle pluhur kakaoje

    Shënim: Alternativa më e lehtë është përdorimi i petëve të gatshme, nëse vendosni t’i përdorni ato kalojeni këtë pjesë.

    Mbushja:

    1 filxhan me fëstëk ose arra të grira

    1 filxhan me copa çokollate

    1 filxhan niseshte misri

    1 filxhan kakao pluhur

    0,5 kg gjalpë

    Shërbeti:

    4 gota ujë

    4 gota sheqer

    1/2 limon

    Përgatitja:

    Bashkoni në një enë ose në mikser të gjithë përbërësit përveç miellit dhe përpunojini ato.

    Ndërkohë që e përzieni këtë masë shtoni mjaftueshëm miell derisa të përftoni një brumë të trashë.

    Mbulojeni me një peshqir dhe lëreni brumin të pushojë për 30 minuta.

    Pas kësaj kohe ndani brumin në 15 pjesë të barabarta.

    Vazhdoni duke hapur petat pak më të mëdha se madhësia e tavës.

    Ndërkohë vendosni gjalpin në një tigan dhe lëreni të shkrijë në temperaturë të ulët.

    Shtroni 6 gjashtë nga petët në një tavë të lyer me gjalpin e shkrirë dhe sigurohuni të lyeni me gjalpë të dyja anët e petëve.

    Spërkateni me fistëkë ose arra, me çokollatë, niseshte e me kakao dhe vazhdoni njëjtë edhe me pesë petët e tjera.

    Spërkasni edhe pjesën e mbetur nga përbërësit e mbushjes dhe përfundoni me petët e mbetura.

    Mos harroni t’i lyeni petët me gjalpë!

    Me një thikë të mprehtë, ndani bakllavanë tuaj dhe pjesën e mbetur të gjalpit shtojeni në fund.

    Ngrohni paraprakisht furrën në 150 gradë dhe piqeni bakllavanë derisa të skuqet mirë.

    Ndërkohë që ajo piqet, përgatisni shërbetin.

    Filloni duke përzier të gjithë përbërësit dhe lërini të ziejnë për 15 minuta në zjarr të ulët.

    Pasi të nxirrni bakllavanë nga furra hidhni të gjithë shurupin mbi të. Në fund spërkateni me çokollatë.

  • Hasude me arra – Tradita e ëmbël me shije fantastike

    Hasude me arra – Tradita e ëmbël me shije fantastike

    Një ëmbëlsirë fantastike, me një shije të veçantë është hasudja me arra sipas traditës së amvisave shqiptare.

    Një specialitet që është përgatitur prej dekadash me radhë në të gjitha trevat shqiptare.

    Megjithëse amvisat shqiptare e gatuajnë hasudenë në mënyra të ndryshme, padyshim një nga më të shijshme është receta e hasudesë me arra dhe bajame.

    Dikur, hasudja gatuhej si një ëmbëlsirë e veçantë kur shtëpinë e vizitonin miq e mysafirë apo në raste të veçanta gëzimesh familjare.

    Më poshtë keni recetën se si të përgatisni hasuden me arra krejt lehtë në shtëpi, një mënyrë fantastike për të ëmbëlsuar veten dhe më të dashurit tuaj.

    Është një ëmbëlsirë me shije të plotë që mund të konsumohet në çdo kohë.

    Receta e saj kërkon pak durim dhe kujdes por rezultati në fund do t’ju kënaqë me patjetër nepsin dhe oreksin me shijen e saj.

    Përgatitja e Hasudes me Arra në Shtëpi

    Përbërësit

    300 gr niseshte

    300gr sheqer

    500 ml ujë

    100 gr gjalpë të freskët

    Një filxhan çaji me arra të thërrmuara

    Pak pluhur kanelle

    Përgatitja

    Hedhim në një tas masën e ujit dhe niseshtenë dhe i përziejmë mirë me njëra tjetrën derisa niseshteja të shkrihet plotësisht dhe të njëtrajtësohet me ujin.

    Më pas, vendosni një tenxhere në zjarr.

    Shtojmë gjalpin dhe sheqerin.

    I trazojmë derisa sheqeri të shkrijë plotësisht dhe të marrë ngjyrë karamel dhe të forcohet pak.

    Në këtë moment, shtoni ujin me niseshte dhe të përzjeni gjithë masën pa ndërprerje përmes një luge druri.

    Shtoni gjithashtu edhe arrat e thërrmuara dhe vijoni të përzieni derisa masa të trashet ne formën klasike xhelatinoze të hasudes.

    Më pas hiqeni nga zjarri, mund ta ndani në një pjatancë lugë-lugë apo në copa të vogla dhe lëreni të ftohet.

    Kur shërbehet sipas preferencës i hidhen bajame të thërmuara dhe spërkatet me pluhur kanelle.

    Nëse dëshironi mund ta shoqëroni edhe me fruta të thata.

  • Zupa Angleze – Shije delikate dhe e lehtë!

    Zupa Angleze – Shije delikate dhe e lehtë!

    Kuzhina është art më vete e sidomos kur bëhet fjalë për pastiçerinë.

    Ëmbëlsirat janë pjesa më delikate e të gatuarit të cilat kërkojnë shumë përkushtim kujdes e dashuri.

    Kështu mund ta përshkruajmë edhe zupën angleze e cila është një mrekulli shijesh mbledhur në një gotë.

    Më poshtë ju tregojmë mënyrën e saktë të përgatitjes së kësaj recete hap pas hapi.

    Përbërësit për pandespanjën

    2 vezë mesatare

    30 gr miell

    30 gr niseshte

    60 gr sheqer

    Për kremin e pastiçerisë

    400 gr qumësht

    100 gr pana për ëmbëlsira

    4 të verdha vezësh

    45 gr niseshte misri

    140 gr sheqer

    1 pako ekstrakt vanilje

    50 gr çokollatë e zezë

    100 ml sherbet, lëng frutash  ose shurup

    Përgatitja

    Për të nisur me përgatitjen e këtyre zupave si fillim përgatisni pandespanjën.

    Në një enë të thellë hidhni vezët në temperaturë ambienti e më pas përziejini me një rrahës elektrik.

    Shtoni po aty pak nga pak edhe sheqerin duke e përzier për 10 minuta derisa të formohet merengen tradicionale.

    Me anë të një site hidhni po tek ena niseshtenë dhe miellin.

    Më pas përzieni me lëvizje delikate nga poshtë lart derisa të formohet brumi i trrashë.

    Përgatisni një tavë pjekje rreth 18 cm të lyer me gjalpë dhe miell dhe hidhni brumin.

    Mundohuni ta tundni me kujdes herë pas here që të përhapet siç duhet në tavë.

    Futeni të piqet në furrë të ngrohtë në temperaturën 160 gradë për 40 minuta.

    Lëreni të piqet derisa keku të marrë ngjyrë të artë.

    Kremi i pastiçerisë

    Ndërkohë përgatisni kremin e pastiçerisë.

    Në një tas hidhni vetëm të verdhat e vezëve dhe sheqerin e nevojitur, më pas do t’iu duhet ta rrihni masën me telin e kuzhinës.

    Këtë proces duhet ta vazhdoni derisa masa e krijuar të ketë një ngjyrë të verdhë të lehtë, dhe kokrrizat e sheqerit të kenë shkrirë.

    Më pas në një filxhan hedhim pak nga qumështi që na duhet për recetën, dhe aty shtojmë niseshtenë dhe vaniljen. Me një pirun e përziejmë derisa niseshteja të jetë tretur plotësisht.

    Këtë masë ja shtojmë të verdhave të vezëve dhe sheqerit, dhe përsëri i rrahim derisa të jenë lidhur në një masë të vetme.

    Në një tenxhere të vogël hedhim qumështin dhe e vendosim në zjarr të ulët. Temperatura e qumështit duhet të jetë shumë e vakët kur të hidhni masën e vezëve.

    Kjo metodë nuk do t’iu lejojë që veza të pritet dhe kremi të prishet.

    Pasi të keni shtuar vezët tek qumështi duhet të përzieni gjatë gjithë kohës me një ritëm jo shumë të shpejtë.

    Ju këshillojmë që të ngrini pak nxehtësinë e zjarrit, kështu kremi do të bëhet më shpejt.

    Masa do të fillojë që të trashet ngadalë.

    Nëse dëshironi mund t’i shtoni lëkurën e limonit apo portokallit për t’i dhënë një shije më të veçantë kremit.

    Kremin do ta lini në zjarr derisa ai të fillojë të krijojë flluska, apo që të vlojë.

    Më pas hiqeni nga zjarri dhe përziheni dhe disa momente me telin e kuzhinës.

    Ndajeni kremin në dy enë të barabarta dhe tek njëra shtoni çokollatën.

    Përzieni me lugë derisa çokollata të shkrijë nga nxehtësia e kremit.

    Përgatitja e zupave

    Hiqni nga tava e pjekjes pandispanjën dhe priteni në shirita të gjatë e të barabartë.

    Më pas shiritat pritini në katrorë me gjerësi  1 cm secili dhe përzgjidhni gotat për zupën.

    Ato duhet të jenë të paktën 150 ml secila dhe në shtresën e parë vendosni një kubik nga pandispanja duke e lagur me një lugë sherbet, shurup apo lëng frutash.

    Më pas shtoni shtresën e parë me krem çokollate duke e përhapur mirë me lugë dhe në fund shtoni kremin e pastriçerisë klasik.

    Këtë proces bëjeni me të gjithë masën e mbetur të zupave dhe duhet të dalin 4-5 gota.

    Futini në frigorifer për të paktën 3 orë ose më shumë dhe konsumojini të freskëta me pak kakao pluhur sipër.

  • Ëmbëlsira e famshme Pavlova – Ja si ta përgatisni

    Ëmbëlsira e famshme Pavlova – Ja si ta përgatisni

    Pavlova është një tortë elegante, baza e së cilës është marenga, ndërsa mbushja bëhet me krem ​dhe fruta të freskëta e shumëngjyrëshe!

    Australia dhe Zelanda e Re kanë pretenduar gjithmonë se kjo recetë ka origjinën e tyre, por emri i saj në fakt i kushtohet një balerine të famshme ruse, Anna Pavlova, e cila i vizitoi të dy vendet në vitet 1920 dhe pati sukses të madh.

    Provoni veten duke përgatitur këtë ëmbëlsirë në bazë të këshillave si më poshtë

    Përbërësit

    Për marengën ju nevojiten:

    3 të bardha vezësh në temperature dhome

    200g sheqer

    20g niseshte misri

    10g lëng limoni

    Ekstrakt vanilje për shije

    Për kremin:

    200g pana

    20g sheqer pluhur

    Për mbushjen:

    1 kivi

    Luleshtrydhe

    Fruta pylli

    Rrush pa fara

    Nenexhik

    Sheqer pluhur

    Përgatitja

    Për të përgatitur këtë recetë, së pari ngrohni furrën në në 130 °, pastaj ndani të verdhat e vezëve nga të bardhat.

    Të bardhat e vezëve shtojini në mikser dhe përpunojini me shpejtësi mesatare deri në të lartë.

    Prisni që të bardhat e vezëve të bëhen si shkumë dhe filloni të shtoni sheqer, pak e nga pak.

    Pasi të jetë shpërbërë i gjithë sheqeri, marenga do të jetë e trashë dhe kremoze. Në këtë moment shtoni lëngun e limonit, ekstraktin e vaniljes dhe prisni që të absorbohet.

    Në këtë mënyrë përbërja do të jetë e fortë dhe e qëndrueshme. Në fund fikni mikserin dhe shtoni niseshten e misrit.

    Përzieni butësisht me një lugë nga poshtë lart dhe më pas transferojeni në një tavë të veshur me letër pjekjeje.

    Me ndihmën e një spatule, rrafshoni pjesën e sipërme dhe anëve jepini formë rrumbullake.

    Gërmoni pak qendrën për të krijuar një gropë, e cila do të shërbejë për mbushjen me fruta.

    Piqeni marengën në furrën e parangrohur për 10 minuta dhe më pas ulni temperaturën në 100 °C duke vazhduar pjekjen edhe 50 minuta të tjera. Gjatë kësaj kohe dera e furrës nuk duhet të hapet!

    Pasi pjekja të përfundojë, lëreni të ftohet për të paktën 2 orë, gjithmonë me derën e mbyllur.

    Ndërkohë kujdesuni për frutat duke i prerë në copëza.

    Në një tas rrihni panën dhe sheqerin pluhur derisa të përftoni një masë kremoze dhe të qëndrueshme.

    Mbushni me të pjesën e sipërme të marengës dhe shtoni sipër frutat, nenexhikun sipas dëshirës, e në fund spërkateni me sheqer pluhur.

    Pavlova juaj e mrekullueshme është gati për t’u shërbyer!

    Këshillohet që ta konsumoni këtë ëmbëlsirë menjëherë. Marenga është shumë e ndjeshme ndaj lagështirës, kështu që nuk është e mundur ta ruani në frigorifer.

    Ju mund ta zbukuroni pavlovën me frutat e stinës sipas dëshirës tuaj!

    Shtimi i niseshtës së misrit i jep marengës cilësinë e veçantë që e karakterizon.

  • Trileçe shtëpie, ëmbëlsi që nuk i rezistoni dot – Ja si ta përgatisni

    Trileçe shtëpie, ëmbëlsi që nuk i rezistoni dot – Ja si ta përgatisni

    Një ëmbëlsirë klasike e lehtë, shumë e dashur për shqiptarët, gosti fisnike për miqtë, fantastike për festat është Trileçe.

    Është një ëmbëlsirë plot finesë, e thjeshtë në përgatitje dhe me pak përbërës por shija e saj është unike. Aq sa vështirë se mund t’i rezistosh.

    Shoqërohet në një mënyrë fantastike me çajra të ndryshëm të ndryshëm por mbi të gjitha ëmbëlsira perfekte për të mbyllur me shijen më të mirë drekat apo darkat familjare.

    Trileçe është ëmbëlsira perfekte për të ëmbëlsuar shpirtin dhe organizmin në çdo orë të ditës.

    Me shijen e saj të kombinuar mes qumështit e krem karamelit kjo ëmbëlsirë është mahnitëse dhe shumë e dëshiruar nga të gjithë.

    Më poshtë keni recetën fantastike të përgatitjes së trileçes në shtëpi, një mënyrë e lehtë për të ëmbëlsuar familjen apo të dashurit tuaj.

    Si të përgatisim Trileçen në shtëpi 

    Përbërësit

    1 l qumësht

    500 ml krem qumështi (krem pana)

    10 kokrra vezë

    10 lugë gjellë sheqer

    10 lugë miell

    350 qumësht i kondesuar (qumësht panda)

    300 ml karamel (gjeni në supermarkete)

    Përgatitja e pandispanjës

    Në një enë hedhim vetëm të bardhat e vezëve dhe të verdhat i lëmë në një enë tjetër mënjanë.

    Hedhim sheqerin në enën ku kemi të bardhat e vezëve dhe i rrahim derisa masa të bëhet e njëtrajtshme dhe e trashë.

    Më pas, rrahim të verdhat e vezëve dhe i shtojmë tek masa e përgatitur me të bardhat e vezëve dhe sheqerin.

    I përzjejmë derisa të njëtrajtësohen.

    Më pas, shtojmë gradualisht miellin dhe njëkohësisht e trazojmë masën pa ndërprerje me qëllim që volumi i masës të jetë i njëjtë.

    Ngrohim furrën në temperaturën 250 gradë.

    Përmes një furçe kuzhine lyejmë me pak vaj tavën dhe hedhim në të masën e përgatitur dhe e lëmë të piqet në këtë temperaturë për 5 minuta, më pas gradën e nxehjes e ulim në nivelin 150.

    E lëmë të piqet edhe për 10 minuta të tjera.

    Përgatitja e Qumështit

    Hedhim qumështin e kondesuar në një enë bashkë me qumështin e lëngshëm.

    I përzjejmë derisa qumështi i kondesuar të tretet plotësisht.

    Më pas shtojmë kremin e qumështit (pana). I përzjejmë mirë që të jenë një masë.

    Heqim kekun ose pandispanjën nga furra. Pasi të jetë ftohur i presim në formë katrorë dhe hedhim përsipër masën e qumështit.

    E lëmë derisa pandispanja të përthithë qumështin plotësisht.

    Në fund, u hedhim sipër karamelin e lëngshëm.

  • Hasude me lëng shege keni provuar? – Receta me ëmbëlsi të lehtë në vetëm 15 minuta

    Hasude me lëng shege keni provuar? – Receta me ëmbëlsi të lehtë në vetëm 15 minuta

    Një recetë speciale me shije unike është përgatitja e Hasudes kombinuar me lëng shege.

    Më poshtë gjeni se si të përgatisni hasuden në shtëpi me një përbërës fantastik që vjen nga produktet më të mira të stinës, lëngun e shegës.

    Është një ëmbëlsirë me shije të plotë që mund të kombinohet gjatë përgatitjes në shumë mënyra të shkëlqyera.

    Krahas përbërësve bazë mund të shtoni të tjërë plotësues për ta bërë këtë ëmbëlsirë edhe më të shijshme. Mund të shtoni arra, bajame, fruta të thata etj

    Receta e kësaj ëmbëlsire kërkon vetëm pak kujdes por rezultati në fund do t’ju kënaqë me patjetër nepsin dhe oreksin me shijen e saj.

    Përgatitja e Hasudes në Shtëpi 

    Përbërësit 

    300 gr niseshte

    200 – 300 gr sheqer (Sasia e sheqerit zgjidhet në varësi të ëmbëlsisë së lëngut të shegës. Nëse lëngu është shumë i ëmbël mjafton 200 gr sheqer, nëse është i athët atëherë shtoni 300 gr)

    300 ml lëng shege (nga shtrydhja e 4-5 kokrra shegësh)

    200 ml ujë

    100 gr gjalpë të freskët

    Përgatitja 

    Hedhim në një tas masën e ujit, lëngun e shegës dhe niseshtenë dhe i përziejmë mirë me njëra tjetrën derisa niseshteja të shkrihet plotësisht dhe të njëtrajtësohet me ujin.

    Më pas, vendosni një tenxhere në zjarr.

    Shtojmë gjalpin dhe sheqerin.

    I trazojmë derisa sheqeri të shkrijë plotësisht dhe të marrë ngjyrë të artë të lehtë.

    Në këtë moment, shtoni masën me niseshte, ujë dhe lëng shege dhe të përzjeni gjithë masën pa ndërprerje përmes një luge druri.

    Nëse preferoni të shtoni të tjerë përbërës përveç atyre bazë, në momentin kur shtoni ujin me niseshtenë mund të shtoni gjithashtu edhe arra apo bajame të thërrmuara, apo përbërës të tjerë dhe vijoni të përzieni derisa masa të trashet ne formën klasike xhelatinoze të hasudes.

    Sekreti i Hasudes qendron tek përzierja pa ndëprerje e gjithë masës që është në zjarr.

    Më pas hiqeni nga zjarri, mund ta ndani në një pjatancë lugë-lugë ose hidheni në një tavë dhe më pas prijeni në katrorë dhe më pas lëreni të ftohet.

  • Role e mbushur me krem – Receta e ëmbëlsirës me shije delikate

    Role e mbushur me krem – Receta e ëmbëlsirës me shije delikate

    Kjo ëmbëlsirë është shumë e thjeshtë për t’u përgatitur.

    Keku i ëmbëlsirës krijon një shtresë të plotë butësie e ndërsa mbushja kremoze i jep delikatesën e duhur.

    Mjafton të mësoni recetën klasike dhe më pas mund të lini imagjinatën tuaj të lirë për të krijuar mbushje nga më të ndryshmet.

    Duke nisur nga reçeli, mjalti me arra, çokokrem, apo dhe kremi i djathit me fruta të freskëta, kjo ëmbëlsirë merr një shije krejtësisht të re.

    Shërbehet i prerë në feta e i spërkatur me kakao, sheqer pluhur ose mjaltë sipas preferencës.

    Mësoni hapat e përgatitjes dhe shijojeni sa herë që keni dëshirë të provoni diçka të mirë.

    Përbërësit për brumin

    4 vezë

    115 g sheqer

    80 g miell

    1 lugë çaji vanilje pluhur

    Për mbushjen

    400 ml qumësht

    60 gr miell

    100 gr sheqer

    1 vezë

    Sheqer pluhur ose kakao për spërkatje

    Përgatitja

    Për të nisur përgatitjen e kësaj recete merrni një tas të madh dhe aty vezët me sheqerin.

    Rrihini derisa masa të jetë kremoze dhe sheqeri të jetë tretuar plotësisht.

    Kur kremi të ketë marrë një ngjyrë pothuaj të bardhë atëherë ai është gati.

    Shtoni vaniljen dhe miellin duke e përzierë nga poshtë lartë, kështu vezët nuk do të humbasin volumin e tyre.

    Kur mielli të jetë lidhur plotësisht me vezët dhe sheqerin kalojeni në një tavë të lyer me gjalpë ose ku të keni shtruar një letër pjekjeje.

    Brumin përhapeni dhe ta drejtojeni sa më mirë.

    Futeni për ta pjekur për 8-10 minuta në furrë të ngrohur me 220 gradë.

    Gjatë kohës që baza piqen në furrë, përgatisni kremin e mbushjes.

    Në këtë recetë kemi zgjedhur kombinimin me kremin e pastiçerisë, pasi është dhe i shijshëm.

    Në një tenxhere të vogël hidhni qumështin, lëkurën e një limoni dhe vëreni të ziejë në zjarr mesatar.

    Ndërkohë zgjidhni një enë të thellë hidhni vezën, sheqerin dhe miellin, duke i përzier të gjithë përbërësit vazhdimisht.

    Kur masa të jetë kompakte dhe pa kokrriza, shtoni qumështin e nxehtë dhe vazhdoni me përzierjen.

    Në fund hiqni me kujdes lëkurën e limonit e cila nuk duhet të jetë e grirë, por thjeshte e prerë në copa të mëdha të holla.

    Më pas hidheni kremin në një tigan ose tenxhere të vogël dhe gatuajeni derisa të trashet plotësisht, duke e përzier vazhdimisht.

    Kur baza të jetë pjekur, nxirreni nga furra dhe largojeni bashkë me letrën e pjekjes.

    Vendoseni në tavolinë dhe aty shtoni kremin e pastiçerisë duke e lyer në të gjithë sipërfaqen e kekut.

    Shkëputeni pak nga letra e pjekjes bazën e kekut dhe filloni ta rrotulloni.

    Mbështilleni kështu të gjithë bazën duke formuar një cilindër.

    Mbulojeni me një qese kuzhine duke e shtrënguar lehtë rolenë që të marri formën e duhur.

    Futeni në frigorifer për 20 minuta dhe më pas mund ta shërbeni duke e spërkatur me pak sheqer pluhur ose kakao.