Lajmet e fundit | Klikoje.al

Tag: embelsire

  • Krem karamel me mjaltë! E keni provuar këtë ëmbëlsirë delikate?

    Krem karamel me mjaltë! E keni provuar këtë ëmbëlsirë delikate?

    Krem karameli është një ëmbëlsirë e lehtë dhe e shpejtë për t’u përgatitur.

    Receta klasike është shumë e thjeshtë dhe kërkon vetëm tre përbërës.

    Ju sugjerojmë që në vend të sheqerit të përdorni mjaltin, por edhe një mënyrë të veçantë përgatitjeje.

    Siç jemi mësuar karamelin e hedhim në fund të tasave, ndërsa me këtë recetë ai hidhet i fundit.

    Mjalti sigurisht që i jep tjetër delikatesë, kurse kanella godet shqisat me shijen e saj pak djegëse e pak lezetuese.

    Të gjitha për të krijuar një krem perfekt që i pëlqen të gjithëve.

    Lexoni me kujdes mënyrën e përgatitjes dhe shijojeni këtë ëmbëlsirë perfekte.

    Përbërësit

    4 gota me qumësht

    3 shkopinj kanellë

    9 vezë

    Gjysmë gote uji sheqer

    3-4 lugë gjelle me mjaltë

    2-3 lugë gjelle sheqer

    Përgatitja

    Hidhni qumështin në një tenxhere bashkë me kanellën dhe ngroheni shumë pak.

    Sapo të shihni që kanella të ketë lëshuar esencën e saj, largojeni nga zjarri.

    Lëreni të ftohet, ndërkohë që vendosni një çajnik me ujë në zjarr që të ziejë.

    Ndizni gjithashtu edhe furrën që të ngrohet në 150 gradë.

    Largoni ajkën që mund të jetë formuar në sipërfaqen e qumështit si dhe shkopinjtë e kanellës.

    Shtoni mjaltin dhe sheqerin dhe përzjejini derisa masa të jetë e njëtrajtshme.

    Ndërsa të verdhat e vezëve rrihini me pak sheqer në një tas tjetër.

    Hidhni vezët tek qumështi dhe përzjejeni mirë derisa të keni formuar masën e krem karamelit.

    Ndajeni nëpër tasa dhe vendosini në një tavë të madhe.

    Mbuloni me ujë deri në gjysmë tasat me kremin e karamelit.

    Futini për t’i pjekur derisa masa të mpikset plotësisht.

    Pasi të jenë gati largojini nga tava me ujë të nxehtë dhe lërini të ftohen.

    Tani përgatisni karamelin duke hedhur sheqerin në një tigan dhe duke e shkrirë në zjarr mesatar.

    Kur të shihni që karameli të ketë marrë ngjyrën karakteristike hidheni me lugë në sipërfaqen e krem karamelit.

    Përhapeni mirë që të krijohet një shtresë e plotë.

    Futini në frigorifer dhe shërbejini të ftohtë.

  • Shije e veçantë! Reçel me kokrra të plota molle

    Shije e veçantë! Reçel me kokrra të plota molle

    Mrekullohuni me shijen e kësaj recete. Përgatiteni dhe ëmbëlsoni veten më të dashurit tuaj me shijen unike dhe të veçantë që ka.

    PËRBËRËSIT

    1 kg mollë të vogla

    1,5 kg sheqer

    4 filxhanë çaji me ujë

    1 shkop kanellë

    lëngun e një limoni dhe karafila

    PËRGATITJA

    Pastrojmë mollët nga lëkura dhe pjesën e brëndshme të farave, i vemë në tas me ujë të bollshëm dhe i hedhim lëngun e limonit.

    Vemë një tenxhere ujin me sheqerin të ziejn dhe sa të mari valë shtojmë mollët, kanellën dhe çdo molle i vemë një karajfil dhe e lemë të ziejë  derisa të trashet shërbeti, (zierja mban rreth një orë), duke i hequr vazhdimisht shkumën që nxjerr.

    Kur të jetë gati e heqim, e lemë të ftohet dhe më pas e fusim nëpër vazo.

    Burimi: Kuzhinaime

  • Kek me kanellë – Shije e përkryer dhe plot aromë

    Kek me kanellë – Shije e përkryer dhe plot aromë

    Një kombinim i përkryer i kanellës pak djegëse e plot aromë dhe i arrave krokante.

    Ky kek klasik kërkon përdorimin e arrave, duke qenë se ky arror është dhe më i përhapuri në Shqipëri. Por mund të përdorni edhe bajame apo lajthi nëse dëshironi.

    Mund ta shërbeni edhe për mëngjes pasi shkon shumë mirë me qumështin, kafen apo lëngjet e frutave.

    Ju sjellim këtë recetë shumë të lehtë për të përgatitur kekun me kanellë dhe arra.

    Përgatitja e Kekut me Kanellë

    Përbërësit

    210 g gjalpë me temperaturë ambienti

    280g sheqer

    4 vezë

    280g miell

    1 lugë çaji me fryrës ëmbëlsirash

    2 lugë çaji me kanellë

    115g arra të shtypura imët

    1 lugë gjelle sheqer pluhur për zbukurimin e kekut

    Përgatitja

    Si fillim ngrohni furrën në 180 gradë.

    Ndërkohë në një tas të madh përzieni mirë gjalpin dhe sheqerin.

    Kini kujdes që kokrrizat e sheqerit të jenë tretur plotësisht, dhe që kremi të jetë kremoz.

    Shtoni vezët një e nga një, duke përzierë me telin e kuzhinës derisa masa të jetë e njëtrajtshme.

    Lëreni masën të pushojë ndërkohë që përgatisni miellin.

    Në një tas tjetër hidhni miellin duke e situr më parë, fryrësin dhe kanellën.

    Shtoni përbërësit me një lugë gjelle dhe të përzieni sa ai të tretet.

    Vazhdoni këto hapa derisa të mbaroni sasinë e miellit.

    Një përzierje e ngadaltë e miellit bënë të mundur që brumi i kekut të ketë sa më shumë ajër dhe të fryhet më mirë.

    Kalojeni gjysmën e brumit në një tavë të lyer me gjalpë dhe përhapeni në mënyrë të njëtrajtshme.

    Hidhni arrat e shtypura sa më imët dhe më pas pjesën tjetër të mbetur të brumit.

    Piqeni për 30-35 minuta ose derisa sipërfaqja e kekut të ketë marrë një ngjyrë të artë.

    Për ta provuar nëse brendësia e kekut është pjekur, mjafton ta shponi me një thikë dhe nëse sipërfaqja e saj del e pastër keku është gati.

    Hiqeni kekun nga furra dhe lëreni të ftohet plotësisht para se ta prisni.

    Nëse dëshironi mund ta spërkatni me pak sheqer pluhur. 

  • Ëmbëlsirë me biskota dhe krem pastiçerie! E lehtë për t’u përgatitur

    Ëmbëlsirë me biskota dhe krem pastiçerie! E lehtë për t’u përgatitur

    Kjo ëmbëlsirë është shumë e shijshme dhe shumë e lehtë për t’u përgatitur.

    Sapo të keni gati kremin, mjafton që të ndiqni hapat që ju tregojmë dhe rezultati do të jetë perfekt.

    Biskotat e spërkatura me pak karamel mbulohen nga një shtresë kremoze dhe aromën më të mirë prej lëkurave të portokallit.

    Për më tepër përgatitja e kësaj ëmbëlsire nuk kërkon pjekjen në furrë, pra është shumë e shpejtë.

    Përbërësit

    400-500g biskota

    4 të verdha vezësh

    45 gr niseshte misri

    1 paketë me vanilje

    150 gr sheqer

    500 ml qumësht

    200g çokollatë

    lëkura e një portokalli

    Përgatitja

    Në një tas hidhni vetëm të verdhat e vezëve dhe sheqerin e nevojitur, më pas do t’ju duhet ta rrihni masën me telin e kuzhinës.

    Këtë proces duhet ta vazhdoni derisa masa e krijuar të ketë një ngjyrë të verdhë të lehtë, dhe kokrrizat e sheqerit të kenë shkrirë.

    Më pas në një filxhan hedhim pak nga qumështi që na duhet për recetën dhe aty shtojmë niseshtenë dhe vaniljen.

    Me një pirun e përziejmë derisa niseshteja të jetë tretur plotësisht.

    Këtë masë ja shtojmë të verdhave të vezëve dhe sheqerit, dhe përsëri i rrahim derisa të jenë lidhur në një masë të vetme.

    Në një tenxhere të vogël hedhim qumështin dhe e vendosim në zjarr të ulët. Temperatura e qumështit duhet të jetë shumë e vakët kur të hidhni masën e vezëve.

    Kjo metodë nuk do t’iu lejojë që veza të pritet dhe kremi të prishet.

    Pasi të keni shtuar vezët tek qumështi duhet të përzieni gjatë gjithë kohës me një ritëm jo shumë të shpejtë.

    Ngrini pak nxehtësinë e zjarrit, kështu kremi do të bëhet më shpejt.

    Kur masa të fillojë që të trashet ngadalë largojeni nga zjarri dhe ndajeni në dy pjesë.

    Tek njëri nga tasat me krem shtoni çokollatën dhe përziejeni mirë derisa të shkrihet.

    Tek tasi tjetër hidhni lëkurëne grirë të një portokalli.

    Ndërkohë në një tigan hidhni 4-5 lugë gjelle sheqer dhe 1 lugë me gjalpë dhe nisni të përgatisni karamelin.

    Merrni tavën dhe aty shtroni biskotat spërkatini sipër me karamel e më pas shtroni kremin me çokollatë.

    Vazhdoni me një tjetër shtresë me biskota të spërkatura me karamel dhe në fund hidhni kremin e thjeshtë.

    Futeni në frigorifer ëmbëlsirën që të ftohet plotësisht dhe më pas mund ta shërbeni.

  • Ëmbëlsira e shijshme e verës me kos dhe shalqi

    Ëmbëlsira e shijshme e verës me kos dhe shalqi

    Kjo ëmbëlsirë me kos dhe shalqi është ideale për të përfunduar një drekë apo darkë verore me shumë freski.

    Vetëm me disa përbërës të thjeshtë, do të keni mundësi të përgatisni një ëmbëlsirë shumë të shijshme.

    Sekreti është të prisni që çdo shtresë të ngurtësohet në frigorifer, për të paktën 30 min.

    Rezultati do të jetë një seri gotash me shirita, të zbukuruar me copëza të shijshme çokollate, të cilat do të duken si fara shalqiri.

    Ju ftojmë të përgatisni në shtëpi këtë ëmbëlsirë me shalqi dhe kos.

    Përbërësit

    125 g kos

    70 g pana

    15 g sheqer pluhur

    12 g xhelatinë

    250 g tul shalqiri

    Copëza çokollate të zezë sipas dëshirës

    Përgatitja:

    Për të përgatitur këtë ëmbëlsirë, filloni duke njomur dozat e xhelatinës në 2 tasa të ndryshëm, të mbushur me ujë të ftohtë për rreth 10 minuta.

    Ndërkohë, ngrohni dy lugë pana ​​nga sasia e dhënë, në një tigan për rreth 1 minutë.

    Më pas shtoni panën në njërin nga tasat me xhelatinë dhe përziejini mirë.

    Pjesën e mbetur të panës bashkojeni me sheqerin pluhur duke i trazuar mirë dhe vazhdoni duke shtuar kosin.

    Trazojini mirë dhe filoni të shtoni në të përzierjen e përgatitur më parë me pana dhe xhelatinë, e cila duhet të jetë e ngrohtë.

    Pasi ta keni trazuar mirë këtë masë, filloni ta shpërndani atë nëpër gota dhe vendoseni në frigorifer për 30 minuta.

    Pjesën e mbetur ruajeni në temperaturën e dhomës.

    Ndërkohë, përgatisni tulin e shalqirit. Filloni duke e ndarë shalqirin në feta dhe sasinë e rekomanduar shtojeni në një mikser.

    Përpunojini fetat e tij derisa të përftoni një masë pureje, të cilën duhet ta filtroni më pas me anë të një site për të hequr farat.

    Në një tenxhere ngrohni 2 lugë nga masa e përftuar e shalqirit për 1 minutë dhe pastaj shtoni tasin e mbetur të xhelatinës së tretur në ujë të ftohtë.

    Pasi ta keni përzier mirë, shtojeni në pjesën tjetër të puresë së shalqirit.

    Pas 30 minutash nxirrni gotat e kosit nga frigoriferi dhe shtoni përzierjen e shalqirit, duke krijuar një shtresë me trashësi të njëjtë me atë të kosit.

    Vendosini gotat përsëri në frigorifer për 30 minuta dhe pjesën tjetër mbajeni në temperaturën e dhomës.

    Pas kësaj kohe, vazhdoni të formoni një shtresë tjetër me kremin e ​​kosit dhe lëreni të ngurtësohet edhe 30 minuta në frigorifer.

    Përfundoni me një shtresë të masës me shalqi dhe lëreni të ngurtësohet për të paktën 30 minuta të tjera dhe në fund dekoroni shtresën e fundit me copëzat e çokollatës së zezë, sikur të ishin farat e shalqirit.

    Shërbeni gotat me shalqi dhe kos dhe shijoni secilën shtresë!

  • Kek i bërë me lëkurë limoni, plot aromë!

    Kek i bërë me lëkurë limoni, plot aromë!

    Kekun me lëkurë limoni mund ta përgatisni për çdo rast, nëse keni të ftuar në shtëpi, nëse ju hahet diçka e ëmbël apo për t’ja dhurar një miku.

    Ka një shije dhe aromë aq të lehtë sa mund të themi se është i preferuari i të gjithëve.

    Mësoni si ta përgatisni lehtë këtë recetë të shpjeguar për ju mëposhtë.

    Përbërësit

    190 gr miell

    250 gr sheqer

    4 vezë

    120 ml krem qumështi (pana për ëmbelsira)

    75 gr gjalpë pa kripë

    1 lugë e gjysmë çaji me pluhur pjekës

    Gjysmë luge çaji xhenxhefil pluhur

    1 limon i madh ose 2 të vegjël

    15 gr ekstrakt vanilje

    50 ml marmaladë

    Gjysmë luge çaji ujë

    Kripë

    Përgatitja

    Për të nisur me përgatitjen e këtij keku ndizni furrën në temperaturën 180 gradë dhe lyeni me pak gjalpë e miell një tavë me madhësi 20-25 cm.

    Sipër tavës vendosini një letër pjekje dhe lëreni mënjanë për të vazhduar me përgatitjen e kekut.

    Në një enë përzieni miellin, pluhurin pjekës, xhenxhefilin dhe kripën, ndërsa në një tjetër shtoni sheqerin bashkë me lëkurën e grirë të limonit.

    Shtrydhni veçmas edhe gjysmën e limonit, ndërkohë përzieni me duar sheqerin me lëkurën e limonit në mënyrë që të bashkohen mirë.

    Një nga një po tek sheqeri, shtoni vezët të cilat duhet të jenë në temperaturë ambienti.

    Pas secilës prej tyre përzieni mirë me rahhës elektrik në mënyrë që sheqeri të shkrijë dhe në fund shtoni edhe lëngun e limonit që shtyrdhët më parë bashkë me kremin e qumështit.

    Këtë proces mund ta bëni edhe me anë të një rrahësi elektrik të posacëm për vezët përveçse me dorë.

    Merrni enën tjetër ku ndodhen përbërësit e thatë dhe shtojeni pak nga pak tek kjo që po punoni pjesën tjetër të brumit.

    Ndërkohë shkrini gjalpin dhe përziejeni me esencën e vaniljes.

    Në fund duke përzier, shtojeni pak nga pak tek brumi i kekut që sapo përgatitët.

    Brumi përfundimtar do të jetë i trashë, kremoz e pa kokrriza.

    Hidheni të gjithin tek tava që përgatiët në fillim dhe futeni të piqet për 70 – 75 minuta ose derisa të marrë ngjyrë të artë në sipërfaqe.

    Kur të jetë pjekur nxirreni nga furra dhe pasi të ftohet pakra hiqeni me kujdes nga tava.

    Sipas dëshirës mund t’i përgatisni salcën më marmaladë për ta lyer sipër.

    Mjafton të zieni marmaladën me ujin në një tigan të vogël dhe ta lini të ziejë derisa të formohet një masë kremoze.

    Hidhjani sipër kekut tuaj dhe lëreni të ftohet për 2 orë dhe mund ta shërbeni sipas dëshirës tuaj.

  • Deserti më i shijshëm! Ëmbëlsirë të cilën do ta mbani në mend tërë jetën!

    Deserti më i shijshëm! Ëmbëlsirë të cilën do ta mbani në mend tërë jetën!

    Për ta gatuar ju nevojitem 25 minuta

    Përbërësit:

    ▪ 300 g çokollatë për zierje,
    ▪ 5 vezë,
    ▪ 4 lugë sheqer,
    ▪ 400 ml ajkë të ëmbël,
    ▪ 1 lugë sheqer pluhur.

    Përgatitja:

    Shkrini në zjarr të lehtë 300 g çokollatë për zierje me 4 lugë sheqer.

    Në një enë për përzierje tundni 5 të bardhë të vezëve me 4 lugë sheqer, shtoni ajkën e ëmbël dhe përzieni me mikser.

    Në çokollatën e shkrirë qitni të verdhët e vezëve dhe përbërjen nga ena për përzierje. Tundni me lugë druri.

    Futeni në frigorifer të qëndrojë 3 orë.

    Servireni me pemë apo me krem.

    Shijojeni!

  • Embëlsira me nutella – Plot shije nga kuzhina italiane!

    Embëlsira me nutella – Plot shije nga kuzhina italiane!

    Embëlsira me nutella (Pesche dolci), e thjeshtë, e shpejtë, e shijshme, e shërbyer bukur. Perfekte për festa.

    PËRBËRËSIT:

    350 gr miell

    75 gr gjalp

    100 gr sheqer

    2 vezë

    50 ml qumësht

    5 gr maja për embëlsira

    alchermes (pije për embëlsira)

    lëkurën e 1 limoni

    nutella

    PËRGATITJA:

    1. Merni një tas dhe hidhni të gjithë përbërësit, nuk ka rëndesi se kë hidhni më parë, punojini mirë deri sa të formohet si brum biskotash. Pasi ta keni punuar mirë ndajeni në topa të vogla sa një kokërr arre, dhe vërini në një tepsi pasi ti keni vënë një letër furre, futini të piqen në furrë të parangrohur në 180° për 15 – 20 minuta. Pasi të jenë pjekur lërini të ftohen
    2. Kur të jenë ftohur plotesisht merrni një biskotë dhe lyejini me nutella pastaj vendosni një biskotë tjetër si në foto. Pasi ti keni mbaruar të lyera me nutella dhe bashkuar dyshe të gjitha biskotat futini të lagen mirë me pijen (alchermes) dhe pastaj kalojini në sheqer e vendosini në një pjatë dhe janë gati për tu servirur.

    Ju bëftë mirë!

  • Kek me karrota – Receta e veçantë që do t’ju nderojë para miqve

    Kek me karrota – Receta e veçantë që do t’ju nderojë para miqve

    Ju kanë ardhur miq për drekë ose darkë dhe nuk doni të bëni figurë të keqe? Një kek me karrota është ajo që ju duhet.

    Përbërësit:
    2 filxhanë miell
    2 lugë çaji sodë pjekje
    2 lugë çaji kanellë
    1/2 lugë kripë
    4 kokrra vezë
    5-6 karrota mesatare
    300 ml vaj bimor (luledielli, misri etj)
    1 kup sheqer normal i bardhë
    1 kup sheqer kafë
    1 lugë çaji esencë vanilje
    1 kup arra ose (bajame, lajthi etj)
    1 kup rrush të thatë

    kremi:
    2 pako philadelphia ose 250 g krem djathi
    1/2 lëng limoni
    1 kup sheqer pluhur

    Përgatitja:
    Si fillim ndezim furrën 180 C. Në një enë të thellë shtojmë miellin, kanellën, sodën dhe kripën. Ndërsa në një enë tjetër shtojmë vajin, shqerin e bardhë dhe kafë, esencën e vaniljes dhe i rrahim mirë. Më pas shtojmë një e nga një vezët duke i rrahur dhe në fund miellin pjesë-pjesë duke e përzier masën me
    kujdes me spatul.

    Pasi masa është krijuar, shtojmë karrotat të grira në rende, frutat e thata dhe i përziejmë përsëri me spatul. Masën e hedhim në formën e kekut të lyer me gjalpë dhe e fusim në furrë për 40-45 min. Pasi keku ëshë pjekur e lejmë të ftohet dhe sipër e mbulojmë me kremin e formuar duke rrahur kremin e djathit, me lëngun e limonit dhe sheqerin pluhur me mixer.

    Kujdes, kur të rrihni kremin e djathit, sheqerin pluhur hidheni pjesë pjesë në mënyrë mos të përhapet në ajër duke bërë pis. Kremin e shtrojmë sipër kekut dhe e dekorojmë sipas dëshirës.

    Ju bëftë mirë!

  • Pasta Frola – Ëmbëlsira e preferuar e shqiptarëve

    Pasta Frola – Ëmbëlsira e preferuar e shqiptarëve

    Pasta Frola është një ndër ëmbëlsirat më të preferuara të shqiptarëve.

    E thjeshtë për t’u përgatitur, fantastike për t’u shijuar me një filxhan kafeje apo çaji në çdo kohë të ditës.

    Është ëmbëlsira ideale për të pritur miqtë dhe për të ëmbëlsuar më të dashurit në familje.

    Kjo ëmbëlsirë është shndërruar tashmë në një traditë të kuzhinës shqiptare.

    Pasta Frola në fakt është një tartë e përbërë nga një petë brumi e shkrifët e mbushur me reçelra të ndryshëm.

    Shija e kësaj ëmbëlsire është si ajo e një biskote të shkrifët të kombinuar me reçel.

    Përgatitja e kësaj ëmbëlsire do të shtonte edhe më shumë atmosferën duke e shijuar në familje apo mes miqsh.

    Receta tipike të përgatitjes së pastës Frola në shtëpi:

    Përgatitja e Pastës Frola në Shtëpi

    Përbërësit

    2 gota ujë me miell

    5 lugë gjelle sheqer

    2 filxhanë kafeje margarinë

    1 kokërr vezë

    Gjysmë luge kafeje me sodë

    5 lugë gjelle me kos

    Një tas mesatar me reçel (lloji i reçelit zgjidhet sipas preferencës)

    Përgatitja

    Në një tas të madh rrahim si fillim vezën, më pas shtojmë sheqerin dhe sodën, i përzjejmë dhe shtojmë kosin.

    Vijojmë përzjerjen derisa masa është bërë homogjene.

    Në vijim, masën e përgatitur e shtojmë nga pak tek mielli që kemi vendosur në një tas dhe përgatisim brumin me dorë.

    Pasi brumi është shndërruar në një masë të njëtrajtshme e hapim në tavolinën e punës në formën e një pete të trashë, e cila nuk duhet të jetë më e trashë se një centimetër.

    Para se të hapim petën kujdesemi që mënjanë të lëmë një masë brumi më vete, të cilën do ta përdorim për shiritat që do vendosim mbi tartë.

    Petën e përgatitur e vendosim në një tavë. Sipër saj shtrojmë masën e reçelit. Në fund marrim brumin që kemi lënë mënjanë, e ndajmë në shirita të hollë dhe e vendosim në formën e rombave (si në foto) mbi reçelin që kemi shtruar.

    Shiritat nëse dëshironi mund t’i lyeni me vezë me ndihmën e një furçe kuzhine.

    Piqet në furrë, derisa shiritat e sipërm të marrin ngjyrë të artë në të kuqërremtë përreth 40 minuta.

    Pritet në pjesë dhe serviret kur është e ftohtë.