Egnatia bën tripletën e titujve, Dinamo mposhtet 2-0 në finale

36

Në atmosferën festive të stadiumit Elbasan Arena, Egnatia konfirmoi dominimin e saj në futbollin shqiptar duke u shpallur kampione e Shqipërisë për sezonin aktual. Skuadra rrogozhinase mposhti Dinamon me rezultatin 2-0 në finalen vendimtare, duke siguruar titullin e tretë radhazi.

Heroi i ndeshjes ishte Albaneze, i cili realizoi të dy golat. Sulmuesi zhbllokoi rezultatin në minutën e 29-të nga pika e bardhë e penalltisë, ndërsa vetëm dhjetë minuta më vonë përfitoi nga një gabim i mbrojtjes kundërshtare për të dyfishuar shifrat.

Dinamo provoi të reagonte, madje pati pretendime për penallti në minutën e 36-të, por arbitri lejoi vazhdimin e lojës. Në pjesën e mbetur të takimit, Egnatia administroi me qetësi avantazhin, duke mos lejuar surpriza.

Me këtë sukses, Egnatia vulos një periudhë të artë në historinë e klubit, duke u shndërruar në forcën dominuese të futbollit shqiptar në vitet e fundit. Pas vërshëllimës së fundit, lojtarët, stafi dhe tifozët festuan gjatë një triumfi që e konfirmon skuadrën e Rrogozhinës në majën e futbollit vendas.

LEXO ME SHUME: E FUNDIT/ Partizani mbetet pa liderin e mbrojtjes, largohet nga klubi kryeqytetas