33
Besa dhe Prishtina dhuruan një miqësore spektakolare në stadiumin “Luz i Vogël”, me plot gjashtë gola dhe emocione deri në fund. Sfida përfundoi në barazim 3-3, në një test që rezultoi mjaft interesant për të dyja skuadrat.
Për Besën realizuan Melsi Çereni, Fatmir Prengaj dhe Ermir Spahiu, ndërsa për skuadrën kosovare gjetën rrugën e rrjetës Assibé Diatta, Alvin Krasniqi dhe Blend Baftiu.
Pavarësisht karakterit miqësor të takimit, ritmi dhe golat e shumtë e kthyen përballjen në një spektakël të vërtetë. Prishtina, që aktualisht udhëheq Superligën e Kosovës, u përball me një Besë që tregoi forcë dhe karakter në këtë test.
Në fund, 3-3 dhe nga një pikë morale për të dyja skuadrat, në një ndeshje që prodhoi futboll, gola dhe emocione.