25
Vllaznia ka vendosur të mos nënshkruajë kontratë me Elvis Zouhouole. Sulmuesi 19-vjeçar nga Bregu i Fildishtë, i cili prej javësh ishte në provë me kuqeblutë, nuk arriti të bindë stafin teknik gjatë fazës përgatitore.
Edhe pse iu besuan minuta në ndeshjet miqësore, paraqitjet e tij nuk përmbushën pritshmëritë e trajnerit Edi Martini dhe stafit teknik. Pas analizës së performancës, drejtuesit e klubit vendosën të mos e përfshijnë lojtarin në projektin për sezonin e ri.
Si pasojë, aventura e Zouhouoles në Shkodër mbyllet pa një marrëveshje zyrtare. Ndërkohë, Vllaznia vazhdon të jetë aktive në merkato, me fokus te gjetja e një sulmuesi që mund të rrisë konkurrencën dhe cilësinë në repartin ofensiv përpara startit të kampionatit.