8
Vllaznia ka regjistruar një fitore bindëse 4-0 në ndeshjen miqësore ndaj Burrelit, të zhvilluar në stadiumin “Loro Boriçi”. Skuadra e drejtuar nga Edi Martini dominoi takimin, duke realizuar nga dy gola në secilën pjesë.
Protagonisti i pjesës së parë ishte Murataj, i cili realizoi dopietë. Në fraksionin e dytë të lojës, rrugën e rrjetës e gjeti edhe Elvis Zouhoule, sulmuesi 19-vjeçar nga Bregu i Fildishtë, i cili pritet të zyrtarizohet së shpejti nga klubi shkodran. Fitorja u vulos nga Tafili, që shënoi golin e katërt.
Pas këtij testi pozitiv, Vllaznia do të vijojë përgatitjet, teksa të hënën skuadra do të zhvendoset në Pukë, ku do të zhvillojë një fazë 10-ditore stërvitore.