Lajmet e fundit | Klikoje.al

Tag: Vora

  • E papritur/ Klubi i Kategorisë së Parë shkarkon trajnerin, skuadra ndodhej në vendin e katërt

    E papritur/ Klubi i Kategorisë së Parë shkarkon trajnerin, skuadra ndodhej në vendin e katërt

    Artan Mërgjyshi nuk do të jetë më trajner i Vorës. Supersport raporton se trajneri 55-vjeçar ka dhënë dorëheqjen nga skuadra ku jepte kontributin e tij nga vera e vitit 2022.Mërgjyshi e ngjiti Vorën në Kategorinë e Parë. Gjatë këtij sezoni, Vora e Mërgjyshit grumbulloi 15 pikë duke u renditur e katërta.

    55-vjeçari ka shumë eksperiencë, teska ka drejtuar shumë skuadra në të shkuarën. Kastrioti, Besa, Apolonia, Bylis, Korabi, Dinamo dhe Laçi janë skuadrat e tjera që ka drejtuar.Ndeshjen e radhës ndaj Korabit, Vorën do ta drejtojë drejtori sportiv Bazion Tragaj.

  • KATEGORIA E PARË/ Pjeshka dhe Bey i shpëtojnë “lëkurën” Flamurtarit, dy golat mundin Vorën

    KATEGORIA E PARË/ Pjeshka dhe Bey i shpëtojnë “lëkurën” Flamurtarit, dy golat mundin Vorën

    Flamurtari ka marrë fitoren e parë për këtë edicion. Vlonjatët mposhtën me rezultatin 2-1 Vorën në ndeshjen e vlefshme për javën e 4-të të Kategorisë së Parë. Goli i parë u shënua nga Pjeshka në minutën e 27′ ndërsa në minutën e 45’+2′ Gaio u ndëshhkua me karton të kuq duke lënë me 10 lojtarë Vorën.

    Në të 76′ Antoni Bej dyfishoi shifrat për Flamurtarin. Teksa dukej që sfida do të mbyllej kështu Prenga shënoi golin e vetëm për ekipin e Mërgjyshit.

    Por goli i tij nuk mjaftoi dhe vlonjatët triumfuan në shtëpi duke shpëtuar edhe pankinën e Emiljano Çelës.

  • KATEGORIA E PARË/ Lushnja e pretendimeve të mëdha mbetet me 0 pikë, Vora fiton ndaj Burrelit

    KATEGORIA E PARË/ Lushnja e pretendimeve të mëdha mbetet me 0 pikë, Vora fiton ndaj Burrelit

    Elbasani dhe Vora u janë bashkuar sot grupit të skuadrave pretendente përngjitjen në Superiore falë fitoreve që kanë siguruar në ndeshjet përkatëse në kampionat. Elbasanit i ka mjaftuar një gol i Abaz Karakaçit në fundin e pjesës së parë për të fituar në transfertë përballë Lushnjës dhe duke u ngjitur në kuotën e 7 pikëve, i bashkohet Apolonisë dhe Besës.

    Vetëm një pikë më pas i ndjek Vora, e cila ka mundur me shifrat 3-1 në shtëpi Burrelin, duke lënë pas zhgënjimin e javës së kaluar pikërisht përballë Elbasanit.

    LUSHNJA 0–1 AF ELBASANI

    Karakaçi 45′

    VORA 3–1 BURRELI

    Qardaku 5′, Avdiu 14′, Raboshta 77′ / Fetaj 69′

  • 5 gola, dy kartona të kuq e penallti në fund! Elbasani-Vora i prodhon të gjitha

    5 gola, dy kartona të kuq e penallti në fund! Elbasani-Vora i prodhon të gjitha

    Është mbyllur takimi i javës së dytë të Kategorisë së Parë mes AF Elbasanit dhe Vorës. Sfida zhvilluar në “Elbasan Arena” përfundoi me rezultatin 3-2. Një ndeshje mjaft e bukur dhe e luftuar nga fillimi e deri në fund. Ishin miqtë që zhbllokuan rezultatin të parët në “Elbasan Arena” me anë të Qardakut në minutën 9’. Por gjithçka u përmbys nga ‘verdheblutë’ në 10 minutat e fundit të pjesës së parë, me Telushin në minutën e 35’ dhe Lleshin të 45’.

    Me fillimin e pjesës së dytë Vora u tregua më kërkuese duke fituar një 11-metërsh, të cilin e ktheu në gol përsëri Qardaku.

    Në minutën e 67’ loja e Elbasanit mori për poshtë, pasi u ndëshkua me kartonin e dytë të verdhë Rami, duke lënë të tijët me 10 lojtarë. Por nuk vonoi dhe e njejta gjë ndodhi dhe me Vorën, pasi ishte Xhemalaj që mori dhe ai karton të kuq.

    Kur u mendua se gjithçka u mbyll ishte Karakaçi që me anë të penalltisë në minutën e 99’ i dha Elbasanit fitoren.

  • Vora e nisi me fitore sezonin ndaj Besës, Mërgjyshi sfidë AF Elbasanit: E dimë potencialin që kemi, nuk na tremb askush

    Vora e nisi me fitore sezonin ndaj Besës, Mërgjyshi sfidë AF Elbasanit: E dimë potencialin që kemi, nuk na tremb askush

    Trajneri i skuadrës së Vorës, Artan Mërgjyshi, i është gëzuar fitores 4-2 të skuadrës së tij në ndeshjen hapëse të Kategorisë së Parë në këtë sezon ndaj një emri me shumë traditë si Besa, Ai nuk ngurroi të theksonte që skuadra e tij, edhe pse me pak histori në krahasim me emrat e tjerë, do të tentonte të bënte maksimumin ndaj kujtdo.

    “Skuadra ka potencial, në pjesën e dytë u shpreh më lirshëm, djemtë shënuan tre gola. U bë lojë e hapur, edhe pse me shumë ndalesa. Por kjo fitore jep besim dhe rrit besimin për forcën tonë dhe potencialin që kemi. E dimë që do të jetë e vështirë, sot u pa, pavarësisht rezultatit. Por kemi besim se kemi një skuadër me kualitet besoj.

    Ne jemi të kujdesshëm për t’u shprehur për objektiva, jemi të krijuar rishtazi. Nuk kemi frikë askënd, dimë potencialin tonë, por dimë që është kampionat i vështirë, i marrim javë për javë. Nuk dua të shprehem për objektiva a madhorë, objektivi i radhës është ndeshja me Elbasanin. Nuk është se i druhemi ndokujt, kemi ndeshjen e radhës në Elbasan dhe do ta luajmë si ndeshje radhe, jo finale, se nuk varet fati i kampionatit dhe objektivat e sezonit te kjo ndeshje. Duke respektuar maksimalisht kundërshtarin, edhe pse kanë bërë merkato, ne nuk jemi mangët cilësisht, tha për “MCN” trajneri Mërgjyshi.

  • Muskuj dhe regjim, Vora po zhvillon fazën përgatitore në Greqi, mund ekipin helen (REZULTATI)

    Muskuj dhe regjim, Vora po zhvillon fazën përgatitore në Greqi, mund ekipin helen (REZULTATI)

    Prej dy javësh Vora e drejtuar nga Artan Mërgjyshi po kryen fazën përgatitore në zonën malore të Nausës në Greqi, aty ku është një kompleks stërvitor që frekuentohet nga shumë klube në vendin fqinj, por jo vetëm. Miqësorja e parë e Vorës në tokën greke ishte ndaj skuadrës Doksa Dramas, që militon në Superligën 2, që është një nivel si Kategoria e Parë në Shqipëri.

    Skuadra e Mërgjyshit fitoi me shifrat 2-0 me dy gola të shënuar që në pjesën e parë me Xheferson dhe sulmuesin Ariel Peralta.

  • “Kemi synime të qarta”/ Vora, Mërgjyshi mesazh rivalëve për objektivin Superiore: Ekipi është përmirësuar

    “Kemi synime të qarta”/ Vora, Mërgjyshi mesazh rivalëve për objektivin Superiore: Ekipi është përmirësuar

    Vora do të synojë menjëherë Kategorinë Superiore. Pak muaj pas ngjitjes në të parën, ekipi nga qyteza në periferi të Tiranës është gati për një sezon shumë të luftuar ku do të konkurrojë me pesha të rënda si Flamurtari, Korabi, Apolonia apo Elbasani për të synuar minimalisht një nga dy vendet e para. Trajneri Artan Mergjyshi për optimistë për të ardhmen e kësaj skuadre. “Kam bindjen se kemi afruar lojtarë të mire pasi nga java në javë kam vënë re se ekipi është përmirësuar shumë”, tha Artan Mërxhushi.

    Ndryshe nga shumë rivalë, Vora e ka mbyllur merkaton kohë më parë duke i dhënë kohë në dispozicion trajnerit që të punojë me skuadrën e plotë. “Kemi ende kohë që të konsolidojmë ekipin pasi kemi plot një muaj që të përgatitemi”, theksoi trajneri i Vorës.

    Nuk zhbalancohet trajneri me eksperiencë klur pyetet për objetivat që ka skuadra këtë sezon edhe pse në kokën e tij ka vetëm një pikësynim, Kategorinë Superiore që për Vorën do të ishte historike. “Synitem tona janë të qarta edhe pse do të jemi me këmbë në tokë pasi në futboll kanë të bëjnë disa faktorë që një ekip të bëjë përpara”, pohoi Mërxhushi.

  • KATEGORIA E PARË/ Vora nuk di të ndalet, prezanton transferimin e tetë në merkato…

    KATEGORIA E PARË/ Vora nuk di të ndalet, prezanton transferimin e tetë në merkato…

    Vora nuk ka të ndalur në këtë sesion merkatoje. Ekipi i drejtuar nga Artan Mërgjyshi pasi siguroi ngjitjen në Kategorinë e Parë ka filluar nga puna për krijimin e një skuadre kompetitive. Pas rinovimit me disa lojtarë dhe pas shumë largimeve ata gjithashtu kanë bërë shumë afrime.

    Ditën e sotme, vorakët kanë bërë transferimin e 8-të gjatë merkatos së verës. Vora ka nënshkruar me sulmuesin e Besës, Odirah Ntephe. 29-vjeçari i dha fund aventurës së tij me verdhezinjtë ku u transferua verën e kaluar nga Burreli.

    Këtë sezon Ntephe zhvilloi plot 22 ndeshje me Besën ku arriti të shënonte vetëm 2 gola. Kujtojmë sulmuesi nigerian e njeh mirë Kategorinë e Parë, pasi ka luajtur për disa skuadra si Bylis, Burreli dhe së fundmi Besa.

  • Kategoria e Parë/ Tre rinovime dhe një zyrtarizim me peshë, Vora e nis “FLAKË” merkaton

    Kategoria e Parë/ Tre rinovime dhe një zyrtarizim me peshë, Vora e nis “FLAKË” merkaton

    Vora sezonin e ardhshëm do të luajë në Kategorinë e Parë dhe drejtuesit nuk i lënë asgjë rastësisë. Menjëheë kanë nisur nga puna, teksa pas Redon Razës që u zyrtarrizua ditën e djeshme, sot është radha e 3 lojtarëve të tjerë për të bërë të njëjtën gjë.

    Vora ka rinovuar kontratën me 3 lojtarë të rëndësishëm të skuadrës, teksa do të jetë pjesë edhe për sezonin e ardhshëm. Bëhet fjalë për 3 mesfushorët, Jurgen Vrapi, Argel Avdiu dhe Okseold Sefa të cilët kanë rinovuar deri në vitin 2026.

    Vlen të theksohet se të mesfushorët kanë dalë nga akademia e Tiranës, ndërsa janë kthyer në një element kyç te skuadra nga Vora.

    Nëpërmjet një njoftimi në kanalin e tyre zyrtarë ne Facebook, Vora njofton se ka nënshkruar me mesfushorin Redon Zaza. 25-vjeçari e njeh mirë Kategorinë e Parë pasi ka luajtur me ekipe si Korabi dhe Besa, duke e bërë kështu si një vlerë të shtuar për skuadrën e Vorës.

    Klubi i ka uruar mirseardhjen mesfushorit duke i uruar suksese me fanelën e ekipit të Vorës.