Lajmet e fundit | Klikoje.al

Tag: Kupa e shqiperise

  • “Dadumlada, MADE IN ALBANIA”, lojtarët e Kukësit festojnë finalen e Kupës me këngën virale (video)

    “Dadumlada, MADE IN ALBANIA”, lojtarët e Kukësit festojnë finalen e Kupës me këngën virale (video)

    Kukësi ka arritur të kualifikohet në finalen e Kupës së Shqipërisë për herë të 3-të në historinë e klubit. Një kualifikim i jashtëzakonshëm për verilindorët të cilët kanë rënë nga kategoria, por do të luftojnë të marrin në fund këtë trofe.

    Pavarësisht se sot fitoi Tirana me shifrat minimale 1-0, në fund festa shkoi për verilindorët.

    Pas vërshëllimës së trefishtë të Jorgjit, lojtarët e Kukësit në dhomën e zhveshjes festuan këtë arritje me këngën rumune që është bërë virale, por duke e ndryshuar disi refrenin. Për më tepër ndiqni videon

  • Fitore pa shije për Tiranën, Kukësi reziston 97 minuta dhe arrin finalen mes emocioneve (video)

    Fitore pa shije për Tiranën, Kukësi reziston 97 minuta dhe arrin finalen mes emocioneve (video)

    Tirana fiton ndaj Kukësit 1-0, por nuk ia del të kalojë në finalen e Kupës së Shqipërisë. Ekipi verilindor kalon më tutje pas fitores 2-0 ndeshjen e parë. Dihej që do të ishte një ndeshje me ritëm e raste, dhe në fakt ashtu rezultoi. Lushkja dha sinjalin e parë në minutën e 5′ por pa mundur të gjejë kuadratin.

    (GOLI I DELIUT)

    Në minutën e 17′ do të vinte goli i vetëm i takimit. Deliu nga goditja e dënimit zhbllokon duelin duke shkundur rrjetën e Tafas.Në pjesën e dytë, Kukësi rezistoi deri në fund, pavarësisht shumë rasteve të krijuara. Ekipi verilindor arrin për herë të tretë në histori finalen e Kupës së Shqipërisë. Finalja do të zhvillohet më datë 14 maj, në ora 19:00, në stadiumin “Air Albania”.

  • Vllaznia kërkon të thyejë “tersin” Egnatia, statistikat nuk janë premtuese ndaj rrogozhinasve

    Vllaznia kërkon të thyejë “tersin” Egnatia, statistikat nuk janë premtuese ndaj rrogozhinasve

    Vllaznia-Egnatia është gjysmëfinalja tjetër e Kupës së Shqipërisë që do të luhet ditën e sotme në orën 18:00. Një duel mjaft delikat sidomos për shkodranët që në “Loro Boriçi” do të kërkojnë fitoren për të siguruar edhe kualifikimin në finale.

    Kuqeblutë duhet të përmbysin humbjen 1-0 në sfidën e parë dhe per të siguruar më pas edhe kalimin në finalen e Kupës, që është një nga objektivat e kësaj skuadre në këtë sezon. Dueli i së mërkurës do të jetë sfida e 4-të mes tyre në historinë e Kupës së Shqipërisë.

    Statistikat tregojnë se rrogozhinasit janë ekipi që dominon ndaj shkodranëve. Në 3 sfidat direkte mes tyre Skuadra e Edlir Tetovës i aka dalë të sigurojë 2 fitore dhe një sfidë ka përfunduar në barazim. Në këtë mënyrë kuqeblutë e Qatip Osmanit do të tentojnë fitoren për të thyer “tersin” në Kupë dhe më pas për t’u ‘hakmarrë’ ndaj tyre për shkak se Egnatia i ka eleminuar 1 vit më parë në gjysmëfinalen e Kupës, me rrogozhinasit që më pas do të triumfonin në finale ndaj Tiranës.

  • Tirana mes halleve sfidon Kukësin, Erbim Fagu kërkon një sforco nga të tijët: Ta mbyllim për 90 minuta se vjen derbi

    Tirana mes halleve sfidon Kukësin, Erbim Fagu kërkon një sforco nga të tijët: Ta mbyllim për 90 minuta se vjen derbi

    Erbim Fagu mendon se Tirana ka forcën e duhur për të kthyer ndeshjen me Kukësin në Kupën e Shqipërisë. Verilindorët i mundën në sfidën e parë gjysmëfinale me shifrat 2-0 dhe në një javë ku luhet edhe derbi i kryeqytetit, Fagu shpreson që skuadra e tij të kthejë gjithçka në favorin e vet dhe sigurojë finalen.

    NDESHJA– Do të jetë e vështirë se Kukësi ka komod rezultatin, por kemi lojtarë me eksperiencë që kanë luajtur ndeshje të tilla përpara, kanë kaluar skuadra të tilla dhe do të bëjmë maksimumin për të kaluar në finale. Mendoj se do të jetë i njëjti Kukës se ata kanë krijuar një filozofi të tyre loje dhe mendoj se nuk do të ketë shumë ndryshime të mëdha në mënyrën e lojës. Por mbetet për t’u parë në ndeshjen e nesërme.

    MOS PËSIMI I GOLAVE– Kemi tre ndeshje që nuk pësojmë dhe kjo të kënaq. Kjo vjen si pasojë e anës psikologjike që mbase është rregulluar kohët e fundit. Po ashtu edhe pjesa e mbrojtjes ka pasur stabilitet më të madh. Mendoj se do të na hyjë në punë edhe ditën e nesërme kjo frymë e pozitivitet të lojtarët se e kemi vuajtur disi. Shpresoj të vazhdojmë edhe nesër me këto ritme.

    ÇËSHTJA E AKSIONEVE-Nuk mendoj se kjo ka lidhje të drejtpërdrejtë me lojtarët, janë çështje të klubi. Nuk e mendoj fare këtë pjesë. Lojtarët janë të qetë, janë gjëra që i përkasin klubit dhe presidentit. Ne vazhdojmë të jemi të fokusuar te fusha e lojës. Shpresoj që kjo situatë të zgjidhet, për të mirën e klubit por për momentin, jemi të përqendruar vetëm te ndeshja.

    NAJDOVSKI– Najdovski është një lojtar i rëndësishëm i skuadrës. Në momentin që unë kam ardhur, ai ka qenë i dëmtuar dhe ka pasur një fazë rikuperimi pak të gjatë. Sigurisht do i vijë edhe atij momenti për të luajtur pasi është lojtar me eksperiencë që i bën punë skuadrës tonë. Por duke parë vendosjen taktike dhe lojtarët që kemi vendosur në ndeshjet e fundit, kemi menduar të vazhdojmë me këtë rreshtim. Por e thashë që është një pjesë e rëndësishme e Tiranës dhe sigurisht edhe ai do të jetë titullar në ndeshjet në vijim.

  • Gjysmëfinalet e Kupës të mërkurën, mes tyre zhvillohet edhe përballja e prapambetur e Kategorisë së Parë

    Gjysmëfinalet e Kupës të mërkurën, mes tyre zhvillohet edhe përballja e prapambetur e Kategorisë së Parë

    Të mërkurën 4 ekipet e Superiores do të zbresin në fushën e lojës për të bërë ems tyre llogaritë për 2 biletat e finales së “Air Albania”. Duele këto shumë të rëndësishme për objektivat e skuadrave në këtë sezon.

    Por jo vetëm kaq, pasi në këtë ditë do të luhet një tjetër takim mjaft delikat, por këtë herë bëhet fjalë për Kategorinë e Parë. Për shkak të reshjeve të dendura të dëborës ishte e pamundur që të zhvillohej ky takim në stadiumin e Korabit.

    Në këto kushte sfida u shty nga FSHF-ja dhe në dakortësi me të dyja klubet është vendosur që të luhet ditën e mërkurë. Kështu dibranët dhe kavaajasit do të zbresin në fushë në orën 15:00 për të bërë mes tyre llogaritë e javë së 30-të, ku fitorja për të dyja ekipet është mëse e detyrueshme si për Korabin për një vend në “Play-Off” ashtu edhe për Luzin që kërkon të shmangë rënien në Kategorinë e Dytë.

  • Kupa e Shqipërisë, zbulohet data dhe stadiumi ku do të luhet finalja

    Kupa e Shqipërisë, zbulohet data dhe stadiumi ku do të luhet finalja

    Kupa e Shqipërisë, Departamenti i Garave në FSHF ka përcaktuar datën, orën dhe stadiumin ku do të luhet finalja e madhe e Kupës së Shqipërisë për edicionin 2023/2024. Takimi final do të zhvillohet më datë 14 maj, në ora 19:00, në stadiumin “Air Albania”.

    Ky event ndodhet në fazën gjysmëfinale dhe deri më tani janë luajtur vetëm takimet e para. Kukësi është një hap larg finales së Kupës së Shqipërisë pasi ka fituar në ndeshjen e parë ndaj Tiranës 2-0. Ndërsa Egnatia ka hedhur një hap të rëndësishëm për në finale pasi triumfoi në sfidën e parë ndaj Vllaznisë minimalisht 1-0.

    Megjithatë, gjithçka do të vendoset në takimet e dyta gjysmëfinale që do të luhen më datë 24 prill. Tirana – Kukësi do të zhvillohet në orën 15:00, ndërsa Vllaznia – Egnatia në orën 18:00.

    LEXO MË SHUMË: Kupa e Shqipërisë/ Vllaznia kërkon hakmarrjen për eleminimin sezonin e kaluar, Egnatia krenohet me ndeshjet direkte

    Është hedhur shorti për fazën gjysmëfinale të Kupës së Shqipërisë 2023-2024. Nga shorti u përcaktuan dy çiftet gjysmëfinaliste të cilat janë Kukësi-Tirana dhe Egnatia-Vllaznia.

    Përballja Egnatia-Vllaznia konsiderohet si një finale e parakoshme, pasi të dyja skuadrat janë dy vendet e para në renditje në Superiore. Ndeshjet e para të fazës gjysmëfinale do të luhen më datë 3 prill, ndërsa takimet e dyta, ku do të përcaktohen edhe dy skuadrat që do të shkojnë në finalen e madhe të Kupës së Shqipërisë, do të zhvillohen më 24 prill. Akti i parë i gjysëmfinaleve ofroji  ekuilibër, agonizëm, dëshirë e ambicje të katër skuadrave që kanë mbetur akoma në garë për trofeun. Mes tyre, qetësinë më të madhe e kanë Egnatia e Vllaznia, aktualisht në pozita komode edhe në kampionat për të përmbushur objektivët.

  • Kupa e Shqipërisë/ Vllaznia kërkon hakmarrjen për eleminimin sezonin e kaluar, Egnatia krenohet me ndeshjet direkte

    Kupa e Shqipërisë/ Vllaznia kërkon hakmarrjen për eleminimin sezonin e kaluar, Egnatia krenohet me ndeshjet direkte

    Kupa e Shqipërisë, akti i parë i gjysëmfinaleve është gati të ofrojë ekuilibër, agonizëm, dëshirë e ambicje të katër skuadrave që kanë mbetur akoma në garë për trofeun. Mes tyre, qetësinë më të madhe e kanë Egnatia e Vllaznia, aktualisht në pozita komode edhe në kampionat për të përmbushur objektivët.

    ELEMINIMI NGA KUPA

    Klubi rrogozhinas kërkon finalen e dytë në historinë e klubit, ndërsa ekipi shkodran e ka të freskët eleminimin 11 muaj më parë me golin e Jackson në Rrogozhinë, me sfidën e parë në Shkodër që përfundonte 0-0. Tashmë Egnatia duhet marrë seriozisht, sepse ka krijuar emrin e një skuadre që di të bëjhë keq.

    Kupa e Shqipërisë, skuadra e Edlir Tetovës është fituar në statistika, edhe pse Qatip osmani e di fare mirë se në fushë luajnë skuadrat dhe jo numrat. Ndeshja e parë do të luhet më 3 prill në orën 15:00, ndërsa ndeshja e dytë në “Loro Boric    ni” do të zhvillohet më datë 24 prill.

    LEXO MË SHUMË: Kupa e Shqipërisë, përballjet dhe oraret e ndeshjeve të 1/8 (FOTO)

    Është hedhur shorti për fazën gjysmëfinale të Kupës së Shqipërisë 2023-2024. Nga shorti u përcaktuan dy çiftet gjysmëfinaliste të cilat janë Kukësi-Tirana dhe Egnatia-Vllaznia.

    Përballja Egnatia-Vllaznia konsiderohet si një finale e parakoshme, pasi të dyja skuadrat janë dy vendet e para në renditje në Superiore. Ndeshjet e para të fazës gjysmëfinale do të luhen më datë 3 prill, ndërsa takimet e dyta, ku do të përcaktohen edhe dy skuadrat që do të shkojnë në finalen e madhe të Kupës së Shqipërisë, do të zhvillohen më 24 prill.

  • Tirana sheh finalen e Kupës, Fagu kërkon një sforco nga të tijët: Mundësia më e mirë për të kapur Europën (video)

    Tirana sheh finalen e Kupës, Fagu kërkon një sforco nga të tijët: Mundësia më e mirë për të kapur Europën (video)

    Akti i parë i gjysëmfinaleve të Kupës së Shqipërisë është gati të ofrojë ekuilibër, agonizëm, dëshirë e ambicje të katër skuadrave që kanë mbetur akoma në garë për trofeun. Tirana do të sfidojë Kukësin në transfertë, përballje e vlefshme për ndeshjen e parë gjysmëfinale të Kupës së Shqipërisë. Në prag të këtij dueli që luhet nesër në orën 15:00, trajneri i bardhebluve Erbim Fagu ka dalë në konferencën e zakonshme për shtyp.

    FJALËT E ERBIM FAGUT

    NDESHJA– Sigurisht që është një ndeshje që e kemi vlerësuar maksimalisht, është një ndeshje gjysmëfinale e Kupës një trofe në lojë që ne do të bëjmë maksimumin por sidomos në ndeshjen e radhës që e kemi nesër.

    KUKËSI– Skuadra e Kukësit sidomos me ardhjen e Devolli ka rritur agresivitetin në fushën e lojës, ka ndryshuar pak por ne gjithsesi i kemi idetë e qarta për ndeshjen e nesërme.

    GJENDJA E SKUADRËS- Momentalisht vetëm Meta është i dëmtuar dhe pjesa tjetër është e gatshme, mendoj qe e kemi grupin e plotë.

    EUROPA- Jemi dy ndeshje larg finales nëse ne do të kalojmë, Kupa është një rrugë që të çon në Europë, por s’duhet të harrojmë as ndeshjet e kampionatit. Nuk mendoj që është një problem kemi pasur problem psikologjike edhe për mungesë të rezultateve, nuk se kemi lojtarë të dobët në mbrojtje mund të themi që i kemi më të mirë në kampionatin shqiptar por mungesa e rezultateve ka sjellë pak ngarkesë psikologjke. Nuk mund të them që Kupa është rrugë e shkurtër dhe kampionati është rrugë e gjatë pasi edhe në kampionat nuk është se jemi larg vendit të katërt, por sigurisht Kupa është një mundësi për të kapur Europën”, përfundoi ai.

    LEXO MË SHUMË:Jemi akoma në luftë për titullin kampion, Erbim Fagu jashtë realitetit pas humbjes ndaj Teutes: Najdovski dhe Patrick? Shpresoj që…

  • KUPA E SHQIPËRISË/ Partizani e Tirana kualifikohen më tej, shënohen 14 gola në 6 ndeshje!

    KUPA E SHQIPËRISË/ Partizani e Tirana kualifikohen më tej, shënohen 14 gola në 6 ndeshje!

    Të gjitha skuadrat e Superiores janë kualifikuar për në raundin 1/8-tat e Kupës së Shqipërisë. Duele mjaft interesante, me gjashtë skuadrat që janë kualifikuar, ndërsa dy të tjera duke  do të njohin fatin duke nisur që nga ora 17:00. Partizani fitoi 3-1 ndaj Apolonisë, ndërsa Tirana mposhti Korabin me shifrat 3-0. Egnatia mposhti Lushnjen 2-0 me golat e Fernandos 45′ dhe Gjata-s 83; pa harruar kualifikimin e Kukësit, Erzenit dhe Laçit ndaj Dinamos.

    REZULTATET E KUPËS SË SHQIPËRISË

    Partizani 3–1 Apolonia (Skuka 57′, Hadroj 64’p / Harizaj 55′)

    Partizani: Hoxha; Hadroj, Sota, Janjeva, Buxhelaj; Maguette, Rrapaj, Taipi; Keko, Skuka, Cara. Trajner: Orges Shehi

    Apolonia: Harizaj, Hebeja, Ndubuisi, Repaj, Asllanaj, Topi; Orelesi, Shanaj, Bejzade; Maksuti, Umejiego. Trajner: Artan Mërgjyshi

    Tirana 3–0 Korabi (Lulaj 28′, Latifi 39′, Hoxhallari 47′)

    Tirana: Kozi; Haxhiu, Lulaj, Hoxhallari, Mici; Jaku, Meta, Deliu; Abazaj, Lushkja, Latifi. Trajner: Julian Ahmataj

    Korabi: Varfi, Xhafa, Mziu, H. Marku, T. Marku, Kasalla, Lila, Cema, Geci, Buci, Hasaj Trajner: Shpend Kumbarçe

    Egnatia 2–0 Lushnja (Fernando 45′, Gjata 83′)

    Egnatia: Sherri; Frangaj, Malota, Xhemajli, Ndreca; Aleksi, Fernando, Zejnullai; Spahiu, Montenegro, Ibrahimoglu. Trajner: Edlir Tetova

    Lushnja: Alimuçaj, Kasmollari, Ëillie, Basha, Tabaku, Henrique, Dragoj, Ayinde, Kananaj, Olola, Leroux. Trajner: Gugash Magani

    Laçi 1–0 Dinamo (Janku 52’ag)

    Laci: Dajsinani; Mjaki, Dajko, Paulo Junior, Prodani; Kryeziu, Manellari; Bajramaj, Ujka, Cordeiro; Soboëale. Trajner: Mirel Josa

    Dinamo: Sali; Marku, Janku, Hoxha, Allmuça; Smaçi, Andoni, Lorran; Zabërgja, Denisson, Vila. Trajner: Dritan Mehmeti

    Erzeni 2–1 Bylis (Kahrimanovic 24’p, Mihana 28′ / Kibe 75′)

    Erzeni: Puja, Kacbufi, Sadiki, Atanda, Osmanllari; Maliqi, Alba, Kahrimanovic; Zeka, Younes, Mihana. Trajner: Alfred Deliallisi

    Bylis: Beqja, Trumçi, Krasniqi, Muçolli, Lajthia, Aboubacar, Ruçi, Kasaj, Peralta, Abazaj, Kibe. Trajner: Arian Bellai

    Kukësi 1–0 Elbasani (Rashiti 91′)

    Kukësi: Tafas; Reçi, Zhongos, Lala, Zenunaj; Lleshi, Fejzaj, Nayara; Salami, Motta, Solodovnicov. Trajner: Stavri Nica

    Elbasani: Kuka; Lila, Pere, Telushi, Zaimi; Leo Melo, Karakaçi, Hasani; Lleshi, Clement, Leo Fernandes. Trajner: Nevil Dede

  • Kupa e Shqipërisë, përballjet dhe oraret e ndeshjeve të 1/8 (FOTO)

    Kupa e Shqipërisë, përballjet dhe oraret e ndeshjeve të 1/8 (FOTO)

    Ditën e mërkurë do të zhvillohen ndeshjet e fazës së 1/8-tave të Kupës së Shqipërisë, përballje që do të luhen në orën 13:00 dhe 17:00.Të gjitha takimet  do të luhen me vetëm një takim dhe skuadrat që do të kualifikohen për në çerekfinale do të vendosen të mërkurën.

    Në orën 13:00 do të luhen gjashtë takime. Egnatia do të sfidojë Lushnjen, ndërsa Partizani do të përballet me Apoloninë. Tirana në këtë fazë ka si kundërshtarë Korabin, ndërsa një takim i fortë është ai mes dy skuadrave të Superiores si Laçi-Dinamo.

    Në të njëjtën orë do të luhen edhe dy sfida të tjera që premtojnë spektakël, Kukësi – AF Elbasani dhe Erzeni – Bylis. Dy sfidat e tjera të Kupës së Shqipërisë do të startojnë në orën 17:00. Vllaznia do të përballet me Flamurtarin, ndërsa Teuta do të luajë ndaj Skënderbeut.