Lajmet e fundit | Klikoje.al

Tag: Kupa e shqiperise

  • Frikë te Partizani, mbrojtësi u dëmtua ndaj Laçit në Kupë, pritet të mungojë në derbi ndaj Tiranës

    Frikë te Partizani, mbrojtësi u dëmtua ndaj Laçit në Kupë, pritet të mungojë në derbi ndaj Tiranës

    Marçelino Preka la sot fushën e lojës në minutën e 71-të, ndërsa reklamoi një dëmtim. Partizani po luante përballë Laçit, teksa ndeshja pati vlerë për çerekfinalen e Kupës dhe u mbyll me barazim 0-0.

    Vendin e Prekës e mori Domgjoni. Tashmë mbrojtësi i Partizanit duhet të presë për të mësuar shkallën e dëmtimit. Ky lajm aspak i mirë vjen vetëm 4 ditë para derbit me Tiranën.

    Pavarësisht kësaj, Partizani ka alternativat më të shumta në qendrën e mbrojtjes. Kujtojmë se Preka i kishte lënë pas dëmtimet që e shoqëruan gjatë dy sezoneve të kaluara me “demat”. Pas ikjes së disa titullarëve, është ai që ka marrë shiritin e kapitenit.

    LEXO ME SHUME:Kupa e Shqipërisë/ Egnatia sheh gjysmëfinalen në horizont, Partizani nuk mposht dot Laçin me 1 lojtar më tepër

    Laçi dhe Partizani përsërisin rezultatin e kampionatit edhe në Kupën e Shqipërisë, duke ndarë pikët me një 0-0 në ndeshjen e parë çerekfinale. Edhe pse të kuqtë patën një lojtar më shumë për më shumë se 70 minuta, ata nuk arritën të thyenin bardhezinjtë, duke komplikuar rrugën e tyre drejt kualifikimit. Gjithçka do të vendoset në ndeshjen e kthimit në Tiranë.

    Kartoni i kuq ndryshon skenarin

    Trajneri Veselinovic bëri disa ndryshime në formacion, duke u dhënë hapësirë lojtarëve që kanë luajtur më pak deri tani, mes tyre edhe portierit Hoxha. Por planet e tij morën një avantazh të papritur që në minutën e 18’, kur Prodani u ndëshkua me karton të kuq pas një ndërhyrjeje ndaj Bytyçit. Me një lojtar më pak, Laçi u detyrua të rigrupohej, ndërsa Partizani mori kontrollin e lojës, por pa ide të qarta për të shfrytëzuar epërsinë numerike.

  • Kupa e Shqipërisë/ Egnatia sheh gjysmëfinalen në horizont, Partizani nuk mposht dot Laçin me 1 lojtar më tepër

    Kupa e Shqipërisë/ Egnatia sheh gjysmëfinalen në horizont, Partizani nuk mposht dot Laçin me 1 lojtar më tepër

    Kupa e Shqipërisë ka zhvilluar dy ndeshjet e raundit të 1/8-tave. Është mbyllur 0-0 çerekfinalja e parë mes Laçit dhe Partizanit. Duel ky shumë i luftuar mes dy ekipeve, por që nuk ia kanë dalë do të gjejnë rrugën e rrjetës.

    Kurbinasit luajtën më shumë se 70 minuta me 1 lojtar më pak, pasi Prodani u ndëshkua me karton të kuq për ndërhyje të ashpër ndaj Bytyçit. Ekipet lënë kështu të hapur gjithçka për kualifikimin, teksa skuadra që do të mund të kalojë në fazën tjetër do të vendoset në duelin e kthimit në Tiranë.

    Bylis 1 – 3 Egnatia (Ruçi 68′ / Ujka 23′, ëotlai 34′, Kasa 66′)

    Kupa e Shqipërisë, Egnatia ka triumfuar në transfertë përballë Bylisit në ndeshjen e parë çerekfinale të Kupës së Shqipërisë. Sfida e zhvilluar në stadiumin “Adush Muça”, të Ballshit përfundoi 1-3 në favor të rrogozhinasve.

    Golat për Egnatian u shënuan nga Ujk,a ëotlai dhe Kasa. Ndërsa golin e vetëm për Bylisin e shënoi Flamur Ruçi në minutën e 68-të të sfidës.

    Një fitore mjaft e rëndësishme për skuadrën e Egnatias që e afron më shumë me gjysmëfinalen. Në ndeshjen e kthimit, Bylis ka shumë punë për të bërë, pasi duhet të përmbysë një disavantazh prej dy golash.

    LEXO ME SHUME:Nuk është Vllaznia as Partizani, Victor Da Silva surprizon me transferimin

    Victor da Silva është futbollisti më i ri I Bylisit. Ekipi ballshiot ka arritur të bëjë një goditje të madhe në merkato, duke bindur sulmuesin i cili në të kaluarën ka qenë pjesë e skuadrave në Shqipëri si Partizani e Vllaznia.

    Lojtari është prezantuar dhe ka nsiur menjëherë përgatitjet me skuadrën. Braziliani Da Silva është vënë nën urdhërat e stafit tenik dhe pritet që të jetë një forcë më shumë në organikën e skuadrës  drejtuar nga Nevil Dede. Në këtë fazë të kampionatit, ekipi ballshiot ka vuajtur golat e sulmuesve, Berko me 5 realizime, Gjata me 2 dhe Camara me nje gol të shënuar janë pak dhe braziliani pritet ti japë një dorë të madhe fazës ofensive.

  • Kupa e Shqipërisë, skuadrat mësojnë përballjet në çerekfinale

    Kupa e Shqipërisë, skuadrat mësojnë përballjet në çerekfinale

    Kupa e Shqipërisë meson raundin tjetër. U hodh paraditen e kësaj të premteje në ambientet e “Shtëpisë së Futbollit” shorti për fazën çerekfinale të Kupës së Shqipërisë 2024/2025.

    Të pranishëm gjatë hedhjes së shortit ishin drejtori i Departamentit të Garave në FSHF, Marjus Sulejmani, përfaqësues të klubeve pjesëmarrëse dhe përfaqësues të mediave.

    Në bazë të rregullores, skuadrat u ndanë në dy vazo, ku në vazon e parë u pozicionuan: Egnatia, Partizani, Vllaznia dhe Skënderbeu dhe në vazon e dytë: Laçi, Dinamo City, Bylis dhe AF Elbasani

    Nga shorti i hedhur te Kupa e Shqipërisë u përcaktuan edhe katër çiftet çerekfinaliste që janë si më poshtë:

    Bylis – Egnatia

    AF Elbasani – Vllaznia

    Laçi – Partizani

    Dinamo City – Skënderbeu

    Takimet do të luhen me sistem vajtje-ardhje dhe sfidat e para do të zhvillohen në fushën e ekipeve të pozicionuara në vazon e dytë. Ndeshjet e para do të luhen më 5 shkurt dhe takimet e kthimit më 26 shkurt.

    NDESHJET QË U LUAJTËN

    Kanë përfunduar ndeshjet e fazës 1/8 të Kupës së Shqipërisë, ku u përcaktuan tetë skuadrat çerekfinaliste të këtij edicioni. Laçi, Bylis, Skënderbeu, Egnatia, Dinamo City, Vllaznia, Partizani dhe AF Elbasani janë tetë ekipet e kualifikuara për në fazën tjetër të Kupës së Shqipërisë.

    Ditën e martë, Laçi mundi Kukësin 3-1, ndërsa Bylis siguroi kualifikimin në shtesë pasi mposhti Tiranën 2-1. Sot u luajtën gjashtë ndeshjet e tjera të fazës 1/8. Egnatia mundi Kastriotin 4-0, ndërsa Dinamo City triumfoi 6-1 ndaj Erzenit. Falë fitores minimale 1-0, Skënderbeu siguroi kualifikimin ndaj Vorës. Në ndeshjet e tjera, Partizani mundi Apoloninë 2-0, ndërsa sfidat Vllaznia – Besa dhe Teuta – AF Elbasani shkuan në shtesë, pasi u mbyllën 0-0 në kohën e rregullt.

    AF Elbasani gjeti dy herë rrugën e rrjetës në kohën shtesë dhe siguroi kualifikimin, duke mbyllur sfidën 2-0. Ndërkohë, në “Loro Boriçi”, kuqeblutë e Vllaznisë shënuan golin e fitores në minutën e 108-të, duke avancuar më tej në Kupën e Shqipërisë.

    LEXO ME SHUME:Klasike për infarkt! Balaj është “BEKIM” i Vllaznisë, dy golat e sulmuesit fundosin Tiranën në renditje

  • Bylis u kualifikua në raundin tjetër të Kupës, “shigjeton” Tiranën: Fitore burrash (FOTO)

    Bylis u kualifikua në raundin tjetër të Kupës, “shigjeton” Tiranën: Fitore burrash (FOTO)

    Bylis u kualifikua për në çerekfinalen e Kupës së Shqipërisë, pasi eliminoi Tiranën. Fitorja 2-1 erdhi në shtesë dhe për më tepër me përmbysje.

    “Fitore burrash”, shkruajnë mallakastriotët me postimin në rrjetet sociale. Foto shoqëruese është pas golit të Ruçit në minutën e 113-të.

    Skuadra e Nevil Dedes ka aktualisht Tiranën si një nga rivalët për mbijetesë. Ballshiotët mbajnë vendin e shtatë, me 3 pikë më tepër se bardheblutë e parafundit.

    NDESHJA TIRANA-BYLIS 1-2

    Lamtumirë Europë. Tirana del nga Kupa e Shqipërisë që në fazën e 1/8 i eliminuar nga Bylis. Për bardheblutë, në zonën e rënies nga kategoria, një tjetër humbje penalizuese, kundër një rivali që shfrytëzoi kohët shtesë për të kaluar në çerekfinale 1-2. Avancon pa probleme Laç, që mposhti 3-1 Kukësin.

    Dede merr një tjetër rezultat impresionues, pas fitores në kampionat me Dinamon. Ballshiotët ia dolën të fitojnë me përmbysje, pasi fillimisht koha e rregullt kishte përfunduar 1-1. Ruçi i dha kualifikimin Bylis me golin në minutën e 113-të. Tirana zhbllokoi takimin në minutën e 10′ me Ernest. Goli i parë me fanellën bardheblu për nigerianin, por që nuk mjaftoi. Mallakastriotët barazuan shumë shpejt e në minutën e 22′ Marku ekuilibroi shifrat.

    LEXO ME SHUME:Dinamo e nis mbrapsht vitin 2025, Bylis e “kap mat” në minutat e fundit (video)

     

    Laçi ka mposhtur Kukësin me rezultatin 3-1, duke triumfuar me përmbysje dhe duke siguruar kualifikimin në çerekfinalen e Kupës së Shqipërisë. Edhe pse luanin në transfertë, miqtë zhbllokuan ndeshjen me golin e Fadiga në minutën e 20′. Kukësi u mundua të kontrollojë, por avantazhi i tyre zgjati deri në shtesën e pjesës së parë. Tresa barazoi rezultatin ndërsa Bullari, me një dygolësh, përmbysi rezultatin

  • “Kam vetëm 14 lojtarë në protokoll”, luftë nervash Veselinovic-Partizani, trajneri serb e ka me drejtorin Abilaliaj: Çdokush t’i qëndrojë përgjegjësisë që ka

    “Kam vetëm 14 lojtarë në protokoll”, luftë nervash Veselinovic-Partizani, trajneri serb e ka me drejtorin Abilaliaj: Çdokush t’i qëndrojë përgjegjësisë që ka

    Partizani do të rikthehet nesër në fushë, ndërsa pret Apoloninë. Ndeshja është e vlefshme për Kupën e Shqipërisë dhe do të nisë në orën 17:00 te stadiumi “Arena e Demave”. Në konferencë për shtyp ka folur pas mungesës së mëparshme, Veselinovic. Tekniku i Partizanit përmendi sërish situatën në skuadrën e tij duke thënë se ka vetëm 14 lojtarë në protokoll.

    “Në këtë moment jemi duke u përgatitur për ndeshjen e Kupës ndaj Apolonisë. Merkato mbetet e hapur deri në fund të muajit janar. Historia dhe tradita e klubit Partizani ka treguar që di të reagojë dhe unë besoj që deri në mbyllje të merkatos së janarit ne do të reagojmë. Sot na mbetet vetëm të përqendrohemi për ndeshjen që do të luajmë nesër”, tha fillimisht Veselinovic.

    GJENDJA E LOJTARËVE-E sigurtë është mungesa e Domgjonit , Bintsouka po ashtu është i sëmurë. Kemi 14 lojtarë për protokollin e ndeshjes, do të plotësojmë grupin sot për të kryer proçesin stërvitor me lojtarë të afruar nga akademia. Disa prej tyre do të jenë nesër pjesë e protokollit të ndeshjes te Partizani. Përgatitemi për të luajtur ndaj një kundërshtari serioz siç është Apolonia”.

    SITUATA NË KLUB: “Së pari dua të them presioni është që ju vetë krijoni. Presion kam patur çdo ditë, por është një vetpresion. Nuk besoj se ka njeri më shumë se unë që do ta fitoj titullin me Partizanin, por ka hapa që do të ndërmerren. Dëshira është një gjë por e kam shprehur edhe më parë që duhet të merret hap pas hapi. Më duket paska arrogante për të folur pë pjesën e titullit pasi nesër kemi ndeshje. Përsa i përket pyetjes që janë larguar disa prej lojtarëve kryesor kjo tashmë është fakt pasi Rrapaj , Cara, Hadroj dhe Mba nuk janë më. Pa harruar edhe Koten që për të paktën një muaj nuk do ta kemi në dispozicion.

    PËRGJEGJËSIA– Unë jam nga ata persona që dua që çdokush ti qëndrojë përgjegjësisë së pozicionit të vet. Në çdo organizatë qëndrojnë njerëz të cilët janë përgjejgjës për pozicionet e veta dhe më duket jo korrekte që të futem në pjesën e dikujt tjetër. Nuk jam person që merrem me pjesën menaxheriale që të flas me futbollistët. Jam një trajner që merrem vetëm me pjesën e fushës, me metodikën, planifikimin dhe programimin e proçesit stërvitor, selektimin e lojtarëve. Do kisha dashur shumë që të më konsideroni si një njeri serioz që po bën 55 vjeç dhe ka mendimet dhe qëndrimet e veta. Vetëm mundohem që të jem korrekt ndaj të gjithëve”.

    LEXO ME SHUME:Veselinovic akuzon drejtuesit për merkaton e zhvilluar, Partizani bën gati shkarkimin

  • “Kemi akoma punë për të bërë”, Tetova harron suksesin e Kupës, kërkon të mbajë skuadrën me këmbë në tokë: Çdo gjë mbyllet me datë 19

    “Kemi akoma punë për të bërë”, Tetova harron suksesin e Kupës, kërkon të mbajë skuadrën me këmbë në tokë: Çdo gjë mbyllet me datë 19

    Egnatia shpallet për të dytin sezon radhazi fituese e Kupës së Shqipërisë. Natyrisht që një meritë të madhe duhet t’i shkojë edhe trajnerit Edlir Tetova, që i komandoi rrogozhinasit deri në këtë moment historik. Pas përfundimit të takimit kundër Kukësit, Tetova doli në një intervistë për mediat ku tha se ua kishte vënë si detyrim djemve të ekipit që të triumfonin sërish:

    KONTRATA-Mendoj që kemi pasur një gjysmëfjale me presidentin, e mira është që të kemi një diskutim përsëri.

    KUPA-Atëherë, Kupa e dytë, triumfojmë për herë të dytë në finalë. Është një emocion i dyfishtë. Një rrugëtim i mirë i skuadrës në Kupë dhe Kampionat. Kemi akoma punë për të bërë, çdo gjë do të mbyllet me datë 19.

    NDESHJA-20 minutat e para, një çrregullim total i skuadrës, në momentin që qarkulluam topin pastaj shkuam te idetë e mia. Fitorja i sheshon të gjitha, pas asaj penalltie ekipi u vu në presion por e kaluan.

    TROFETË-Unë kam kërkuar mbrojtjen e titullit të Kupës, ne jemi një ekip i ri por me 2 trofe, gjë që na bën të shkojmë në ndeshjet e Kupës me moralin më të lart. I kam kërkuar djemve ta fitonim që të kishim më të lehtë në “Final 4”.

    TITULLI-Për mua e rëndësishme ka qenë maratona e kampionatit, finalja është finale. Do të luajmë me dinjitet, ashtu si kemi luajtur gjithë kohës. Kampionatin e fiton Eganitan”,- e mbylli Tetova.

  • Gol dhe penallti e humbur, Egnatia fiton Kupën për herë të dytë në histori; sezon i dështuar për Kukësin

    Gol dhe penallti e humbur, Egnatia fiton Kupën për herë të dytë në histori; sezon i dështuar për Kukësin

    Dëshirë, grintë dhe emocione. Finalja e Kupës së Shqipërisë prodhoi gjithçka dhe në fund fiton Egnatia. Ekipi rrogozhinas ia del për herë të dytë radhazi të arkivojë Kupën e Shqipërisë. Në finalen kundër Kukësit, ekipi rrogozhinas fitoi me shifrat 1-0. Një ndeshje me ritëm e intensitet, me dy skuadrat që kërkuan me patjetër fitoren. Tentantiva e parë do të vinte në minutën e 9’ me anë të Montenegros fiton topin në gjysmëfushën kundërshtare dhe nuk vonohet por lëshon një predhë nga jashtë zonës. Tafas grushton në këndore.

    Në minutën e 38′ do të vinte goli i avantazhit. Aksion i gjatë i rrogozhinasve me Fangajn në të djathtën. Pasimi në qendër i mbrojtësit gjen Ndrecën i cili nuk gabon duke shënuar përballë ish-skuadrës.

    PJESA E DYTË

    Në pjesën e dytë Kukësi kishte më tepër iniciativë dhe rastet nuk do të mungonin. Gjithçka do të niste në minutën e 50′ , ku Hasaj gjuan direkt në portë nga goditja e dënimit, por gjen përgjigjen e Sherrit. Në të 70-tën, një goditje dënimi nga e djathta harkohet në shtyllën e dytë për Zhongon, ky i fundit kthen topin në qendër ku Sherri ka gjithçka në kontroll.

    Në minutën e 79’, Egnatia kishte mundësinë të dyfishonte shifrat ku Fernando gabon nga 11-metërshi me Tafas që ia doli të mbante në lojë skuadrën e tij. Kukësi tentoi deri në fund të shënonte, por pa ia dalë. Egnatia fiton për herë të dytë në histori Kupën e Shqipërisë, ndërsa për Kukësin është një sezon i dështuar.

    LEXO MË SHUMË: Tifozët e Egnatias duan Kupën për të nderuar Dwamenan, baner i madh në nder të ish-sulmuesit (video)

  • Egnatia-Kukësi, finalja nuk luhet vetëm për trofe! Dy skuadrat luajnë edhe me premiot financiare

    Egnatia-Kukësi, finalja nuk luhet vetëm për trofe! Dy skuadrat luajnë edhe me premiot financiare

    Egnatia-Kukësi.Sezoni 2023-2024 është në fundin e tij dhe klubi rrogozhinas është ekipi i vetëm në vend që është në lojë për të fituar të dy trofetë aktualisht. Të parin mund ta fitojë sot, kur rrogozhinasit do të luajnë finalen e Kupës së Shqipërisë kundër Kukësit. Drejtuesit e klubit, përtej bonuseve të firmosura në kontratë me futbollistët, kanë premtuar edhe një premio të majme. Nga burime pranë klubit mësohet se shuma që mund të përfitojnë stafi teknik dhe futbollistët është 20 mijë euro.

    Po ashtu, një shpërblim të konsiderueshëm do të ketë edhe për titullin kampion në Superiore. Kujtojmë që gjatë sezonit Egnatia fitonte bonuse pas 3 fitoreve radhazi. Presidenti Demrozi ka dashur ta motivojë gjithmonë financiarisht skuadrën në duelet vendimtare të sezonit 2023-2024.

    Te Kukësi, në rast triumfi lojtarët mund të shpërblehen me rreth 30 milionë lekë të vjetër. Kujtojmë që në rast të një fitoreje në këtë kompeticion, blutë do të merrnin pjesë automatikisht në kupat e Europës dhe aty do të arkëtonin jo pak miliona, që mbi të gjitha do të shërbenin edhe për të ndërtuar skuadrën për sezonin e ardhshëm që do të jetë pjesë e Kategorisë së Parës.

    FORMACIONI I KUKËSIT

    Mund të thuhet se ka pak dilema sa i përket titullarëve në këtë ndeshje, sepse jo rastësisht Devolli la pushim në ndeshjen e fundit të kampionatit thuajse të gjithë ekipin që është programuar për të luajtur nga minuta e parë.

    Problemet e vetme kanë qenë ato të sulmuesit të krahut, Mustafa Salami dhe mesfushorit Kleandro Lleshi, por që sipas të gjitha gjasave do të jenë të gatshëm për këtë përballje. Gjasat janë që Kukësi i finales të mos ketë shumë ndryshime nga ai i ndeshjeve të kaluara, me të cilët Devolli ia ka dalë ta dërgojë skuadrën deri në këtë pikë.

    FORMACIONI I EGNATIAS

    Egnatia pritet të luajë me skemën 4-3-3, me Sherrin në portë, Fangajn, Ndrecën, Xhemajlin dhe Malotën në mbrojtje, Ahmetajn, Fernandon dhe Zejnullain në mesfushë, kurse në sulm Spahiu dhe Ibrahimoglu do të mbështesin Montenegron.

  • Egnatia me tifozë shtesë në finalen e Kupës, “Tirona Fanatics” do të mbështesin në stadium ekipin rrogozhinas

    Egnatia me tifozë shtesë në finalen e Kupës, “Tirona Fanatics” do të mbështesin në stadium ekipin rrogozhinas

    Do të luhet sot në orën 19:00 në stadiumin “Air Albania” finalja e Kupës së Shqipërisë. Kukësi sfidon Egnatian për trofeun e parë të këtij sezoni. Një ndeshje që vlen shumë për të dyja skuadrat, përveç trofeut në lojë janë edhe shifra të konsiderueshme parash.

    Por interes të veçantë për sfidën Kukësi-Egnatia ka edhe Tirana. Nëse rrogozhinasit fitojnë Kupën e Shqipërisë, atëherë bardheblutë do të shkonin në Conference League, ndonëse mbyllën sezonin e rregullt jashtë “Final 4” (Skënderbeu nuk luan dot në Kupat e Evropës dhe përfiton Tirana që renditet e 5-ta).

    Mësohet se grupimi i organizuar i tifozerisë bardheblu “Tirona Fanatics” do të jetë i pranishëm në stadium në sfidën e sotme, në mbështetje të Egnatias, pasi një sukses i rrogozhinasve do të çonte Tiranën në Evropë.

  • Stadiumet “shurdhues” të vetmisë së madhe, “Air Albania” dhe “Loro Boriçi” të braktisur nga tifozët në Kupë

    Stadiumet “shurdhues” të vetmisë së madhe, “Air Albania” dhe “Loro Boriçi” të braktisur nga tifozët në Kupë

    Tani që sezoni 2023-2024 po konsumon javët e fundit është koha që të bëhen edhe disa llogari të thjeshta që lidhen me pjesëmarrjen e tifozëve në shkallët e stadiumit. Ditën e mërkurë u luajtën përballjet e fundit gjysmëfinale të Kupës së Shqipërisë, pikërisht në impiantet më luksoze në Shqipëri si ai i stadiumit Kombëtar në Tiranë dhe “Loro Borici” në Shkodër.

    Fatkeqëisht tifozët numërohëshin me gishtat e dorës. Tifo-Grupi Fanatics mungonte, ndoshta e kishte harruar se kishte një ndeshje që vlente gjithë sezonin e skuadrës bardheblu. Në stadium për të përkhrahur Tiranën një pjesë e madhe e tyre ishin familjarë të lojtarëve, apo zyrtarëve të klubit.

    Vllaznia që dikur mburrej me “gjerdanin” kuqeblu në stadium kishte një pjesë të vogël të tifozërisë. Kundër Egnatias ishin shumë pak për ta konsideruar një ndeshje jetike për ekipin shkodran. Stadiume të boshatisura, të ngjashëm me kategoritë inferiore e madje në ndonjë rast edhe me të trishtuar se ndeshjet e Kategorisë së Dytë. Sot futbolli në Shqipëri është braktisur nga njerëzit sepse nuk ofron më atë cilësi që publiku kërkon.