Lajmet e fundit | Klikoje.al

Tag: Kernaja

  • Lëvizje surprizë në Superiore, Skënderbeu “blindon” trajnerin e ri

    Lëvizje surprizë në Superiore, Skënderbeu “blindon” trajnerin e ri

    Skënderbeu, pasi i ka dhënë lamtumirën Ernest Gjokës me mbylljen e kontratës së këtij të fundit, po kërkon një trajner të ri për sezonin 2026-2027 që e sheh përsëri në Superiore.

    Skënderbeu do të bëjë një revolucion në emra dhe kërkon një trajner që të nisë një cikël të ri me qëllimin primar mbijetesën e më pas të tentojë diçka më shumë. Gjatë këtyre ditëve kanë qarkulluar shumë emra sa i përket trajnerit të ri që do të marrë drejtimin, por një nga pistat më konkrete është bërë ajo e Oltijon Kërnajës.

    Tekniku u largua pak javë më parë nga drejtimi i Partizanit dhe është në kërkim të një aventure të re. Mësohet se palët kanë zhvilluar bisedime në ditët e kaluara dhe po shkohet drejt një akordi mes palëve në mënyrë që Kërnaja të jetë emri i ri i pankinës së klubit juglindor.

    LEXO ME SHUME:E FUNDIT/ Partizani lëviz në merkato, firmë me peshë te kryeqytetasit

  • Partizani “mbyll gojën” përpara Flamurtarit, të kuqtë marrin vendim drastik pas largimit të Kërnajës

    Partizani “mbyll gojën” përpara Flamurtarit, të kuqtë marrin vendim drastik pas largimit të Kërnajës

    Oltijon Kërnaja e mbylli dje zyrtarisht me Partizanin. Trajneri tropojan mori drejtimin e ekipit të parë në tetor, ndërsa rrugët u ndanë vetëm tri javë nga fundi i kampionatit. Shkak u bë humbja në derbin me Tiranën.

    Kërnaja e la Partizanin para ndeshjes me Flamurtarin. Të kuqtë ndërkohë morën vendimin drastik, që askush të mos dalë në konferencë për shtyp në prag të takimit me vlonjatët. Partizani, deri tani për këtë sezon, ishte edhe klubi më korrekt sa i përket konferencave për shtyp para ndeshjes. Duke qenë se askush nuk është trajner, pjesa tjetër nuk do të dalë para kamerave.

    Takimi me Flamurtarin është programuar për nesër(2 maj), prej orës 16:00 në stadiumin “Arena e Demave”. Kryeyqtetasit rrezikojnë të mbeten pa Europë për edicionin e ardhshëm, duke humbur edhe koeficientin 7.5 që kanë ndërtuar ndër vite.

  • “Shumë mllef ndaj meje, e lë Partizanin në garë për Europën”, Kërnaja reagon pas shkarkimit (POSTIMI)

    “Shumë mllef ndaj meje, e lë Partizanin në garë për Europën”, Kërnaja reagon pas shkarkimit (POSTIMI)

    Partizani ka njoftuar largimin e trajnerit Oltijon Kërnaja. Shkak për këtë vendim, sipas njoftimit të klubit kryeqytetas në faqen e vet zyrtare, janë bërë rezultatet e dobëta të javëve të fundit. Vendimi vjen tri javë para mbylljes së kampionatit të rregullt, ku objektivat e Partizanit janë kompromentuar. Faza e katërt ka qenë shumë negative për të kuqtë, me rezultate të dobëta. Duket se humbja në derbin me Tiranën ka qenë fatale për Kërnajën, i cili e mori drejtimin e Partizanit pas fillimit të sezonit, duke zëvendësuar serbin Mlladen Milinkoviç.Vetë Kërnaja ka reaguar në rrjetet e tij sociale në lidhje me këtë shkarkim.

    POSTIMI I ISH-TRAJNERIT TË PARTIZANIT

    E gjitha nisi me nje postim te thjeshte , nje klub i madh si FK Partizani Albania ishte ne veshtiresi, vetem 1 gol i shenuar ne fund te renditjes, dhe pa pritur Presidenti Gaz Demi i beson nje djali te ri, shume kritika , shune mllef ndaj emrit, por me pune dhe perkushtim te gjithe me rradhe , nga punetori me i thjeshte deri tek futbollisti me i fundit, sigurisht duke perfshire dhe Stafin arritem te kthejme Partizanin ne lufte per Final 4.. Asnje se besonte por realiteti ky eshte Partizani eshte ne vend te 4 dhe ne.lufte per europe!
  • “Tani situata është e komplikuar, Europa s’është në dorën tonë”, Kërnaja ndjen keqardhje për derbin, ka ankesa: Kishte prekje të topit me dorë…

    “Tani situata është e komplikuar, Europa s’është në dorën tonë”, Kërnaja ndjen keqardhje për derbin, ka ankesa: Kishte prekje të topit me dorë…

    Tirana ka fituar derbin përballë Partizanit, në kuadër të javës së 33-të të “Abissnet Superiore”. Supersfida e zhvilluar në stadiumin “Air Albania”, përfundoi me shifrat 2-1. Pas këtij dueli ka folur trajneri i Partizanit, Oltijon Kërnaja.

    “Një interpretim i imi para dy javësh është keqkuptuar nga unë, ju kërkoj ndjesë. Më vjen keq që Nevil Deden e shoh këtu, duhet të ishte në finalen e Kupës me Ferizajn. Jam shumë i mërzitur, intepretuam shumë mirë në pjesën e parë. Në pjesën e dytë gabuam 10 minuta, Tirana mori shumë përsipër. Mund të dërgonim shifrat në 2-0, Tirana më pas shënoi një gol, ishin aftësi personale, gola të bukur. Por duhet të punojmë për të ecur përpara.

    Zëvendësimi i Qakës, kishte bërë 2 faulla pas kartonit të verdhë, munduam të ndryshonim edhe pozicione. Më pas provuam me Shabanin, që erdhi edhe rasti i Diegos. Më vjen keq sidomos për tifozët, s’duhet ta kishim këtë rezultat. Duke ditur zotësinë e lojtarëve tanë dhe shpejtësinë të Human dhe Sidibe, menduam që mbrojtësit e tyre të vinin sa më lart dhe të kishim hapësira për tranzicion. Për golin duhet cilësi, një pjesë e dytë jo aq e mirë sa duhet të ishte.

    Tentuam, kërkuam gjithmonë që të luanim sa më shumë në linjat anësore, duke ditur që në qendër Tirana ka më shumë elemëntë dhe luan në kundërsulme. U kisha kërkuar djemve asnjë top drejt qendrës dhe aty u humb topi nga Doumbia, i cili shkaktoi faull. Më pas dihet si shkoi, cilësia e Freddy Alvarez ai gol nga faulla.

    Duke ditur përgatitjen fizike, disa lojtarë kanë cilësi por jo përgatitje. U kërkova që të ndryshonim lojën nga njëri krah në tjetrin. Në pjesën e parë e bëmë shumë shpejt, por në të dytën jo. Ndoshta presioni i derbit, tifozët mbrapa. Mund të bënim një lëvizje më shpejt ndoshta me Qakën. Ra rendimenti i tij dhe faji i kartonit, e kushtëzonte të ndërhynte. Ne në mesfushë luanim 1 kundër 1 dhe po ruheshim. U duhej të bënim disa lëvizje.

    Goli i barazimit, sa na penalizoi? Dolën lojtarët nga detyrat teknike? Ishte humbje e topit të dytë dhe në tranzicion, aty u gjet lojtari në qendër të zonës pa kundërshtar, një vendosje e keqe e mbrojtjes sonë. Pas golit kishim eufori për të kaluar përsëri në avantazh. Mos të harrojmë që kishim një rast për penallti, u prek me dorë, por s’dua të merrem. Më ka ndodhur përsëri me të njëjtin arbitër që ishte në VAR. Sigurisht që pozitat janë komplikuar, duke ditur që nuk është në dorën tonë. Të shohim të bëjmë punën tonë dhe të shohim si do të reagojmë”, tha Oltjon Kërnaja.

    LEXO ME SHUME:ALVAREZ HERO, PARTIZANI ZERO! Tirana bën ligjin në derbi! (video)

  • “Ky ekip ka shpirt gare!”/ Kërnaja flet pas fitores në derbi, “kunj” Arben Milorit: S’na kanë rritur kritikat e tua!

    “Ky ekip ka shpirt gare!”/ Kërnaja flet pas fitores në derbi, “kunj” Arben Milorit: S’na kanë rritur kritikat e tua!

    Partizani ka fituar në transfertë përballë Dinamos, ndeshjen e vlefshme për javën e 27-të të “Abissnet Superiore”. Derbi që u zhvillua në stadiumin “Air Albania”, përfundoi me shifrat 0-2. Pas këtij dueli ka folur trajneri fitues, Oltijon Kërnaja.

    “Të them të drejtën, djemtë kanë sakrifikuar shumë. Vetëm para 3 ditësh 120 minuta, që e kam thënë që nuk e meritonim të eliminoheshin. Lojtarët vrapojnë, që nga dita e parë që jam këtu, e them përsëri që janë lart nga ana fizike, taktike. Në anën psikologjike, jemi mirë, ishim përgatitur shumë mirë për ndeshjen edhe sot. Dëmtimi i Qakës? Ka marrë një goditje, nuk marrim dot informacion më shumë.

    Tërheqja në 25 minutat e fundit? Djemtë kanë luajtur 120 minuta para pak ditësh, është e vështirë që të mbash të njëjtin ritëm. Dinamo kishte një ndeshje të lehtë, bëri rotacione. Ata do ishin më lart dhe të presonin shumë lart. Kritikat? Unë kam qenë kundër dhe jam kundër, nuk na kanë bërë kritikat e tua që të ecim përpara, por djemtë.

    Kishim menduar që të popullonim linjat qëndrore, pasi ato kërkon Dinamo. Duke zbritur Berishën ose Bregun e bën këtë. Human ishte lojtari ynë që nxirrte topin në zonat qëndrore, ashtu si te Doumbia që u dha pasi, apo edhe më para te Sidibe. Kishim menduar të luanim kështu.

    Më pas menduam që të fusnim dy lojtarë të shpejtë, dy uingera në profilet e tyre kryesore, por të luanin sy gjysmë sulmues. Duke parë që Dinamo ka probleme, e sidomos nga krahu i Teixeira. Na doli ajo që kishim menduar. Mund të bënim golin e 3-të me Sidibe. Portieri ynë priti, por priti edhe Teqja një super pritje. Dinamo ka ekip shumë të mirë, i japim meritat për 15 minutat e fundit, ata kanë gjatësi, ne kishim probleme aty sot. Por djemtë japin gjithçka, kemi objektiva. Të fitojmë ndeshjen e radhës dhe të shkojmë përpara.

    Ritmi? Të them të drejtën, djemtë po stërviten shumë mirë edhe me orare të stërzgjatura. Kanë shpirt gare, kjo është edhe prej klubit. Ne luajtëm 120 minuta, por kishim mundësi të freskonim disa lojtarë. Kishim mundësi që të rifreskonim ekipin. Kjo është madhështia e këtij ekipi dhe dëshira e lojtarëve për të çuar ekipin para”, tha Kërnaja.

    LEXO ME SHUME:Martinez dhe Dumbia “ndezin” derbin: Partizani i rrëmben Dinamos vendin e katërt (video)

  • “Turp! 5 mijë tifozë shajnë një trajner” Kërnaja “ndez zjarr” dhe shigjeton Tiranën: Kemi burra, futemi vetëm për fitore

    “Turp! 5 mijë tifozë shajnë një trajner” Kërnaja “ndez zjarr” dhe shigjeton Tiranën: Kemi burra, futemi vetëm për fitore

    Partizani ka triumfuar në transfertë përballë Elbasanit, në çerekfinalen e parë të Kupës së Shqipërisë. Sfida e zhvilluar në stadiumin “Elbasan Arena”, përfundoi 0-1 falë një goli në minutën e 94-të të Xhuliano Skukës me penallti. Pas këtij dueli ka folur trajneri fitues, Oltijon Kërnaja.

    “Kemi familjarë, duhet ta bësh ndeshjen mute. Është turp që 5 mijë tifozë të shajnë një trajner. Me raste me portë bosh dhe vetëm për vetëm me portierin, mund të kishim fituar 3-0 ose 4-0 që në pjesën e parë. Kundërshtari s’ka pasur raste.

    Kërkonim thellësinë me Human, kërkonim shumë me atë në zonë. Dy herë shërbeu. Herën tjetër nxorri Sidibe, i cili nxorri një aksion të rrjedhshëm. Është një nga lojtarët që vrapon më shumë në Shqipëri, i dimë cilësitë e tij edhe në momentin që zbret poshtë. Ai fitonte superioritetin numerik. Bytyçi bëri një ndeshje shumë të mirë gjithashtu, duke fituar pothuajse çdo dyluftim.

    Të gjithë djemtë dhanë maksimumin. Bënë një ndeshje shumë të mirë para 4 ditësh në Ballsh, edhe sot po ashtu. Bytyçi vendosi në vështirësi sulmuesin e tyre kryesor. I përgëzoj djemtë shpresoj që të vazhdojmë kështu edhe në ndeshjet e tjera që do të kemi në vazhdim.

    Kjo falë edhe stafit tonë që kishim organizuar mirë gjithçka. Na mjaftonte vetëm Toma për të bërë presing, të sakrifikonte pak. Në pjesën difensive duke qenë se Elbasani ka lojtarë të shpejtë, mendova t’na ndihmonin Sidibe dhe Isgandarli. Të gjithë komplimentojnë komplimente, edhe ata që s’kanë luajtur dhe të dëmtuarit. Ata do të rikthehen dhe Partizani do të ecë shumë përpara.

    Ishte si kundërpërgjigje, duke parë se Elbasani në linjën e fundit të mbrojtjes futi dy lojtarë që s’janë mbrojtësa. Kasa është lojtar që merret me topin dhe na duheshin dy sulmues. Menduam që mos të merrnim vetëm barazim që e kishim në dorë, por edhe të fitonim. Nuk u fut vetëm Skuka dhe Keko, por edhe Shabani që është sulmues qendror.

    Energji për derbin? Ky ekip është agresiv në të gjitha ndeshjet, vrapojnë pafund. Kemi energji edhe për derbin, do futemi për ta fituar sepse këta djem janë burra. Unë flas me superlativa, sepse e di maksimumin që ka ky ekip. Kemi ardhur nga një situatë shumë e vështirë, me vetëm 1 gol me penallti dhe 1 autogol, 4 pikë. Sot ekipi ka volum dhe dëshirë, djemtë kanë dhënë maksimumin”, tha Kërnaja.

  • “S’më intereson derbi”, Kërnaja snobon Tiranën dhe kthen vëmendjen te Bylis: Është ekip agresiv

    “S’më intereson derbi”, Kërnaja snobon Tiranën dhe kthen vëmendjen te Bylis: Është ekip agresiv

    Partizani do të udhëtojë nesër drejt Ballshit ku do të përballet në transfertë me Bylisin. Në prag të kësaj sfide, trajneri i të kuqve, Oltijon Kërnaja ka dalë në konferencën e zakonshme për shtyp.

    Gjendja ekipit në prag të ndeshjes me Bylisin?

    Kërnaja: Së pari dua të uroj të gjithë familjen e kuqe për ditën e 80 vjetorin të Klubit të futbollit Partizani, por edhe të shumsportit Partizani, i uroj të kenë sa më shumë suksese dhe sa më shumë trofe. Për të vijuar me pyetjen tuaj ekipi është në gjendje të mirë. Pas një ndeshje të mirë ndaj Elbasasit po mundohemi të rekuperojmë pak energjitë, ndoshta të akumuluara nga vrapimet e shumta ndeshjen e fundit, por jemi mirë dhe në formë për ndeshjen e radhës.

    Si e vlerësoni ekipin e Bylisit?

    Kërnaja: Sigurisht që Bylis është një ekip i fortë, sidomos në fushën e tyre kanë treguar gjithmonë se dinë të luajnë futboll shumë të fortë, shumë agresiv. Eshtë një kundërshtar për tu vlerësuar. Ne si ekip thjesht do bëjmë detyrën tonë do hyjmë në fushë vetëm për të marrë 3 pikë, të cilat tashmë na duhen më shumë se çdo herë. Pas ndeshjeve të mira ka ardhur koha për të marr 3 pikët. Kemi ndjekur dy ndeshjet e fundit të Bylis në “Air Albania” me Dinamo City dhe në stadiumin “Adush Muça” janë ekip shumë cilësor, agresiv dhe sidomos në fushën e tyre janë ekip shumë i fortë.

    Në fazën e kaluar pikërisht përpara ndeshjes ndaj Bylis deklaruat se do të merrnit 9 pikë. Mund ta bëni sërish një deklaratë?

    Kërnaja: Atëherë ka qenë momenti për të bërë një goditje një hov për çunat. Tashmë ata e dinë që çdo ndeshje vlerësohet maksimalisht, hyjnë për 3 pikë çdo ndeshje. Nuk mendojmë fare për 3 ndeshjet e tjera sepse kemi 10 ditë janë shumë të ngarkuara. Kemi ndeshje të kampionatit , të kupës ndeshje tjetër përseri kampionati. Mendojmë vetëm për ndeshjen që luajmë nesër në Ballsh.

    Në ndeshjen e parë në Ballsh jeni mundur 3-1…

    Kërnaja: Të them të drejtën kanë qenë situata krejt të ndryshme. Në stadiumin “Adem Muçaj” ka qenë një ekip tjetër. Mund të themi që të jemi pak më konkret para portës, golat po vijnë nuk është më si dikur që s’bënim dot gol, golat po shënohen. Duhet të jemi të kujdesshëm mbrapa mos marrim disa gola si ndeshjen e fundit.

    Gjendja e mbrojtësit Sembene…

    Kërnaja: Sembene është stërvitur rregullisht me grupin pas atij kolapsi që i ndodhi. Sipas mjekëve thjesht ka patur luhatje tensioni. Eshtë në rregull, është stërvitur dhe i gatshëm për ndeshje.

    Ndryshimet te Bylis, mendoni se është momenti më i mirë për tu përballur me ata tani?

    Kërnaja: Ka të dy anët mund të jetë pozitive dhe negative sepse informacionin për Bylis nuk dimë saktësisht duke qenë se kanë ndryshuar shumë lojtarë, si do luajnë , cilësitë e lojtarëve mbeten për tu parë në fushë. Më shumë se 70 % e ekipit të Bylis është ndryshuar nga ndeshja me Dinamo City. Kjo gjë ka të dy anët e medaljes, shpresojmë që të jetë ana e mirë për ne.

    Të shtunën luhet derbi Tirana-Dinamo…

    Kërnaja: Të them të drejtën s’më intereson shumë. Më intereson vetëm ekipi jon Partizani. Vetëm kur të përballem me ta fillon pak interesi. Momentalisht shoh vetëm ndeshjen tonë të radhës.

    Atmosfera e 80 vjetorit mund të jetë nesër një shtysë për ndeshjen me Bylisin?

    Kërnaja: Djemtë kanë maksimumim edhe ndeshjen e kaluar kanë dhënë më shumë se maksimumi. Sigurisht festën e 80 vjetorit është një shtysë siç festuam mbrëmë ta kthejmë festë edhe në fushë nesër.

  • “Elbasani nuk është në rangun e Partizanit”/ Kërnaja nxeh sfidën në prag: Nuk është tabu për…

    “Elbasani nuk është në rangun e Partizanit”/ Kërnaja nxeh sfidën në prag: Nuk është tabu për…

    Oltijon Kërnaja, doli sot në konferencë shtypi, ku foli për përballjen me Elbasanin. Edhe pse skuadra vazhdon të ketë mungesa, trajneri i kuq theksoi se në shtëpi nuk duhet bërë asnjë hap fals. Kërnaja gjithashtu evidentoi faktin se Partizani është ekip i madh dhe Elbasani nuk është në rangun e tij.

    Elbasani kundërshtari juaj në kampionat dhe kupë?

    Sigurisht ne do të fokusohemi vetëm te ndeshja e nesërme, nuk duhet të mendojmë ndeshjen e kupës. Na duhen 2 javë për të luajtur ndeshjen e parë të kupës. Shumë rëndësi për ekipin tonë ka ndeshja e nesërme për vetë objektivat që ne kemi.

    Elbasani vjen në këtë sfidë pas një fitoreje?

    Eshtë një ndeshje e vështirë. Elbasani siç e thatë edhe ju vjen pas një fitore, ndoshta jo në formën e tyre maksimale pasi në 5 javët e fundit kanë vetëm një fitore. E kanë arritur këtë fitore ndaj Dinamo City, kjo do të thotë që janë një ekip shumë i mirë, i mirëinvestuar këtë vit, por edhe ne jemi një ekip po ashtu i mirë. Hyjmë sigurisht për 3 pikë, luajmë në shtëpinë tonë. E kemi thënë edhe më përpara në shtëpinë tonë s’duhet të kemi asnjë hap fals kështu që nesër mendojmë vetëm për 3 pikë.

    Sidibe dhe Fadairo do të jenë nesër fushë?

    Sidibe dhe Fadairo janë dy ardhje të reja të ekipit tonë. Ata janë njëlloj si të gjithë lojtarët e tjerë. Kemi për të zhvilluar edhe seancën e sotme stërvitore dhe nesër besoj do të merren vendimet se kush do e fillojë nga minuta e parë. E kam thënë edhe më përpara nuk është çështje emrash por është çështje grupi, kolektivi. Ne na bën të ecim përpara i gjithë grupi jo emra në veçanti.

    Mund të keni ndonjë surprizë në orët e fundit të merkatos?

    E kemi thënë edhe më përpara që këto janë biseda brenda shtëpisë, kështu që shpresoj të kryhen. Edhe nëse nuk kryhen nuk është problem, sepse ne grupin e kemi.

    Situata me dëmtimet?

    Janë po të njëjtët të dëmtuar, nuk kemi asnjë lojtar të rekuperuar. Preka vazhdon i dëmtuar, Marku po ashtu, Atanaskoski, Çipi dihet për një kohë të gjatë, pa harruar Doumbia dhe Nondi, pra dëmtimet janë po këta lojtarë. Por e kam thënë ekipi është i shëndoshë, emrat janë kemi lojtarë të tjerë për t’i zëvendësuar, sepse Partizanin e bën grupi dhe jo individi.

    Pas ndërhyrjeve në merkato mund të themi që ky është Partizani i Kërnajës?

    Të them të drejtën, ekipi ka qenë i ndërtuar nga një trajner në kohën e kupave të Europës, pastaj u mor një trajner tjetër, pastaj siç isha unë pjesë e stafit e gjetëm. Janë çuna që mua më kanë pëlqyer, prandaj edhe e kam pranuar si sfidë dhe djemtë janë kanë bërë maksimumin. Kemi patur nevojë për ndërhyrje në dy pozicione të dubluar jo që nuk kemi patur, por për të dubluar pozicionet që kishim. Nuk mund të luaj 30 ndeshje në sezon Isgandarli në 90 minuta, çështje fizike, duhet të ketë një tjetër person për ta dubluar. Edhe nga krahu Bintsoukas kemi menduar të marrim një tjetër. Kanë qenë thjesht për të dubluar pozicionet, për të shtuar forcat deri në rikthimin e lojtarëve të dëmtuar pastaj ekipi kompletohet.

    Përballë Elbasanin ende nuk keni fitore në këtë sezon, mund të thuhet kjo tabu nesër?

    Nuk është tabu. Partizani është ekipi madh. Elbasani nuk hyn në rangun e Partizanit, me gjithë respektin dhe formën e momentit. Nuk është tabu është ndeshja e radhës, hyjmë për 3 pikët shpresoj dhe uroj që t’i fitoj. Përfundoi Oltijon Kërnaja

    LEXO ME SHUME:Herën e fundit luajti ndaj Benficas së Mourinhos, Egnatia transferon sulmuesin që luan në elitën e Portugalisë (EMRI)

  • “Kam vetëm 12 lojtarë, djemtë janë lodhur”, Kërnaja shpërthen pas ndeshjes me Dinamon: Gjërat duhet të rregullohen

    “Kam vetëm 12 lojtarë, djemtë janë lodhur”, Kërnaja shpërthen pas ndeshjes me Dinamon: Gjërat duhet të rregullohen

    Oltjon Kërnaja foli pas humbjes 1 me 3 që skuadra e tij regjistroi në “Arenën e Demave” ndaj Dinamos. Në prononcimin e dhënë për emisionin “Super Gol”, nuk kanë munguar as shpërthimet e teknikut të kuq, i cili u shfaq tepër i zhgënjyer për rezultatin:

    “Detyrat e trajnerit janë të nxjerrë në zonat e kuqe para portës lojtarët. S’më kishte ndodhur ndonjëherë që dy lojtarë me portierit të mos shënonim, pavarësisht pozicionit jashtë loje. Realisht nuk kemi bërë ndeshje të keqe, rezultati është tjetër, në humbëm përsëri sot. Gjëra që duhet të rregullohen.

    Gabime në rreshtim te goli i parë? Është ndeshje tjetër ajo që thoni ju, jo kjo sot. Goli i parë është marrë nga një eurogol, jo rreshtim i keq i mbrojtjes. Kur shkoi 1 me 1, patëm rastet për 1 me 2. Kishim mungesa, Ismalin dhe numrin 6. Provuam Sembene si numrin 6, por nuk e bëri dot. Provuam si numër 8 Isgandarlin dhe Buxhelajn. Në topin e dytë te goli i Bregut duhet të ishim më të kujdesshëm. Nuk është vendosje e keqe, por kapje në tranzicion.

    Kishim menduar një mënyrë të tillë loje. Nuk është hera e parë që Sembene luan si numër 6, ka luajtur edhe në Europë. Provuam, nuk eci ndoshta nga gjendja jo e mirë. Mehmeti nuk ishte në formën e duhur. Kote nuk preson fortë, ne na duheshin lojtarë që presonin fortë. Na duhej lojtarë me muskuj, prandaj bëmë këtë zgjedhje. Ndeshja mbaroi 1 me 3, por duhet të ishim më konkret para portës. Nëse Kazim dhe Skuka do ta kishin zgjidhur më mirë, do ishim duke folur ndryshe. Goli i Bregut ndryshoi rrjedhën e ndeshjes dhe përfunduam këtu ku jemi sot.

    Te goli i dytë ishte gabim pasi. Që 3 muajt e fundit jemi me 12-13 lojtarë, kemi improvizuar pafund. Lodhja e djemve që nuk ishin të saktë në kohën e presionit. Do të shikojmë çfarë do të ndryshojmë ndonjë gjë”, deklaroi Oltjon Kërnaja.

  • Tjetër pengesë për të kuqtë, mungesat “tronditin” Partizanin para Dinamos

    Tjetër pengesë për të kuqtë, mungesat “tronditin” Partizanin para Dinamos

    Gjendja te Partizani nuk është aspak e qetë në prag të takimit me Dinamon. Mungesat janë të shumta për trajnerin Kërnaja, i cili ndodhet para përgjegjësisë ku duhet të improvizojë mesfushën. Kartoni i verdhë i Rouen Hjumen i shkon Partizani-t në momentin më të papërshtatshëm. Fantazisti plotësoi numrin e tyre dhe për këtë duhet të mungojë.

    Doumbia është raportuar më parë se e ka mbyllur vitin, ndërsa duke u bërë bashkë me Hjumen si mungesë, atëherë problemi bëhet i madh. I vetmi që ka mbetur në mesfushën e preferuar të Kërnajës është Redon Ismaili. Po ashtu edhe Jata qëndron i dëmtuar dhe nuk mund të llogaritet. Një tjetër dëmtim që shqetëson jo pak është ai i Albion Markut. Një tjetër mungesë është ajo e Xhuliano Skukës me sulmuesin që ende vijon të ketë probleme fizike.

    LEXO ME SHUME:Egnatia bën një tjetër mrekulli, dy lojtarë drejt shitjes në janar për shumën e bujshme