Lajmet e fundit | Klikoje.al

Tag: Ilir Daja

  • Dinamo në vazon e dobët të Conference League, Ilir Daja kërkon përforcime

    Dinamo në vazon e dobët të Conference League, Ilir Daja kërkon përforcime

    Dinamo do ta nisë nga zeroja Europën. Pas 14 vitesh, skuadra fituese e Kupës së Shqipërisë, do të jetë e gjashta nga fundi në vazon e dobët të Conference League. Blutë kanë koeficient 1.575 dhe nuk shkojnë dot më lart, çka do të thotë se kundërshtarë do të kenë ekipe të forta, duke përfshirë edhe ato kosovare. Për të kaluar turin, Dinamo duhet të bëjë një heroizëm.

    Hera e fundit që kryeqytetasit luanin në kompeticionet e Kontinentit të Vjetër ishte sezoni 2010- 2011, kur eliminoheshin nga moldavët e Sheriff Tiraspol në raundin e parë të Champions League. Më pas, bluve iu desh të mbijetonin në kategoritë e ulëta të futbollit shqiptar për vite të tëra, derisa presidenti Bardhi vendosi të investonte në klub dhe në harkun e pak viteve e ktheu në situatën e sotme, duke fituar trofe, duke pretenduar titullin dhe nxjerrë lojtarë si Mandela apo Zabërgja, që pritet të shiten për shifra rekord.

    Ashtu si shumica e klubeve shqiptare, edhe Dinamo nuk ka ndonjë bilanc mbresëlënës në kompeticionet europiane, teksa në total, sipas arkivave, ka arritur të ekzekutojë vetëm dy kualifikime. Një në 2002-shin, kundër Kaunas në Champions, dhe një tjetër më 1989, në Kupën e Kupave kundër Chornomorets Odesa. Siç shihet në tabelë, në të gjitha rastet e tjera blutë kanë dështuar të kalojnë raundin e parë.

    SHANSI – Me krijimin e Conference League, për klubet shqiptare është bërë më e mundur të kalojnë ture dhe Dinamo do të provojë padyshim të shkruajë histori të re. Klubi blu do të mbajë të gjithë lojtarët aktualë dhe do të sjellë edhe disa përforcime për të synuar të përparojë sa më shumë dhe për të sjellë sa më tepër përfitime financiare në arkat e klubit.

    Fakti është se Ilir Daja ia di sekretet këtij kompeticioni (Conference League), sepse ka shkuar dy herë në grupe me Ballkanin e Suharekës, duke shkruar historinë e futbollit kosovar dhe mbarëshqiptar. Më parë, tiranasi ka arritur të kualifikohet në grupet e Ligës së Europës me Skënderbeun.

    LEXO ME SHUME:Vora bën “bingo” për 15 mijë euro siguron sulmuesin që shënoi 15 gola (FOTO)

  • Grushti ndaj Osmanit dhe sherri me tifozët e Vllaznisë, Ilir Daja dhe Ardian Bardhi e pësojnë keq nga Komisioni i Disiplinës

    Grushti ndaj Osmanit dhe sherri me tifozët e Vllaznisë, Ilir Daja dhe Ardian Bardhi e pësojnë keq nga Komisioni i Disiplinës

    Komisioni i Etikës dhe Disiplinës pranë FSHF ka bërë publike vendimet për javën e fundit në futbollin shqiptar. Këto vendime lidhen me Superioren, e deri te futbolli i moshave.

    Përsa i përket elitës, grushti që presidenti i Dinamos, Adrian Bardhi i dha drejtorit sportiv të Vllaznisë, Tefik Osmanit është dënuar me 6 ndeshje pezullim. Po me kaq ndeshje është pezulluar edhe trajneri i Dinamos, Ilir Daja.

    KOMISIONI I DISIPLINËS, VENDIMET

    Zyrtari i AF Elbasani, Armand Mehmeti, për sjellje josportive ndaj të zyrtarit të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.

    Zyrtari i FC Dinamo City, Ilir Daja, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 6 (gjashtë) ndeshje pezullim nga veprimtaritë.

    Zyrtari i FC Dinamo City, Adrian Bardhi, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 6 (gjashtë) ndeshje pezullim nga veprimtaritë. Në zbatim të nenit 6/2/b të KDE, zyrtarit i ndalohet hyrja në dhomat e zhveshjes dhe ambientet e brendshme të stadiumit, deri në përfundim të dënimit.

    Lojtari i KF Tirana, Akileu Ndreca, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.

    Lojtari i KF Pogradeci, Redon Raza, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.

    Lojtari i KS Burreli, Lorenxho Murra, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 5 (pesë) ndeshje pezullim nga veprimtaritë.

    LEXO ME SHUME:“Arenën do ta bëjmë Shkodër”, Alban Xhaferi karikon tifozët e Vllaznisë përpara finales me Egnatian

  • VIDEO/ Ilir Daja drejt konfrontimit me arbitrin Eldorjan Hamiti, stafi i sigurisë eviton përplasjen

    VIDEO/ Ilir Daja drejt konfrontimit me arbitrin Eldorjan Hamiti, stafi i sigurisë eviton përplasjen

    Dinamo nuk ia ka dalë në gjysmëfinalen e “Final Four”, teksa është eliminuar nga Vllaznia, pas humbjes 2 me 1 në “Arenën Kombëtare”. Të dy golat skuadra shkodrane i shënoi nga pika e bardhë e penalltisë, ndërkohë që në fundin e sfidës, tekniku i bluve, Ilir Daja, nuk është përmbajtur, teksa ka tentuar të konfrontohet me gjyqtarët.

    Kanë qenë forcat e sigurisë, ata që kanë shmangur një përplasje të mundshme, teksa nga video e siguruar nga Klikoje Sport,  trajneri Daja, shihet teksa ofendon gjyqtarin kryesor Eldorjan Hamiti. Duket se tekniku i Dinamos, ka mbetur totalisht i pakënaqur nga vendimet e lezhjanit dhe ndihmësave të tij.  

    VLLAZNIA-DINAMO 2-1

    Vllaznia siguron finalen e madhe të “Final 4” pas një përballjeje dramatike ndaj Dinamos. Skuadra e Brdaric është bërë finalistja e parë e edicionit 2024/25 në fazën përmbyllëse të kampionatit, të njohur si “Final 4”. Shkodranët siguruan një fitore të rëndësishme 2-1 në “Arenën Kombëtare” përballë Dinamos, duke hedhur një hap të madh drejt titullit kampion.

    Ndeshja nisi me intensitet të lartë dhe ritëm të shpejtë, ku të dyja skuadrat kërkuan që në minutat e para të vendosnin autoritetin e tyre në fushë. Pjesa e parë rezultoi e mbushur me emocione dhe polemika, veçanërisht për shkak të vendimeve të arbitrave. Gjyqtari Enea Jorgji akordoi tre penallti në total, dy prej të cilave në favor të Vllaznisë, të cilat u shndërruan në gol nga sulmuesi Bekim Balaj.

    Ndërkohë, një 11-metërsh i dhënë fillimisht për Dinamon u anulua pas ndërhyrjes së VAR-it, çka shkaktoi protesta nga lojtarët dhe stafi teknik i bluve. Falë dy realizimeve të Balajt nga pika e bardhë, kuqeblutë shkuan në pushimin mes pjesëve me epërsi të dyfishtë, duke marrë një avantazh të rëndësishëm psikologjik.

    Në fund, ishte Vllaznia ajo që festoi, duke marrë biletën për finalen e madhe të “Final 4”, ku do të ketë mundësinë të luftojë për titullin kampion të Shqipërisë. Dinamos, ndërkohë, i mbetet ngushëllimi i trofeut të Kupës së Shqipërisë, të fituar pak ditë më parë, si dhe kthimi në arenën europiane pas shumë vitesh mungesë.

    LEXO ME SHUME:Merr fund saga e vuajtjeve te Tirana, bardheblutë sigurojnë Superioren në frymën e fundit

  • Gjobë e majme për Ilir Dajën, Bylis dhe Laçi e pësojnë nga tifozët; Komisioni i Disiplinës zbulon vendimet e tjera

    Gjobë e majme për Ilir Dajën, Bylis dhe Laçi e pësojnë nga tifozët; Komisioni i Disiplinës zbulon vendimet e tjera

    Komisioni i Disiplinës ka vendosur të gjobitë me një shifër shumë të lartë trajnerin e Dinamos, Ilir Daja, pasi ky i fundit ka refuzuar që të paraqitet para kamerave pas ndeshjes së fundit të kampionatit që skuadra e tij humbi përballë Laçit. Daja është ndëshkuar me një gjobë 100 mijë lekë për këtë vendim të tijin, por njëkohësisht, Disiplina ka saktësuar se është klubi përgjegjës për këtë detyrim të teknikut.

    Sigurisht, nuk kanë munguar as gjobat për klube të tjera të Superiores ku janë shfaqur probleme me sjelljen e tifozëve si Bylis e Laçi, ashtu si edhe Apoloni a Lushnja në Kategorinë e Parë.

    KOMISIONI I DISIPLINËS

    1. FK Bylis, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë.
    2. KF Laçi për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë.
    3. Zyrtari i FC Dinamo City, Ilir Daja, për refuzimin e dhënies së intervistës në mënyrë të përsëritur, pas ndeshjes KF Laçi kundër FC Dinamo City, në bazë të neneve 3/c dhe 6/1/c të KDE, si dhe nenit 77 të Rregullores së Aktivitetit, dënohet me gjobë në shumën prej 100,000 (njëqind mijë) lekë.

    Në zbatim të nenit 6/5 të KDE, FC Dinamo City ka përgjegjësi solidare për mbulimin e detyrimeve monetare të zyrtarëve të klubit.

    4. FK Apolonia, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë. Sipas nenit 76/1/a të KDE, gjoba të aplikohet në masën 50%.
    5. KF Lushnja, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë. Sipas nenit 76/1/a të KDE, gjoba të aplikohet në masën 50%.
    6. FC Vlora Femra U-17, për mospërmbushje të detyrimeve dhe përgjegjësive duke shkaktuar braktisjen e ndeshjes së vlefshme të Kampionatit U-17 Femra, kunder Lushnja U-17 Femra, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/d të KDE, gjoba të aplikohet në masën 5%.
    7. KF Erzeni U-17, për braktisjen e ndeshjes së vlefshme të kampionatit Kategoria e Parë U-17, kunder Shkëndija Tiranë U-17, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
    8. Flamurtari FC U-14, për braktisjen e ndeshjes së vlefshme të kampionatit Kategoria e Parë U-14, kunder KF Vora U-14, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
    9. Loris B U-15, për braktisjen e ndeshjes së vlefshme të kampionatit Kategoria e Dytë U-15, Zona Rajonale Gjirokastër, kunder AS Luftëtari U-15, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%, Komisioni i Disiplinës.

    LEXO ME SHUMË:Te Flamurtari e djegin pas rikthimit në Superiore, Sinan Idrizi ia merr këngës, 100 të ftuar në drekën festive (video)

  • ” 30 vjet trajnim s’më ka ndodhur ndonjëherë kështu”, Ilir Daja ankohet pas barazimit me Teutën: Kishim rastet tona…

    ” 30 vjet trajnim s’më ka ndodhur ndonjëherë kështu”, Ilir Daja ankohet pas barazimit me Teutën: Kishim rastet tona…

    Dinamo ka siguruar matematikisht praninë në “Final Four” me barazimin ndaj Teutës por Ilir Daja e kishte më shumë mendjen pas sfidës te situata e skuadrës së tij që përballet me një krizë të pazakontë dëmtimesh.

    “Sot kemi filluar ndeshjen me një gol që mund të shmangej, sepse duhet të bllokonim më shpejt topin e dytë që u kthye. Pastaj kemi bërë një administrim topi, por nuk kemi pasur marshin e duhur, për faktin se para tre ditësh luajtëm në Shkodër. Sot ishte po i njëjti formacion që luajti. Besoj se kemi rastet tona, siç kishte Teuta të vetat. Për atë që prodhuam në lojë, edhe pse në pjesën e dytë e rritëm nivelin e performancës, për atë që prodhuam në lojë, mendoj se është më i drejtë barazimi.

    Kur të kemi të gjithë lojtarët në dispozicion se edhe ndërrimet i bëjmë me goxha vonesë se nuk kemi pozicione të dubluara. Kur të vijnë jo për t’u stërvitur, por në kondicion të duhur se kemi nja 4-5 për dëmtime. Lorran, Bregu dhe Dita, pa përmendur Malqiin në stol të dëmtuar me klavikul. Edhe Itodo ka bërë katër herë dëmtimin e nëse e sforcojmë mund të kalojë në fibrozë. Edhe Guadiabi që luajti sot, nuk është i rikuperuar ende plotësisht.

    Karramba nuk mund të vazhdonte më, Qefalija ishte me të verdhë dhe rrezikonte të dytin. Karramba minutazhin që ka, duke u konsultuar me stafin mjekësor, i morëm maksimumin, kështu që Gudiabi sakrifikoi se nuk është rikuperuar ende, ka një dëmtim që nëse i përsëritet prapë, mund të rrijë shumë gjatë jashtë fushave. Jemi të kënaqur me sakrificën e tij, jo me përformancën se nuk ka si të jetë në formën e tij më të mirë.

    Aliji? Nuk e di, se sa jemi futur dhe jemi ndërruar sepse shiu bëri të veten. Tani do të marr vesh se çfarë problemi ka Aliji. Besoj se do të jetë ndonjë kontraktim më shumë se ai nuk ka pushuar, duke u aktivizuar me ekipin kombëtar.

    Shumë dëmtime te Dinamo? Është viti i 30 në trajnim edhe pse jam ende i ri. Nuk më ka ndodhur asnjëherë kaq shumë dëmtime sa në këtë periudhë. Ka shumë arsye pse kanë ndodhur, shpresojmë t’i kemi në “Final Four”. Por ne e kemi thënë këtë gjë, por kemi luajtur gjithmonë me gjysmë ekipi se kemi pasur gjithë kohës prezent dëmtimet. Shpresojmë që jo vetëm t’i kemi fizikisht, por edhe në formë. Edhe ngarkesa e madhe që ka, plus që në janar nuk kishte fazë përgatitore që të kishte një luhatje ngarkesash, besoj që janë shumë faktorë që nuk mund të thuash është ky dhe e saktëson”, tha Daja për RTSH pas ndeshjes.

    LEXO ME SHUME:Dinamo dhe Teuta “lagen” për 1 pikë, në Elbasan fiton… mërzia (video)

  • Asnjë fitore këtë sezon me Bylisin, Ilir Daja mesazh lojtarëve të tij: Duhen 90 minuta të jemi të përqendruar

    Asnjë fitore këtë sezon me Bylisin, Ilir Daja mesazh lojtarëve të tij: Duhen 90 minuta të jemi të përqendruar

    Dinamo pret Bylisin nesër dhe ndeshja ka vlerë për javën e 28-të të Superiores. Dinamovitët nuk ia kanë dalë të fitojnë asnjë përballje me ballshiotët këtë sezon. Para ndeshjes ka folur trajneri Ilir Daja.

    “Kur bëjmë një humbje, përbën lajm. Besoj kemi pasur arsye pse kemi pasur pak oshilacione. Po të shikosh tabelën e klasifikimit, janë të ngjeshura ekipet, të ndara në pjesa e sipërme, mesme dhe e poshtme e saj. Oshilacione kanë pasur të gjitha ekipet, edhe për shkak të ndeshjeve të ngjeshura. Ajo që është pozitive për ne është fakti se vazhdojmë të jemi te pjesa e sipërme e tabelës. Kemi bërë një hap jo të mirë me Egnatian, por jemi brenda objektivave që ka klubi.

    Gjithmonë përballjet me Bylisin kanë rezultuar jo të mira për ne, ashtu sikurse ndaj disa ekipeve kemi bërë mirë. Është faza e fundit e kampionatit dhe të gjithë ekipet janë në objektiva. Është një fazë shumë e luftuar, na duhet të rikthehemi te fitorja. Do ta kemi të vështirë me Bylisin dhe duhet të jemi të përqendruar në 90 minuta dhe të gjithë bashkë në fazën e sulmit dhe të mbrojtjes.

    Duhet të shohim vetëm punën tonë, pastaj çfarë ndodh me ndeshjet e tjera. Kemi mungesa, por e kemi kontigjentin të bëjmë mirë. Duhet të tregohemi pragmatistë dhe të konsolidohemi në atë pozicion që kemi në tabelë. Bylisin nuk e kemi mundur këtë sezon, është e vërtetë, por ka ardhur kohë që të shkojmë drejt marrjes së 3-pikëshit. Janë 5 skuadra që nuk na kanë mundur dhe përsëri raporti është pozitiv. Bylisi është një kundërshtar shumë i fortë.

    Zabërgja dhe Nani? Zabërgja është golashënuesi i dytë më i mirë i skuadrës, vjen pas Mandelës, pastaj janë Bregu dhe Nani. Nuk është e thënë që sulmuesit të shkojnë te goli në çdo ndeshje, kanë edhe ata nga një dy-tre-javorsh jo. Shpresojmë të rikthehen te goli, sepse rikthimi i çdo sulmuesi te goli do të thotë që ne të kemi më shumë mundësi për të fituar”, u shpreh trajneri Ilir Daja.

    LEXO ME SHUME:Shpërfytyrim dhe turp! Dinamo i shënon katër gola, Tirana sheh në horizont Kategorinë e Parë (video)

  • “Ishim më efikas se Tirana”/ Ilir Daja i kënaqet fitores ndaj Tiranës: Pa kosto, dhe harxhim energjish nuk do të arrinim të merrnim maksimumin

    “Ishim më efikas se Tirana”/ Ilir Daja i kënaqet fitores ndaj Tiranës: Pa kosto, dhe harxhim energjish nuk do të arrinim të merrnim maksimumin

    Dinamo mposhti Tiranën me rezultatin 1-4 në “Elbasan Arena”. Derbi i fituar me përmbysje nga blutë, i ngjit ata në vendin e dytë.

    DEKLARATA E ILIR DAJËS

    “Ashtu siç e kishim përgatitur ne, dhe Tirana, por bënte dallimin që ne ishim më efikas në rastet që u paraqitën. Morëm fitore të merituar dhe me kundërshtar të fortë. Tirana luan goxha mirë futboll, derbi është derbi, ngjitemi dhe 1 shkallë në tabelën e klasifikimit. Këto ishin gjërat e përgjithshme në këtë derbi të sotëm.

    Uroj të gjithë besimtarë muslimanë për muajin e Ramazanit. Begati dhe çdo gjë të mirë në shtëpitë e tyre dhe të gjithë shqiptarëve. Ka kosto Nani, por është e barabartë sepse Përgjoni ishte në të njëjtin pozicion nga krahu tjetër i Tiranës. Luante vetëm në linjën e krahut. E kishim vendosur dhe të merrte topat pas shpine, pastaj në linjat e golit spostuam Bregun, Zabërgjën dhe Itodon. Pa kosto, harxhim energjish, nuk do të merrenim maksimumin e pikëve, për të vazhduar këtë linjë është kontributi shumë i madh i lojtarëve që drejtoj. Në 90 minuta luajnë fort në dy fazat e lojës.

    Mungesa e shumë lojtarëve te Dinamo, sidomos e bushtit, duke filluar nga kapiteni Dita, kemi pasur jashtë Tolin dhe Karambën, duke vazhduar te Itodo, është dëm i madh. Me ardhjen e tyre, në ndërrim futëm lojtarë të mirë si Toli, Jonuzi dhe Karamba. Shpresojmë të mos kemi dëmtime në vazhdimësi. Me aq minuta sa e mbajtëm Itodon në fushë nuk besoj se bëmë mirë. Ardhja e lojtarëve do rrisë rivalitetin, do na japë mundësi që të ndërhyjmë më shumë ndërrime, të bëjmë të njëjtën gjë si më përpara.

    Kur ngjeshen ndeshjet, ka anë  të mirë që mbajmë ngarkesat maksimale me ndeshjet dhe pastaj ulim kurbën çdo dy ditë, por do ishte mirë të bënim rotacion. Që të bësh rotacion, duhet ta kesh kontigjentin të gjithin në dispozicion. Çdo pikë është shumë e rëndësishme nga ky moment e mbrapa për objektivin që kemi”, u shpreh Daja për RTSH.

    LEXO ME SHUME:Shpërfytyrim dhe turp! Dinamo i shënon katër gola, Tirana sheh në horizont Kategorinë e Parë (video)

  • “Kualifikim me kosto”/ Ilir Daja pas kualifikimit në Kupë: Me vazhdimësinë duhet të jemi të kujdesshëm

    “Kualifikim me kosto”/ Ilir Daja pas kualifikimit në Kupë: Me vazhdimësinë duhet të jemi të kujdesshëm

    Dinamo arriti të kualifikohet në gjysmëfinalen e Kupës së Shqipërisë duke mposhtur Skënderbeun në shtesë me shifrat 4-0. Në përfundimin e takimit, trajneri i kryeqytetasve Ilir Daja doli në prononcim për mediat, ku theksoi se kualifikimi kishte goxha kosto nga an e energjisë së lojtarëve.

    “Natyrshëm nëse shkon në gjysmëfinale është mjaft mirë. Kualifikimi ka gjënë e mirë pasi me dy tre ndeshje mund të marrësh një trofe që është i dyti për nga rëndësia në Shqipëri. Kemi një kontigjent jo të plotë, duke luajtur me role të dubluara.

    Edhe sot Dita u fut i sforcuar kërkoi ndërrim në fundin e kohës së rregullt pasi ndjeu sërish problem. Kualifikim me goxha kosto, me vazhdimësinë duhet të jemi të kujdesshëm. Bregu ishte ndërrim i detyruar pasi ndjeu shqetësim. Që në pjesën e parë ndjeu shqetësim në muskuj, ndërsa

    Nani nuk kishte më fuqi të vazhdonte. Skënderbeu ka një kontigjent të mirë lojtarësh dhe shkoi në një fitore 2-0 në ndeshjen e parë. Motivimi i lojtarëve është pak i dobët kur shikon alternativat që janë në organikë. Në fund fare mund të ishin eliminuar pasi golin e shënuam në fundin e pjesës së dytë. Mund të ishim skualifikuar se golin e kemi shënuar në minutat e fundit të pjesës së dytë”, u shpreh Daja për RTSH.

     

  • “Ka ardhur koha të fitojmë”/ Ilir Daja mesazh lojtarëve të Dinamos për sfidën ndaj Laçit: Është kundërshtar i vështirë, do të futemi në fushë…

    “Ka ardhur koha të fitojmë”/ Ilir Daja mesazh lojtarëve të Dinamos për sfidën ndaj Laçit: Është kundërshtar i vështirë, do të futemi në fushë…

    Ilir Daja, trajneri i Dinamos ka folur për takimin, që ekipi dinamovit do të luajë këtë të premte përballë Laçit në sfidën e vlefshme për javën e 26-të të Superiores. Ndeshja që do të zhvillohet në stadiumin “Elbasan Arena”, nis në orën 15:00.

    Në prag të këtij dueli ka folur dhe trajneri i dinamovitëve, Ilir Daja. Ky i fundit thekson se ka ardhur momenti që ekipi i tij të kthehet te fitorja. Ndër të tjera, Daja vlerëson maksimalisht Laçin duke thënë se kurbinasit kanë bërë mjaft mirë kohët e fundit.

    “Ka ardhur koha që të kthehemi te fitorja. Jam një trajner që dua t’i shoh gjërat me optimizëm. Nuk kemi bërë mirë javët e fundit për shkak të disa elementëve që janë bërë publike tashmë. Por jemi në vend të tretë dhe me rikthimin e lojtarëve të dëmtuar situata është më e mirë. Kjo duket edhe në stërvitje.

    Plotësimi i grupit ka ndikimin e vet, sepse secili lojtar jep maksimumin për të pasur pozicionin e vet si startues, apo edhe të jetë afër lojës. Lojtarët e rikthyer nuk janë në 100% të tyre, por jemi më mirë se një javë më parë.

    Laçi ka bërë shumë mirë, sidomos në 2025-ën, ka disa fitore dhe një humbje. Ka një manovër të konsoliduar në të dyja fazat e lojës dhe kjo është edhe meritë e stafit teknik të Laçit. Është kundërshtar i vështirë, sepse punojnë të 11 lojtarët në fazën e mbrojtjes dhe të sulmit. Ka edhe pika jo të forta, si çdo skuadër.

    Ne kemi një kontigjent të gatshëm që të përballemi me çdo ekip, pavarësisht rezultateve të fundit. Do të jetë e vështirë taktikisht, por do të futemi në fushë me idenë për të shkuar drejt fitores, sepse ky rezultat do të na bënte punë për vazhdimësinë”, është shprehur Ilir Daja.

    LEXO ME SHUME:“Të jemi të fokusuar dhe të disiplinuar”, Veselinovic nuk i zë besë Bylisit: Jam i bindur se nesër sulmuesit do të shënojnë…

  • “Arbitri prishi spektaklin e ndeshjes”, Ilir Daja kapet me Kreshnik Bajramajn: Kam 4-5 muaj që nuk e kam pare…

    “Arbitri prishi spektaklin e ndeshjes”, Ilir Daja kapet me Kreshnik Bajramajn: Kam 4-5 muaj që nuk e kam pare…

    Ilir Daja, trajneri i Dinamos, ka qenë shumë i pakënaqur me gjykimin në barazimin pa gola ndaj Vllaznise, duke theksuar se kryesori Kreshnik Barjamaj kishte prishur ndeshjen dhe se FSHF duhej të kishte caktuar një gjyqtar tjetër për këtë duel.

    DEKLARATA E ILIR DAJËS

    PROBLEMET- “Ne kemi pasur problemet tona. Kemi arritur gjithato rezultate me kontingjent që e kemi përballuar goxha mirë kampionatin. Kur të mungojnë lojtarët kryesorë, nuk mund të performosh në të njëjtën mënyrë. Ndeshjet me Vllazninë janë gjithmonë të bukura sepse luan hapur.

     

    ARBITRI-Do të thosha që sot, këtë spektakël e prishi arbitri. Nuk kam folur ndonjëherë për arbitrat, sot ishte një arbitër që nuk e di pse duhet të mbajë ndeshjen më të rëndësishme. Të marrë karton të verdhë se dakord i dyti ishte, por për dylyftim trup më trup në mesfushë, kur deri atëherë ishin 3 kartonë për kundërshtarin. Nuk e ndihmon spektaklin kjo gjë. Në ndeshje kaq të rëndësishme, të fillosh me këtë start shumë e vështirë. Dhe në suprioritet, kishim harxhuar gjithato energji për të mbajtur Vllazninë. Këtë spektakël e prishi niveli i gjykimit. Nëse doni ia u jap të gjitha me video dhe fakte se nuk mundet dot kur luftojnë dy ekipe për pjesën sipër të tabelës, të jesh në minutën e 20 me lojtar më pak. Do i kërkoja federatës, që janë 4 arbitra ndërkombëtare. Unë kam 4-5 muaj që nuk e kam parë të arbitrojë ky, në ndeshjen kryesore merremi me këtë punë. Harxhojmë energji kot me këto gjëra. Ai spektakël që mund të ishte mes dy ekipeve që pëlqejnë lojën e hapur, kthehet në lojë që një pjesë mbrohet Vllaznia dhe një pjesë ne.

     

    BRUNO DITA-Dhe Dita që u hodh në lojë, më shumë sakrifikoi se ishte i gatshëm 100% për t’u hedhur në lojë. Na duheshin sulmues, spostuam Bregun në atë linjë. Kur ne dolëm superiorë duhet të kishim marrë më tepër vijën fundore me situatën 1 kundër 1, që të kishim më shumë shanse para portës. Lojtarët e tjerë që kisha në stol, nuk ishin të gatshëm për lojë të tillë.

    MERKATO NE JANAR-Do doja ndërhyrje në janar, për të rritur rivalitetin brenda. Për të ulur ngarkesën e lojtarëve që deri në janar kanë përballuar 90 minutshet, por që nuk arritëm dot. E kompenson që nuk patëm lojtarë në dalje, si Zabërgja dhe Itodo, se do kishim më pak hapësira. Këtë e bëmë me presidentin, me mirëkuptim zgjidhëm që të forcohemi me këto lojtarë deri në periudhën e verës, u shpreh Ilir Daja.

    LEXO ME SHUME:Tre kartontë të kuq dhe raste të shpërdoruara, Vllaznia-Dinamo mbyllet mes tensionit (video)