Tag: Orges Shehi

Kampionë e nënkampionë në dy edicionet e fundit, por fakti që nuk arriten dot te mbronin titullin pritet të shkaktojë një revolucion te të kuqtë. E para do të ketë largime me peshë dhe e dyta sepse tekniku Orges Shehi për herë të parë që kur ka mbërritur do të përfshihet në merkato me kërkesa sipas nevojave të tij.

Në merkato janë kërkuar katër lojtarë: dy mbrojtës krahu e dy qendre, por gjërat mund të ndryshojnë në varësi të daljeve. Pikërisht kështu sepse Gueye Maguette dhe Arinaldo Rrapaj janë të destinuar ti thonë lamtumirë Partizanit. Shkatërruesi është një hap larg transferimit te Villareal, ndërsa fantazisti sezonin e ardhshëm do të luajë në Belgjikë, edhe pse nuk specifikohet ende klubi i tij i ri.

Nikulic është jashtë planeve të Shehit dhe është lënë i lirë, ndërsa me të ardhurat, që nuk do të jenë të vogla, nga Maguette dhe Rrapaj, do të ndërhyhet në merkato. Xhuliano Skuka do të rikthehet te Metz pas huazimit, por klubi ka ndërmend të tentojë një tjetër sezon, këtë herë të plotë për qendërsulmuesin, që e mbylli kampionatin në rritje. Në skadence kontrate janë tre lojtarë, qendërmbrojtësi Sota, mbrojtësi i majtë Atanaskoski dhe Zekolli.

Orges Shehi e ka cilësuar të merituar kalimin e skuadrës së Partizanit në finalen e kampionatit. Trajneri i të kuqve, ka theksuar pas sfidës ndaj Skënderbeut se e kënaqte me shumë fakti që skuadra kishte vazhdimësi.

FITORJA-Kjo ishte fitorja e 6-të, kërkoja nga skuadra të vazhdojë me këtë ritëm e të ketë ekuilibër. Disa elementë ndryshojnë në bazë të kundërshtarit, por vazhdimësia të jep besim se në 6 ndeshje kemi shënuar 10 gola e pësuar 1. Besimi i madh do përqendrim, se ndoshta lirohesh pak dhe humb përqendrimin se dihet që finalet janë me një takim. Por vijmë në këtë finale me performancë të mirë dhe besim.

NDESHJA-Këtë jave e kemi përgatitur me qetësi, e kemi përgatitur si derbi, me qetësi dhe përqendrim. E kam thënë edhe në konferencë që skuadra tregon qëndrueshmëri dhe mentalitet. Kjo ndihmon të qenit pretendent dhe favorit, si të tillë u sollën lojtarët sot. Më vjen mirë që kanë këtë mentalitet, fanella që mbajmë mbi supe na ndihmon të jemi gjithmonë aty ku duhet.

KUNDËRSHTARI-Faktikisht ka qenë ndeshje me siklet, se kur luan për barazime ndoshta shërben për anën negative. I kërkova skuadrës të jenë në ekuilibër, të mos pësojmë kurrë, të bllokonim aksionet e tyre, sidomos me qendërmbrojtësit. E kemi zgjidhur mirë, duke detyruar që të binin top të gjatë dhe e kishim më kollaj. E kisha frikë vetë këtë ndeshje se kur ke dy rezultate ndoshta të kthehet negative.

EGNATIA APO VLLAZNIA- Të dyja të forta janë. Finalja është finale, kështu që nuk kam ndonjë preferencë kush del. Por nuk besoj se do të jetë një ndeshje e shtrënguar, do jetë që dy skuadrat duan ta fitojnë, Ta shohim kush do të na bashkohet në finale”, tha Shehi për “MCN” pas ndeshjes.

Partizani do të luajë përballë Skënderbeut, gjysmëfinalen e parë të “Final 4”. Sfida që do të zhvillohet më 17 maj në stadiumin “Air Albania”, do të startojë në orën 20:00. Një ditë para kësaj sfide mjaft të rëndësishme, ka folur para mediave trajneri i “Demave”, Orges Shehi. Ky i fundit ka treguar gjendjen e ekipit si dhe vlerëson Skënderbeun maksimalisht.

PARTIZANI- Pas 36 javëve jemi munduar që të rifreksonim pak skuadrën me disa minuta më pak në ndeshjen e fundit. Gjatë kësaj periudhe kemi punuar të riaftësojmë me grupin Taipin dhe Carën , të cilët i janë bashkuar skuadrës. Ekipi është i plotë dhe i përqendruar për takimin e nesërm. Na mungon edhe një seancë stërvitore që do të zhvillojmë sot dhe pastaj do të vendosim përfundimisht se kush do ta filloj ndeshjen nga fillimi dhe kush jo.

SKËNDERBEU-Në këtë pikë ne do ta vlerësojmë Skënderbeun si skuadër që është renditur e katërta, që ka objektivat e veta dhe është një skuadër që ne kërkojmë ta mundim për të shkuar në finale.

BARAZIMI-Nuk është se na favorizon shumë por duhet ta kemi si pikë orientimi për të mos ulur dozën e përqëndrimit , vlerësimit dhe motivimit. Në futboll gjithçka ndodh dhe nuk duhet ta mendojmë që edhe me barazim kalojmë në finale. Objektivi ynë i vetëm është që të jemi në finalen e 26 Majit.

ATMOSFERA E TIFOZËVE-Ata janë lojtari ynë i 12-të. E kam thënë edhe herë të tjera, gjej rastin ti falenderoj sepse edhe kur s’kemi qenë aty ku duhet ata kanë qenë gjithmonë në nivelin e tyre, gjithmonë prezent. Kam besim që nesër do të jenë si përherë në mbështetje të skuadrës. Nuk e di se çfarë efekti do të ketë atmosfera e tyre te Skënderbeun, por te ne është e sigurtë që ka efekt shumë të  madh.

Partizani do të luajë këtë të shtunë përballë Erzenit në shtëpi, ndeshjen e vlefshme për javën e 36-të, pra të fundit të kampionatit të këtij sezoni. Një ndeshje mjaft e rëndësishme për “Demat” të cilët kërkojnë fitoren me doemos për të mbajtur vendin e dytë, vend i cili ka avantazhe në Final 4. Pikërisht për këtë ndeshje, por edhe për kontratat e lojtarëve ka folur trajneri, Orges Shehi.

NDESHJA– Fitorja është fitore dhe sigurisht që ndikon në rritjen e moralit dhe kur është në vazhdën e një vazhdimësie të mirë. Kemi marrë maksimumin dhe vendin e dytë atë që kemi dashur prej kohësh. Nesër na duhet një tjetër sforco për të mbyllur 36 javë kampionati dhe për të nisur ciklin e Final 4. Ne e dinim që kjo javë e fundit e kampionatit do të kishte ngjeshje.

ROTACIONI-Jemi munduar që të bënim një rotacion të pjesshëm pa e prishur strukturën e skuadrës. Nesër mund të kemi 3 ose 4 prurje të reja, por pa prishur fizionominë e skuadrës, na rikthehet edhe Maguette që ishte i pezulluar me kartona”, u shpreh fillimisht Shehi.

ERZENI DHE KUKËSI-“Janë dy skuadra që për fatin e tyre të keq kanë zbritur një Kategori më poshtë. Kanë karakteristika të ndryshme. Ndaj Kukësit ishim në transfertë, ndërsa nesër do të luajmë në shtëpi. Por kjo nuk e bën aspak të lehtë, pasi mendoj se Erzeni ka në përbërje lojtarë me më shumë cilësi se Kukësi, ka lojtarë që shumë mirë mund të luajnë në çdo skuadër. Kur përballesh me elementë cilësorë duhet të jesh i kujdesshëm”.

RIKTHIMET-Por në këtë pjesë të rëndësishme të kampionatit të na rikthehen të gjithë si Cara dhe Taipi që nuk janë bashkuar me grupin”.

KATËR FITORET RADHAZI-“Në konfigurim apo në atë që shfaq skuadra në fushë, ndikojnë edhe lëvizjet e trajnerëve. Kurse në këtë pjesë të rëndësishme ne na vjen mirë që vijmë me një seri fitoresh. Nesër duhet të bëjmë maksimumin për të marrë fitoren nesër dhe kjo përkon me fundin e kampionatit. Skuadra nuk është e ngurtë, pasi kur nuk arrin të fitosh, skuadra ngurtësohet. Dhe me fitoren e nesërme shpresojmë mos ta kemi këtë problem. Futemi në një fazë që edhe fati ka pjesën e tij”.

Sa i rëndësishëm është avantazhi vendit të parë dhe të dytë për barazimin në gjysmëfinale të Final 4?

“Pozicionimi në pjesën e dytë është një nga objektivat duke patur parasysh dhe formulën, por kjo nuk është se të vendos në gjumë. Nesër duhet të fitojmë. Kjo pyetje i përkon ndeshjes që do të vijë, jo Erzenit”.

LOJTARËT NË SKADENCË KONTRATE-“Unë mendoj se Sota dhe të gjithë janë të kënaqur te Partizani. Nga klubi nuk kam dëgjuar që mund të ketë dyshime për rinovimet, mund të jetë çështje burokratike për të firmosur ndonjë dokument. Këta janë lojtarët që janë pjesë e kontigjentit dhe janë pjesë e rëndësishme jona dhe nuk mendoj që të ketë mosakordin në firmosjen e kontratave të reja”. Përfundoi Orges Shehi.

LEXO MË SHUMË: Skënderbeun e dënon një ish-futbollist, Partizani siguron “Final 4” pas fitores 1-0 (video)