9
Rey Manaj protagonist absolut në Turqi! Sulmuesi shqiptar ka realizuar dy gola në përballjen mes Sivassporit dhe Pendiksporit, duke i dhënë skuadrës së tij një avantazh të dyfishtë.
Bomberi kuqezi zhbllokoi rezultatin në minutën e 21-të, pas një aksioni në zonën kundërshtare. Manaj kontrolloi saktë topin, u rrotullua bukur dhe goditi diagonal, duke e dërguar sferën në rrjetë.Sulmuesi shqiptar nuk u ndal me kaq. Në minutën e 55-të, ai gjeti sërish rrugën drejt golit, duke dyfishuar shifrat për Sivassporin dhe duke konfirmuar formën e tij në këtë sfidë të kampionatit turk.
Me këtë dopietë, Rey Manaj bëhet figura kryesore e takimit, ndërsa Sivasspori hedh një hap të rëndësishëm drejt një rezultati pozitiv përballë Pendiksporit.