Dinamo dështon në një tjetër objektiv, sulmuesi prezantohet te kuqezinjtë

152

Dinamo nuk arrin dot objektivin madhor. Almir Kryeziu është zyrtarisht futbollisti më i ri i Shkëndijës së Tetovës, duke realizuar një nga goditjet më të rëndësishme të merkatos verore për nënkampionët e Maqedonisë së Veriut.

Sulmuesi 27-vjeçar mbylli bashkëpunimin me Ballkanin si lojtar i lirë dhe ishte një nga emrat më të kërkuar në treg. Për shërbimet e tij u interesua seriozisht edhe Dinamo, me trajnerin Ilir Daja që e vlerësonte maksimalisht potencialin e sulmuesit.

Megjithatë, palët nuk arritën një marrëveshje dhe Kryeziu vendosi të vijojë karrierën te Shkëndija, e cila siguron një përforcim me shumë peshë në prag të sezonit të ri. Dinamo do të përpiqet të gjejë profilin e duhur në prag të kualifikueseve të Conference League.

LEXO ME SHUME:Bratu zgjedh të paprekshmit te Partizani, dy mesfushorët në shitje