Lajmet e fundit | Klikoje.al

Tag: Ballkani

  • U largua disa javë më parë nga Partizani, Ballkani firmos me ish-lojtarin e kryeqytetasve (FOTO)

    U largua disa javë më parë nga Partizani, Ballkani firmos me ish-lojtarin e kryeqytetasve (FOTO)

    Ballkani ka gjetur marrëveshjen me Alfred Mensah, sulmuesin që sezonin e kaluar ishte pjesë e Partizanit në Superiore. Kampionët nga Suhareka, e bënë të ditur firmën me lojtarin ganez nëpërmjet një njoftimi në faqen e tyre zyrtare në rrjetet sociale.

    Një përforcim shumë i rëndësishëm ky për Ballkanin që pret të nisë sezonin e ri dhe që gjithashtu vijon garën në Conference League, aty ku përballet me iralndezo-veriorët e Larne e që u mposht në ndeshjen e parë në shtëpi me rezultatin 0-1. Kujtojmë se në karrierën e tij, Mensah është aktivizuar edhe me Skënderbeun ndërsa për herë të parë 25-vjeçari do të provojë një aventurë në Kosovë.

  • Rrokadë trajnerësh, Orges Shehi futet në skenë dhe i “rrëmben” stolin e Ballkanit Ilir Dajës

    Rrokadë trajnerësh, Orges Shehi futet në skenë dhe i “rrëmben” stolin e Ballkanit Ilir Dajës

    Ilir Daja duket gjithnjë e më larg Ballkanit. Trajneri i cili shpalli klubin nga Theranda 3 vite radhazi kampion të Kosovës, duket se ka vendosur të ndajë rrugët me ta, për t’u rikthyer në Superiore.

    Në rast se kjo e fundit ndodh, Daja do të merrte drejtimin e Dinamos, pasi është një dëshirë e madhe e presidentit Bardhi. Por, në skenë tashmë është futur edhe Orges Shehi, i cili është pa ekip që pas shkarkimit nga Partizanit.

    Sipas shtypit të shkruar, Shehi mund të merrte vendin e Dajës te Ballkani, duke bërë një “rotacion” në pankina. Në rast largimit të 57-vjeçarit, Daja, Ballkani do të konsideronte Shehin si kandidatin kryesorë për ta ulur në pankinë, pas eksperiencave te Skënderbeu, Kukësi dhe Tirana dhe së fundmi “Demat”.

  • Ballkani vazhdon aventurën europiane me ekspertin Ilir Daja, fitore e pastër dhe gjen kundërshtarin modest

    Ballkani vazhdon aventurën europiane me ekspertin Ilir Daja, fitore e pastër dhe gjen kundërshtarin modest

    Ballkani ka mposhtur me rezultatin 0-2 Hamrun në transfertë. Kështu suharekasit kanë siguruar kalimin në turin e tretë të Conference League.

    Ndeshja u vendos me golat në pjesën e dytë. Fillimisht në minutën e 64 ishte Hamidi që përfitoi nga gabimi i portierit maltez. Më pas Karrica në minutën e 75 vulosi takimin me penallti.

    Ky nuk ishte kualifikim i lehtë për Ilir Dajën dhe të tijët. Kjo pasi kujtojmë se ndeshja e parë në Kosovë u barazua 0-0.  Një sukses i rëndësishëm për kampionët e Kosovës, të cilët tashmë, në raundin e tretë do të luajnë ndaj Larne, skuadrës nga Irlanda e Veriut që është një kundërshtar shumë i njohur, me skuadrën e ilir Dajës që edicionin e kaluar e mposhti me rezultatin e përgjithshëm 7-1.

  • Partizani “tradhtohet” nga sulmuesi, firmos me kampionët: Kam bërë zgjedhjen e duhur (FOTO)

    Partizani “tradhtohet” nga sulmuesi, firmos me kampionët: Kam bërë zgjedhjen e duhur (FOTO)

    Alfred Mensah do të vazhdojë karrierën tek kampionët e Kosovës, Ballkani. Përmes një postimi në rrjetet sociale, sulmuesi ganez ka falenderuar drejtorët, trajnerët, shokët e skuadrës si dhe tifozët e Partizanit.

    “Drejtuar klubit të dashur të futbollit, Partizanit. Në këtë ditë dua të falenderoj bordin drejtues, trajnerët dhe shokët e mi të mrekullueshëm të skuadrës dhe sigurisht edhe tifozët. Faleminderit për eksperiencën duke u ndjerë pjesë e një familje kaq të madhe, kam qenë shumë i lumtur këtu, më bëtë të ndjehem si në shtëpi. Ka qenë kënaqësi dhe nder të luaja për këtë klub dhe të fitoja SuperKupën e Shqipërisë si dhe të luaja në Europë. Bëra zgjedhjen e duhur, po marr me vete kujtime të bukura dhe paharrueshme”, shkruan ai.

  • Në Kosovë nisin kritikat për Ilir Dajën, shkaktar është futbollisti brazilian

    Në Kosovë nisin kritikat për Ilir Dajën, shkaktar është futbollisti brazilian

    Në Kosovë kanë filluar kritikat e para për Ilir Dajën. Pas eleminimit në raundin e parë të Champions League ndaj ekipit nga Andorra Santa Coloma-s dhe barazimit në ndeshjen e parë ndaj Hamrun, mediat shkruajnë për lojën e dobët dhe për mos aktivizimin e futbollistit Giovanni Ribeiro.

    Sulmuesi brazilian erdhi në merkaton e verës me bujë të madhe, madje vlera e kartonit shkon në 900 mijë euro, por 22-vjeçari nuk është aktivizuar asnjë minutë nga tekniku Daja në Kupat e Europës, çka ka bërë që opinioni sportiv të kundërvihet ndaj teknikut.

  • “Kundërshtari nuk ka rrezikoi asnjëherë”, Ilir Daja tregon çfarë nuk funksionon te Ballkani: Janë larguar 7 lojtarë, tentojmë kualifikimin

    “Kundërshtari nuk ka rrezikoi asnjëherë”, Ilir Daja tregon çfarë nuk funksionon te Ballkani: Janë larguar 7 lojtarë, tentojmë kualifikimin

    Klubi i Ballkanit po shfaq në këtë sezon në Europë një formë krejtësisht ndryshe nga ajo e viteve të mëparshme ku siguroi fazën në grupe të Ligës së Konferencës. Kampionët e Kosovës nuk ia kanë dalë të fitojnë as ndeshjen e sotme në shtëpi përballë Hamrun të Maltës duke vënë në dyshim kualifikimin. Pas përfundimit të ndeshjes, trajneri Ilir Daja

    “Një ekip që është kompozuar, në muajt e fundit janë larguar 7 lojtarë, nëse e shikojmë qe 1 vit, janë larguar një formacion i tërë. Sot kishim shanset për të shënuar, kishim një penallti të humbur, kundërshtari nuk na rrezikoi asnjëherë”, tha fillimisht Daja për RTK.

    “Kemi ndryshime nga ndeshja me Santa Coloman, e kemi kontrolluar gjithë lojën, niveli i ekipit maltez ishte më i lartë se ai nga Andorra. Do luftojmë për këtë kualifikim, kemi shanset 50-50, do ta tentojmë edhe në ndeshjen e dytë një rezultat që na kualifikon”, vazhdoi ai.

  • Ballkani më hap kampioni në Europë, fiton në frymën e fundit, zhgënjen Deçiç (video)

    Ballkani më hap kampioni në Europë, fiton në frymën e fundit, zhgënjen Deçiç (video)

    Ballkani ka nisur me fitore fushatën eliminatore të Ligës së Kampionëve, teksa ia ka dalë të triumfojë me rezultatin 1-2 me përmbysje ndaj skuadrës nga Andorra, Santa Coloma.

    Vendasit gjetën golin në minutën e 22-të me anë të El Ghazoui, megjithatë skuadra nga Theranda ia doli të rikthejë baraspeshën në fundin e pjesës së parë, kur Emërllahu ekzekutoi saktë një penallti.

    Golin e fitores skuadra e Ballkanit e gjeti vetëm në minutën e 90’ me anë të Bernard Karricës, i cili vulosi suksesin 1-2 për skuadrën e drejtuar nga Ilir Daja, që tashmë ka hedhur një hap të madh drejt kalimit në turin tjetër në Champions League. Zhgënjeu ndërkohë në performancën e parë në Europë skuadra tjetër shqiptare, ajo e Malit të Zi, Deçiç, që u mposht me rezultatin e thellë 3-0 në transfertën uellsiane ndaj TNS-së, teksa përmbysja duket mision i pamundur.

  • Ballkani bën “bingo”, transferon lojtarin i dalë nga akademia e Vllaznisë (POSTIMI)

    Ballkani bën “bingo”, transferon lojtarin i dalë nga akademia e Vllaznisë (POSTIMI)

    Ballkani ka prezantuar afrimin e tyre më të fundit, mesfushorin Uheid Hoxha.23-vjeçari edhe më parë ka qenë pjesë e futbollit kosovar, ku sezonin e fundit luajti te skuadra Pheonix.

    Hoxha ka dalë nga akademia e Vllaznisë, dhe është aktivizuar me klubin shkodran, duke u transferuar më pas në klube si Besa, Teuta apo Burreli në Kategorinë e Parë.

  • Ballkani bën bingo, transferon ish-futbollistin e Vllaznisë (EMRI)

    Ballkani bën bingo, transferon ish-futbollistin e Vllaznisë (EMRI)

    Geralb Smajli është zyrtarisht një futbollist i Ballkanit. Prej ditësh lojtari ka zhvilluar fazën përgatitore me kampionët e Kosovës duke luajtur edhe në miqësore, por vetëm sot ka ardhur zyrtarizmi final nga klubi.

    “Të dashur tifozë, Skuadra jonë është përforcuar në krahun e djathtë edhe me një mbrojtës fantastik. Geralb Smajli, i cili ishte pjesë e Vllaznisë së Shkodrës, tashmë është veshur portokall e zi, duke nënshkruar kontratë me FC Ballkanin deri në vitin 2028.

    Ardhja e Geralbit do të jetë armë shtesë e jona në rrugëtimin evropian si dhe edicionin e ri të Superligës. Futbollistit i urojmë sa më shumë suksese, drejt objektivave tona të përbashkëta”, shkruan klubi.

    Smajli lë Vllazninë, skuadër nga ku nisi karrierën si futbollist dhe shkëlqeu me fanellën kuqeblu në Superiore. Mbrojtësi i djathtë ishte dëshirë e shumë klubeve, por Ballkani ia doli të rrëmbente firmën e tij.

  • Nazmi Gripshi transferohet te rivalët e Ballkanit, sulmuesi “tradhton” Ilir Dajën

    Nazmi Gripshi transferohet te rivalët e Ballkanit, sulmuesi “tradhton” Ilir Dajën

    Nazmi Gripshi do të jetë lojtari më i ri i Suharekës. Ky transferim i bujshëm është raportuar nga mediet lokale në Kosovë.

    Mesfushori la Ballkanin, ndërsa do të mbetet sërish në Suharekë. Kujtojmë se klubi i Suharekës siguroi ngjitjen në Superligë për sezonin e ardhshëm.

    Gripshi ishte pjesë e Ballkanit prej vitit 2020. Aty shkruajti historinë bashkë me pjesën tjetër të klubit ku u fituan 3 tituj kampion dhe 2 herë pjesëmarrje në Conference League.

    Sezonin e fundit kishte si trajner Ilir Dajën. Në të ardhshmin do të ketë sërish një njohës të mirë të futbollit shqiptar, pikërisht Shpëtim Duron.