Shqipëria nuk shkon më shumë se një barazim 1-1 ndaj Letonisë, përballja e katërt e Grupit K në kualifikueset e Kupës së Botës 2026. Një sfidë që nisie ndërlikuar për kuqezinjtë që e kishin shumë të vështirë të organizoheshin. Në minutën e 18’ penallti për Letoninë! Pas një kundërsulmi të shpejtë të vendasve, Gutkovskis rrëzohet në zonë pas një kontakti me Kumbullën dhe gjyqtari bën shenjë nga pika e bardhë.
Në këtë situatë Strakosha mbajti në lojë kuqezinjtë duke pritur penalltinë. 11 minuta më pas, Shqipëria shënoi golin e avantazhit me Rey Manaj. Në momentin që pritej përfundimi i pjesës së parë, Çernomordijs, mbrojtësi letonez në atë goditje me kokë mposht Strakoshën. Në pjesën e dytë, pati një dominim të Shqipërisë në posedimin e topit dhe në mundësitë që krijoi, por nuk u treguan të saktë. Shqipëria renditet në vendin e dytë me 5 pikë, ndjekur nga Serbia dhe Letonia me 4 pikë.
KRONOLOGJIA E NDESHJES
45’+4’ Kuqezinjtë e pafat! Pas një goditje të shpejtë nga këndi, Çernomordijs me kokë mposht Strakoshën.
45’+4’ Pas një goditje këndi, topi qarkullon rrezikshëm në zonë dhe vendasit i afrohen golit.
45’ Jepen 5 minuta shtesë.
44’ Harkime radhazi në zonën e Strakoshës, Kumbulla dhe Ismajli ia dalin të spastrojnë rrezikun duke mos lejuar gjuajtje të kundërshtarëve.
40’ Faull i Ismajlit ndaj Gutkovskis në kufijtë e zonës, kuqezinjtë shpëtojnë nga një penallti e mundshme. (VIDEO)
36’ Pas zhvillimit të një goditje nga këndi, topi shkon te Asllani i cili lëshon një gjuajtje të fortë nga jashtë zonës, pa gjetur katërkëndorin. (VIDEO)
36’ Broja në të djathtën vallëzon mes mbrojtësve e më pas fiton një goditje këndi.
29’ GOOOL SHQIPËRIA! Pas një harkimi të Hoxhës nga e majta, topi shkon drejt Manajt, devijohet nga sulmuesi pas prekjes së Çernomordijs dhe shkon në rrjetë.
21’ Pret Strakosha gjuajtjen e Ikaunieks!
18’ Penallti për Letoninë! Pas një kundërsulmi të shpejtë të vendasve, Gutkovskis rrëzohet në zonë pas një kontakti me Kumbullën dhe gjyqtari bën shenjë nga pika e bardhë.