23
Ndeshja mes Tiranës dhe FC Dinamos pritet të zhvillohet në qytetin e Durrësit, në stadiumin “Niko Dovana”.
Sipas informacionit paraprak, zhvendosja e takimit kushtëzohet nga punimet për mbjelljen e fushave në stadiumet “Air Albania” dhe “Selman Stërmasi”, çka mund të bëjë të pamundur zhvillimin e sfidës në kryeqytet.
Në këto kushte, stadiumi “Niko Dovana” në Durrës shihet si alternativa për të pritur përballjen mes dy skuadrave kryeqytetase, në një derbi që pritet të tërheqë vëmendjen e tifozëve.