Category: Sport

Francezi shpjegon më të ej si kur mori vesh lajmin që ishte pozitiv, ishte një goditje e fortë psikologjike

ITALI-Në mesin e lojtarëve të Serisë A të prekur drejtpërdrejt nga koronavirusi ishte edhe Blaise Matuidi, i cila pas një frike të madhe sot mund të thotë se ai më në fund është jashtë makthit pas tamponit të fundit negativ më 15 Prill. Mesfushori i Juventusit foli për përvojën e tij me virusin famëkeq në kanalin “Bros Stories” në Youtube: “Sinqerisht ishte e vështirë. Kur isha pozitiv, as nuk mund të dilja për të bërë pazar dhe atëherë kur fillova përsëri të dilja isha me fiksime. Duhet të të sigurohesha që njerëzit nuk ishin shumë afër meje. Duhet të jesh shumë i fortë mendërisht. Do të marrë kohë, kjo është një situatë e re për të gjithë ne.”

Francezi shpjegon më të ej si kur mori vesh lajmin që ishte pozitiv, ishte një goditje e fortë psikologjike.

“Nuk kam pasur simptoma, por sapo më njoftuan, u trondita, isha në panik total, kisha frikë për familjen dhe miqtë e mi. Nuk është një periudhe e bukur, ne me të vërtetë duam që kjo të përfundojë sa më shpejt të jetë e mundur. Unë pyes veten se çfarë do të ndodhë me futbollin dhe jetën e përditshme.”

M.M (Milo.al)

ARGJENTINË– Marcos Roho, futbollisti i Manchester United është vendosur në qendër të kritikave në Argjentinë. Mbrojtësi që është i huazuar së fundmi te Estudiantes është filmuar  duke luajtur poker me miqtë e tij dhe duke pirë cigare.

30-vjeçari është filmuar nga vëllai i tij, Franco Roho në një video të publikuar në “Instagram”, e cila më pas u fshi. Sidoqoftë, imazhet u ruajtën para se të fshiheshin dhe u shpërndanë me shpejtësi në rrjetet sociale, ku nuk kanë munguar kritikat.

M.M (Milo.al)

Jo vetëm Milani, por edhe Roma tashmë ka interes për mbrojtësin Jean-Clair Todibo. Lojtari i krahut të majtë aktualisht është i huazuar te Schalke 04.

Kartonin e tij e zotëron Barcelona, por aty djaloshi nuk ka fituar ende besimin për të qenë në skuadër. Në Gelsenkirchen ka bërë paraqitje të mira dhe mund të largohet për një sezon të ri në huazim.

20-vjeçari është pjesë edhe e kombëtares franceze U-20. Ai ka luajtur tetë ndeshje në këtë sezon me klubin gjerman, ku është transferuar në janar.

SAN MARINO-Ishte ora 14:17 e të dielës së 1 majit 1994 kur Ëilliams FË16 e Ayrton Senna shkonte shigjetë në kthesën e Tamburello në Imola, për shkak të një thyerje në sistemin e drejtimit, gjë që i shkaktoi vdekjen kampionit brazilian, i goditur në fytyrë nga një krah i sistemit, një teh që hyri brenda kaskës përmes xhamit mbrojtës. Kanë kaluar 26 vjet nga ajo pasdite e tmerrshme, mbushur me dëshpërim deri në limitet e të pabesueshmes. Roland Ratzenberger humbi jetën 24 orë më parë nga përplasja e Simtek kundër murit Tosa, vetëm 300 metra larg Tamburellos, pikërisht kur frika për fluturimin e Jordan të Barrichello në provat e të premtes dukej se mbeti pas.

Përgatitjet për një fundjavë pasionante e festa mbetën aty. Vdekja e Senna, ishte një tragjedi globale. Akoma edhe sot miliona persona në gjithë botën kujtojnë ekzaktësisht ku ishin e cfarë po bënin në 14:17 të të dielës së 1 majit 1994. Janë larg dhe të shfokusuara imazhet e funeralit të kampionit të Formula 1 në San Paolo të Brazilit, por janë ende aktuale ato të luleve, flamujve e homazheve që njerëzit i bëjnë Ayrton Senna në majën e kodrës së varrezave në Morumbi. Janë shumë larg tashmë polemikat mbi sigurinë dhe seancat e procesit.

Tek Ëilliams nuk e kanë humbur kuptimin arritjet e Sennas gjatë karrierës së tij të jashtëzakonshme, për disa detaje e paarritshme, e nisur në Kart në Itali, e vazhduar në Formula 3 në Angli, deri tek mbërritja në Formula 1 në 1984 modestët e Toleman, shkalla e nevojshme e fillimit të një ngjitje triumfale, në një dekadë: tre Botëror të fituar me McLaren-Honda, 41 fitore e 65 pole position. 26 vjet pa kampionin brazilian nuk e kanë zbehur boshllëkun, nuk e kthejnë as minimalisht madhështinë e Ayrton, por mbetet akoma humanizmi i tij, mbetet magjia e nostalgjia. Vetëm se në disa momente, pikërisht si sot, kjo nostalgji është edhe më prezente. Mbetet gjithashtu krenaria se ishim dëshmitarë për veprimet në pistë të një kampioni aq modern e kaq të ndryshëm nga të gjithë, madje unik. Magjik.

Vivianne Senna, motra e pilotit tregon se çfarë bëri atë mëngjes vëllai i tij para se të shkonte të garonte. “ Atë mëngjes kur u zgjua,i kërkoi zotit t’i fliste , hapi biblën dhe lexoi një paragraph që thoshte: Zoti do t’I jepte dhuratën më të madhe nga të gjithë dhuratat. Që ishte Zoti vetë.”

M.M (Milo.al)

Ndërkohë konfirmohet se në ditët në vijim Flamengo do të marrë masa të tjera, si ndërprerja e përkohshme e pagave të futbollistëve

BRAZIL- Ndërprerja e futbollit për shkak të pandemisë Covid-19 ka sjellë pasoja të rënda ekonomike te klubet në mbarë botën, ndërsa së fundi edhe brazilianët e Flamengos kanë ndjerë efektin e krizës financiare.Pikërisht për këtë arsye, drejtuesit e klubit Brazilian vendosën të shkarkojnë plot 62 persona, punonjës të niveleve të ndryshme të klubit, duke kursyer rreth 500 mijë euro nga pagat që ata përfitonin.

Numri i punonjësve të shkarkuar gjithsesi nuk prek më shumë se 10% të totalit të atyre që punojnë për klubin brazilian, ndërsa edhe tifozët e Flamengos kanë reaguar ashpër ndaj këtij vendimi të drejtuesve.

Ndërkohë konfirmohet se në ditët në vijim Flamengo do të marrë masa të tjera, si ndërprerja e përkohshme e pagave të futbollistëve, për të ulur sa më shumë shpenzimet dhe për të mos u prekur ashpër nga kriza.

M.M (Milo.al)