Një djalë 10 vjeçar nga Australia u sulmua nga një peshkaqen në brigjet e Tasmanias.
Sipas CNN, ai pësoi lëndime të rënda dhe aktualisht gjendet në spital, pasi raportohet se peshkaqeni e tërhoqi atë nga varka dhe e sulmoi atë.
Bëhet e ditur se gjendja e 10 vjeçarit është stabile, megjithë lëndimet në kokë dhe gjoks.
“Djaloshi ishte në bordin e një e anijeje së bashku me babanë e tij dhe dy burra të tjerë, kur një peshkaqen e kapi atë nga varka, ndërkohë ata ishin rreth pesë kilometra larg bregut të Stanley, pasi dolën për peshkim”, thanë autoritetet.
“Babai i tij u hodh në ujë për ta shpëtuar”, thanë ata.
“Djali i cili kishte veshur një pajisje shpëtimi, pësoi çarje në krah dhe prerje të tjera në gjoks dhe kokë”, thanë ndër tjerash autoritetet kompetente.