Lajmet e fundit | Klikoje.al

Tag: kungulleshka

  • Krepa me kungulleshka dhe gjizë – Një recetë e lehtë dhe plot shije!

    Krepa me kungulleshka dhe gjizë – Një recetë e lehtë dhe plot shije!

    Krepat janë një nga recetat më thjeshta dhe popullore të cilat mund t’i shijoni në çdo kohë.

    Zakonisht përgatiten kur doni një gatim të shpejtë e një vakt të lehtë, duke u shoqëruar me ndonjë salcë po ashtu të thjeshtë.

    Në këtë recetë ju tregojmë se si t’i ktheni ato lehtë në një vakt të plotë, për të shtruar mëngjeset, drekat apo darkat tuaja.

    Të mbushura me kungulleshka dhe gjizë, zbuloni në vijim recetën interesante e mjaft të shijshme.

    Përbërësit

    • 3 vezë
    • 350 ml qumësht
    • 200 gr miell
    • 500 gr kunulleshka
    • 250 gjizë pa kripë
    • 80 gr djathë kaçkavall i grirë
    • 1 thelbi hudhër
    • Mente e freskët
    • Kripë
    • Piper
    • Vaj

    Përgatitja

    Për të nisur me përgatitjen e kësaj recete ju këshillojmë të grini hollë kungulleshkat.

    Të gjithë rrathët e hollë, vendosini në një tigan për t’u skuqur me pak vaj ulliri, kripë dhe një thelbi hudhër.

    Kur tigani të nisë të ngrohet, shtoni gjysmë gote më ujë dhe lërini të gatuhen për 15-20 minuta, derisa të zbuten.

    Më pas vazhdoni duke përgatitur brumin për krepat, në një enë shtoni vezët bashkë me qumështin dhe përziejini me anë të një rrahësei ose piruni.

    Pak nga pak nisni të shtoni miellin dhe pak kripë, duke përzier në mënyrë që të mos krijohen kokrriza.

    Pasi të jetë formuar brumi i trashë, lëreni të pushojë për 15 minuta.

    Ndërkohë shtoni në një enë gjizën pa kripë, kungulleshkat e skuqura, djathin kaçkavall të grirë dhe përzieni të gjithë masën derisa të jetë homogjene.

    Në një tigan të pastër, filloni të krijoni krepat.

    Merrni brumin me anë të një garuzhde dhe përhapeni nëpër të gjithë tiganin në formën e një pete.

    Formoni të gjithë petët e krepave dhe mbushini me masën homogjene që sapo përgatitët.

    Më pas palosini krepat në formë trekëndore dhe vendosini në një tavë në mënyrë që të qëndrojnë të mbyllura.

    Shtoni pak vaj ulliri dhe djathë kaçkavall të grirë dhe futini që të piqen në temperaturën 190 gradë për 20 minuta.

    Kur të kenë marrë ngjyrë të artë dhe djathi të jetë shkrirë, hiqni nga furra dhe më pas mund t’i shërbeni.

  • Tavë me kungulleshka të shtruara – Receta me shije të mrekullueshme!

    Tavë me kungulleshka të shtruara – Receta me shije të mrekullueshme!

    Gatimet në tavë janë të njohura për shijen dhe aromën e mrekullueshme që lënë pas.

    Të preferuarat e të gjithë familjes, janë gati në thuajse 30 minuta duke sjellë bashkë me shijen buzëqeshjen e të gjithë tavolinës.

    Prandaj në këtë recetë AgroWeb.org ju tregon një mënyrë të re, shumë të lehtë të përgatitjes së tavës me kungulleshka dhe salcë domatesh.

    Të gjithë përbërësit i gjeni të freskët në treg ndaj shija e tyre bashkë nuk do t’ju zhgënjejë aspak.

    Ndiqni më poshtë hap pas hapi si të përgatisni tavën e thjeshtë të kungulleshkave vetëm më katër përbërës.

    Përbërësit
    4 kungulleshka mesatare
    350 ml salcë domatesh
    300 gr djathë i bardhë
    40 gr djathë i grirë kaçkavall
    Përgatitja
    Për të nisur këtë recetë AgroWeb.org ju këshillon që fillimisht të lani kungulleshkat me ujë të bollshëm.

    Më pas pritini ato në shirita të holla në mënyrë që të ngjajnë si peta të vogla kungulleshkash deri në 10 cm të gjata.

    Skuqini me shumë pak ujë nga të dyja anët, ato në tigan për disa minuta derisa të fillojnë të zbuten.

    Zgjidhni tavën e pjekjes, AgroWeb.org ju sugjeron që të ketë madhësi përafërsisht 25 me 15 cm.

    Shtroni me kujdes disa feta kungulli në të gjithë sipërfaqen e saj.

    Sipër hidhni dy tre lugë salcë domatesh dhe përhapeni atë me lugë nëpër fetat e kungulleshkave, kështu do të keni përfituar edhe shtresën e parë.

    Hidhni disa feta djathë të bardhë në copëza ose të thërrmuar sipas dëshirës tuaj.

    Shtroni sërisht fetët e pjekura të kungulleshkave duke i vendosur njëra pas tjetrës nëpër të gjithë sipërfaqen e tavës.

    Sërish hidhni disa lugë salcë domatesh dhe shtrojeni nëpër të gjithë tavën dhe përsëri hidhni disa copa djathi të bardhë.

    Bëjeni këtë proces derisa të gjithë fetët e kungulleshkave të mbarojnë, me këtë sasi llogaritet të dalin rreth tre shtresa.

    Ruani pak salcë për në fund dhe pak djathë dhe mbulojeni tërësisht me to tavën tuaj.

    Sipër hidhni edhe djathin e grirë kaçkavall i cili do t’i japë më shumë shije recetës tuaj.

    Në këtë recetë nuk parashikohet sasia e kripës duke qenë se djathi përmban vetë kripë, por mund t’a shtoni sipas dëshirës tek shtresat.

    Për pjekjen
    Pasi të keni mbaruar me përgatitjen, futeni tavën tuaj në furrë për 30 minuta në temperaturën 180 gradë.

    Në 5 minutat e fundit, mund ta shtoni pak nxehtësinë e furrës në mënyrë që tava të piqet mirë.

    Pasi ta nxirrni nga furra lëreni të ftohet për disa minuta dhe mund ta konsumoni të ngrohtë.

    Sipas dëshirës mund të shtoni pak borzilok sipër për një shije më të freskët.

  • Kungulleshka të skuqura me vezë – Receta e lehtë dhe plot shije!

    Kungulleshka të skuqura me vezë – Receta e lehtë dhe plot shije!

    Një recetë vërtet e shijshme, që përgatitet në 10 minuta me disa përbërës që gjenden gjithmonë në kuzhinë!

    Kungulleshkat e skuqura me vezë janë një meze e shkëlqyer, por ju mund t’i shërbeni edhe si një pjatë shoqëruese për pjatat kryesore të mishit ose peshkut.

    E rëndësishme është t’i shijoni ato të sapo bëra të nxehta, në mënyrë që të jenë sa më krokante!

    Ndiqni më poshtë recetën e përgatitur dhe mësoni mënyrën e thjeshtë të përgatitjes.

    Përbërësit

    2 kungulleshka

    3 vezë

    150 g miell

    Kripë për shije

    Vaj për skuqje

    Përgatitja

    Filloni duke ndarë në gjysmë kungujt e njomë dhe më pas pritini në feta. Renditini në një pjatë të madhe dhe spërkatini me kripë.

    Në një enë bashkoni vezët dhe shtoni pakëz kripë për shije.

    Rrihni vezët dhe shtojmë pak e nga pak miellin. Masa që do të formohet duhet të ketë konsistencë të trashë dhe ngjitëse.

    Tani ngrohni vajin dhe më pas të filloni me skuqjen.

    Lyeni fetat e kungulleshkave në brumë dhe më pas vendosini në tiga për t’u skuqur.

    Lërini të skuqen derisa të marrin ngjyrë të artë. Do të duhen rreth 5 minuta.

    Pasi të skuqen, kullojini dhe vendosini në një letër kuzhine për të larguar vajin e tepërt.

    Shijojini ndërsa janë ende të ngrohtë dhe krokantë.

  • Tavë me kungulleshka të mbushura me perime – Ja si ta përgatisni krejt lehtë

    Tavë me kungulleshka të mbushura me perime – Ja si ta përgatisni krejt lehtë

    Pjatat e lehta nuk mund të kenë shije tjetër veçse kombinimit të perimeve.

    Salca e kosit kremoze dhe pak e athët, është perfekte për t’u shijuar me shijen e lehtë të kungulleshkave.

    Në këtë recetë pranverore ju tregojmë kombinimin më të mirë të këtyre dy përbërësve.

    Ndiqni hap pas hapi si më poshtë recetën e mrekullueshme të kungulleshkave të mbushur me salce kosi dhe perime.

    Përbërësit

    • 4 kungulleshka mesatare
    • 50 gr djathë i bardhë
    • 120 gr salcë kosi
    • 1 qepë e vogël
    • 1 domate
    • 1 spec i kuq
    • 1 tufë majdanoz
    • piper i zi
    • kripë
    • vaj ulliri

    Përgatitja

    Si fillim ju këshillojmë ta nisni këtë recetë duke pastruar kungulleshkat dhe prerë ato përsëgjati.

    Hiqni pjesën e brendëshme të tulit të tyre në mënyrë që të krijoni vend për mbushjen dhe ruajeni për një moment të dytë.

    Vendosni një tigan të thellë në zjarr me pak vaj ulliri dhe kur të shikoni që vaj është i nxehtë, hidhni edhe kungulleshka që të skuqen.

    Kur kungulleshkat  të kenë marrë ngjyrë, hiqini nga tigani dhe në të hidhni qepën e grirë.

    Shtoni gjithashtu specin, pak kripë, tulin e kungujve që ruajtët më parë dhe domaten e prerë në kubikë të vegjël, duke shtuar në fund edhe majdanozin.

    Kur perimet të jenë skuqur hiqini nga zjarri dhe vendosini në një enë të thellë.

    Aty shtoni djalin e thërrmuar dhe salcën e kosit dhe trazojini mirë.

    Ndërkohë zgjidhni një tavë dhe shtrojeni me letër pjekje në të vendosni kungulleshkat njëra pas tjetrit dhe mbushini me salcën që krijuat më lart.

    Kur i gjithi ky proçes të ketë mbaruar futini në furrë dhe piqini për 20 – 25 minuta në temperaturë 180 gradë.

    Pasi t’i nxirrni nga furra lërini të ftohen pak dhe mund ti shërbeni me pak piper të zi sipër sipas dëshirës.

  • Kunguj të pjekur – Krokantë dhe të butë nga brenda

    Kunguj të pjekur – Krokantë dhe të butë nga brenda

    Kur bëhet fjalë për patatet e skuqura, ato krokantet të vijnë menjëherë në mendje, por ju mund të bëni të njëjtën gjë edhe me kungujt e njomë.

    Nëse i piqni kungujt në furrë me vaj dhe miell, do të përftoni një rezultat të shkëlqyer: krokantë nga jashtë dhe të butë nga brenda!

    Çdo vakt i cili përfshin kungujt ka përfitime të mëdha shëndetësore, të cilat sigurisht që ia vlejnë t’i konsumoni.

    Dihet që kungulli i njomë rrit energjinë, ndihmon në funksionalitetin e tiroides, përmirëson shëndetin e syve, ul sheqerin në gjak, ul kolesterolin, ndalon inflamacionin, madje thuhet se ngadalëson procesin e plakjes! Lista është shumë e gjatë.

    Këtë recetë, mund ta shoqëroni me pjatat me mish dhe peshk, ose ta shërbeni si meze.

    Përgatisni në shtëpi këtë recetë të lehtë, të shijshme dhe plot vlera ushqyese duke ndjekur si më poshtë mënyrën e përgatitjes.

    Përbërësit

    770 gr kunguj të njomë

    50 gr miell

    20 gr vaj ulliri ekstra i virgjër

    10 gr kripë

    Rigon i freskët

    Përgatitja:

    Për të përgatitur kungujt, filloni duke i larë dhe i tharë ato.

    Me ndihmën e një thike, pritini hollë me një trashësi rreth 3mm.

    Vendosini më pas në një tas, shtoni kripë dhe miell dhe pastaj përziejini derisa të bashkohen.

    Shtoni vajin dhe gjethet e freskëta të rigonit dhe përziejini përsëri.

    Transferojini kungujt në një tavë të shtruar me letër pjekjeje duke u përpjekur të mos i vendosni mbi njëra-tjetrën.

    Vendoseni tavën në një furrë të parangrohur në 200 °, për rreth 25 minuta.

    Shërbejini ato të ngrohta.

    Këshilla:

    Këshillohet t’i konsumoni konugujt menjëherë për të mos humbur aromën. Megjithatë ju mund t’i ruani ato në frigorifer deri në dy ditë. Ngrirja nuk rekomandohet.

    Në vend të rigonit të freskët mund të përdorni rigon të thatë ose ta zëvendësoni atë me bimë të tjera aromatike si majdanozi, trumza ose borziloku.

  • Kungulleshka të mbushura me kinoa/ Shije e shëndetshme dhe e veçantë

    Kungulleshka të mbushura me kinoa/ Shije e shëndetshme dhe e veçantë

    Kinoa është një nga ushqimet më të reja jo vetëm të kuzhinës Shqiptare, por edhe të asaj botërore.

    Farat e vogla të bimës së  Chenopodium, prej nga vjen kinoa, janë shumë të thjeshta për t’u gatuar dhe cilësohen si nga ushqimet më të shëndetshme në botë.

    Me shumë pak kalori dhe shumë vlera ushqyese si vitamina dhe minerale të domosdoshme për trupin, kinoa mund të zërë fare lehtë vendin e çdo ushqimi tjetër.

    Për këtë arsye ju tregojmë një recetë të thjeshtë përgatitje të saj.

    Nëse ju pëlqejnë kungulleshkat e mbushura me oriz edhe këto me kinoa do t’ju kënaqin me shijen sa tradicionale aq edhe të re.

    Ndiqni mëposhtë recetën e plotë të përgatitjes së këtij gatimi shumë interesant.

    Përbërësit

    180 gr kinoa

    4-5 kungulleshka mesatare

    100 gr domate të vogla

    20 gr ullinj

    3-4 gjethe borzilok

    3-4 degëza mente

    1 degë finok

    Vaj ulliri

    Lëkurë limoni

    Kripë

    Piper i zi

    Përgatitja

    Për të nisur me përgatitjen e kësaj recete zieni kinoan.

    Hidheni në një tenxhere të mbushur me ujë dhe ziejeni për aq kohë sa ju udhëzon paketimi ose përreth 20 minuta, derisa kokrrizat e vogla të fillojnë të fryhen.

    Shtoni edhe kripë sipas dëshirës tuaj dhe sapo të jetë gati kullojeni e vendoseni në një enë qelqi duke e spërkatur me pak vaj ulliri.

    Përziejeni me kujdes dhe vendoseni në frigorifer që të ftohet për disa momente.

    Më pas merrni në tavë masatare, shtrojeni me letër pjekje dhe filloni të bëni gati kungulleshkat.

    Nuk ka rëndësi nëse i keni rrumbullake apo të gjata, ndajini në gjysmë dhe filloni t’i pastroni me anë të një luge farat dhe tulin e brendëshëm.

    Vendosini përsëgjati një nga një mbi tavë dhe spërkatini me  pak vaj ulliri.

    Futini në furrë dhe piqini në temperaturën 200 gradë për 10 – 15 minuta.

    Ndërkohë grini domatet hollë, bashkë me borzilokun, menten, finokun, ullinjtë dhe lëkurën e limonit që mund ta shtoni sipas dëshirës.

    Nxirrni kinoan nga frigoriferi dhe shtoni po aty të gjitha erëzat, ullinjtë e domatet që gritë më parë.

    Përzieni me lugë druri, shtoni kripë e piper sipas dëshirës dhe nxirrni kungulleshkat nga furra për t’i mbushur.

    Mbushini kungulleshkat me kujdes me anë të një luge derisa e gjitha masa të mbarojë.

    Në këtë pikë mund t’i shërbeni menjëherë ose t’i ruani në frigorifer për një moment të dytë.

    Kjo pjatë shijohet gjysmë e ftohtë dhe është shumë e përshtatëshme për t’u marrë me vetë në punë apo piknikë të ndryshëm.

  • Pite shtëpie me kungulleshka dhe djathë – Shije e përsosur!

    Pite shtëpie me kungulleshka dhe djathë – Shije e përsosur!

    Nëse jeni në kërkim të një recete të shijshme për muajt e verës, ja ku e keni recetën e shijshme me djathë dhie dhe kungulleshka.

    Kjo pite e kripur është shumë e shijshme dhe një mënyrë shumë interesante për të konsumuar kungulleshkat, të cilat janë shumë të shëndetshme për njeriun.

    Më poshtë keni përgatitjen e një recete fantastike me kungulleshka, atë të kombinimit të saj me pite dhe djathë të bardhë.

    Përgatitja e Pites me Kungulleshka 

    Përbërësit

    1 filxhan e gjysmë me miell

    140 gramë gjalpë pa kripë

    Kripë

    Gjysmë luge çaji me uthull të bardhë

    600 gramë kungulleshka të prerë në feta të holla

    Piper i zi pluhur

    2 lugë gjelle me vaj ulliri ekstra të virgjër

    200 gr djathë të bardhë të thërrmuar (nëse preferoni në vend të djathit të bardhë mund të përdorni edhe djathë kaçkavall)

    1 lugë çaji me kopër ose majdanoz të grirë hollë

    Përgatitja

    Hidhni në mikser miellin, gjalpin dhe një majë luge me kripë.

    Përziejini dhe më pas shtoni uthullën dhe 3 ose 4 lugë çaji me ujë të ftohtë.

    Brumin e përfituar ta punoni me dorë në një sipërfaqe të ngurtë, mbështilleni me një qese plastike kuzhine dhe lëreni të vijë për 30 minuta.

    Më pas hapeni duke i dhënë një formë rrethore.

    Hapeni fetën e brumit mbi një tavë ku keni shtruar letër pjekje, mbulojeni me qese plastike dhe lëreni mënjanë.

    Më pas, fetat e prera hollë të kungulleshkave spërkatini me kripë dhe vendosini në një kullesë.

    Herë pas here shtrydhini lehtë me duar që të lëshojnë ujin e akumuluar dhe pas 30 minutash transferojini në një enë tjetër.

    Përziejini me një lugë gjelle me vaj ulliri ekstra të virgjër dhe piperin e zi.

    Në një tas tjetër përzieni koprën, kripën, piperin dhe djathin e bardhë të thërrmuar.

    Lyejeni me të të gjithë sipërfaqen e brumit që keni shtruar në një tavë dhe më pas vendosini fetat e kungulleshkave në forma të ndryshme sipas dëshirës (ose si në foto).

    Spërkatini me vaj ulliri dhe piqini në furrë për 40 deri në 50 minuta.

    Vlerat e Kungulleshkave

    Kungulleshkat kanë pak kalori. Ato janë një zëvëndësues i mirë për ushqimet e pasura me kalori.

    Kungulleshkat kanë pak kalori. Ato janë një zëvëndësues i mirë për ushqimet e pasura me kalori.

    Falë përmbajtjes së lartë të magnezit, kungujt e njumë ulin rrezikun e atakut në zemër dhe ishemisë.

    Kunulleshkat përmbajnë acid folik që është thelbësor në shkatërrimin e amino acideve të dëmshme që shkaktojnë atak në zemër dhe trombozë.

    Kaliumi dhe magnezi që gjendet tek kungujt e njomë ndihmon në uljen e tensionit të gjakut dhe në largimin e stresit.

    Burimi: AgroWeb.org

  • Pastiço me kungulleshka/ Receta e lehtë dhe me aromë fantastike

    Pastiço me kungulleshka/ Receta e lehtë dhe me aromë fantastike

    Pastiço është një gatim i thjeshtë si në përgatitje ashtu edhe në shije.

    Nuk duhen shumë përbërës dhe zotësi për ta servirur gati në tryezë në fare pak kohë.

    Megjithatë pikërisht shija e thjeshtë është ajo që e bën edhe më të kërkuar e të dashur për çdo anëtar të famijes.

    Përgatitet me makarona, qumësht, djathë dhe vezë, por në recetën e sotme do t’ju shpjegojmë një shije ndryshe nga ajo tradicionalia.

    Pa përdorur fare makarona, në këtë recetë do të provoni pastiço me kungulleshka dhe mish të grirë.

    Pastiço me kungulleshka ka një shije të veçantë e njëkohësisht shumë të dashur për këdo që e provon.

    Kungulleshkat do t’i japin një shije të lehtë  dhe më interesante pastiços së zakonshme, ndaj ndiqeni përgatitjen e saj më poshtë.

    Përbërësit

    500 gr kungulleshka

    130 gr mish i grirë

    2 domate mesatare

    100 ml krem qumështi ose pana

    2 vezë

    150 ml qumësht

    60 gr djathë kaçkavall

    30 gr djathë kaçkavall i grirë

    1 thelbi hudhër

    arrë moskat

    borzilok

    rigon

    vaj ulliri

    kripë

    Përgatitja

    Për të nisur me përgatitjen e kësaj recete, AgroWeb.org ju këshillon që fillimisht të vini mishin e grirë të skuqet në një tigan me pak vaj.

    Më pas lani dhe prisni kungulleshkat në katrorë të vegjël.

    Hidhini edhe ato të skuqen në një tigan, bashkë me pak vaj ulliri dhe 1 thelbi hudhër.

    Në fund shtoni edhe domatet e grira në rende dhe lërini ne zjarr derisa të ketë avulluar plotësisht uji i tyre.

    Gatuajini të gjithë këta përbërës duke i shtuar pak borzilok dhe rigon për aromë të mirë.

    Bëni kujdes që të mos i zbusni shumë kungulleshkat, pasi ato duhet të jenë krokante.

    Ndërkohë në një enë të pastër hidhni vezët, kremin e qumështin (panën), qumështin, kripën dhe pak pluhur arre moskat.

    Përzjejini mirë të gjithë këta përbërës, derisa të përfitoni një masë të lëngshme e të njëtrajtshme.

    Zgjidhni më pas një tavë pjekje mesatare, të thellë rreth 20 cm dhe shtroni me kujdes mishin dhe kungulleshkat.

    Shtoni po aty edhe përzierjen e qumështit me vezët që përgatitët më parë dhe djathin kaçkavall e prerë në katrorë të vegjël.

    Përzjejini me kujdes të gjithë këta përbërës në tavë dhe më pas shtoni pak djathë të grirë kaçkavall sipër.

    Futeni tavën në furrë të parangrohur për 30 minuta në temperaturë 180 gradë C.

    Bëni kujdes që në 5 minutat e fundit të ngrini pak temperaturën e furrës në mënyrë që të piqet pjesa e sipër e tavës.

    Kur të shikoni që ka marrë ngjyrë të artë dhe është pjekur, nxirreni nga furra dhe shërbejeni të ngrohtë pastiçon tuaj të veçantë.

    Burimi: AgroWeb.org

  • Më e mira e stinës/ Tavë me kungulleshka dhe speca të mbushura

    Më e mira e stinës/ Tavë me kungulleshka dhe speca të mbushura

    Specat dhe kungulleshkat janë dy perimet më fantastike të stinës.

    Të freskëta dhe të lehta në shije, të pasura në vlera ushqyese, ato shndërrohen në gatime të mrekullueshme.

    AgroWeb.org ju sjell më poshtë kombinimin perfekt të traditës atë të përgatitjes së tavës me speca e kungulleshka të mbushura me oriz.

    Një shije fantastike e cila shoqërohet me sallata të freskëta të stinës por edhe me kos shtëpie apo edhe dhallë të ftohtë.

    Specat dhe Kungulleshka të Mbushura me Oriz   

    Përbërësit

    3-4 speca për mbushje

    3-4 kungulleshka

    2 kokrra mesatare qepë

    4-5 filxhanë kafeje oriz

    1 filxhan çaji mish i grirë

    kripë, piper

    1 tufë majdanoz

    2-3 kokrra mesatare domate

    Disa thelpinj hudhër

    Rigon

    Përgatitja

    Specat zgjidhen me tul dhe të mëdha, lahen, u pritet bishti në formë kapaku, u hiqen farat.

    Kungulleshkat zgjidhen mesatare. Ndahen në mes por pa u prerë deri në fund dhe u largohet tuli i brendshëm.

    Specat dhe kungulleshkat kalohen në një skuqje të lehtë me vaj ulliri dhe vendosen me rradhë në tavë.

    Në një enë me vaj ulliri kaurdiset qepa e grirë hollë. Pasi volumi i qepës të bjerë shtoni domatet e grira hollë dhe tulin e prerë në kubikë të kungulleshkave dhe kaurdisini për pak minuta.

    Më pas, AgroWeb.org ju udhëzon të shtoni mishin e grirë dhe hudhrat dhe kaurdiseni derisa masa të mbetet në yndyrën e saj.

    Hidhni kripën, piperin, majdanozin, rigonin dhe ujë dhe lërini të zjejnë për 15 minuta, më pas shtoni orizin dhe lëreni të zjejë përgjysmë dhe masa të jetë e lëngshme.

    Nëse preferoni në vend të majdazonit mund të përdorni edhe kopër.

    Me masën e përgatitur mbushni specat dhe kungulleshkat me rradhë por jo plot, pasi gjatë zierjes orizi shton sasinë dhe mbushja del jashtë. Nëse u tepëron oriz nga masa e mbushjes pasi të keni mbushur specat hidhjani tavës rreth e rrotull specave.

    Në fund tavës hidhini dhe pak kripë, pak lëng mishi ose ujë dhe futeni të piqet në furrë të parangrohur.

    Burimi: AgroWeb.org