167
Një 60-vjeçare me inicialet F.ZH., është gjetur e vdekur në plazhin e Durrësit.
Ngjarja ka ndodhur në lagjen nr.13 të Durrësit. Paraprakisht mësohet se 60-vjeçarja është gjetur e pajetë rreth orës 18:00.
Mësohet se pasditen e sotme, gruaja në fjalë është futur për t’u larë në det dhe ka ndërruar jetë, për shkaqe që ende nuk dihen.
Grupi hetimor ndodhet në vendin e ngjarjes, ndërkohë që pritet që ekspertiza mjeko-ligjore të zbulojë shkakun e vdekjes së 60-vjeçares.