Egnatia ka njoftuar se ditën e nesërme, në orën 11:00, trajneri Edlir Tetova do të dalë në një konferencë për shtyp me rëndësi të veçantë për klubin dhe vijimësinë e projektit sportiv.
Në një komunikim drejtuar mediave, Egnatia ka vlerësuar bashkëpunimin e deritanishëm me gazetarët dhe ka theksuar rëndësinë e pranisë së tyre në këtë deklaratë, e cila pritet të trajtojë problematikat e sezonit dhe të ardhmen e skuadrës.
Kjo dalje publike vjen në një moment delikat për trajnerin Tetova, i cili aktualisht është i pezulluar për 6 muaj nga Komisioni i Disiplinës pranë Federata Shqiptare e Futbollit. Në këtë kontekst, konferenca e paralajmëruar shihet si një zhvillim i rëndësishëm jo vetëm për vetë trajnerin, por edhe për drejtimin e KF Egnatia.
Nuk përjashtohet mundësia që Tetova të sqarojë pozicionin e tij aktual dhe të ardhmen në krye të ekipit, ndërsa mbetet për t’u parë nëse kjo dalje do të shoqërohet me vendime të forta, përfshirë edhe një largim të mundshëm nga drejtimi i Egnatias.