Donjeta Sadiku shpallet kampione e Lojërave Mesdhetare “Taranto 2026”, ndërsa medalja e artë e Kosovës shoqërohet me një tjetër moment të bujshëm në podium. Boksierja kosovare e mbylli në mënyrën më të mirë aventurën e saj në Taranto, duke siguruar medaljen e artë pasi finalja ndaj Kristina Kuluhovës u ndërpre për shkak të lëndimit të kundërshtares.
Sadiku e nisi duelin e qetë dhe të sigurt, duke kontrolluar ritmin dhe duke realizuar disa goditje të sakta, veçanërisht në kokë. Pas epërsisë së saj në raundin e parë, ndeshja u ndërpre për shkak të lëndimit të Kuluhovës. Pas vendimit të gjyqtarëve, Donjeta Sadiku u shpall fituese dhe i siguroi Kosovës medaljen e artë, të parën në këto Lojëra Mesdhetare.
🇽🇰 Kosovo has beaten Serbia to win the gold medal at the Mediterranean Games.
Boxer Donjeta Sadiku won gold.
Serbia, represented by ethnic Russian boxer Kristina Kuluhova, boycotted the medal ceremony after losing to Kosovo. pic.twitter.com/6GIFc6sPIj
— kos_data (@kos_data) August 27, 2026
Por ceremonia e medaljeve solli edhe një moment tjetër që tërhoqi vëmendjen. Përfaqësuesja e Serbisë, Kristina Kuluhova, nuk u ngjit në podium për ta marrë medaljen e saj, duke refuzuar pjesëmarrjen në ceremoninë pas fitores së kosovares.Ndërkohë, Sadiku e pranoi me krenari medaljen e artë, ndërsa në palestër u dëgjua himni i Kosovës. Në tribuna pati edhe përkrahës të shumtë që festuan suksesin e boksieres kosovare. Një tjetër paraqitje e madhe ndërkombëtare për Donjeta Sadikun, e cila tashmë largohet nga Taranto me medaljen e artë dhe një tjetër sukses të rëndësishëm për Kosovën.