Dejvi Bregu e nis në mënyrën më të mirë aventurën e tij në Arabinë Saudite, duke u kthyer menjëherë në protagonist me fanellën e Al Zufli.
Në sfidën e javës së parë të Ligës së Parë saudite, që skuadra e tij po luan në transfertë ndaj Al Jeel, Bregu ka gjetur rrugën e rrjetës duke i dhënë avantazhin ekipit të tij.
Ish-sulmuesi i Superiores realizoi në minutën e 27-të, me një ekzekutim fantastik nga goditja e dënimit. Nga një pozicion i vështirë dhe me shumë pak hapësirë, Bregu goditi në mënyrë perfekte, duke lënë të shtangur portierin kundërshtar.
Goli i tij vendosi shifrat 0-1 dhe i dha një start perfekt aventurës së shqiptarit në futbollin arab. Dejvi Bregu nuk mund të kishte kërkuar një debutim më të mirë, duke treguar që në ndeshjen e parë se do të jetë një nga lojtarët për t’u ndjekur te Al Zufli.