Lajmet e fundit | Klikoje.al

Category: Sport

Kategoria Sport. Në këtë kategori ne ju informojmë ditë pas dite me lajmet më të fundit nga bota e sportit Shqiptar dhe të huaj.

  • Kategoria Superiore/ Kukësi përmbys Laçin dhe zhyt Mezanin në zonën playout

    Kategoria Superiore/ Kukësi përmbys Laçin dhe zhyt Mezanin në zonën playout

    Kukësi triumfon në Laç me rezultatin 1-2 dhe regjistron fitoren e dytë radhazi në kampionat. Të zotët e shtëpisë e nisën mjaftë mirë sfidën, duke kaluar të parët në avantazh që në minutën e 10 -të. Kapiteni Mentor Mazrekaj asistoi saktë për Guindon, me këtë të fundit që nuk gaboi duke goditur saktë nga brenda zonës. Për Guindon ishte goli i parë që prej rikthimit të tij te Laçi në merkaton e dimrit.

    Kukësi u mundua të reagonte dhe vetëm pas 16 minutash riktheu baraspeshën me Rashitin. Ndreca pasoi saktë drejt sulmuesit në zonë, me këtë të fundit që shfrytëzoi në maksimum mundësinë e artë për të barazuar rezultatin.

    Pjesa e parë u mbyll në barazim, ndërsa Kukësi në fraksionin e dytë riktheu rezultatin. Në minutën e 53 të besuarit e trajnerit Hallaci kaluan në avantazh me Ebert.

    Ishte Taipi ai që harkoi nga goditja e këndit me topit që shkoi në duart e Selmanit. Ky i fundit nuk arriti që ta mbajë në zotërim dhe gabimin e shfrytëzoi në maksimum braziliani.

    Kukësi realizoi edhe të tretë me Taipin, por pas ndërhyrjes së sistemit Var, goli u anulua për faull ndaj portierit. Deri në fund asgjë nuk ndryshoi me Kukësin që parakalon në renditje Lacin.

    Ekipi i Hallaçit pas triumfit të dytë radhazi ndodhet në vendin e 7 me 31 pikë, ndërsa Laçi zbret në vendin e tetë në kuotën e 30 pikëve. Ekipi i Mezanit në katër ndeshjet e fundit në kampionat numëron tre humbje dhe një barazim.

  • Dybala festoi pas fitores ndaj Juventusit, ish-tifozët e argjentinasit shpërthejnë ndaj tij (video)

    Dybala festoi pas fitores ndaj Juventusit, ish-tifozët e argjentinasit shpërthejnë ndaj tij (video)

    Juventus humbi ndaj Romës me një gol të Mancinit dhe pesimizmi dhe urrejtja u kthye në ambientin e Juventusit, kryesisht ndaj trajnerit toskan. Hashtag-u i zakonshëm #Allegriout filloi sërish në Tëitter i shoqëruar nga ai i Dybala-s “fajtor” për një festë të cilësuar si i tepruar nga tifozët e ‘Zonjës së Vjetër’.

    “Ai deklarohet lojtar i Juventusit dhe më pas feston kundër pankinës së Juventusit”, shkruajnë juventinët në rrjetet sociale. Në fakt, nga pamjet duket se Dybala e ka pasur kundër Allegrit apo ndaj disa ish-shokëve të tij të skuadrës, pavarësisht se i ka përqafuar pak a shumë të gjithë në fillim të lojës.

    Megjithatë, argjentinasi ka dashur të sqarojë me ish-tifozët e tij në një postim Telegram: “E di që është e vështirë për ju.. Është edhe për mua… por sot luaj për një ekip tjetër dhe me shokë të tjerë të skuadrës ndaj të cilëve duhet të tregoj respekt. Fitorja nuk është kurrë e lehtë dhe për ne ishte e rëndësishme, respekt do të ketë gjithmonë, mos u mashtroni nga rrjetet sociale”. La Joya më në fund komentoi: “Kam festuar një fitore me shokët e mi, më vjen keq që e shihni kështu. Ju dërgoj një përqafim të madh”.

  • Mkhitaryan dhe Lautaro Martinez rimëkëmbin Interin, 2-0 ndaj Lecces dhe vendi i dytë në renditje

    Mkhitaryan dhe Lautaro Martinez rimëkëmbin Interin, 2-0 ndaj Lecces dhe vendi i dytë në renditje

    Inter-Lecce përfundon me shifrat 2-0, përballje kjo e vlefshme për javën e 25-të të Serie A. Ekipi drejtuar nga Inzaghi rimerr vendin e dytë duke treguar karakter në fushë pas humbjes që pësoi javën e kaluar ndaj Bologna-s.

    Sfida u zhbllokua nga Mkhitaryan në minutën e 29-të Në fillim të pjesës së dytë Lautaro Martinez do të dyfishonte shifrat pas një asistimi nga Dumfries.

  • Partizani-Tirana/ Interesim i lartë për derbin, ja sa bileta janë shitur

    Partizani-Tirana/ Interesim i lartë për derbin, ja sa bileta janë shitur

    Derbi i kryeqytetit po afron dhe interesimi për ndeshjen më të zjarrtë të futbollit shqiptar sa vjen dhe shtohet. Partizani dhe Tirana do të luajnë të hënën në “Air Albania” sfidën e javës së 24-të, që përkon me fazën e tretë të kampionatit.

    Bëhet me dije se deri më tani janë shitur 4,000 bileta. Partizani është pritës i këtij takimi, me të kuqtë që hodhën në treg biletat në ditën e enjte dhe interesimi i tifozëve për të qenë në shkallët e stadiumit nuk ka zhgënjyer.

    Klubi i kuq do të ketë shumicën e tifozëve në krah, në tentativën për të fituar derbin e dytë radhazi. Tifozët Partizanit do të jenë të vendosur në tribunat në krahun e qytetit dhe ato përballë ndërsa në bardheblutë kanë në dispozicion vetëm tribunat V dhe S.

    Biletat vijojnë të shiten me shpejtësi pranë dy pikave të shitjes, në stadiumet “Air Albania” dhe “Selman Stermasi”. Një tjetër informacion i rëndësishëm është që biletat do të shiten deri të hënën në orën 17:00 dhe sportelet do të mbyllen dy orë para fillimit të derbit.

  • Sezoni i ri i Formula 1 nis mbarë për Red Bull, Verstappen i pari në provat zyrtare (video)

    Sezoni i ri i Formula 1 nis mbarë për Red Bull, Verstappen i pari në provat zyrtare (video)

    Takimi i parë i sezonit të ri në Formula 1, rikthen protagonistë të vjetër. Red Bull me dyshen Max Verstappen-Sergio Perez regjistron kohët më të shpejta në provat zyrtare të Bahrein, ndalesa e parë e sezonit 2023.

    Rinis aty ku u mbyll sezoni i kaluar në garat e shpejtësisë ku makina austriake me kampionin e botës në fuqi do të niset nga vendi i parë në garën ë së dielës ndërsa meksikani Perez prenoton radhën e parë me një xhiro tjetër të shpejtë, i ndjekur nga ferraristi Charles Leclerc.

    1:29.708 ishte koha më e shpejtë në pistën e shkretëtirës ndërsa Leclerc pasohet nga Sainz për rradhën e dytë të gjithën të kuqe me Ferrarin që këtë sezon kërkon të rikthejë titullin në Maranello pas 15 viteve mungesë. Me më shumë se gjymsë sekonde në vendin e pestë, Fernando Alonso me Aston Martin, ndërsa pas tij u renditën George Russell e Lewis Hamilton.

  • Premier League/ Çmenduri në “Emirates”, Arsenal bën mrekulli në minutën e 97′, Chelsea rikthehet te fitorja (video)

    Premier League/ Çmenduri në “Emirates”, Arsenal bën mrekulli në minutën e 97′, Chelsea rikthehet te fitorja (video)

    Arsenal përmbys në frymën e fundit Bournemouth, ndërsa në javën e 26-të të Premier League merr fitoren 3-2 ndaj Bournemouth. Sfida ishte shumë e luftuar, me Billing që shënoi që në minutën e parë për t’i dhënë avantazhin miqve. Në minutën e 57’ Bournemouth do të gjente sërish rrugën drejt rrjetës, me Senesi që realizoi golin e dytë për ekipin e tij.

    Megjithatë “The Gunners” reaguan dhe në minutën e 62’ Partey ngushtoi diferencën, duke rihapur sfidën. White gjeti rrjetën në minutën e 70’ dhe barazoi për ekipin e Artetës. Arsenal nuk u ndal dhe në minutën e 90+8’ Nelson përmbysi gjithçka dhe i dha 3 pikët ekipit të tij. Wolves-Tottenham ishte një sfidë shumë e luftuar, me vendasit që morën 3 pikët me fitoren 1-0. Aston Villa merr fitoren minimale ndaj Crystal Palace, me miqtë të cilët luajtën me një lojtar më pak nga minuta e 62’.

    Chelsea rikthehet te fitorja me Leeds United, duke dalë nga kriza e thellë ku ndodhej. Ekipi i Potter fitoi me rezultatin minimal 1-0, me golin e vetëm të kësaj sfide që erdhi në minutën e 53’ nga Fofana. Ndeshja ishte shumë e luftuar nga të dyja anët, por në fund “Blutë”e Londrës ia dolën të merrnin pikët e plota, ndërsa aktualisht renditen në vend të 10-të me 34 pikë. Nga ana tjetër Leeds United renditet në vend të 17-të me 22 pikë.

  • 4 mars 1989/ Anglia vinte për herë të parë në Tiranë, ja rezultati me Kombëtaren shqiptare

    4 mars 1989/ Anglia vinte për herë të parë në Tiranë, ja rezultati me Kombëtaren shqiptare

    Mars 1989, në Tiranën e lodhur nga varfëria, do të zbrisnin shpikësit e futbollit. Ardhja e kombëtares së Anglisë, ishte një ngjarje e madhe për shqiptarët e izoluar dhe të mbyllur. Ndeshja zhvillohej në kuadrin e eliminatoreve të Kampionatit Botëror “Itali ‘90”.

    Ishte hera e parë që kombëtarja angleze vinte në Tiranë dhe kjo ngjarje e madhe u përjetua me mjaft interes. Njerëzit mbushën sheshin “Skënderbej”, me dëshirën e madhe për të parë nga afër apo për të marrë një autograf nga lojtarët e anglezë. Rezultati teknik i ndeshjes u fiksua në shifrat 2-0 dhe ballafaqimi nuk pati shumë histori. Nga një gol për pjesë, shënuar nga Barns dhe Robson.

  • Cristiano Ronaldo fiton edhe kur fle gjumë! Paga e çmendur që përfiton në Arabi

    Cristiano Ronaldo fiton edhe kur fle gjumë! Paga e çmendur që përfiton në Arabi

    Një rrogë faraonike, ose më saktë një sheik, është termi më i përdorur, për të matur me pak fjalë atë që Cristiano Ronaldo e percepton në aventurën e tij te Al-Nassr. Por për të shkuar në detaje, shifrat e fituara nga ylli portugez janë të bujshme. Nëse CR7 në fakt fiton rreth 200 milion dollarë në vit (për dy sezone), rrjedh se paga mujore është rreth 16.6 milion dollarë.

    Arritja deri në fund të muajit për Ronaldon, pra, nuk duhet të jetë problem. Por jo edhe për … fundin e ditës, duke pasur parasysh që llogaria aktuale e Cristiano regjistron +548,000 dollarë çdo ditë. Cristiano Ronaldo merr çdo orë (përfshirë orë të gjumit, natyrisht!), 22.833 dollarë. Për të bërë një krahasim tjetër, në Itali, sipas të dhënave të fundit të INPS, 18.4% e punëtorëve janë nën pragun e 9 euros në orë. E gjithë kjo është e barabartë me Cristiano Ronaldo me 380 dollarë në orë.

  • Aksidenti mes trenave në Greqi, gjendet i vdekur futbollisti i njohur (EMRI)

    Aksidenti mes trenave në Greqi, gjendet i vdekur futbollisti i njohur (EMRI)

    Sulmuesi 22-vjeçar grek Iordanis Adamakis është identifikuar mes viktimave të aksidentit tragjik të trenave në Greqi.

    Adamakis e nisi karrierën e tij në Kavala, më pas luajti për Rodos dhe së fundmi Thesprotos në SL2. Rodos do ta emërojë dhomën e zhveshjes me emrin e Iordanis Adamakis për të nderuar kujtimin e tij

    Të paktën 57 persona kanë humbur jetën nga përplasja fatale mes një treni udhëtarësh dhe një treni mallrash një ditë më parë në Larisa, Greqi. Sipas mediave greke bëhet fjalë për 130 të lënduar dhe 66 persona që po marrin mjekim në spital. 6 prej tyre janë në gjendje të rëndë.

  • Paralajmërimi i frikshëm për Messin, agresorët ia bëjnë “shoshë” supermarketin e vjehrrit dhe i lënë mesazhin: Ne po të presim…

    Paralajmërimi i frikshëm për Messin, agresorët ia bëjnë “shoshë” supermarketin e vjehrrit dhe i lënë mesazhin: Ne po të presim…

    Kërcënim ndaj Lionel Messit. Një supermarket që i përket familjes së Antonella Roccuzzo (gruaja e argjentinasit), është sulmuar me armë zjarri në mëngjesin e së mërkurës në qytetin Rosario. Sipas raportimeve të mediave lokale, agresorët do të kishin lënë një shënim me një kërcënim të drejtpërdrejtë për vetë Messin.

    Mesazhi i drejtpërdrejt është lënë para supermarketit familjar të Antonella Roccuzzo. I përmendet edhe kryetarit të qytetit të Rosarios, Pablo Javkin: “Messi po të presim. Javkin është narko, nuk do të të mbrojë”.