Sot bëhen dy vjet nga vrasja e Konstantinos Katsifas nga forcat RENEA pas të shtënave të vazhdueshme të tij në fshatin Bularat, duke refuzuar të dorëzohej.
Gazeta greke “Protothema” shkruan se 35 vjeçari humbi jetën në rrethana të paqarta, për shkak siç shkruan gazeta për “mbrojtjen e të drejtës së tij për të deklaruar me krenari origjinën dhe për të ngritur flamurin grek”.
Gazeta shkruan se dy vite pas vdekjes skadon edhe afati dyvjeçar i parashikuar nga ligji për hetimin gjyqësor të çështjes.
“Sidoqoftë, jo vetëm që ky proces nuk ka përfunduar me lëshimin e një raporti për vrasjen e Katsifas”, shkruan gazeta, duke shkruar se dosja rrezikon të mbyllet edhe nga prokuroria.
“Në thelb për 24 muaj, Tirana po luan jo vetëm me familjen e viktimës, por edhe Athinën, e cila ka kërkuar në mënyrë të përsëritur përfundimin e procesit dhe lëshimin e raporti përfundimtar për 35-vjeçarin, i cili gjithashtu kishte shtetësinë greke”- shkruan gazeta.
Shtatorin e kaluar, Kryeministri Kyriakos Mitsotakis i kishte kërkuar homologut të tij shqiptar – gjatë vizitës së tij në Athinë – për përfundimin e shpejtë të procedurave dhe lëshimin e një raporti përfundimtar mbi vrasjen e Katsifas. Në përpjekje për të justifikuar amullinë, Edi Rama kishte përmendur dorëheqjet e vazhdueshme të Prokurorëve që kishin dosjen në duar.
Avokati i familjes së Katsifas, z. Efthymios Navridis , deklaron se nëse çështja mbyllet, do të ketë një ankesë në Gjykatën Evropiane të të Drejtave të Njeriut (GJEDNJ). “Prokuroria shqiptare ka shteruar gjithë kohën dhe tani mundësia e përfshirjes së çështjes në dosje është e dukshme. Lëvizja tjetër do të jetë ankesa e familjes në Gjykatën Evropiane të të Drejtave të Njeriut“, thotë z. Navridis.
