Lajmet e fundit | Klikoje.al

Tag: takim

  • “Nuk ka rëndësi vota”/ Kryemadhi takim me gratë: Rama bën pazar me vendin. Ja pse 25 prilli është një ditë e rëndësishme

    “Nuk ka rëndësi vota”/ Kryemadhi takim me gratë: Rama bën pazar me vendin. Ja pse 25 prilli është një ditë e rëndësishme

    Për kryetaren e LSI-së, Monika Kryemadhi nuk ka rëndësi vota, por rritja e mirëqenies së qytetarëve dhe ndalimi i shpopullimit.

    Gjatë një takimi me gra dhe vajza në qytetin e Durrësit, Kryemadhi kërkoi më shumë angazhim të tyre në politikë.

    “Për mua nuk ka rëndësi vota, sesa mirëqenia në familjet tuaja. Për mua nuk ka rëndësi vota, sesa ndalimi i shpopullimit. Sot një nga plagët që kemi është largimi i të rinjve dhe të rejave. Takova gratë naftëtarë në Fier dhe paradoksi më i madh që ndodhte në Ballsh ishte se më shumë se 20 muaj atyre nuk i ishin paguar pagat dhe nëse nuk paguanin energjinë apo ujin, ato i ndërpriteshin brenda dy ditësh. Strabizimi i sjelljes së politikës karshi qytetarëve është e jashtëzakonshme.

    Ne duam ti japim Durrësit imazh të ri, jo imazh politik, por një imazh të duhur. Neë duam që përfshirja tuaj mos jetë politike, por edhe në vendimmarrje. Ajo që duam është jo thjesht për të kërkuar votën për LSI, por duke na dhënë ide si të realizojmë një plan për zhvillimin e qytetit të Durrësit”, u shpreh Kryemadhi.

    Kryemadhi tha se 25 prilli është një ditë e rëndësishme për të gjithë qytetarët, pasi duhet të votojnë kundër një të keqe, që sipas saj është Edi Rama.

    “25 prilli është një ditë e domosdoshme për të bashkëbiseduar me çdo qytetar dhe për të votuar kundër Edi Ramës dhe sektit të tij që është kthyer në një elem3ent grabitës. Një shtet i dobët çon drejt inekzistencës një komb.

    Një kryeministër që bën Pazar me vendin, me kufijtë me jetën e qytetarëve nuk është më kryeministër, por një sharlatan që duhet larguar një orë më parë”, u shpreh Kryemadhi.

  • Rama zbarkon në Vlorë, takime me drejtorët dhe asamblenë e socialistëve/ Ja çfarë pritet në orën 15:00

    Rama zbarkon në Vlorë, takime me drejtorët dhe asamblenë e socialistëve/ Ja çfarë pritet në orën 15:00

    Kryeministri Edi Rama ditën e sotme do të mbajë një mbledhje në qytetin e Vlorës, ku do zhvillijë takime me drejtorët e qytetit dhe asamblenë e Partisë Socialiste në Vlorë.

    Takimi pritet të zhvillohet në orën 15:00. Temat që pritet të diskutohen do jenë në fokus të zgjedhje parlamentare që do mbahen me 25 Prill.

  • Mjekët takim me kryeministrin Rama, këto janë katër kërkesat drejtuar qeverisë. Nga “Dëshmor Atdheu” për stafin mjekësor që humbën jetën te…

    Mjekët takim me kryeministrin Rama, këto janë katër kërkesat drejtuar qeverisë. Nga “Dëshmor Atdheu” për stafin mjekësor që humbën jetën te…

    Një grup prej katër mjekësh kanë zhvilluar një takim me kryeministrin Edi Rama paraditen e sotme, duke i paraqitur disa kërkesa.

    Mjekët kërkojnë plotësimin e të gjitha kushteve nga ana e qeverisë.

    Ata kërkojnë gjithashtu që të gjithë mjekët që humbën jetën nga përballja me koronavirusin të shpallen dëshmor të atdheut.

    Një tjetër kërkesë është rritja e pagave të tyre si dhe të bëhet sigurimit i personelit mjekësor.

  • Ndryshimet kushtetuese/ Aleatët e Bashës mblidhen në selinë blu, ja kur zhvillohet takimi

    Ndryshimet kushtetuese/ Aleatët e Bashës mblidhen në selinë blu, ja kur zhvillohet takimi

    Nderkohe qe Kuvendi i Shqiperise do te votoje sot ndryshimet kushtetuese, e pak pasi Opozita e Bashkuar, doli me apel te forte per PS-se per te mos bere ndryshime te njeanshme te Kushtetutes, aleatet e Bashes mblidhen ne seline blu.

    Takimi i kryedemokratit Basha dhe aleateve te tij do te zhvillohet ne oren 12:30, e pas kesaj, pritet qe kreu i PD-se te dale me nje deklarate per mediat.

    Kujtojme se mengjesin e sotem, nje dite pas deshtimit te takimit ne Keshillin Politik, në përpjekjen e fundit për të gjetur konsensusin në ndryshimet kushtetuese që prishin rregullat e garës në zgjedhjet e ardhshme, Opozita e Bashkuar iu drejtua me nje apel Partise Socialiste. 

    DEKLARATA Opozita e Bashkuar dënon braktisjen e dialogut në Këshillin Politik nga Partia Socialiste gjatë mbledhjes së djeshme. Pavarësisht vullnetit tonë për të vijuar rrugën e dialogut dhe shqyrtimit në mirëbesim të propozimit tonë për konsensus, duke i qëndruar Marrëveshjeve të 5 Qershorit dhe 14 Janarit, Partia Socialiste zgjodhi rrugën e braktisjes së dialogut dhe të ecjes drejt akteve të njëanshme që dhunojnë këto marrëveshje politike të nënshkruara mes palëve.

    Opozita edhe në mbledhjen e djeshme tregoi përgjegjshmëri dhe seriozitet duke paraqitur propozimin konkret të kompromisit, për hapjen 100 % të listave të kandidatëve. Në 5 orë mbledhje, Partia Socialiste nuk dha asnjë arsye për refuzimin e propozimit tonë, duke dëshmuar edhe njëherë mungesë vullneti për dialog.

    Ndryshimet e njëanshme kushtetuese shkatërrojnë konsensusin, thyejnë dhe zhbëjnë marrëveshjet e 5 Qershorit dhe të 14 Janarit të nënshkruara nga vetë Partia Socialiste, dhe sjellin pasoja të rënda për stabilitetin, demokracinë dhe integrimin europian të vendit.

    Njëanshmëria nuk është rruga demokratike për përcaktimin e rregullave të zgjedhjeve në një vend anëtar të OSBE-së. Njëanshmëria është rruga e autokratëve që i kanë braktisur qytetarët dhe kanë frikë nga vullneti qytetar. Njëanshmëria nuk është në interes të Shqipërisë dhe të shqiptarëve dhe as në përputhje me aspiratën e qytetarëve për Shqipërinë në Europë.

    Opozita e Bashkuar është e vendosur ti qëndrojë me besnikëri interesit të Shqipërisë dhe shqiptarëve. Dialogu politik është rruga e vetme për gjetjen e konsensusit. Asnjë akt i njëanshëm nuk është i detyrueshëm për Opozitën dhe aq më pak për qytetarët.

    Opozita e Bashkuar ripërsërit apelin për Partinë Socialiste, që të gjejë forcë dhe ti qëndrojë Marrëveshjeve që ka nënshkruar, duke hequr dorë nga aktet e njëanshme për ndryshimin e Kushtetutës dhe duke vijuar dialogun.

    Prishja e konsensusit, thyerja dhe zhbërja e marrëveshjeve që vetë ka nënshkruar, dhe tentativa për të prishur normalitetin e zgjedhjeve të ardhshme, janë provë e qartë e dëshpërimit nga humbja e pushtetit që ka kapur prej kohësh lidershipin e Partisë Socialiste.

  • Basha në Kosovë: Kur të bëhem kryeministër do të heq tarifën në Rrugën e Kombit

    Basha në Kosovë: Kur të bëhem kryeministër do të heq tarifën në Rrugën e Kombit

    Kryetari i Partisë Demokratike Lulzim Basha po zhvillon një vizitë dy ditore në Kosovë pas ftesës nga kryeministri Avdullah Hoti. Basha do të takohet me drejtuesit më të lartë të shtetit dhe politikës së Kosovës, i shoqëruar nga Edi Paloka, nënkryetar i PD-së. Sot ai do të zhvillojë një takim me Hotin, më pas me presidentin  e Kosovës Hashim Thaçin, si edhe me kryetarin e Lëvizjes Vetëvendosje Albin Kurtin e Ramush Haradinajn. Ndërsa nesër, Basha do të takohet me Kryetarin e Komunës së Prishtinës Shpend Ahmeti dhe me Kryetarin e Komunës së Mitrovicës Agim Bahtiri. Basha do të zhvillojë homazhe pranë varrit të Presidentit Ibrahim Rugova, varrit të Isa Boletinit në Boletin, si dhe do të zhvillojë homazhe te Memoriali i Jasharëve në Prekaz.

    Axhenda e plotë e Lulzim Bashës në Kosovë:
    Të hënën më 20 Korrik 2020, Kryetari Basha do të takohet me:
    Ora 11.00- Takim me Kryeministrin Avdullah Hoti
    Ora 12.00 -Takim me Presidentin Hashim Thaçi
    Ora 13.00- Takim/drekë pune me Kryetarin e Lëvizjes Vetëvendosje Albin Kurtin
    Ora 15.00- Takim me Kryetaren e Kuvendit Vjosa Osmani
    Ora 16.00- Takim me Ramush Haradinaj, Kryetari i AAK
    Ora 17.00 – Takim me Fatmir Limaj, Kryetari i Partisë Nisma për Kosovën 
    Ora 17:45 – Takim me drejtuesit e LDK-së       
    Ora 18:30 – Takim me drejtuesit e PDK-së

    Lulzim Basha pas takimit me kryeministrin e Kosovës, Hoti kanë zhvilluar një konferencë për mediat. Kryetari i PD-së premtoi se nëse vjen në pushtet një ndër vendim e para që do të marrë do të jetë heqja e tarifës së Rrugës së Kombit.

    “Një ndër vendimet e para që do të marrë si kryeministër do të jetë heqja e taksës dhe traut në Rrugën e Kombit. Një vendim i padrejtë që rrënon në ekonomi dhe ngadalëson shkëmbimin ekonomik. Vizita ime është paksa e vonuar, por vij pas një ftese të kryeministrit Hoti, por edhe presidentit Thaçi, Osmanit dhe krerëve të partive politike në Kosovë” tha ai.

  • Vuçiq pyet Hotin se a flet serbisht/ Ja si ia kthen Hoti…

    Vuçiq pyet Hotin se a flet serbisht/ Ja si ia kthen Hoti…

    Dje në Bruksel ka rifilluar procesi i dialogut i cili në vitin 2018 u ndërpre shkaku i vendosjes së taksës nga ana e Qeverisë së Kosovës që atë kohë udhëhiqej nga Ramush Haradinaj.

    Kryeministri Avdullah Hoti dhe presidenti serb Aleksandar Vuçiq u takuan dje në Bruksel me ndërmjetësimin e Bashkimit Evropian për të diskutuar rreth normalizimit të marrëdhënieve mes dy vendeve.

    Fillimisht përfaqësuesi i Lartë i BE-së për Politikë të Jashtme dhe Siguri, Joseph Borrell zhvilloi takime të ndara me Hotin e Vuçiqin e pastaj u mbajt takimi i përbashkët.

    Në pamjet e publikuara nga DW nga takimi i parë mes Hotit e Vuçiqit, presidenti serb pas përshëndetjes dëgjohet tek i thotë Hotit se “A di të flasësh serbishta vetëm e kupton”, dhe Hoti i drejtohet “e kuptoj”.

    Pas përfundimit të takimit, Hoti tha se është shënuar progres në kuadër të dialogut. Ai tha se në këtë takim është diskutuar për të pagjeturit dhe zhvillimin ekonomik.

    Në anën tjetër i dërguari i Posaçëm i Bashkimit Evropian për dialogun Kosovë-Serbi, Mirosllav Lajçak, paralajmëroi një raund të ri bisedimesh të nivelit të lartë mes Kosovës dhe Serbisë, në fillim të muajit shtator. 

  • “Dje në mesnatë mora një mesazh, shqetësimi ishte se vendi do ketë…”/ Presidenti Meta: Pa gdhirë mirë, i kërkova takim Bashës, ja përgjigja që mora

    “Dje në mesnatë mora një mesazh, shqetësimi ishte se vendi do ketë…”/ Presidenti Meta: Pa gdhirë mirë, i kërkova takim Bashës, ja përgjigja që mora

    Presidenti i vendit, Ilir Meta i ka kërkuar sot një takim kreut të PD-së Lulzim Basha, për të ditur mendimin e tij lidhur me ndryshimet kushtetuese për Kodin Zgjedhor.

    Kjo, nisur nga një mesazh që ka marrë kreu i shtetit nga ish kreu i KQZ-së Kristaq Kume.

    Në mesazhin e tij, Kume i drejtohet Presidentit me shqetësim se “çdo ndryshim kushtetuese i njëanshëm do të ishte një kosto shumë e rëndë për vendin”.

    “Sot në mëngjes, pa gdhirë mirë, i kërkova takim z.Basha për të parë a ishte i hapur për një ide të tillë. Ai më njohu me qëndrimin zyrtar të Partisë Demokratike dhe Opozitës së Bashkuar që është bërë publik dhe u është njoftuar dhe të gjithë partnerëve të shqetësuar për të ardhmen europiane të vendit tonë”, thotë Meta.

    DEKLARATA E PLOTE E PRESIDENTIT META:

    Dje në mesnatë mora një mesazh nga një intelektual i nderuar si Prof.Kristaq Kume. Shqetësimi i tij ishte se duhej bërë çdo përpjekje për të shmangur ndryshime kushtetuese të njëanshme sepse do të ishte një kosto shumë e rëndë për vendin.

    Ai sugjeronte se çdo ide për ndryshime nga Marrëveshja e 5 Qershorit duhet të shkonte përsëri në tryezën e Këshillit Politik.

    Sot në mëngjes, pa gdhirë mirë, i kërkova takim z.Basha për të parë a ishte i hapur për një ide të tillë. Ai më njohu me qëndrimin zyrtar të Partisë Demokratike dhe Opozitës së Bashkuar që është bërë publik dhe u është njoftuar dhe të gjithë partnerëve të shqetësuar për të ardhmen europiane të vendit tonë.

    Jam i bindur se ka kaq shumë intelektualë dhe qytetarë që ndajnë këtë shqetësim si të Prof.Kumes. Për këtë arsye po e ndaj me të gjithë ju këtë qëndrim tepër të përgjegjshëm dhe bashkëpunues të Opozitës së Bashkuar.

    PJESË NGA DEKLARATA E SEKRETARIT TË PËRGJITHSHËM TË PD, GAZMENT BARDHI

    Nëse Partia Socialiste është vërtet e interesuar për të rihapur diskutimin për çështje të tjera në lidhje me reformën zgjedhore, ajo është e obliguar nga Marrëveshja e 14 Janarit dhe nga Marrëveshja e 5 Qershorit ti parashtrojë ato për diskutime dhe vendimmarrje konsensuale në Këshillin Politik. Çdo diskutim i tillë, sipas Marrëveshjes, NUK mund të vonojë apo pengojë kodifikimin e Marrëveshjes së 5 Qershorit.

  • E akuzoi si tinëzar/ Mustafa e pret Ramën në Prapashticë

    Mediat kosovare raportuan mëngjesin e sotëm se takimi mes kryeministrit Edi Rama dhe kreut të Lidhjes Demokratike të Kosovës, Isa Mustafa nuk do të zhvillohej në zyrë, por në shtëpinë e Mustafës në Prapashticë.

    Pas takimit, Rama postoi një foto.

    “NË PRISHTINË – Me kryetarin e LDK, Isa Mustafa, i nderuar nga mikpritja në shtëpi ku mu dha rasti të njoh edhe familjen e tij të bukur”, ka thënë Rama.

    Por kryeministri shqiptar ka pasur disa përplasje të forta me Isa Mustafën, sikundër me shumicën e skenës politike në Kosovë.

    Përplasjet me Mustafën u regjistruan për shkak të Mini-Shengenit, kur Rama deklaroi fillimisht se ka biseduar për Mustafën për këtë çështje dhe e quajti politikan tinëzar.

    “Kryeministri Rama në T7 më cilësoi si politikan tinëzar. Unë nuk dëshiroj ta cilësoj, ashtu siç e meriton, sepse është Kryeministër i Shqipërisë. Por, në asnjë rast nuk kemi biseduar me të dhe me të tjerët për Minishengenin, sa isha Kryeministër. Kemi biseduar për Unionin Doganor të Vendeve të Ballkanit Perëndimor dhe për Tregun e Përbashkët të këtyre vendeve. Në emër të Kosovës i kam kundërshtuar në të gjitha takimet. I ka kundërshtuar edhe Mali i Zi. Jemi pajtuar në Procesin e Berlinit për Hapësirën e Përbashkët Ekonomike të Vendeve të Ballkanit Perëndimor”, tha Mustafa.

    Më pas, kur projekti i Mini-Shengenit u etiketua si Jugosllavia e re, Rama e sulmoi Mustafën duke thënë se “Kush flet për Jugosllavinë, mbase ka jetuar shumë gjatë në Jugosllavi”.

    Kurse Mustafa iu përgjigj duke thënë se “nuk ta uroj ta provosh Jugosllavinë”.

  • Gjunkshi: Lleshaj keqpërdori takimin në Dibër, gjuhë me kanabis në sy të vajzave të mitura

    Ish-deputeti demokrat, Xhemal Gjunkshi, ka denoncuar fjalimin e mbajtur nga ministri i Brendshëm Lleshaj, i cili në prani të fëmijëve sot në një takim në Dibër, foli për kanabis.

    ‘Sot në Dibër ishte Ministri i Brendshëm Sandër Lleshaj. Nuk ishte për mbrojtjen e rendit dhe sigurisë së qytetarëve të Republikës së Shqipërisë si mision i policisë së shtetit.

    Ishte më shumë si Ministër i Bujqësisë, pasi edhe vend takimi ishte në një pemtore me qershi…

    Në fakt foli dhe kërcënoi me “burg” qytetarët, policët, kryepleqtë që nuk do raportojnë kanabisin e mbjellë, a thua se nuk e dinë të gjithë se asnjë bimë nuk mbillet pa dijeninë, mbrojtjen e policisë.

    Një gjuhë të tillë mund t’jua kishin kursyer këtyre vajzave të vogla!

    Kërcënimet me burg, apo gjobat milionëshe të IKMT, shkatërrimet me fadroma, apo përdorimi i tritolit për ngjarje kriminale nuk ishte një diskutim i denjë për një takim me fëmijë.

    Gjithkush e sheh reagimin në shprehitë e fytyrës së tyre.

    Ky nuk ishte një takim për të drejtat e fëmijëve, inagurim shkolle apo policimi në komunitet, mund ta kishe kursyer Orkidean këtë “lule zonjën” dhe ato dy vajzat e vogla.

    Në konakun e burrave të Mirditës nuk besoj se ka vend për fëmijë, e në Dibër kur të fusin te konaku i “cullve” (fëmijëve) kuptoje se ku ke ra.

    Zoti Lleshaj para se të bësh propagandë para atyre pesë zyrtarëve që nuk kanë gojë të flasin, kërko llogari pse ato dronët që flisni në media nuk kontrollojnë luginën e Drinit nga ura e Topojanit deri në urën e Dodës ku lulëzon hashashi.

    Raporti i OKB që e rradhit Shqipërinë në vendin e 6 në botë për prodhimin e kanabisit ju nxjerr zbuluar, falë “propagandës” tuaj tashmë nuk mbillen vetëm kurorat e maleve por e gjithë lugina e Drinit.’