Tag: Sali Berisha

Ish kryeministri Sali Berisha ka folur në panelin e konferencës “Revolta e Spaçit, 50 vjet- kujtesë kundër harresës” për zgjedhjet lokale të 14 Majit.

Berisha u shpreh se sot Edi Rama nuk mund të vendosë diktaturë klasike ashtu si në kohën e etërve të tij, por shtoi se në shumë aspekte ai ka vendosur më të keqen e diktaturave me banda.

Ai tha se në zgjedhjet që u mbajtën ditën e dielë, banditët e qeverisë kërcënuan me jetë dhe u treguan tytën e revolës njerëzve të lirë për fajin e vetëm se donin të votonin të lirë.

“Sot, Edi Rama nuk mund të vendosë një diktaturë klasike, siç ishte diktatura e etërve të tij. Por, në shumë aspekte, ai ka vendosur në Shqipëri një lloj diktature, më të keqen e të gjitha diktaturave. Forma më e keqe e diktaturave është diktaturave e bandave, që ka një kryebandit.

Janë të freskëta ngjarjet e ditës së diel, kur banditë të qeverisë kërcënuan me jetë, u treguan tytën e revoles njerëzve të lirë, për fajin e vetëm se do votonin të lirë. Se po organizonin një proces, që është detyrim kushtetues. Më keq se në një diktaturë ideologjike, dita e diel dëshmoi një shkrirje të plotë të Policisë së Shtetit me bandat.

Nga Lezha, më vinin telefonatat, më dërgoheshin videot se si banditët kalonin nga Blinishti në një zonë tjetër, por gjithnjë të shoqëruar nga policia. Pra, u ndala në këtë koment për të theksuar se rikthimi i të drejtës së votës së lirë të qytetarëve shqiptarë është misioni i të gjitha misioneve sot, për të gjithë ata që besojnë se vota e lirë është origjina e të drejtës dhe ligjit, është e tregut të lirë, është themeli i lirive dhe dinjitetit.

Sot, krahas një farse zyrtare, shikoni se si propaganda dhe mediat janë në garë, se si të fshehin këtë farsë, se si ta maskojnë atë.

Nuk ka tipar më të qartë të një regjimi diktatorial të bandave se kjo që ndodh. Është rasti që të gjejmë frymëzim, është rasti të përmbushim detyrimet tona, përndryshe pas tetë vitesh do kenë ikur edhe 1 milion tjetër shqiptarë dhe nuk do merret vesh kush mbetet.

Edhe njëherë dua të shpreh nderimin tim më të thellë për heronjtë e Spaçit, për familjet e tyre dhe për të gjithë ata shqiptarë dhe familjet e tyre që kaluan në diktaturën komuniste kalvarin më të egër që Europa ka njohur ndonjëherë në regjimin, të cilin e krahasuan me të drejtë si regjimi i Hitlerit të Europës pas luftës”, tha Berisha.

Kryetari i koalicionit “Bashkë Fitojmë, Sali Berisha, ka hedhur akuza të forta gjatë një takimi elektoral me qytetarët në Fier.

Berisha tha se për bashkëshorten e Fatjon Durajt, kandidatit të PS-së për Patosin, është lëshuar një mandat arresti nga autoritetet shqiptare.

Ai pretendon se bashkëshortja e Durajt ka abuzuar me detyrën gjatë kohës që ka punuar në kadastrën e Sarandës dhe për t’i shpëtuar drejtësisë është arratisur në Londër.

“Çfarë është kandidati i Edi Ramës në Patos. Një burrë që e ka gruan në arrati për vjedhje. Po, po. E shoqja e tij ka punuar në kadastrën e Sarandës, është me mandat arresti nga ky shtet. Ajo është në Londër, por i paguan me valixhe eurot Edi Ramës dhe i emëron burrin për kryetar bashkie të Patosit.

A ka fyerje më të madhe se kjo? A ka krim më të shëmtuar se kjo? Ajo është një kriminele, që nuk vjen të paraqitet para drejtësisë, që shpërblehet duke i emëruar burrin kandidat për kryetar bashkie në Patos. Po pse? Patosi nuk paska një socialist, pa marrë një njeri nga laboratorët e mafias”, theklsoi ish-kryeministri.

Ish kryeministri Sali Berisha në një deklaratë për mediat, referuar sondazheve thotë se ka tre tipare që e përshkruajnë kreun aktual të bashkisë Erion Veliaj, hajdut, gënjeshtar dhe fals.

Për këtë arsye, Berisha shprehet se Rama ka vendosur që në postera të shfaqet vetë pasi sipas tij shqiptarët e dinë se kush është Erion Veliaj, dhe kandidatët e tij. 

“I garantoj se, opozita shqiptare dhe PD do bëjnë gjithçka që këta kriminelë elektoralë të marrin ndëshkimin e merituar.

Njëkohësiht i ftoj të marrin parasysh se entuziasmi se elektrizimi i krijuar sot në shoqërinë shqiptare nga kandidatura e primareve në mbarë vendin ka kall tmerr shpirtëror si tek kandidatët e bodrumit, e mafies, grupeve kiminale ashtu dhe tek vet Edi Rama, i cili në një akt të paprecedentë në historinë e zgjedhjeve me vetëdije se kandidatet e tij janë njerëzit më të deskredituar të shoqërisë ka pushtuar vetë të gjitha hapësirat komerciale të reklamave vetëm e  vetëm që ti vendosë në erreësirë ata.

Ai e di se dalja e fytyrës se Erion Velisë në Tiranë u kujton qytetarëve të Tiranës sipas polleve serioze tre tipare fatale,  hajdutin, gënjeshtarin, falsin.

Për herë të parë në 32 vite qytetarët shpallin fals një politika më shumë se 65% e tyre.

Të njëjtin politikan e hspallin vjedhës të korruptuar 67% e shapllin gënjeshtare 64 % e tyre.

Edi Rama pikërisht duke ditur se votohet për të dhe jo Veliaj zen hapsirën e reklamave me shpresë se mund të largojë mendimet e qytetarëve. Me këtë akt vetëm sa rëndon mëkatet e tij”, tha Berisha.

Sali Berisha u pyet nëse u ndje i zhgënjyer që njerëzit nuk pritën fjalimin e tij në çeljen e fushatës, nga gazetari Arian Çani.

Berisha u shpreh se demokratët u mërzitën nga koha e gjatë e qëndrimit në stadium dhe jo nga fjalimi i tij, ndaj dhe u larguan.

Ai tha se e bëri me qëllim këtë, pasi donte që të pranishmit të dëgjonin kandidatët për kryebashkiakë, pasi sipas tij, ata janë censuruar nga mediat.

Çani: A u ndjetë të zhgënjyer që njerëzit nuk pritën fjalimin tuaj?

Berisha: Absolutisht jo. Ai takim, qëllimi ishte që të shikoj kamerën që ata 15 kandidatë të qyteteve kryesore të kishin mundësinë që të adresoheshin në kamera. 

Unë ndoqa një model që nuk është ndjekur kurrë në Shqipëri. Unë shfrytëzova rastin që të ata të kishin kamera. Ata u mërzitën sepse kishin 5 orë aty.

Një model s’mund të krahasohet me një tjetër, ky model u zgjodh për herë të parë. Ishte zgjidhja ime nga censura që iu bëhet kandidatëve tanë. Ajo pamje madhështore që u hap takimi nuk ka ekzistuar më parë.