Paris Hilton ka vendosur që t’u kthejë përgjigje të gjithë njerëzve që e tallën në internet në lidhje me përmasat e kokës së djalit të saj, Phoenix. Sado jo normale të duket, njerëzit komentuan kokën e një bebe dhe për këtë arsye Paris u detyrua që të reagonte.
Mes shumë komenteve, pati edhe nga ato që e mbrojtën nënën e re. Paris komentoi, duke u shprehur: “Ka ca njerëz të sëmurë në këtë botë. Engjëlli im gëzon shëndet të plotë. E sigurisht që do të bëhet mjek, ka një tru të madh”.
Hilton publikoi edhe një deklaratë në “Instagram”, ku u shpreh: “Jetesa në vëmendjen e publikut i bën komentet të pashmangshme, por të merren me fëmijën time, ose me të kujtdo tjetër, është e papranueshme. Kjo më lëndon më shumë seç mund ta përshkruaj”.
Më pas shtoi: “Kam punuar shumë që të kultivoj një ambient që ka dashuri, respekt dhe pranim dhe pres të njëjtën gjë në këmbim”.
Paris vijoi: “Phoenix është bota ime dhe është bekimi më i madh në jetën time. Çdo ditë me të më kujton se cilat gjëra kanë vërtet rëndësi”, duke shtuar se shpreson që njerëzit ta trajtojnë njëri-tjetrin me më shumë mirësjellje dhe empati.
Paris dhe bashkëshorti i saj, Carter Reum, u bënë prindër në janar, përmes një nëne surrogate. Ajo dhe Carter u shprehën shumë të lumtur dhe gati për të nisur një aventurë dhe përvojë të re me bebushin Phoenix.
