Lajmet e fundit | Klikoje.al

Tag: ndeshja

  • Suedi – Sllovaki/ Ja cilat janë formacionet e mundshme

    Suedi – Sllovaki/ Ja cilat janë formacionet e mundshme

    Kombëtarja e Suedisë dhe ajo e Sllovakisë do të luajnë sot (e premte) mes vete në kuadër të Grupit E në Euro 2020.

    Suedia dhe Sllovaki do të ndeshen në një ndeshje të zjarrtë të raundit të dytë në Grupin E, takim që zhvillohet nga ora 15:00 në Gazprom Arena të Shën Petersburg.

    Sllovakia vjen nga një fitore e madhe ndaj Polonisë dhe synon të vazhdojë serinë për të siguruar kualifikimin.

    Në anën tjetër, Suedia barazoi në një derbi me Spanjën dhe synon të vazhdojë me rezultate pozitive për të kaluar tutje.

    Trajnerët e të dyja skuadrave pritet të startojnë me lojtarët më të mirë, ku te Suedia pritet të luajnë titullar yje si Emil Forsberg, Victor Lindelof dhe Alexander Isak, ndërsa te Sllovakia emra si Milan Skriniar dhe Juraj Kucka.

    Suedia: Olsen; Krafth, Lindelof, Danielson, Augustinsson; Claesson, Larsson, Olsson, Forsberg; Isak, Berg; 

    Sllovakia: Dubravka; Pekarik, Satka, Skriniar, Hubocan; Hrosovsky; Haraslin, Kucka, Hamsik, Mak; Duda; 

  • Inter – Juventus/ Ja formacionet e mundshme të Derby D’Italia

    Inter – Juventus/ Ja formacionet e mundshme të Derby D’Italia

    Interi është nikoqir i Juventusit në ndeshjen e njohur si Derby D’Italia e vlefshme për javën e 18-të në Serie A, takim që zhvillohet sot (e diel) me fillim nga ora 20:45.

    Nerazzurët kanë pothuajse një skuadër të plotë për të zgjedhur, përveç Danilo D’Ambrosio, Andrea Pinamonti dhe Matias Vecino të lënduar.

    Matteo Darmian është përsëri në dispozicion, por ndoshta vetëm nga stoli, pasi Achraf Hakimi dhe Ashley Young pritet të luajnë nga krahët.

    Lukaku dhe Lautaro do të jenë dyshja e sulmit, me Vidal të preferuar para Roberto Gagliardinit në mesfushën e zakonshme me Nicolo Barella dhe Marcelo Brozovic.

    Juventusit ende i mungon Matthijs de Ligt, Alex Sandro dhe Juan Cuadrado për shkak të COVID-19, me Paulo Dybala të dëmtuar për të paktën dy javë të tjera me një problem në ligamentin e gjurit.

    Duhet të bëhet një zgjedhje në mbrojtje midis Giorgio Chiellini dhe Merih Demiral, ndërsa Weston McKennie ndoshta nuk do të rrezikohet nga fillimi, duke i dhënë Adrien Rabiot fanellën e titullarit.

    Chiesa dhe Ramsey kanë lënë pas shqetësime dhe pritet të jenë në formacionin titullar së bashku me Rodrigo Bentancur dhe Gianluca Frabotta.

    Nuk ka alternativa të tjera përpara, duhet të jenë Morata dhe Ronaldo, duke dërguar Dejan Kulusevski në stol pas paraqitjes së tij mbresëlënëse në Coppa Italia kundër Genoas në mesjavë.

    Formacionet e mundshme

    Inter (3-5-2): Handanovic; Skriniar, De Vrij, Bastoni; Hakimi, Barella, Brozovic, Vidal, Young; Lautaro Martinez, R Lukaku

    Juventus (4-4-2): Szczesny; Danilo, Bonucci, Chiellini, Frabotta; Chiesa, Bentancur, Rabiot, Ramsey; Morata, Ronaldo

    Burimi: Telegrafi

  • Phil Foden le me “gojë hapur” tifozët me një lëvizje brilante/ Anglezi krahasohet me legjendën Zidane

    Phil Foden le me “gojë hapur” tifozët me një lëvizje brilante/ Anglezi krahasohet me legjendën Zidane

    Phil Foden prodhoi një moment magjie ndërsa tregoi të mërkurën një aftësi të jashtëzakonshme për Anglinë në ndeshjen kundër Islandës.

    Anglia fitoi thellë 4-0 ndaj Islandës në stadiumin Wembley në ndeshjen e tyre të fundit të grupeve në kuadër të Ligës së Kombeve.

    Foden shënoi dy herë në këtë përballje, ndërsa nuk hezitoi të tregonte edhe më shumë nga talenti i tij.

    Talenti i Manchester Cityt i la tifozët me ‘gojë hapur’ me një prekje madhështore për të ‘shkatërruar’ kundërshtarin Ari Freyr Skulason.

    Prekja apo lëvizja brilante e Foden i ‘çoi peshë’ mediat sociale, të cilat nuk hezituan ta krahasojnë edhe me legjendën Zinedine Zidane.

    Një përdorues i Twitter shkroi: “Kjo është fjalë për fjalë Zidane-esque”.

    “Kjo prekje Foden .. çfarë ke bërë tani”, shkroi një përdorues tjetër në Twitter, ndërsa të tjerë e vlerësuan lartë për talentin që posedon. 

    Burimi: Telegrafi

  • E PAPRITUR/ Tronditet Shqipëria, Hysaj me COVID-19 dhe humbet “finalen” me Bjellorusinë

    E PAPRITUR/ Tronditet Shqipëria, Hysaj me COVID-19 dhe humbet “finalen” me Bjellorusinë

    Kombëtarja shqiptare është tronditur më pak se 24 orë para ndeshjes me Shqipërinë. Futbollisti Elseid Hysaj ka rezultuar së fundmi pozitiv me koronavirus. Për rrjedhojë, mbrojtësi i krahut nuk do të luajë nesër ndaj bjellorusëve duke i shkaktuar trajnerit Reja dhe ekipit një shok të fortë psikologjik.

    Lajmi u konfirmua nga FSHF-ja në faqen zyrtare, ku bëhet gjithashtu me dije se pjesa tjetër e ekipit dhe stafit teknik të kombëtares kanë rezultuar negativ në tamponin e fundit të kryer.

    NJOFTIMI I FSHF-së:

    Mbrojtësi i Kombëtares, Elseid Hysaj, humbet ndeshjen ndaj Bjellorusisë pasi ka rezultuar pozitiv në testin e COVID-19.

    Zyra e shtypit në FSHF bën me dije se futbollisti është njohur me rezultatin e tamponit gjatë mbrëmjes dhe është karantinuar menjëherë.

    Njëkohësisht, njoftohet se të gjithë lojtarët e tjerë dhe stafi teknik i Kombëtares, të cilët i janë nënshtruar tamponëve sot (sipas protokollit një ditë përpara ndeshjes), kanë rezultuar negativë. Hysaj do ta kryejë karantinën në Shqipëri derisa të rezultojë negativ.

    Burimi: PANORAMASPORT.AL

  • Kosova me mungesa të mëdha për ndeshjen ndaj Sllovenisë/ Ekipit i bashkohet Valon Berisha

    Kosova me mungesa të mëdha për ndeshjen ndaj Sllovenisë/ Ekipit i bashkohet Valon Berisha

    Përfaqësuesja e Kosovës ka zhvilluar ndeshjen e parë në muajin nëntor, ku luajti miqësoren me Shqipërinë.

    Në takimin e zhvilluar në ‘Elbasan Arena’, kuqezinjtë u treguan më të fortë duke triumfuar me rezultat të ngushtë 2-1.

    Trajneri Bernard Challandes kishte publikuar listën me 27 futbollistë të grumbulluar, por disa prej tyre mungojnë nga kjo listë.

    Milot Rashica, Leart Paqarada nuk u grumbulluan fare shkaku se klubet e tyre Werder Bremen dhe St.Pauli nuk i dhanë leje.

    E në grumbullim munguan edhe Idriz Voca e Florent Muslija shkaku i lëndimeve.

    Por për ndeshjen ndaj Sllovenisë, Kosova përveç lojtarëve të lartëpërmendur do të ketë edhe mungesa tjera.

    Njëri nga mesfushorët më të mirë të Dardanëve, Herolind Shala mungon shkaku i kartonëve, ndërsa për të njëjtën arsyeje mungon edhe Benjamin Kololli që u ndëshkua me karton të kuq në fund të ndeshjes me Greqinë.

    Mungesë do të jetë edhe ajo e Betim Fazlijit që debutoi me Kosovën në miqësoren ndaj Shqipërisë, por që nuk ka drejtë loje në ndeshje zyrtare shkaku se ende nuk i është kompletuar dokumentacioni në FIFA.

    Pra për takimin ndaj Sllovenisë, Dardanët nuk kanë në dispozicion lojtarët si Herolind Shala, Benjamin Kololli, Milot Rashica, Leart Paqarada, Betim Fazliji, Florent Muslija e Idriz Voca.

    Por për këtë takim Dardanëve i është bashkuar edhe Valon Berisha i cili nuk luajti në ndeshjen ndaj Shqipërisë.

    Ndeshja mes Sllovenisë dhe Kosovës zhvillohet të dielën në stadiumin Stozice në Lubjanë me fillim nga ora 20:45.

     Burimi: Telegrafi

  • Partizani-Tirana/ Ja kur dhe ku do të luhet derbi i kryeqytetit

    Partizani-Tirana/ Ja kur dhe ku do të luhet derbi i kryeqytetit

    Java e 33-të vjen shumë shpejt për Partizanin dhe Tiranën, pasi të premten ata luajnë derbin e 157-të të kryeqytetit. Të kuqtë janë organizatorët e kësaj sfide, që sipas axhendës së publikuar nga federata takimi do të luhet në orën 20:45 në stadiumin “Air Albania” pa praninë e tifozëve.

    Një sezon më parë, pikërisht më 12 maj 2019, me fitoren 2-1 në derbin e fundit Partizani i drejtuar nga trajneri Skënder Gega arriti që matematikisht të kthente titullin kampion pas 26 viteve pritje. Me humbjen e djeshme ndaj Kukësit, bardheblutë kanë humbur mundësinë që të “hakmerren” ndaj të kuqve që të shpalleshin matematikisht kampionë në derbi.

    Pra, cilido qoftë rezultati i këtij takimi, nuk do të kemi festë titulli në përfundim. Madje, në këtë takim Partizani mund t’i stresojë bardheblutë, aq më shumë që fitorja kërkohet për të shlyer edhe turpin e 28 shkurtit, kur Tirana i mposhti në shifrat 5-1.